Shopify માટેની ChatGPT જાહેરાત ઍપ તમારા Shopify સ્ટોરની ઉત્પાદન સૂચિ અને વાણિજ્યિક ઇવેન્ટનો ડેટા જાહેરાત મેનેજર સાથે જોડે છે. આનાથી તમે ChatGPT જાહેરાત વધુ ઝડપથી બનાવી શકો છો, ઇન્વેન્ટરીની માહિતી તમારા Shopify સ્ટોર સાથે સુસંગત રાખી શકો છો અને ઓછા મૅન્યુઅલ સેટઅપ સાથે ઝુંબેશનું પ્રદર્શન માપી શકો છો.

આ એકીકરણ હાલમાં અમેરિકામાં Shopifyના તમામ ગ્રાહકો માટે ઉપલબ્ધ છે અને ટૂંક સમયમાં એ દરેક જગ્યાએ ઉપલબ્ધ થશે જ્યાં ChatGPT જાહેરાત ઉપલબ્ધ છે.

શરૂ કરતાં પહેલાં, તમારે આની જરૂર પડશે: 

• સક્રિય Shopify સ્ટોર

• સક્રિય જાહેરાત મેનેજર ખાતું અથવા નવું ખાતું બનાવવા માટે જરૂરી માહિતી

• Shopifyમાં ઍપ ઇન્સ્ટૉલ અને સંચાલિત કરવાની પરવાનગી

• તમારું જાહેરાત મેનેજર ખાતું સંચાલિત કરવાની પરવાનગી

• તમારા જાહેરાત ખાતા માટે વેબસાઇટ, ઉદ્યોગ, દેશ, ચલણ અને સમય ઝોન

તમારું Shopify ખાતું ChatGPT જાહેરાત સાથે જોડો

• Shopifyમાં, Shopify માટેની ChatGPT જાહેરાત ઍપ ઇન્સ્ટૉલ કરો અથવા ખોલો.

• ‘ખાતું જોડો’ પસંદ કરો.

• હાલનું જાહેરાત મેનેજર ખાતું પસંદ કરો. જો તમારે ખાતું બનાવવું હોય, તો તમારી સંસ્થા, ખાતાનું નામ, વેબસાઇટ, ઉદ્યોગ, દેશ, ચલણ અને સમય ઝોનની પુષ્ટિ કરો.

• Shopify માટેનું OpenAI પિક્સેલ પસંદ કરો અથવા બનાવો.

• પાત્ર Shopify વાણિજ્યિક ઇવેન્ટ જાહેરાત મેનેજર સુધી મોકલી શકાય તે માટે પિક્સેલને જોડો.

• તમારી ઉત્પાદન ઇન્વેન્ટરી તમારા ChatGPT જાહેરાત ઉત્પાદન ફીડ સાથે સમન્વયિત થાય ત્યાં સુધી રાહ જુઓ. સમન્વયમાં લાગતો સમય સૂચિના કદ અને સિસ્ટમની સ્થિતિ પર આધારિત હોય છે.

• જાહેરાત મેનેજરમાં, ઉત્પાદન જાહેરાતો બનાવવા માટે સમન્વયિત ઉત્પાદન ફીડનો ઉપયોગ કરો.

ChatGPT જાહેરાત સાથેનું જોડાણ શું સમન્વયિત કરે છે

Shopify સાથેનું ChatGPT જાહેરાત એકીકરણ આને સમન્વયિત કરશે:

• ઉત્પાદન જાહેરાતો માટે ઉત્પાદન ઇન્વેન્ટરી અને સૂચિની માહિતી

• ઉત્પાદનની માહિતી અદ્યતન રાખવામાં મદદ કરતા સ્ટોર અપડેટ

• પ્રદર્શનને ટ્રૅક અને ઑપ્ટિમાઇઝ કરવા માટે Shopify માટે જોડાયેલા OpenAI પિક્સેલ મારફતે મળતી વાણિજ્યિક ઇવેન્ટ

Shopifyમાં ChatGPT જાહેરાત ઝુંબેશ બનાવો

• Shopifyમાં ChatGPT જાહેરાત ખોલો 

• ‘ઝુંબેશ બનાવો’ પર ક્લિક કરો.

• ઝુંબેશનું નામ, બજેટ, ઑપ્ટિમાઇઝેશન ઇવેન્ટ અને લક્ષ્યીકરણ દાખલ કરો.

• તમે ચલાવવા માંગતા હો તે જાહેરાતનો પ્રકાર પસંદ કરો—તમામ ઉત્પાદનો, એક ઉત્પાદન અથવા વેબસાઇટ.

• જાહેરાતમાં સામેલ કરવાનાં ઉત્પાદનો પસંદ કરો.

• જાહેરાતના પૂર્વાવલોકનની સમીક્ષા કરો. 

• ‘ઝુંબેશ બનાવો અને શરૂ કરો’ પસંદ કરો.

નોંધ: તમામ મુખ્ય સુવિધાઓ Shopifyમાં ઉપલબ્ધ છે, પરંતુ ઇચ્છે તો જાહેરાતકર્તાઓ જાહેરાત મેનેજરમાં વધુ સુવિધાઓનો ઉપયોગ કરી શકે છે. ઉદાહરણ તરીકે, તેઓ $25ના નિશ્ચિત વધારાને બદલે $28નું બજેટ સેટ કરી શકે છે.

ઝુંબેશનું એટ્રિબ્યુશન અને પ્રદર્શન જુઓ

• જાહેરાતનું એકંદર પ્રદર્શન જોવા માટે, Shopifyમાં ‘વિશ્લેષણ’ ટૅબ પર જાઓ અને તમારા પરિણામો જુઓ.

• વિગતવાર પ્રદર્શન જોવા માટે, જાહેરાત મેનેજર પર જાઓ અને ત્યાં ઝુંબેશોની સમીક્ષા કરો.

તમારું Shopify જોડાણ સંચાલિત કરો

Shopify જોડાણ સંચાલિત કરવા માટે, Shopify માટેની ChatGPT જાહેરાત ઍપમાં ‘સેટિંગ્સ’ ખોલો. ‘સેટિંગ્સ’માંથી તમે જોડાયેલા જાહેરાત મેનેજર ખાતાની સમીક્ષા કરી શકો છો, ઉત્પાદન ફીડ સંચાલિત કરી શકો છો અને જોડાયેલું પિક્સેલ અપડેટ કરી શકો છો.

Shopifyનું જોડાણ તોડો

Shopifyનું જોડાણ તોડવાથી તમારા સ્ટોરમાંથી આવતાં ભાવિ ઉત્પાદન અપડેટ બંધ થઈ જાય છે. જોડાણ તોડવાથી તમારું જાહેરાત મેનેજર ખાતું કે હાલની ઝુંબેશો કાઢી નાખવામાં આવતી નથી. જો હાલની ઝુંબેશો જોડાણ તોડેલા Shopify ઉત્પાદન ફીડ પર નિર્ભર હોય, તો તે થોભી શકે છે અથવા અપડેટ થવાનું બંધ થઈ શકે છે.

સમસ્યા નિવારણ

જો તમારા ઉત્પાદનો જાહેરાત મેનેજરમાં ન દેખાય:

• ખાતરી કરો કે Shopify ઍપ યોગ્ય જાહેરાત મેનેજર ખાતા સાથે જોડાયેલી છે.

• ખાતરી કરો કે ઉત્પાદન ફીડનું સમન્વય પૂર્ણ થયું છે.

• તમારા Shopify ઉત્પાદનો સક્રિય અને ઉપલબ્ધ છે કે નહીં તે તપાસો.

• ખાતરી કરો કે Shopify માટેનું OpenAI પિક્સેલ જોડાયેલું છે.

• સમન્વય પૂર્ણ થયા પછી જાહેરાત મેનેજરને રિફ્રેશ કરો.

• ખાતરી કરો કે તમે બ્રાઉઝર તરીકે Chrome અથવા Safariનો ઉપયોગ કરી રહ્યા છો.

જો સમસ્યા ચાલુ રહે, તો તમે જે જાહેરાત મેનેજર ખાતું જોડવાનો પ્રયાસ કરી રહ્યા છો તેની માહિતી સાથે ads-support@openai.comનો સંપર્ક કરો.