Ձեր OpenAI հարթակի հաշվով կարող եք մուտք գործել API-ի օգտագործման վահանակ՝ ամսական օգտագործումը դիտելու և օգտագործման կամ ծախսերի մանրամասն տվյալները CSV ձևաչափով արտահանելու համար։

• Արտահանեք ծախսերի տվյալները՝ դրանց մանրամասն բացվածքը ստանալու համար

• Ստեղծեք հաշիվ-ապրանքագրի նման բացվածք՝ տվյալները խմբավորելով ըստ ծախսային հոդվածների

• Արտահանեք ամբողջ օրացուցային ամսվա կամ ամսվա սկզբից մինչև այսօր (MTD) ընկած ժամանակահատվածի տվյալները

• Հաշվետվությունների համար ներբեռնեք օգտագործման կամ ծախսերի տվյալները CSV ձևաչափով

Սկսեք այստեղից

1. Մուտք գործեք platform.openai.com։

2. Ընտրեք համապատասխան կազմակերպությունը/նախագիծը, ապա կողային վահանակում ընտրեք Օգտագործում։

Նշում․ եթե չեք տեսնում վճարման/օգտագործման ակնկալվող տվյալները, ստուգեք ձեր կազմակերպության թույլտվություններն ու զտիչները։

Սահմանեք ամսվա ամսաթվերի միջակայքը

1. Օգտագործում էջում ընտրեք ամսաթվերի միջակայքի ընտրիչը։

2. Ընտրեք ամսաթվերի միջակայքը՝ ըստ ձեր հաշվետվության կարիքների։

Օրինակ՝ ամբողջ օրացուցային ամսվա տվյալները ստանալու համար կարող եք որպես մեկնարկի ամսաթիվ նշել ամսվա առաջին օրը, իսկ որպես ավարտի ամսաթիվ՝ նույն ամսվա վերջին օրը։

Կարող եք ընտրել Ամսվա սկզբից մինչև այսօր տարբերակը, որպեսզի մեկնարկի ամսաթիվն ավտոմատ սահմանվի ամսվա առաջին օրը։

Արտահանեք ամսական օգտագործման կամ ծախսերի մանրամասն տվյալները

1. Օգտագործում էջում ընտրեք Արտահանել։

2. Բացված պատուհանում ընտրեք արտահանման տեսակը։ Օգտագործման մանրամասների համար կարող եք ընտրել Ակտիվության տվյալներ, իսկ ծախսերի մանրամասն հաշվետվության համար՝ Ծախսերի տվյալներ։

Արտահանման առաջարկվող կարգավորումները՝ ծախսերի մանրամասն ամսական հաշվետվությունների համար

Enterprise հաճախորդների համար OpenAI API-ի հաշիվ-ապրանքագրերը կազմվում են օրացուցային ամսվա ընթացքում մատուցված ծառայությունների համար՝ սովորաբար ամսվա ավարտից մի քանի օր անց։ Եթե ցանկանում եք ստանալ ծախսերի մանրամասն բացվածք, որի ընդհանուր գումարը համընկնում է հաշիվ-ապրանքագրում նշված API-ի օգտագործման ընդհանուր գումարի հետ, ընտրեք Ծախսերի տվյալներ ներդիրը և կիրառեք հետևյալ կարգավորումները․

• Խմբավորել ըստ՝ Ծախսային հոդվածի

• Նախագծեր․ Բոլորը (կամ ընտրեք որոշակի նախագիծ)

• Ֆայլի ձևաչափ․ CSV

• Սկիզբ․ Հաշվետու ամսվա առաջին օրը

• Ավարտ․ Հաշվետու ամսվա վերջին օրը (կամ այսօրը՝ MTD-ի դեպքում)

• Ժամանակային միջակայք․ 1 օր

Երբ օգտագործման մանրամասներ են անհրաժեշտ, կարող եք նաև ընտրել Ակտիվության տվյալներ։ Օրինակ՝ կարող եք զտել ըստ API-ի որոշակի հնարավորության և արտահանված տվյալները խմբավորել ըստ նախագծի, օգտատիրոջ, API բանալու, մոդելի, խմբաքանակի կամ ծառայության մակարդակի։

Ստեղծեք և ներբեռնեք արտահանման ֆայլը

1. Ձեզ անհրաժեշտ հաշվետվության պարամետրերը սահմանելուց հետո Արտահանում պատուհանում ընտրեք Ներբեռնել։

2. Հաշվետվության ստեղծումը կարող է որոշ ժամանակ տևել։ Երբ այն պատրաստ լինի, ընտրեք ստեղծված ֆայլի կողքին գտնվող ներբեռնման պատկերակը։

Հաճախ տրվող հարցեր

Մուտք եմ գործել իմ հաշիվ և կարող եմ բացել «Օգտագործում» բաժինը, բայց ոչ վճարման կարգավորումները։ Ինչպե՞ս լուծեմ այս խնդիրը։

Վճարման որոշ կարգավորումների համար կարող են պահանջվել կազմակերպության լրացուցիչ թույլտվություններ։ Թույլտվությունները վերանայելու կամ նորերը խնդրելու համար դիմեք ձեր կազմակերպության սեփականատիրոջը։

Ինչո՞ւ իմ ֆայլը չի հայտնվում ներբեռնման կոճակը սեղմելուց անմիջապես հետո։

Կախված արտահանվող տվյալների ծավալից՝ ֆայլի ստեղծումը կարող է մի փոքր տևել։ Այն հնարավոր կլինի ներբեռնել պատրաստ լինելուն պես։

Ո՞ր ժամային գոտին է օգտագործվում այս արտահանման համար։

Օգտագործման վահանակում ամսաթվերն ու ժամերը ցուցադրվում են UTC-ով։

Ինչո՞ւ իմ հաշիվ-ապրանքագրի գումարը չի համընկնում ծախսերի արտահանված բացվածքի հետ։

Ստուգեք հետևյալը․

• Համոզվեք, որ համեմատում եք արտահանված տվյալներն այն նույն կազմակերպության հաշիվ-ապրանքագրի հետ, որին վերաբերում են այդ տվյալները։ Եթե ունեք մի քանի կազմակերպություն, դրանց համար կարող են կազմվել առանձին կամ մեկ միասնական հաշիվ-ապրանքագրեր՝ կախված վաճառքի գործընթացում ձեր խնդրանքով սահմանված կարգավորումներից։

• Համոզվեք, որ համեմատում եք ճիշտ ժամանակահատվածի տվյալները։ Հաշիվ-ապրանքագրերը կազմվում են օրացուցային ամիսների համար։ Օրինակ՝ 2026 թ․ հունվարի 1-ից մինչև հունվարի 31-ը ներառյալ (UTC) օգտագործման հաշիվ-ապրանքագիրը կազմվում է փետրվարին։

Եթե ծախսերի տվյալները համադրելիս դեռ դժվարություններ ունեք, լրացուցիչ օգնության համար դիմեք մեր աջակցման թիմին։