Ընդհանուր տեղեկություններ

«Առողջապահության հանրամատչելի տվյալներ»-ը ChatGPT-ի և Codex-ի փլագին է, որը միավորում է միայն ընթերցման համար նախատեսված ինը հավելված՝ առողջապահական պաշտոնական հանրամատչելի աղբյուրներում որոնումներ կատարելու համար։ Օգտագործեք այն՝ գտնելու կենսաբժշկական հետազոտություններ, կլինիկական փորձարկումների մասին տեղեկություններ, դեղերի հրահանգներ, FDA-ի անվտանգության տեղեկություններ, Medicare-ի ապահովագրական ծածկույթի և վճարումների տվյալներ, բուժհաստատությունների ցուցանիշներ և բուժծառայություններ մատուցողների նույնականացման գրառումներ։

Հավելվածները որոնում են հանրամատչելի տեղեկություններ։ Դրանք մուտք չեն գործում պացիենտների բժշկական քարտերին կամ գրառումներին և տվյալները հրապարակող կազմակերպությունում առանձին հաշիվ չեն պահանջում։

Հասանելիություն

«Առողջապահության հանրամատչելի տվյալներ» փլագինը հասանելի է ChatGPT-ում և Codex-ում՝ աջակցվող ChatGPT առողջապահության համար և HIPAA-ի աջակցությամբ Enterprise աշխատատարածքների համար։ Աշխատատարածքի ադմինիստրատորները կարող են կառավարել փլագինի և դրա հավելվածների հասանելիությունը։

ԱՄՆ-ում ChatGPT կլինիցիստների համար ծառայության՝ համապատասխան պահանջները բավարարող օգտատերերը կարող են տեղադրել «Առողջապահության հանրամատչելի տվյալներ» փլագինը և միացնել իրենց հաշվին հասանելի՝ առողջապահական հանրամատչելի տվյալների հավելվածները։

Առողջապահական հանրամատչելի աղբյուրներ

Հետազոտություններ և կլինիկական փորձարկումներ

• PubMed — Կենսաբժշկական հետազոտություններ, մատենագիտական հղումներ, ամփոփագրեր և ամբողջական տեքստով հասանելի հոդվածներ։ Նախքան տեղեկությունները կլինիկական հարցի լուծման համար կիրառելը՝ ուսումնասիրեք դրանց հիմքում ընկած հետազոտությունը։

• ClinicalTrials.gov — Կլինիկական փորձարկումների ցանկեր, հետազոտությունների անցկացման վայրեր, մասնակիցների հավաքագրման տեղեկություններ և մասնակցության չափանիշներ։ Հետազոտական թիմից ճշտեք՝ արդյոք ներկայումս մասնակիցներ են ընդունվում, և որոնք են մասնակցության պահանջները։

Դեղեր և անվտանգություն

• DailyMed — Դեղերի պաշտոնական հրահանգներ, բաղադրիչներ, փաթեթավորման տեղեկություններ և դեղերի նույնացուցիչներ։ Դեղերի մասին տեղեկությունները միևնույն է պահանջում են կլինիկական մեկնաբանություն։

• RxNorm — Դեղերի ստանդարտացված անվանումներ, նույնացուցիչներ և դեղերին առնչվող հասկացություններ։ Այն չի սահմանում պատշաճ դեղաչափը, փոխարինելիությունը կամ փոխհատուցվող դեղերի ցանկում ընդգրկված լինելը։

• openFDA — FDA-ի անվտանգության և կարգավորող գործունեության վերաբերյալ հանրամատչելի տեղեկություններ, այդ թվում՝ հետկանչերի և հաղորդված անբարենպաստ երևույթների մասին համախմբված տվյալներ։ Այս տվյալները չեն հաստատում, որ որևէ արտադրանք առաջացրել է տվյալ երևույթը, և չեն ցույց տալիս դրա առաջացման հաճախականությունը։

Medicare, բուժհաստատություններ և բուժծառայություններ մատուցողներ

• CMS Coverage — Medicare-ի ապահովագրական ծածկույթի վերաբերյալ համապետական և տեղական տեղեկություններ։ Ծածկույթի վերաբերյալ հրապարակված քաղաքականությունը չի որոշում առանձին պացիենտին հասանելիք ապահովագրական հատուցումները։

• CMS Open Data — Medicare-ի Part B, Part D ծրագրերի և ստացիոնար հիվանդանոցային բուժման վճարումների, դեղերի նշանակման և ծառայությունների օգտագործման վերաբերյալ ընտրված տվյալներ։ Այս աղբյուրը չի ներառում Open Payments-ի, Medicaid-ի, հոսպիսային խնամքի կամ դիալիզի տվյալները։

• Medicare Care Compare — Բուժհաստատությունների մասին հանրամատչելի տեղեկություններ և որակի ցուցանիշներ։ Համեմատեք միայն համադրելի սահմանումներով և հաշվետու ժամանակահատվածներով ցուցանիշները։

• NPI Registry — Բուժծառայություններ մատուցողների և կազմակերպությունների նույնականացման հանրամատչելի գրառումներ։ NPI-ի առկայությունը չի հաստատում գործող լիցենզիա ունենալը, մատուցվող բուժծառայությունների որակը կամ Medicare-ում գրանցված լինելը։

Կարգավորեք փլագինը և միացրեք հավելվածները

Կառավարեք հասանելիությունն աշխատատարածքում

Աշխատատարածքի ադմինիստրատորները կարող են կառավարել փլագինի հասանելիությունը՝ դրանում ներառված յուրաքանչյուր հավելվածի հասանելիությունից անկախ։


Ադմինիստրատորի վահանակից Հավելվածներ էջը բացելու համար ընտրեք ChatGPT-ի անհրաժեշտ աշխատատարածքը, բացեք Փլագիններ բաժինը և ընտրեք Կառավարել հին հավելվածները։

1. Անցեք Ադմինիստրատորի վահանակ, ընտրեք ChatGPT-ի անհրաժեշտ աշխատատարածքը և բացեք Փլագիններ բաժինը։ Ընտրեք Առողջապահության հանրամատչելի տվյալներ։

2. Աշխատատարածքի լռելյայն կարգավորում բաժնում կամ փլագինի տեղադրման քաղաքականության մեջ ընտրեք Հասանելի՝ համապատասխան պահանջները բավարարող անդամներին փլագինը տեղադրելու հնարավորություն տալու համար, կամ Տեղադրված՝ այն այդ անդամների համար տեղադրելու համար։

   1. Եթե ձեր աշխատատարածքում կիրառվում է Մուտքի վերահսկողության դերային մոդել (RBAC), յուրաքանչյուր համապատասխան դերի համար ընտրեք Հասանելի կամ Տեղադրված։

3. Անցեք Աշխատատարածքի կարգավորումներ > Հավելվածներ և բացեք ձեր կազմակերպության կողմից հաստատված յուրաքանչյուր առողջապահական հավելված։

4. Եթե հավելվածն անջատված է, ընտրեք Միացնել, եթե այդ տարբերակը հասանելի է։ Օգտատերերի հասանելիություն բաժնում սահմանեք, թե որ դերերը կարող են օգտվել հավելվածից։

5. Եթե առողջապահությանն առնչվող նախազգուշացում է հայտնվում, ծանոթացեք ձեր կազմակերպության պահանջներին։ Ընտրեք Ես հասկանում և ընդունում եմ այս ռիսկերը։ Այնուհետև ընտրեք Շարունակել։

Փլագինը կարող է ցուցադրվել որպես հասանելի, նույնիսկ երբ դրանում ներառված հավելվածներն անջատված են։ Փլագինի տեղադրումը, այդ թվում՝ Տեղադրված կարգավորման միջոցով, ինքնաբերաբար չի միացնում դրա հավելվածները։

Առողջապահությանն առնչվող նախազգուշացումն ընդունելը հավելվածը չի դարձնում առողջության վերաբերյալ պաշտպանված տեղեկությունների հետ աշխատանքի համար պիտանի, չի փոխում ձեր Գործարար գործընկերոջ համաձայնագիրը և չի ընդլայնում հավելվածի թույլատրված օգտագործման շրջանակը։

Աշխատատարածքի կառավարման ընդհանուր հնարավորությունների մասին տե՛ս Փլագինների և հավելվածների ադմինիստրատիվ կառավարում, անվտանգություն և համապատասխանություն։

Տեղադրեք փլագինը

1. ChatGPT-ում կամ Codex-ում բացեք Փլագինների կատալոգը և ընտրեք Առողջապահության հանրամատչելի տվյալներ։

2. Ընտրեք Տեղադրել փլագինը։ Եթե ադմինիստրատորն արդեն տեղադրել է փլագինը ձեր դերի համար, անցեք հաջորդ քայլին։

3. Եթե առաջարկվի, ընտրեք Միացնել առողջապահական հանրամատչելի տվյալների յուրաքանչյուր հավելվածի համար, որից ցանկանում եք օգտվել։ Եթե Codex-ը ձեզ ուղղորդում է ChatGPT՝ կարգավորումն ավարտելու համար, այնտեղ ավարտեք միացումը և վերադարձեք Codex։ Եթե հայտնվում է Միացնել բոլորը տարբերակը, կարող եք այն օգտագործել հասանելի հավելվածների համար։

4. ChatGPT-ում ընտրեք Փորձել զրույցում, եթե այդ տարբերակը հայտնվում է, կամ սկսեք նոր զրույց։ Codex-ում սկսեք նոր առաջադրանք։

5. Տվեք ձեր հարցը ChatGPT-ում կամ Codex-ում։ Կարող եք նաև ChatGPT-ում մուտքագրել @ կամ Codex-ում՝ $՝ միացված հավելված ընտրելու և կոնկրետ աղբյուրում որոնում կատարելու համար։

Յուրաքանչյուր հավելված պահպանում է աշխատատարածքում իր համար սահմանված թույլտվությունները։ Եթե հավելվածը հասանելի չէ կազմակերպության աշխատատարածքում, խնդրեք ադմինիստրատորին ստուգել այդ հավելվածի հասանելիության կարգավորումները։

Փլագինների և հավելվածների համատեղ աշխատանքի մասին ընդհանուր տեղեկությունների համար տե՛ս Փլագինները ChatGPT-ում և Codex-ում և Հավելվածները ChatGPT-ում։

Պաշտպանեք պացիենտների տվյալները

«Առողջապահության հանրամատչելի տվյալներ» փլագինի հավելվածները որոնման հարցումներն ուղարկում են հանրամատչելի տեղեկատվական աղբյուրներին։ Այդ հարցումներում մի՛ ներառեք առողջության վերաբերյալ պաշտպանված տեղեկություններ, պացիենտների անուններ, ծննդյան ամսաթվեր, բժշկական քարտերի համարներ, Medicare-ի կամ անդամության համարներ, կոնտակտային տվյալներ կամ պացիենտին նույնականացնող որևէ այլ տեղեկություն։

Ձեր աշխատատարածքի համար կնքված Գործարար գործընկերոջ համաձայնագիրն ինքնին չի որոշում՝ արդյոք արտաքին ծառայությունն իրավասու է ստանալ առողջության վերաբերյալ պաշտպանված տեղեկություններ։ Նախքան որևէ հավելվածում զգայուն տեղեկություններ օգտագործելը՝ ուսումնասիրեք կիրառելի համաձայնագրերը, աշխատատարածքի կառավարման կարգավորումները և միացված ծառայությունները։

«Առողջապահության հանրամատչելի տվյալներ» փլագինը պացիենտների գրառումներ չի ստանում։ Epic-ն առանձին փլագին է, որը կազմակերպության հաստատված աշխատատարածքը միացնում է Epic-ում պացիենտների գրառումներին՝ պարտադիր Epic EHR հավելվածի միջոցով։ Այն պահանջում է տվյալ կազմակերպության համար առանձին կարգավորում, մուտք Epic-ի անձնական հաշվով և պացիենտների բժշկական քարտերին հասանելիության գործող թույլտվություններ։

Համապատասխան պահանջները բավարարող արտադրանքների և կազմաձևումների մասին տեղեկությունների համար տե՛ս HIPAA-ի պահանջներին համապատասխանող արտադրանքներ և գործառույթներ։

Կորպորատիվ հաշվետվություններ և տվյալների կառավարում

Ուսումնասիրեք հաշվետվությունների և համապատասխանության ապահովման շրջանակը

Հավելվածներ օգտագործող զրույցները հասանելի են Համապատասխանության API-ում, իսկ հավելվածների բոլոր կանչերը գրանցվում են համապատասխանության մատյաններում։ Աուդիտի կամ արտահանման հատուկ պահանջներ ունեցող կազմակերպությունները պետք է համոզվեն, որ հասանելի դաշտերը բավարարում են իրենց պահանջներին։

Հավելվածների կառավարման և գրանցամատյանների վարման գործող ուղեցույցի համար տե՛ս Փլագինների և հավելվածների ադմինիստրատիվ կառավարում, անվտանգություն և համապատասխանություն։

Ստուգեք պահպանման և տվյալների մշակման հավելվածի կարգավորումները

Հանրամատչելի տվյալների հարցումները կարող են ուղարկվել աղբյուրը շահագործող կազմակերպությանը։ Նախքան ենթադրելը, որ աշխատատարածքի պահպանման, ջնջման կամ տվյալների մշակման հավելվածի կարգավորումները կիրառվում են մատակարարին ուղարկված տեղեկությունների նկատմամբ, ուսումնասիրեք ձեր կազմակերպության պահանջները և տվյալ մատակարարի քաղաքականությունները։

Գներ և օգտագործման սահմանաչափեր

«Առողջապահության հանրամատչելի տվյալներ» փլագինի կամ դրա հանրամատչելի տվյալների հավելվածների համար առանձին վճար չի գանձվում։ Ձեր գործող բաժանորդագրության և աշխատատարածքի օգտագործման պայմանները շարունակում են կիրառվել։

Օգտագործման հնարավորությունները կախված են ձեր օգտագործած արտադրանքից և բաժանորդագրությունից։ Հանրամատչելի տվյալների մատակարարը նույնպես կարող է սահմանել իր սահմանաչափերը կամ ժամանակավորապես անհասանելի լինել։

Հաճախ տրվող հարցեր

«Առողջապահության հանրամատչելի տվյալներ» փլագինը նո՞ւյնն է, ինչ Epic-ը։

Ոչ։ «Առողջապահության հանրամատչելի տվյալներ» փլագինը որոնում է հանրամատչելի առողջապահական տեղեկություններ և մուտք չի գործում պացիենտների գրառումներին։ Epic-ն առանձին փլագին է, որը Epic EHR հավելվածի միջոցով ստանում է պացիենտների բժշկական քարտերի՝ թույլատրված տեղեկությունները։ Այն պահանջում է կարգավորում կազմակերպության մակարդակում և մուտք Epic-ի անձնական հաշվով։ Կարգավորման և հասանելիության պահանջների մասին տե՛ս Epic փլագինի օգտագործումը ChatGPT-ի և Codex-ի հետ։

Փլագինը տեղադրելիս միանո՞ւմ են բոլոր ինը հավելվածները։

Ոչ։ Տեղադրեք փլագինը, ապա առանձին միացրեք այն հավելվածները, որոնցից ցանկանում եք օգտվել։ Միացնել բոլորը տարբերակը հայտնվում է միայն այն դեպքում, երբ այն հասանելի է ձեզ համար թույլատրված հավելվածների համար։

Առողջապահական հանրամատչելի տվյալների հավելվածները պահանջո՞ւմ են այլ հաշիվ։

Ոչ։ Փլագինում ներառված հավելվածներն առանձին հաշիվներ չեն պահանջում։

Կարո՞ղ են «ChatGPT կլինիցիստների համար» ծառայության օգտատերերը տեղադրել «Առողջապահության հանրամատչելի տվյալներ» փլագինը։

Այո։ ԱՄՆ-ում «ChatGPT կլինիցիստների համար» ծառայության՝ համապատասխան պահանջները բավարարող օգտատերերը կարող են տեղադրել «Առողջապահության հանրամատչելի տվյալներ» փլագինը և միացնել իրենց հաշվին հասանելի՝ առողջապահական հանրամատչելի տվյալների հավելվածները։

Ինչո՞ւ եմ տեսնում փլագինը, բայց չեմ կարող օգտվել հավելվածից։

Փլագինի և հավելվածների հասանելիությունը կառավարվում է առանձին։ Կազմակերպության աշխատատարածքում խնդրեք ադմինիստրատորին ստուգել տվյալ հավելվածի դերային թույլտվությունները և հասանելիությունը։

Ինչո՞ւ իմ որոնումն արդյունքներ չտվեց։

Աղբյուրը կարող է չպարունակել համապատասխան հանրամատչելի գրառում, կամ մատակարարը կարող է ժամանակավորապես անհասանելի լինել կամ սահմանափակել հարցումները։ Ստուգեք, թե ինչ տվյալներ է ներառում աղբյուրը, փոփոխեք որոնման հարցումը՝ առանց պացիենտի մասին տեղեկություններ ավելացնելու, և ավելի ուշ կրկին փորձեք։

Առողջապահական հանրամատչելի տեղեկություններն օգտագործեք հետազոտական և տեղեկատու նպատակներով։ Դրանք չեն փոխարինում բժշկի մասնագիտական դատողությանը, անհատական ապահովագրական հատուցումների որոշմանը կամ շտապ բժշկական օգնությանը։