Ընդհանուր տեղեկություններ
OpenAI-ում մենք կարևորում ենք արհեստական բանականության առաջադեմ մոդելների մշակումն ու տարածումը՝ ի շահ բոլորի։ Մենք հասկանում ենք, որ այս մոդելները կարող են առանցքային դեր ունենալ ձեր բիզնեսում կամ լինել ձեր առօրյայի մի մասը, ուստի դրանց աշխատանքի ցանկացած խափանում կարող է դժգոհություն առաջացնել։
Մենք այստեղ ենք՝ ձեզ աջակցելու համար, սակայն նաև պետք է ապահովենք անվտանգ աշխատանքային միջավայր և չենք հանդուրժում վիրավորական վարքագիծը մեր աջակցության կապուղիներով հաղորդակցվելիս։ Վիրավորական վարքագիծը ներառում է, ի թիվս այլոց, նվաստացուցիչ կամ վիրավորական խոսքը, մարդկանց նկատմամբ բռնություն գործադրելու կամ գույքը վնասելու սպառնալիքները, կրկնվող անցանկալի վարքը և նմանատիպ այլ գործողություններ։
Բոլորի համար անվտանգ և կառուցողական միջավայր ապահովելու նպատակով վիրավորական կամ սպառնալից վարքագիծ դրսևորող օգտատերերի նկատմամբ կարող են կիրառվել հետևյալ և այլ միջոցները՝
Գրավոր կամ բանավոր նախազգուշացումներ
Աջակցության ծառայություններից օգտվելու հնարավորության սահմանափակում կամ դադարեցում
OpenAI-ի արտադրանքներից և ծառայություններից օգտվելու հնարավորության ժամանակավոր կամ մշտական դադարեցում
Վնաս պատճառելու իրական սպառնալիքների մասին հաղորդում իրավասու մարմիններին
Մենք պարտավորվում ենք տրամադրել բարձրակարգ աջակցություն և արձագանքել ձեր բոլոր հարցերին ու մտահոգություններին։ Եթե շարունակեք օգտագործել հետապնդող կամ անհարգալից խոսք, կարող է սահմանափակվել մեր աջակցության ծառայություններից օգտվելու, ինչպես նաև, հնարավոր է, ձեր հաշիվ մուտք գործելու հնարավորությունը։