Դեկտեմբերից Plus, Pro և Business պլանների օգտագործման սահմանաչափը ընդհանուր կլինի ChatGPT-ի և Codex-ի համար, քանի որ «Աշխատանք» ռեժիմի ագենտային հնարավորությունները ներառում ենք ChatGPT-ի հիմնական միջավայրում։
ChatGPT-ի և Codex-ի ձեր օգտագործումը կչափվի թոքեններով՝ տեղեկության այն միավորներով, որոնք մոդելը մշակում և ստեղծում է։ Ձեր սահմանաչափից ծախսվող չափաբաժինը կախված կլինի ձեր ընտրած մոդելից և այն առաջադրանքից, որը կհանձնարարեք նրան։ Ավելի առաջադեմ մոդելներն ու բարդ առաջադրանքները սովորաբար ավելի մեծ չափաբաժին են ծախսում ձեր սահմանաչափից։ Ակնթարթային ռեժիմով զրույցները չեն ծախսի ձեր օգտագործման սահմանաչափը։
Մենք մանրակրկիտ պատրաստվում ենք այս անցմանը, որպեսզի խուսափենք ձեր աշխատանքային գործընթացների խափանումներից։ Ակնկալում ենք, որ օգտատերերի մեծ մասին պետք չի լինի ավելի հաճախ սպասել իրենց օգտագործման սահմանաչափի վերականգնմանը, քան հիմա։ Ձեր օգտագործման ընդհանուր մնացորդն ու սահմանաչափի վերականգնման ժամերը կկարողանաք տեսնել «Կարգավորումներ» → «Օգտագործում» բաժնում։ Եթե հասնեք ձեր սահմանաչափին, կարող եք սպասել դրա վերականգնմանը, անցնել ավելի բարձր պլանի կամ գնել կրեդիտներ՝ համապատասխան գործառույթներից օգտվելը շարունակելու համար։