ઘટનાની ગુણવત્તા સમજો અને સુધારો

ઘટનાની ગુણવત્તા તમને એ સમજવામાં મદદ કરે છે કે તમારા પસંદ કરેલા ડેટા સ્રોતમાંથી મળેલી રૂપાંતરણની માહિતી માપન માટે ઉપયોગી છે કે નહીં. દરેક પિક્સેલ અથવા ડેટા સ્રોતનું પોતાનું મૂલ્યાંકન હોય છે. તમારો ગુણાંક અને ચેતવણીઓ તમારી ગોઠવણીના કયા ભાગોની સમીક્ષા કરવી તે દર્શાવે છે. તે ઝુંબેશના પ્રદર્શનની આગાહી કરતાં નથી કે કોઈ રૂપાંતરણનો જાહેરાત સાથે મેળ બેસશે તેની ખાતરી આપતાં નથી.

ઘટનાની ગુણવત્તા સાત સંપૂર્ણ કૅલેન્ડર દિવસોના આધારે દરરોજ અદ્યતન થાય છે, જેમાં તાજેતરની ઘટનાઓ પહોંચવા માટે સમય આપવામાં આવે છે. તમારી ગોઠવણી બદલ્યા પછી ખાતરી કરો કે નવી ઘટનાઓ અપેક્ષા મુજબ આવે છે. અગાઉની ઘટનાઓ મૂલ્યાંકનના સમયગાળાની બહાર જતી જાય તેમ સુધારા ધીમે ધીમે દેખાઈ શકે છે. અદ્યતનીકરણમાં વિલંબ થાય તો નવું મૂલ્યાંકન ઉપલબ્ધ ન થાય ત્યાં સુધી તમારો અગાઉનો ઉપલબ્ધ ગુણાંક દેખાતો રહે છે.

ચેતવણીઓનો ઉપયોગ કેવી રીતે કરવો

તમારા પસંદ કરેલા ડેટા સ્રોતની ચેતવણીઓ ખોલો અને દરેક સમસ્યાની સમીક્ષા કરો. તમારા સંકલનમાં તમે ચકાસી શકો તેવી સમસ્યાઓથી શરૂઆત કરો, જેમ કે મેળ બેસાડવાની માહિતી ખૂટવી, સર્વરની ઘટનાઓ મોડી આવવી અથવા એક જ ઘટના વારંવાર નોંધાવી. તમારી ગોઠવણી બદલતાં પહેલાં કારણની તપાસ કરવા નીચેના માર્ગદર્શનનો ઉપયોગ કરો.

તમને શેર કરવાની પરવાનગી હોય તેવી માહિતી જ મોકલો અને વ્યક્તિની ગોપનીયતા તથા સંમતિ અંગેની પસંદગીઓનું સન્માન કરો. ગ્રાહકની વાસ્તવિક માહિતી અને વાસ્તવિક વ્યવસાયિક ક્રિયાઓનો ઉપયોગ કરો. ગુણાંક સુધારવા માટે વધારાની ઘટનાઓ મોકલશો નહીં, કાલ્પનિક ઓળખકો બનાવશો નહીં કે ઘટનાના સમય બદલશો નહીં.

ઈમેલ અથવા ગ્રાહક ઓળખકની માહિતી મર્યાદિત છે

આનો અર્થ: આ તપાસ માટે પાત્ર રૂપાંતરણ ઘટનાઓમાં અમને ઈમેલ અથવા સ્થિર ગ્રાહક ઓળખકની મર્યાદિત માહિતી જોવા મળી. આ ઓળખકો ઘટનાઓને યોગ્ય વ્યક્તિ સાથે જોડવામાં મદદ કરી શકે છે. નીચું પરિણામ પ્રક્રિયા અથવા સંકલનની સમસ્યા પણ દર્શાવી શકે છે, તેથી તમારું સંકલન ખરેખર શું મોકલે છે તેની સમીક્ષા કરો.

શું કરવું:

• ખાતરી કરો કે તમારી પાત્ર રૂપાંતરણ ઘટનાઓમાં તમારા સંકલનમાં સમર્થિત ક્ષેત્રો દ્વારા ઈમેલ સરનામું અથવા તમારો પોતાનો સ્થિર ગ્રાહક ઓળખક સામેલ છે.

• એક જ વ્યક્તિ માટે એક જ ગ્રાહક ઓળખક રાખો. અલગ અલગ લોકો માટે સહિયારો, કામચલાઉ કે પૂર્વનિર્ધારિત ઓળખક ફરી વાપરશો નહીં.

• તમારા સંકલનની માનકીકરણ અને હૅશિંગ માટેની સૂચનાઓ અનુસરો. જો તમે બ્રાઉઝર અને સર્વર બંને વાપરતા હો, તો બંને પરના અમલીકરણની તપાસ કરો.

• તમારા ગ્રાહકની સામાન્ય સફર દ્વારા પૂર્ણ થયેલા રૂપાંતરણનું પરીક્ષણ કરો અને ખાતરી કરો કે અપેક્ષિત ક્ષેત્રો હાજર છે.

જાહેરાત પરની ક્લિકની માહિતી ખૂટે છે અથવા તેને જોડી શકાતી નથી

આનો અર્થ: જાહેરાત પરની ક્લિક સાથે સંકળાયેલાં મૂલ્યાંકિત રૂપાંતરણોમાંથી કેટલાંકમાં તે જ ક્લિક સાથે જોડી શકાય તેવી ક્લિકની માહિતી નહોતી. આ તપાસમાં અમે મૂલ્યાંકન કરી શકીએ તેવાં ક્લિક સાથે સંકળાયેલાં રૂપાંતરણો આવરી લેવાય છે; તે જાહેરાત પરની દરેક ક્લિક કે દરેક ગ્રાહકની સફર માપતી નથી.

શું કરવું:

• કોઈ વ્યક્તિ જાહેરાત દ્વારા તમારી સાઇટ પર આવે ત્યારે oppref પરિમાણ જાળવો, જેમાં અન્ય પૃષ્ઠ પર આપમેળે મોકલાવા અને પૃષ્ઠો વચ્ચે જવાની પ્રક્રિયાનો પણ સમાવેશ થાય છે.

• જો તમે રૂપાંતરણ એપીઆઈ દ્વારા રૂપાંતરણો મોકલો છો, તો તે વ્યક્તિની સફરમાંથી મળેલી ક્લિકની માહિતી સર્વરની ઘટનામાં મોકલો.

• તમારા સમગ્ર માર્ગનું પરીક્ષણ કરો, જેમાં ટ્રૅકિંગ લિંક, અન્ય પૃષ્ઠ પર આપમેળે મોકલવાની પ્રક્રિયા, ખરીદી પૂર્ણ કરવાની પ્રક્રિયા અને બ્રાઉઝર તથા સર્વર વચ્ચેની કોઈ પણ આપલેનો સમાવેશ થાય છે.

• અન્ય વ્યક્તિની ક્લિકની માહિતી ફરી વાપરશો નહીં કે તેના બદલે પૂર્વનિર્ધારિત મૂલ્ય મૂકશો નહીં.

રૂપાંતરણ એપીઆઈની ઘટનાઓ મોડી આવે છે

આનો અર્થ: મૂલ્યાંકન કરેલી કેટલીક સર્વર ઘટનાઓ નોંધાયેલી ક્રિયાના ઘણા સમય પછી આવી હતી અથવા તેમના સમયનું યોગ્ય મૂલ્યાંકન થઈ શક્યું નહોતું. આ તપાસમાં ક્રિયા થયાના એક કલાકની અંદર ઘટના મળી છે કે નહીં તે જોવામાં આવે છે.

શું કરવું:

• વાસ્તવિક વ્યવસાયિક ક્રિયાની પુષ્ટિ થયા પછી તરત જ ઘટના મોકલો.

• નિયત સમયે થતા અપલોડ, કતારો, નિષ્ફળ વિનંતીઓ અને પુનઃપ્રયાસના વિલંબ તપાસો.

• ઘટના ફરી મોકલવાનો પ્રયાસ કરતી વખતે ક્રિયાનો મૂળ સમય જાળવો. તેના બદલે અપલોડનો સમય મૂકશો નહીં.

• તમારા સંકલનમાં સમયચિહ્નનું બંધારણ, એકમો અને ઘડિયાળની ગોઠવણી ચકાસો.

રૂપાંતરણના મેળની સમીક્ષા જરૂરી છે

આનો અર્થ: શ્રેય નિર્ધારણની તપાસ દરમિયાન રૂપાંતરણના કેટલાક સંભવિત મેળ દૂર કરવામાં આવ્યા હતા. આનાં કારણોમાં એક જ ક્રિયા માટે વારંવાર આવતા કૉલબૅક, સમયની અસંગતતા અથવા એક જ વાર જાહેરાત જોવાની ઘટના સાથે જોડાયેલા વધુ પડતા મેળનો સમાવેશ થઈ શકે છે. આનો અર્થ એ નથી કે મૂળ વ્યવસાયિક ઘટનાઓ કાઢી નાખવામાં આવી હતી કે અસરગ્રસ્ત દરેક ઘટના અમાન્ય હતી.

શું કરવું:

• ખાતરી કરો કે ઑર્ડરની પુષ્ટિ અથવા નોંધણી પૂર્ણ થવા જેવી વાસ્તવિક ક્રિયા પછી જ રૂપાંતરણ નોંધાય છે.

• એક જ ક્રિયા એકથી વધુ વાર મોકલાઈ શકે તેવાં વારંવાર પૃષ્ઠ લોડ થવા, ડુપ્લિકેટ ટૅગ, કૉલબૅક અને પુનઃપ્રયાસોની સમીક્ષા કરો.

• એક જ ક્રિયાની નકલો માટે, બ્રાઉઝર અને સર્વરની નકલો સહિત, એક જ ઘટના ઓળખક વાપરો; જુદી જુદી ક્રિયાઓ માટે જુદા ઓળખક વાપરો.

• ક્રિયાનું મૂળ સમયચિહ્ન જાળવો અને તમારા વ્યવસાયિક રેકોર્ડ સાથે કોઈ વિસંગતતા હોય તો તેની તપાસ કરો.

• ઘટનાઓ સચોટ હોવા છતાં ચેતવણી યથાવત્ રહે તો ડેટા સ્રોત, અસરગ્રસ્ત ઘટનાઓનાં નામ, તારીખનો ગાળો અને તમે કરેલી તપાસોની વિગતો સાથે સહાય ટીમનો સંપર્ક કરો.

ઘણાં રૂપાંતરણો જાહેરાત સાથેની એક જ ક્રિયાપ્રતિક્રિયા સાથે જોડાયેલાં છે

આનો અર્થ: અમે મૂલ્યાંકન કરી શકીએ તેવાં રૂપાંતરણો અસામાન્ય રીતે જાહેરાત પરની અમુક ક્લિક અથવા જાહેરાત જોવાયાની અમુક ઘટનાઓ પર કેન્દ્રિત છે. એક ક્રિયાપ્રતિક્રિયા પછી ગ્રાહક ખરેખર એકથી વધુ ક્રિયાઓ પૂર્ણ કરી શકે છે, તેથી માત્ર આ ચેતવણીથી ઘટનાઓ ડુપ્લિકેટ છે કે પ્રવૃત્તિ અમાન્ય છે તે સાબિત થતું નથી.

શું કરવું:

• પૃષ્ઠ લોડ થવાથી, ફરી લોડ થવાથી, કૉલબૅકથી કે પુનઃપ્રયાસથી એક જ વ્યવસાયિક ક્રિયા વારંવાર મોકલાય છે કે નહીં તે તપાસો.

• ખાતરી કરો કે જુદી જુદી ક્રિયાઓના ઘટના ઓળખક જુદા છે અને પુનઃપ્રયાસ વખતે મૂળ ઘટના ઓળખક જળવાઈ રહે છે.

• ગ્રાહકની સફરમાં નિર્ધારિત તબક્કે જ રૂપાંતરણ ઘટનાઓ નોંધાય છે કે નહીં તેની સમીક્ષા કરો.

• જો આ પેટર્ન ખરેખર વારંવાર થતી ખરીદી અથવા કેટલાંક માન્ય પગલાં દર્શાવે છે, તો તે ઘટનાઓ જાળવી રાખો અને સહાય ટીમને ચેતવણીની સમીક્ષા કરવા કહેતી વખતે આ વર્તનની વિગતો આપો.

મેળ બેસાડવા માટેની વધારાની માહિતી મર્યાદિત છે

આનો અર્થ: પાત્ર રૂપાંતરણ ઘટનાઓમાં મેળ બેસાડવા માટેની વધારાની માહિતી મર્યાદિત છે. આ તપાસમાં ફોનની માહિતી, નામ અને સ્થાનની માહિતી તથા ક્લાયન્ટના આઈપી સરનામા અને વપરાશકર્તા એજન્ટના સંયોજનને ધ્યાનમાં લેવામાં આવે છે. તે માહિતી ઉપલબ્ધ છે કે નહીં તે માપે છે, કોઈ વ્યક્તિ સાથે સફળતાપૂર્વક મેળ બેસાડાયો છે કે નહીં તે નહીં.

શું કરવું:

• ફોનની માહિતી ઉપલબ્ધ હોય અને શેર કરવા માટે પાત્ર હોય ત્યારે, તમારા સંકલનમાં સમર્થિત ક્ષેત્ર અને બંધારણનો ઉપયોગ કરીને તેને સામેલ કરો.

• નામ અને સ્થાનની માહિતી માટે, એક જ વ્યક્તિનું નામ, અટક, ટપાલ કોડ અને દેશ આપો. દસ્તાવેજોમાં જણાવેલી હૅશિંગ અને માનકીકરણની આવશ્યકતાઓ અનુસરો.

• સર્વરની ઘટનાઓ માટે, સમર્થન ઉપલબ્ધ હોય ત્યારે વાસ્તવિક ક્લાયન્ટનું આઈપી સરનામું અને વપરાશકર્તા એજન્ટ આગળ મોકલો. તેના બદલે તમારા સર્વરનું સરનામું કે સામાન્ય વપરાશકર્તા એજન્ટ મૂકશો નહીં.

• પાત્ર ઈમેલ અથવા સ્થિર ગ્રાહક ઓળખકની માહિતી પણ મોકલતા રહો.

મર્યાદિત પ્રકારની ઘટનાઓ જોવા મળી

આનો અર્થ: આ તપાસ માટે વપરાતા પ્રમાણભૂત ઘટના જૂથોમાં અમને મર્યાદિત પ્રવૃત્તિ જોવા મળી: બ્રાઉઝિંગ, વચગાળાની ક્રિયાઓ અને પૂર્ણ થયેલાં પરિણામો. અલગ અલગ વ્યવસાયોમાં ગ્રાહકની સફર અલગ હોય છે અને દરેક તબક્કો લાગુ પડતો નથી. આ તપાસ તમારી રૂપાંતરણ પ્રક્રિયાના તમામ તબક્કા સંપૂર્ણ છે કે નહીં તે ચકાસતી નથી.

શું કરવું:

• તમારા ગ્રાહકની સફરનાં વાસ્તવિક પગલાંની રૂપરેખા બનાવો અને તમારા વ્યવસાયને સંબંધિત તબક્કાઓ ઓળખો.

• લાગુ પડતી ક્રિયાઓ નોંધાય છે કે નહીં તે તપાસો, જેમ કે સામગ્રી જોવી; વસ્તુઓ ઉમેરવી, ખરીદી પૂર્ણ કરવાની પ્રક્રિયા શરૂ કરવી અથવા સંભવિત ગ્રાહકની વિગતો સબમિટ કરવી; અને ઑર્ડર પૂર્ણ કરવો, અજમાયશ શરૂ કરવી અથવા મુલાકાતનો સમય નક્કી કરવો.

• સમર્થિત પ્રમાણભૂત ઘટના કોઈ ક્રિયાને સચોટ રીતે દર્શાવતી હોય ત્યારે તેનો ઉપયોગ કરો. ઘટનાના પ્રકારોની વ્યાપકતાની આ ચોક્કસ તપાસમાં તમારી જરૂરિયાત મુજબ બનાવેલી ઘટનાઓ સામેલ નથી.

• પરીક્ષણ કરીને ખાતરી કરો કે દરેક ઘટના તેને અનુરૂપ ક્રિયા થાય ત્યારે જ નોંધાય છે. ચેતવણી દૂર કરવા માટે રૂપાંતરણ પ્રક્રિયામાં કૃત્રિમ તબક્કાઓ બનાવશો નહીં.

પિક્સેલ અને રૂપાંતરણ એપીઆઈની મર્યાદિત પ્રવૃત્તિ

આનો અર્થ: સમર્થિત પિક્સેલ એસડીકે અથવા રૂપાંતરણ એપીઆઈ માધ્યમોમાંથી અમને પૂરતી સ્વીકૃત પ્રવૃત્તિ જોવા મળી નથી, તેથી તેમના ઉપયોગનું સકારાત્મક મૂલ્યાંકન કરી શકાતું નથી. માત્ર સંકલન સ્થાપિત કરવાથી ઘટનાઓ આવી રહી છે તે સાબિત થતું નથી.

શું કરવું:

• તમારી ગોઠવણીમાં જ્યાં લાગુ પડતું હોય ત્યાં ચકાસો કે તમારું પિક્સેલ એસડીકે બ્રાઉઝરની ઘટનાઓ મોકલે છે અને તમારું રૂપાંતરણ એપીઆઈ સંકલન સર્વર પર પુષ્ટિ થયેલાં પરિણામો મોકલે છે.

• ખાતરી કરો કે વિનંતીઓ સ્વીકારવામાં આવે છે અને નિર્ધારિત ડેટા સ્રોત પર મોકલવામાં આવે છે.

• બંને માધ્યમો એક જ ક્રિયાની જાણ કરતાં હોય ત્યારે એક જ પિક્સેલ ઓળખક, ઘટનાનું નામ અને ઘટના ઓળખક વાપરો, જેથી નકલો ઓળખી શકાય.

• અલગ ક્રિયાઓ માટે અલગ ઘટનાઓ રાખો અને પરિણામો પ્રાપ્ત થાય તે પહેલાં તેમને મોકલશો નહીં.

બંને માધ્યમો વાપરવાથી એકબીજાને પૂરક માહિતી મળી શકે છે. માત્ર માધ્યમની પ્રવૃત્તિથી ઘટનાઓની જોડીઓ યોગ્ય રીતે બનાવાઈ છે કે બધી ઘટનાઓ નોંધાઈ છે તે ચકાસી શકાતું નથી.

ગોઠવેલા રૂપાંતરણ લક્ષ્ય માટે મર્યાદિત પ્રવૃત્તિ

આનો અર્થ: મૂલ્યાંકનના સમયગાળા દરમિયાન ઓછામાં ઓછા એક ગોઠવેલા રૂપાંતરણ લક્ષ્ય માટે બહુ ઓછી ઘટનાઓ મળી છે અથવા એક પણ ઘટના મળી નથી. આ ચેતવણી દેખાતી હોય ત્યારે પણ અન્ય લક્ષ્યો માટે સારી પ્રવૃત્તિ હોઈ શકે છે. આ તપાસ માટે પ્રાપ્ત ઘટનાઓમાં જાહેરાત સાથે મેળ ન બેસેલી ઘટનાઓ પણ સામેલ છે.

શું કરવું:

• અસરગ્રસ્ત લક્ષ્યની ઘટનાના નામ અને ગોઠવણીની તુલના તમારું સંકલન મોકલતી ઘટનાઓ સાથે કરો.

• ખાતરી કરો કે વાસ્તવિક ક્રિયા થાય ત્યારે ઘટના નોંધાય છે અને તાજેતરની ઘટનાઓ પ્રાપ્ત થાય છે.

• જૂનાં થઈ ગયેલાં અથવા તમે માપવા માંગતા હો તેવી ક્રિયાઓને હવે ન દર્શાવતાં લક્ષ્યોની સમીક્ષા કરો.

• જો ક્રિયા ખરેખર ભાગ્યે જ થતી હોય અથવા તાજેતરમાં માંગ ઓછી હોય, તો તેના પર નજર રાખવાનું ચાલુ રાખો. માત્ર ઓછી સંખ્યાથી ગોઠવણીમાં ખામી હોવાનું સાબિત થતું નથી.

ગુણાંક અથવા તપાસ કેમ અનુપલબ્ધ હોઈ શકે

કોઈ રૂપાંતરણ લક્ષ્યો ગોઠવેલાં નથી: ખાતરી કરો કે તમે માપવા માંગતા હો તે રૂપાંતરણ ક્રિયાઓ ગોઠવી છે અને તમારું સંકલન તેમને અનુરૂપ ઘટનાઓ મોકલે છે.

રૂપાંતરણ પ્રવૃત્તિ પૂરતી નથી: ઉપયોગી ગુણાંક નક્કી કરવા માટે તાજેતરની રૂપાંતરણ પ્રવૃત્તિ પૂરતી ન પણ હોય. તમારી ગોઠવણી ચકાસો અને વાસ્તવિક પ્રવૃત્તિ એકત્રિત થવા દો. આ સ્થિતિ શૂન્ય ગુણાંક કરતાં અલગ છે.

શ્રેય નિર્ધારણ માટે પૂરતા પુરાવા નથી: કેટલીક તપાસો માટે રૂપાંતરણ ઘટનાઓ અને જાહેરાત પરની ક્લિક અથવા જાહેરાત જોવાયાની ઘટનાઓ વચ્ચે ચકાસી શકાય એવા સંબંધો જરૂરી છે. આ પુરાવા હજી મર્યાદિત હોય ત્યારે પણ તમને ઘટનાઓ મળી રહી હોઈ શકે છે. આનો અર્થ એ નથી કે તમારા વ્યવસાયમાં કોઈ વાસ્તવિક રૂપાંતરણ થતાં નથી.

તપાસ માટે મર્યાદિત માહિતી: કોઈ ચોક્કસ તપાસ માટે વધુ પાત્ર ઘટનાઓ અથવા વધુ અવલોકન કરી શકાય તેવી પ્રવૃત્તિ જરૂરી હોઈ શકે છે. માહિતી ન હોય તો તેને નિષ્ફળ તપાસ ગણવામાં આવતી નથી અને તેના કારણે જાહેરાતકર્તા માટે આપમેળે ચેતવણી પણ દેખાતી નથી.

ડેટા પર પ્રક્રિયા હજી ચાલુ છે: પ્રથમ મૂલ્યાંકન તૈયાર થાય તે પહેલાં અથવા નવીનતમ મૂલ્યાંકન અધૂરું હોય ત્યારે ગુણાંક અનુપલબ્ધ હોઈ શકે છે. દૈનિક અદ્યતનીકરણમાં વિલંબ થવાથી જ હાલનો ગુણાંક દૂર થતો નથી. પ્રક્રિયા પૂર્ણ થયા પછી ફરી જુઓ. અનુપલબ્ધ સ્થિતિ યથાવત્ રહે તો સહાય ટીમનો સંપર્ક કરો.

ફેરફાર કર્યા પછી, સૌપ્રથમ એ જુઓ કે સંકલન હવે યોગ્ય ક્રિયાઓ અને માહિતી નોંધે છે કે નહીં. મૂલ્યાંકનનો સમયગાળો આગળ વધતાં ગુણાંક ધીમે ધીમે બદલાઈ શકે છે. કોઈ પણ ગુણાંક મેળ બેસાડવાની, શ્રેય નિર્ધારણની કે ઝુંબેશનાં પરિણામોની ખાતરી આપતો નથી.