Խնդիրների շտկմանն անցնելուց առաջ ծանոթացեք սարքի և ծրագրային ապահովման արդի պահանջներին՝ ChatGPT-ի պաշտոնական էջում՝ App Store-ում կամ Google Play-ում։
Եթե փնտրում եք ավելի վաղ զրույց, տե՛ս՝ Ինչպես գտնել ձեր զրույցները, նախագծերն ու ֆայլերը ChatGPT-ում։ Եթե զրույցը չի երևում կողային վահանակում, դա դեռ չի նշանակում, որ այն ջնջվել է։
Հավելվածն անսպասելի փակվում է կամ չի արձագանքում
Եթե հավելվածն անսպասելի փակվում է կամ դադարում է արձագանքել՝
Փակեք և նորից բացեք ChatGPT-ն, ապա կրկին փորձեք կատարել գործողությունը։
OpenAI-ի ծառայությունների վիճակի էջում ստուգեք՝ արդյոք կա ChatGPT-ի աշխատանքի վրա ազդող խափանում։
Ձեր հավելվածների խանութից տեղադրեք ChatGPT-ի հասանելի թարմացումները։
Ստուգեք՝ արդյոք ձեր սարքի օպերացիոն համակարգը թարմացված է։
Փորձեք այլ կապ, օրինակ՝ Wi-Fi-ից անցեք բջջային ինտերնետի կամ հակառակը։
Փորձեք նույն հաշվով օգտվել ChatGPT-ի վեբ տարբերակից և ստուգեք՝ արդյոք խնդիրն այնտեղ էլ է առաջանում։
Եթե խնդիրը պահպանվում է, ապատեղադրեք ChatGPT-ն և նորից ներբեռնեք այն պաշտոնական հավելվածների խանութից։ Մուտք գործեք ձեր նույն ChatGPT հաշիվը և կրկին փորձեք օգտագործել խնդրահարույց գործառույթը։
Վերատեղադրումը չի զրոյացնում օգտագործման սահմանաչափերը, չի փոխում աշխատատարածքի թույլտվությունները և չի վերացնում հաշվի սահմանափակումները։ Հետևեք ChatGPT-ում ցուցադրվող՝ սահմանաչափերի կամ հասանելիության վերաբերյալ ծանուցումների ցուցումներին։
Մուտք գործելու խնդիրներ
Փորձեք նույն հաշիվը մուտք գործել վեբ տարբերակում։ Եթե դա հաջողվում է, բայց հավելվածում մուտք գործել դեռ չի ստացվում, փորձեք ապատեղադրել և նորից տեղադրել հավելվածը, ապա օգտագործեք մուտք գործելու ձեր սկզբնական եղանակը՝ ճիշտ հաշիվը գտնելու համար։
Զննարկչի, թխուկների, նույնականացման եղանակի և Android-ում մուտք գործելու հետ կապված ստուգումների համար տե՛ս՝ ChatGPT մուտք գործելու խնդիրների շտկում։
Սարքի ստուգման սխալներ
Կարող է ցուցադրվել սխալի հաղորդագրություն՝ ձեր սարքի ամսաթիվն ու ժամը կամ ինտերնետ կապը ստուգելու պահանջով։ Հաղորդագրությունը կարող է պարունակել DeviceCheckError։
Ստուգեք՝ արդյոք ձեր սարքի ամսաթիվը, ժամը և ժամային գոտին ճիշտ են սահմանված։ Միացրեք ամսաթվի և ժամի ավտոմատ կարգավորումը, եթե այդ հնարավորությունը հասանելի է։
Ստուգեք ձեր ինտերնետ կապը, ապա փակեք և նորից բացեք ChatGPT-ն։
Տեղադրեք ChatGPT-ի և ձեր սարքի օպերացիոն համակարգի հասանելի թարմացումները։
Փորձեք մուտք գործել զննարկչով կամ այլ սարքով։
Եթե ձեր սարքում կատարվել է root կամ jailbreak, փորձեք օգտվել չփոփոխված օպերացիոն համակարգով սարքից։ Աջակցման ծառայությանը դիմելիս ներառեք սխալի հաղորդագրության ամբողջական տեքստը։
Եթե խնդիրը պահպանվում է
Տե՛ս՝ Ինչպես կապվել OpenAI-ի աջակցման ծառայության հետ։
Նշեք՝
Ձեր ChatGPT հաշվի էլեկտրոնային փոստի հասցեն։
Ձեր սարքի մոդելը, օպերացիոն համակարգի և ChatGPT հավելվածի տարբերակները։
Ինչ է տեղի ունեցել, երբ՝ նշելով ամսաթիվն ու ժամը, և ինչ քայլերով կարելի է վերարտադրել խնդիրը։
Սխալի հաղորդագրության ամբողջական տեքստը և հարցման նույնացուցիչը, եթե առկա է, կամ կցեք դրանք ցուցադրող էկրանակադր։
Արդյոք խնդիրն առաջանում է Wi-Fi-ի, բջջային ինտերնետի, թե երկուսի դեպքում էլ, և արդյոք այն առաջանում է նաև վեբ տարբերակում կամ այլ սարքում։
Մուտք գործելու խնդիրների դեպքում՝ երբ եք վերջին անգամ կարողացել մուտք գործել, եթե նախկինում մուտք եք գործել։
Ձեր ChatGPT հավելվածի տարբերակը ստուգելու ցուցումների համար տե՛ս՝ Հաճախ տրվող հարցեր ChatGPT-ի iOS և Android հավելվածների մասին։
Լրացուցիչ տեղեկություններ iPhone-ում կամ iPad-ում հավելվածի անսպասելի փակվելու դեպքում
Նշեք նաև ձեր սարքի լեզուն, օգտագործվող ոչ ստանդարտ ստեղնաշարերը և խնդրին առնչվող հատուկ հնարավորությունների կարգավորումները։ Տեղեկացրեք աջակցման ծառայությանը, եթե հավելվածն անսպասելի փակվում է որոշակի գործողությունից, օրինակ՝ վեբ տարբերակում սկսված զրույցը շարունակելուց, որևէ գործառույթ օգտագործելուց կամ կապը փոխելուց։
Ձեր սարքի մոդելը գտնելու համար՝
Բացեք ձեր սարքի Կարգավորումները։
Ընտրեք Ընդհանուր > Սարքի մասին։
Գտեք Մոդելի անվանումը դաշտը։
Ձեր ստեղնաշարերը ստուգելու համար՝
Բացեք ձեր սարքի Կարգավորումները։
Ընտրեք Ընդհանուր > Ստեղնաշար։
Ընտրեք Ստեղնաշարեր։
Հատուկ հնարավորությունների կարգավորումները ստուգելու համար անցեք Կարգավորումներ > Հատուկ հնարավորություններ։
Մի՛ փոխանցեք ձեր գաղտնաբառը և էկրանակադրերում մի՛ ներառեք խնդրին չառնչվող անձնական տեղեկություններ։