Ի՞նչ պայմաններ են կիրառվում այս պրոմո կոդերի նկատմամբ։
Կիրառվում են OpenAI-ի ծառայությունների մատուցման պայմանները։ Օգտագործելով պրոմո կոդերը՝ դուք համաձայնում եք, որ դրանք պետք է օգտագործվեն նախատեսված լսարանի և նպատակի համար, չեն կարող կրկնօրինակվել, վաճառվել կամ փոխանցվել, կարող են ենթարկվել OpenAI-ի սահմանած լրացուցիչ պայմաններին, չեն կարող փոխանակվել կանխիկ գումարի, այլ կրեդիտների կամ միավորների հետ և կարող են սպառվել նախքան ձեր օգտագործելը։
Յուրաքանչյուր բաժանորդ կարող է օգտագործել միայն մեկ կոդ։ Կասկածելի չարաշահման կամ խարդախության դեպքում կամ գործող օրենսդրության պահանջները կատարելու նպատակով մենք իրավունք ենք վերապահում առանց գումարի վերադարձի հետ կանչել, դադարեցնել կամ չեղարկել պրոմո կոդերը, ChatGPT ծառայության ձեր օգտագործումը և/կամ ձեր հաշիվը։
Կախված ձեր օպերատորի հետ պայմանագրից՝ կարող են կիրառվել լրացուցիչ կանոններ։
Ովքե՞ր կարող են օգտվել այս ակցիայից։
Որոշ ակցիաներ նախատեսված են բացառապես ChatGPT-ի նոր բաժանորդների՝ նախկինում ChatGPT Go-ի, ChatGPT Plus-ի կամ ChatGPT Pro-ի բաժանորդագրություն երբևէ չունեցած անձանց համար, իսկ որոշ ակցիաներից կարող են օգտվել նաև ChatGPT-ի գործող բաժանորդները։ Ծանոթացեք արշավի մանրամասներին, քանի որ կարող են սահմանված լինել համապատասխանության այլ չափանիշներ։
Ինչպե՞ս ակտիվացնել պրոմո կոդը։
Ստացեք ձեր կոդը գործընկերոջից, օրինակ՝ SMS-ով կամ նրա պորտալի միջոցով։ Բացեք տրամադրված եզակի հղումը, մուտք գործեք կամ ստեղծեք ChatGPT-ի նոր հաշիվ։ Եթե համապատասխանում եք պահանջներին, կտեսնեք հաստատում։ Այնուհետև անցեք վճարման էջ, որտեղ զեղչը կկիրառվի ավտոմատ կերպով։
Իմ պրոմո կոդը չաշխատեց․ կարո՞ղ եք մեկ ուրիշը տրամադրել։
Ոչ, OpenAI-ն պրոմո կոդեր կրկին չի տրամադրում։ Մեկ այլ կոդ ստանալու համար դիմեք այն տրամադրած գործընկերոջ աջակցության ծառայությանը։
Ի՞նչ անել, եթե սխալի հաղորդագրության մեջ նշվում է, որ չեմ համապատասխանում պահանջներին։
Տարածված պատճառներից են՝ ChatGPT-ի գործող բաժանորդագրություն ունենալը (Go, Plus կամ Pro), նախկինում նման պրոմո առաջարկից օգտված լինելը, կոդի ժամկետի ավարտը կամ ձեր տարածաշրջանում կամ վճարման եղանակով ակցիայի անհասանելիությունը։ Եթե կարծում եք, որ սխալմամբ եք ստացել սխալի հաղորդագրությունը, մանրամասները ներկայացնելով՝ դիմեք հաճախորդների աջակցման ծառայությանը help.openai.com կայքում։
Կարո՞ղ եմ իմ պրոմո կոդը փոխանցել ընկերներիս կամ ընտանիքիս անդամներին։
Յուրաքանչյուր պրոմո կոդ նախատեսված է մեկ օգտատիրոջ համար և չի կարող փոխանցվել կամ վաճառվել կանխիկ գումարով։ Որոշ գործընկերներ յուրաքանչյուր բաժանորդի հաշվի համար տրամադրում են եզակի կոդ, ուստի միայն դուք կարող եք այն ակտիվացնել։ Լրացուցիչ մանրամասների համար ծանոթացեք ձեր գործընկերոջ ակցիոն նյութերին։
Վճարման ի՞նչ եղանակներ են ընդունվում։
Սովորաբար կարող եք վճարել ChatGPT Go-ի ստանդարտ վճարման եղանակներով՝ կրեդիտային կամ դեբետային քարտով կամ թվային վճարման որոշ տարբերակներով։ Որոշ ակցիաների դեպքում կարող եք վճարել Google Play Store-ի վճարման եղանակներով։ Որոշ ակցիաների դեպքում վճարման թույլատրելի եղանակները կարող են սահմանափակ լինել։ Ծանոթացեք գործընկերոջ տրամադրած տեղեկություններին կամ վճարման էջին։
ChatGPT Go-ի համար գումարն անմիջապե՞ս կգանձվի։
Յուրաքանչյուր ակցիայի պայմանները կարող են փոքր-ինչ տարբերվել։ Որոշ առաջարկներ սկսվում են անվճար փորձաշրջանով, մյուսները՝ զեղչված գնով, իսկ մի մասն էլ՝ ամբողջ գնով, որից հետո գործում է հատուկ առաջարկ։ Ծանոթացեք ձեր ակցիայի կոնկրետ պայմաններին։ Կախված արշավից՝ որոշ բաժանորդագրություններ ակցիայի ավարտից հետո ավտոմատ երկարաձգվում են ստանդարտ ամսական սակագնով, իսկ մյուսները չեն երկարաձգվում։ Ստուգեք ձեր արշավի մանրամասները և, եթե չեք ցանկանում շարունակել ավտոմատ երկարաձգվող բաժանորդագրությունը, չեղարկեք այն մինչև առաջին վճարման ամսաթիվը։
Կարո՞ղ եմ չեղարկել բաժանորդագրությունս մինչև ակցիայի ավարտը։
Այո։ Որոշ պրոմո առաջարկներ կարելի է ակտիվացնել կայքում և ցանկացած պահի չեղարկել՝ կայքում բացելով ձեր ChatGPT հաշվի կարգավորումները։ Որոշ պրոմո առաջարկներ կարելի է ակտիվացնել ChatGPT-ի բջջային հավելվածում և ցանկացած պահի չեղարկել՝ հավելվածում բացելով ձեր ChatGPT հաշվի կարգավորումները։ Եթե ակցիան անվճար էր, չեղարկելուց անմիջապես հետո կարող եք կորցնել հասանելիությունը։ Եթե ակցիան զեղչ էր տրամադրում, հասանելիությունը կպահպանվի ընթացիկ վճարված հաշվարկային շրջանի մնացած ժամանակահատվածում։ Չեղարկելուց հետո նույն պրոմո կոդը կրկին օգտագործել չեք կարող։ Չեղարկումից հետո բաժանորդագրության վերակտիվացումը չի վերականգնի ակցիոն գինը, նույնիսկ եթե կրկին բաժանորդագրվեք ակցիայի ընթացքում։ Ակցիայի ամբողջ տևողությունը պետք է օգտագործվի անընդմեջ ամիսների ընթացքում։
Որտե՞ղ կարող եմ լրացուցիչ օգնություն կամ աջակցություն ստանալ։
Այցելեք մեր Օգնության կենտրոն կամ ChatGPT-ի միջերեսում ընտրեք «Օգնություն և ՀՏՀ»։ Սխալների կամ օգնության անհրաժեշտության դեպքում հնարավորինս շատ մանրամասներ տրամադրեք։
Ի՞նչ է տեղի ունենում ակցիոն ժամանակահատվածի ավարտից հետո։
Կախված արշավի պայմաններից՝ որոշ բաժանորդագրություններ, եթե չեղարկված չեն, ամեն ամիս ավտոմատ երկարաձգվում են ChatGPT Go-ի ստանդարտ սակագնով, իսկ մյուսները չեն երկարաձգվում։ Եթե ձեր ակցիան նախատեսում է ավտոմատ երկարաձգում, իսկ դուք չեք ցանկանում շարունակել, չեղարկեք այն մինչև ակցիոն ժամանակահատվածից հետո առաջին վճարման ամսաթիվը։