GPT‑6 Astra-ի հիման վրա աշխատող GPT‑6 Pro-ն հասանելի է ChatGPT-ում՝ Pro $100, Pro $200, Business և Enterprise պլաններով։ Enterprise-ում հասանելիությունը կախված է նաև ձեր աշխատատարածքում մոդելների հասանելիության թույլտվություններից։ Plus պլանները ներառում են GPT‑6 Astra-ն ChatGPT Աշխատանք և Codex բաժիններում։

Ընդհանուր տեղեկություններ

ChatGPT Enterprise-ը բաժանորդագրության պլան է, որն առաջարկում է ձեռնարկությունների պահանջներին համապատասխան անվտանգություն և գաղտնիություն, հասանելիություն պլանով նախատեսված ընթացիկ մոդելներին, ներկառուցված գործիքներ՝ հավելվածներ, խորքային ուսումնասիրություն, տվյալների վերլուծություն, ֆայլերի վերբեռնում, կտավ, նախագծեր, որոնում, առաջադեմ ձայնային գործառույթներ և պատկերի գեներացում, անհատականացման հնարավորություններ և շատ ավելին։

Իմացեք, թե ինչպես կարող է ChatGPT-ն վերափոխել ձեր կազմակերպությունը։

Սակագներին ծանոթանալու համար տե՛ս կրեդիտներով հաշվարկվող սակագները կամ Enterprise-ի՝ թոքեններով հաշվարկվող սակագները՝ կախված ձեր պայմանագրից։ Վճարումների հաշվարկման սկզբունքների և կիրառման պայմանների մասին տե՛ս Վճարումների հաշվարկն ըստ թոքենների ChatGPT Enterprise-ում։

Enterprise-ում և Edu-ում մոդելների հասանելիությունը կառավարվում է աշխատատարածքի կարգավորումների և դերերի վրա հիմնված հասանելիության կառավարման (RBAC) միջոցով։ Ադմինիստրատորներն ու սեփականատերերը կարող են ստուգել հասանելիությունը աշխատատարածքի կարգավորումներում։ Անդամներին ցուցադրվող տարբերակները կարող են տարբերվել՝ կախված գործարկման փուլից և աշխատատարածքի կազմաձևից։

Մոդելները Աշխատանք և Codex բաժիններում

GPT-6 Sol-ը և GPT-6 Luna-ն մոդելներ են Աշխատանք և Codex բաժինների համար։ Դրանք հնարավոր չէ ընտրել ChatGPT-ի սովորական զրույցներում։ Գործարկման պահին նոր մոդելները լռելյայն անջատված են Enterprise և Edu աշխատատարածքներում։ Ադմինիստրատորը պետք է միացնի հասանելիությունը, որպեսզի անդամները կարողանան օգտվել դրանցից։ Յուրաքանչյուր անդամի հասանելիությունը որոշվում է աշխատատարածքի կարգավորումներով և նրան վերագրված դերերով։

Ձեր աշխատատարածքի կարգավորումներն են որոշում, թե որ տարբերակներն են ձեզ հասանելի։

Սահիչը ցույց է տալիս միայն ձեզ հասանելի մոդելներն ու դատողության տարբերակները։

Անդամին հասանելի մոդելները կախված են աշխատատարածքում մոդելների հասանելիության կարգավորումներից և նրան վերագրված դերերից։ Միացված տարբերակները տեսնելու համար ստուգեք մոդելի ընտրացանկը։ Եթե որևէ մոդել բացակայում է, ադմինիստրատորները կարող են օգտվել ստորև նկարագրված «Մոդելի ստուգում» գործիքից՝ ստուգելու անդամի հասանելիությունն ու այն որոշող կարգավորումները։

Այս հնարավորությունների մասին ավելին իմանալու համար տե՛ս ChatGPT Աշխատանք և Codex։

Մոդելի ընտրացանկը Զրույց բաժնում

Մոդելի ընտրացանկի պարզեցված կառավարիչներն օգնում են անդամներին ընտրել իրենց առաջադրանքին առավել համապատասխան հավասարակշռությունը արագության և դատողության խորության միջև։ Նկատի ունեցեք, որ ընտրացանկում ցուցադրվող մոդելների տարբերակները կախված են աշխատատարածքի կարգավորումներից և գործարկման փուլից։

• Ակնթարթային — Արագ պատասխաններ առօրյա աշխատանքի համար։ Հիմքում գործող մոդելը կարող է փոխվել նոր մոդելների գործարկմանը զուգահեռ։

• Միջին — Ստանդարտ դատողություն այն առաջադրանքների համար, որոնց դեպքում ավելի մանրակրկիտ վերլուծությունն օգտակար է։

• Հզոր — Ընդլայնված դատողություն ավելի բարդ, բազմաքայլ աշխատանքի համար։

• Գերհզոր — Դատողության հասանելի առավելագույն խորություն հատկապես բարձր պահանջներով առաջադրանքների համար։

• Ստանդարտ Pro — Pro մակարդակի տարբերակ՝ դատողության ստանդարտ խորությամբ, եթե հասանելի է։

• Ընդլայնված Pro — Pro մակարդակի տարբերակ՝ դատողության ավելացված խորությամբ, եթե հասանելի է։

iOS-ում և Android-ում ընտրացանկը ցուցադրվում է զրույցի վերևում։ Վեբ տարբերակում այն ցուցադրվում է հաղորդագրություններ կազմողում։

Ընտրացանկի պիտակները չեն փոխում հիմքում գործող մոդելները, համատեքստային պատուհանները, օգտագործման սահմանաչափերը կամ կիրառվող սակագները։ Կրեդիտներով հաշվարկվող աշխատատարածքների համար տե՛ս ChatGPT-ի սակագներ (Business, Enterprise/Edu՝ գնագոյացում ըստ կրեդիտների)։ Ըստ թոքենների՝ ԱՄՆ դոլարով վճարումների հաշվարկ նախատեսող Enterprise պայմանագրերի համար տե՛ս ChatGPT-ի սակագներ (Enterprise՝ գնագոյացում ըստ թոքենների)։

Դեպի դատողություն ավտոմատ ուղղորդման կառավարում

Enterprise-ի և Edu-ի ադմինիստրատորներին կարող են հասանելի լինել ավտոմատ ուղղորդման կառավարիչներ՝ Աշխատատարածքի կարգավորումներ > Մոդելներ բաժնում։ Հասանելի կառավարիչներն ու դրանց անունները կարող են տարբերվել՝ կախված աշխատատարածքից և գործարկման փուլից։

Այս կարգավորումը փոխելու համար՝

1. Անցեք Աշխատատարածքի կարգավորումներ բաժին։

2. Մոդելներ բաժնում ստուգեք ավտոմատ ուղղորդման հասանելի կառավարիչները։

Ավտոմատ ուղղորդումը կիրառվում է միայն այն դեպքում, երբ ընտրված զրույցի ռեժիմը հարցումն ուղղորդում է դեպի դատողություն։ Անդամները շարունակում են ունենալ իրենց համար միացված դատողության ցանկացած տարբերակ ընտրելու հնարավորություն։

Նշում անսահմանափակ հասանելիության մասին

ChatGPT Enterprise պլանն առաջարկում է գրեթե անսահմանափակ հաղորդագրություններ համապատասխան բազային մոդելների համար։  Մոդելների հասանելիությունն ու գրեթե անսահմանափակ հաղորդագրությունները չեն նշանակում անվճար օգտագործում։ Ըստ թոքենների՝ ԱՄՆ դոլարով վճարումների հաշվարկ նախատեսող Enterprise պայմանագրերի դեպքում օգտագործումը, այդ թվում՝ Ակնթարթային տարբերակի, վճարովի է՝ ձեզ համար կիրառվող սակագներով։  Այնուամենայնիվ, օգտագործումը պետք է համապատասխանի մեր Ծառայությունների մատուցման պայմանագրին, որը, ի թիվս այլ գործողությունների, արգելում է՝

• Չարաշահող օգտագործումը, օրինակ՝ տվյալների ավտոմատ կամ ծրագրային եղանակով դուրսբերումը։

• Ձեր հաշվի մուտքի տվյալներն ուրիշներին փոխանցելը կամ ձեր հաշիվն այլ անձանց հասանելի դարձնելը։

• Հասանելիությունը վերավաճառելը կամ ChatGPT-ն երրորդ կողմերի ծառայությունների աշխատանքն ապահովելու համար օգտագործելը։

Մենք ներդրել ենք չարաշահումները կանխելու պաշտպանիչ միջոցներ և մշտապես աշխատում ենք մեր համակարգերը բարելավելու ուղղությամբ։ Դրա շրջանակում երբեմն կարող է ժամանակավորապես սահմանափակվել ձեր օգտագործումը։ Նման դեպքերում մենք ձեզ կտեղեկացնենք։ Եթե կարծում եք, որ դա կարող է սխալմունք լինել, անպայման դիմեք մեր աջակցման թիմին։ Եթե կանոնները խախտող վարքագիծ չհայտնաբերվի, ձեր հասանելիությունը կվերականգնվի։

GPT-6 Astra-ի հասանելիության կառավարիչներ

Համապատասխան պայմանները բավարարող ChatGPT Enterprise և Edu աշխատատարածքներում GPT-6 Astra-ն գործարկման պահին լռելյայն անջատված է։ Աշխատատարածքի սեփականատերերը կարող են այն միացնել ամբողջ աշխատատարածքի կամ որոշակի դերերի համար՝ աշխատատարածքի կարգավորումներում մոդելների հասանելիության կառավարիչների միջոցով։

Մոդելների վաղ հասանելիության առկա կարգավորումները չեն տարածվում Astra-ի վրա։ Մոդելների վաղ հասանելիությունը միացնելն ինքնաբերաբար անդամներին Astra-ի հասանելիություն չի տալիս։

Եթե անդամը մոդելի ընտրացանկում չի տեսնում Astra-ն, ստուգեք մոդելների հասանելիության նրա թույլտվություններն ու նրան վերագրված բոլոր դերերը։ Հասանելիություն թույլատրող դերը կարող է այն միացված պահել, նույնիսկ եթե մեկ այլ դեր այն անջատում է։ Աշխատատարածքի լռելյայն մոդելը կարող եք ընտրել միայն ձեր աշխատատարածքին հասանելի մոդելներից։

Գործարկման պահին Astra-ի համար ադմինիստրատորների երկշաբաթյա նախնական փորձարկման ընթացակարգը հասանելի չէ։ Գործարկումից երկու շաբաթ անց հասանելիությունն ինքնաբերաբար չի միանա։

Մեկնարկային կամ լռելյայն մոդել ընտրելը հասանելիություն չի տալիս այն մոդելին, որից անդամն օգտվելու թույլտվություն չունի։ Դերերի կառավարման հարցում օգնության համար տե՛ս Դերերի վրա հիմնված հասանելիության կառավարիչներ ChatGPT Enterprise-ի համար։

Ստուգեք անդամին հասանելի մոդելները

Եթե անդամին հասանելի մոդելները տարբերվում են ձեր ակնկալածից, ադմինիստրատորները կարող են «Մոդելի ստուգում» գործիքով ստուգել, թե որ մոդելներից կարող է նա օգտվել, և որ կարգավորումներն են ազդում նրա հասանելիության վրա։

1. Բացեք Ադմինիստրատորի վահանակը և ընտրեք ChatGPT-ի աշխատատարածքը։

2. Բացեք Մոդելներ բաժինը, ապա ընտրեք Ստուգել։

3. Գտեք անդամին անունով կամ էլփոստի հասցեով։

4. Ստուգեք նրան փաստացի հասանելի մոդելները, աշխատատարածքի լռելյայն կարգավորումները, մոդելների թույլտվությունները, դերերն ու նախապատվությունները։

Արդյունքներն արտացոլում են պահպանված կարգավորումները։ Ստուգումը չի միացնում մոդելը, չի փոխում թույլտվությունները կամ օգտագործման սահմանաչափերը և չի շրջանցում անդամի օգտատեղի տեսակից, աշխատատարածքի պլանից կամ մոդելից օգտվելու պայմաններից բխող սահմանափակումները։

Արդյունքներով որոշեք, թե աշխատատարածքի կամ դերի որ կարգավորումը պետք է վերանայել։

Թույլտվությունների գործելու սկզբունքների մասին տե՛ս Դերերի վրա հիմնված հասանելիության կառավարումը ChatGPT Enterprise-ում։