Հրատարակիչների ՀՏՀ
Ինչպե՞ս կարող եմ ապահովել, որ իմ կայքը հայտնվի զննարկիչում ChatGPT-ի որոնման արդյունքներում։
Ցանկացած հանրային կայք կարող է հայտնվել ChatGPT-ի որոնման արդյունքներում։ Որպեսզի ձեր բովանդակությունը հնարավոր լինի գտնել, ցուցադրել, հստակ մեջբերել և դրան հղում տալ, հետևեք այս ուղեցույցներին.
Որպեսզի ձեր կայքի բովանդակությունն ընդգրկվի ChatGPT-ի ամփոփումներում և հատվածներում, համոզվեք, որ չեք արգելափակում OAI-SearchBot-ը։ Անհրաժեշտության դեպքում թարմացրեք ձեր robots.txt ֆայլը՝ OAI-SearchBot-ի հասանելիությունն ապահովելու համար։
Նկատի ունեցեք. եթե երրորդ կողմի որոնման մատակարարից կամ այլ էջեր զննելու միջոցով ստանանք արգելված էջի URL-ը և ունենանք ազդակներ, որ էջը համապատասխանում է օգտատիրոջ հարցմանը, ChatGPT Atlas-ում կարող ենք ցուցադրել միայն հղումն ու էջի վերնագիրը։
Եթե չեք ցանկանում, որ դա տեղի ունենա, օգտագործեք noindex մետաթեգը։ Նկատի ունեցեք. որպեսզի մեր սողացող ծրագիրը կարդա մետաթեգը, այն պետք է համապատասխան էջը կամ էջերը զննելու թույլտվություն ունենա։
OAI-SearchBot-ին իրենց բովանդակությունը հասանելի դարձնող հրատարակիչները կարող են Google Analytics-ի նման վերլուծական հարթակներով հետևել ChatGPT-ից ուղղորդված այցելություններին։ ChatGPT-ն ուղղորդման URL-ներում ավտոմատ ներառում է utm_source=chatgpt.com UTM պարամետրը՝ հնարավորություն տալով հստակ հետևել և վերլուծել ChatGPT-ի որոնման արդյունքներից եկող թրաֆիկը։
Արդյո՞ք ChatGPT Atlas-ն ուսուցանվում է իմ վեբէջի բովանդակությամբ։
Հրատարակիչները պետք է հնարավոր ուսուցումից բացառվող կայքերում և էջերում արգելափակեն GPTBot օգտատիրոջ ագենտը։ Մենք հաշվի ենք առնում այս ազդակը նաև Atlas-ում օգտատերերի փոխազդեցությունների միջոցով ստացված բովանդակության համար։
Նշում. եթե օգտատերերը համաձայնեն, որ իրենց տվյալներն օգտագործվեն ուսուցման համար, GPTBot-ից հրաժարված վեբէջերը չեն օգտագործվի ուսուցման համար։
Մշակողների ՀՏՀ
Ինչպե՞ս կարող եմ բարելավել իմ կայքի աշխատանքը Atlas-ում ChatGPT ագենտի հետ։
Կայքն ավելի հասանելի դարձնելն օգնում է Atlas-ի ChatGPT ագենտին այն ավելի լավ հասկանալ։
ChatGPT Atlas-ը էջի կառուցվածքն ու ինտերակտիվ տարրերը մեկնաբանելու համար օգտագործում է ARIA թեգեր՝ նույն պիտակներն ու դերերը, որոնք աջակցում են էկրանի ընթերցիչներին։ Համատեղելիությունը բարելավելու համար հետևեք WAI-ARIA-ի լավագույն գործելակերպին՝ կոճակների, ընտրացանկերի և ձևերի նման ինտերակտիվ տարրերին ավելացնելով նկարագրական դերեր, պիտակներ ու վիճակներ։ Դա օգնում է ChatGPT-ին հասկանալ յուրաքանչյուր տարրի գործառույթը և ավելի ճշգրիտ փոխազդել ձեր կայքի հետ։
Ինչպե՞ս են Apps SDK-ով ստեղծված հավելվածներն աշխատում Atlas-ում։
ChatGPT-ի հավելվածներն Atlas-ում աշխատում են այնպես, ինչպես կարող են աշխատել ChatGPT-ի վեբ տարբերակում։ Երբ ChatGPT-ին ուղղված հաղորդագրությունը սկսում եք հասանելի հավելվածի անունով, օրինակ՝ «Spotify, ուրբաթ օրվա իմ երեկույթի համար երգացանկ ստեղծիր», ChatGPT-ն կարող է ավտոմատ ցուցադրել հավելվածը ձեր զրույցում և օգտակար լինելու համար կիրառել համապատասխան համատեքստը։ Հավելվածն առաջին անգամ օգտագործելիս ChatGPT-ն կառաջարկի միանալ, որպեսզի իմանաք, թե ինչ տվյալներ կարող են փոխանցվել հավելվածին։ Խորհուրդ ենք տալիս փորձարկել հավելվածների աշխատանքը Զրույցի կողային վահանակում՝ համոզվելու, որ դրանք լավ են աշխատում նաև փոքր լայնության դեպքում։
Մենք նաև մշակում ենք եղանակներ, որոնք օգտատերերին կօգնեն Atlas-ում աշխատելիս ավելի հեշտ մուտք գործել ChatGPT-ի հավելվածներ։ Հուսով ենք՝ շուտով ավելի մանրամասն տեղեկություններ կտրամադրենք Atlas-ի հետ ավելի խոր ինտեգրումներով հետաքրքրված մշակողներին։