મોડલનો ઍક્સેસ શા માટે મર્યાદિત હોઈ શકે છે

તમને સૂચના મળી શકે છે કે મોડલનો તમારો ઍક્સેસ અથવા તેની ક્ષમતાઓ અસ્થાયી રૂપે મર્યાદિત કરવામાં આવી છે, અથવા મોડલ કે ઇન્ટેલિજન્સનો વિકલ્પ દેખાતો હોય પણ નિષ્ક્રિય હોય એવું બની શકે છે. આવું થવાનાં અનેક કારણો હોઈ શકે છે:

• પસંદ કરેલું મોડલ તેની મહત્તમ ક્ષમતા પર કામ કરી રહ્યું છે. કૃપા કરીને બીજું મોડલ અજમાવો: જો તમને આવો સંદેશ દેખાય, તો પછી ફરી પ્રયાસ કરો અથવા બીજું ઉપલબ્ધ મોડલ પસંદ કરો. સેવા સંબંધિત નોંધાયેલી સમસ્યાઓ માટે OpenAI સેવાની સ્થિતિનું પૃષ્ઠ તપાસો. કોઈ સમસ્યા નોંધાયેલી ન હોય છતાં પણ મોડલ અસ્થાયી રૂપે અનુપલબ્ધ હોઈ શકે છે.

• વર્કસ્પેસની પરવાનગીઓ: સંચાલિત વર્કસ્પેસમાં મોડલની ઉપલબ્ધતા વર્કસ્પેસનાં સેટિંગ્સ અને ભૂમિકા-આધારિત ઍક્સેસ નિયંત્રણો પર આધારિત હોઈ શકે છે. બીજા સભ્યને ઉપલબ્ધ મોડલ તમને ઉપલબ્ધ ન પણ હોય.

• વપરાશની મર્યાદા પૂરી થઈ છે: જો મોડલ કે ઇન્ટેલિજન્સનો વિકલ્પ હજી દેખાતો હોય પણ નિષ્ક્રિય હોય, તો તેની સાથે દેખાતો સંદેશ વાંચો. જો તેમાં જણાવેલું હોય કે તમે મર્યાદા સુધી પહોંચી ગયા છો અથવા મર્યાદા ફરી શરૂ થવાનો સમય બતાવેલો હોય, તો તે સમય સુધી રાહ જોઈને ફરી પ્રયાસ કરો અથવા બીજો ઉપલબ્ધ વિકલ્પ પસંદ કરો.

• સેવાની શરતોનું સંભવિત ઉલ્લંઘન: પ્લેટફોર્મના અનધિકૃત અથવા હાનિકારક ઉપયોગ જેવી અમારી સેવાની શરતો વિરુદ્ધની પ્રવૃત્તિ બદલ તમારું ખાતું તપાસ માટે ચિહ્નિત થઈ શકે છે.

• સુરક્ષા સંબંધિત ચિંતાઓ: વારંવાર નિષ્ફળ જતા પ્રવેશના પ્રયાસો અથવા અજાણ્યાં સ્થળોએથી ખાતામાં પ્રવેશ સહિતની શંકાસ્પદ પ્રવૃત્તિઓને કારણે ઉપલબ્ધ સુવિધાઓ અસ્થાયી રૂપે ઘટી શકે છે.

• ખાતામાં ફેરફારો અથવા જાળવણી: તમારા લવાજમ, યોજના અથવા ચુકવણીની માહિતીમાં તાજેતરમાં કરેલા ફેરફારો લાગુ કરવાની પ્રક્રિયા દરમિયાન અસ્થાયી મર્યાદાઓ આવી શકે છે.

સમસ્યા ઉકેલો

જો સમસ્યા સંચાલિત વર્કસ્પેસમાં થાય, તો પહેલાં ખાતરી કરો કે તમે ઇચ્છિત વર્કસ્પેસમાં છો અને વર્કસ્પેસના માલિકને સંબંધિત મોડલ વાપરવાની તમારી પરવાનગી તપાસવા કહો. વર્કસ્પેસની પરવાનગીઓ વપરાશની મર્યાદાઓ અને ખાતા પરના પ્રતિબંધોથી અલગ છે. વિગતો માટે જુઓ: ChatGPT Enterprise માટે ભૂમિકા-આધારિત ઍક્સેસ નિયંત્રણો.

1. રાહ જુઓ અને ફરી પ્રયાસ કરો: ક્ષમતાની મર્યાદાઓ અસ્થાયી હોઈ શકે છે. જો મોડલ તેની મહત્તમ ક્ષમતા પર કામ કરી રહ્યું હોય, તો થોડી મિનિટો રાહ જુઓ અને ફરી પ્રયાસ કરો. જો તમારે વહેલું કામ આગળ વધારવું હોય, તો બીજું ઉપલબ્ધ મોડલ પસંદ કરો.

2. શરતો અને નીતિઓ વાંચો: તમારી પ્રવૃત્તિઓ અમારી નીતિઓને અનુરૂપ છે તેની ખાતરી કરવા માટે અમારી શરતો અને નીતિઓ વાંચો. સંભવિત ઉલ્લંઘનોમાં આનો સમાવેશ થાય છે:

   • અનધિકૃત પક્ષો સાથે ખાતામાં પ્રવેશ માટેની વિગતો વહેંચવી.

   • હાનિકારક અથવા પ્રતિબંધિત પ્રવૃત્તિઓ માટે અમારી સેવાઓનો ઉપયોગ કરવો.

   • પ્લેટફોર્મનો દુરુપયોગ કરવાનો અથવા તેની ખામીઓનો ગેરલાભ લેવાનો પ્રયાસ કરવો.

3. તમારું ખાતું ફરી સુરક્ષિત કરો: તમારું ખાતું સુરક્ષિત કરો, પછી તપાસો કે ઍક્સેસ ફરી મળે છે કે નહીં. જો પ્રતિબંધો ચાલુ રહે, તો નીચે આપેલાં સમસ્યાનિવારણનાં પગલાં અનુસરો અથવા OpenAI સહાયનો સંપર્ક કરો.

   • તમારો પાસવર્ડ ફરી સેટ કરો.

   • દ્વિ-પરિબળ પ્રમાણીકરણ સક્ષમ કરો.

4. રાહ જુઓ અને પછી ફરી પ્રયાસ કરો: ક્યારેક ખાતામાં થયેલા તાજેતરના ફેરફારો, જાળવણીનું કામ અથવા ચાલુ સુરક્ષા સમીક્ષાઓને કારણે ઉપલબ્ધ સુવિધાઓ અસ્થાયી રૂપે ઘટી શકે છે. પછી ફરી પ્રયાસ કરો. જો ઍક્સેસ મર્યાદિત રહે, તો OpenAI સહાયનો સંપર્ક કરો.

OpenAI સહાય ટીમનો સંપર્ક કરો

જો તમે ઉપરનાં પગલાં પૂર્ણ કર્યાં હોય અને હજી પણ સમસ્યાઓ અનુભવતા હો, તો OpenAI સહાય ટીમનો સંપર્ક કરો.