ChatGPT-ն կարող է օգտակար լինել, բայց միշտ չէ, որ ճիշտ է

ChatGPT-ն նախատեսված է օգտակար պատասխաններ տալու համար՝ հիմնվելով իր ուսուցման տվյալներում առկա օրինաչափությունների վրա։ Սակայն, ինչպես ցանկացած լեզվական մոդել, այն կարող է սխալ կամ մոլորեցնող պատասխաններ տալ։ Երբեմն այն կարող է վստահ հնչել նույնիսկ այն ժամանակ, երբ սխալվում է։

Այս երևույթը հաճախ անվանում են հալյուցինացիա․ մոդելը տալիս է փաստերին չհամապատասխանող պատասխաններ, օրինակ՝

• Սխալ սահմանումներ, ամսաթվեր կամ փաստեր

• Հորինված մեջբերումներ, ուսումնասիրություններ, աղբյուրների վկայակոչումներ կամ հղումներ գոյություն չունեցող աղբյուրներին

• Չափազանց վստահ պատասխաններ ոչ միանշանակ կամ բարդ հարցերին

Այդ պատճառով օգտատերերին խորհուրդ ենք տալիս քննադատաբար մոտենալ ChatGPT-ի պատասխաններին և կարևոր տեղեկությունները ստուգել հուսալի աղբյուրներով։

Նոր գործիքները կարող են բարելավել փաստերի ճշգրտությունը

Կախված ձեր բաժանորդագրության պլանից՝ ChatGPT-ին կարող են հասանելի լինել գործիքներ, որոնք օգնում են պատասխանել՝ հիմնվելով ավելի արդիական կամ ստուգելի տեղեկությունների վրա․

ChatGPT-ն ամեն ինչ չգիտի

Թեև մեր վերջին մոդելները լայն հնարավորություններ ունեն, դրանք նաև սահմանափակումներ ունեն․

• Գիտելիքների վերջնաժամկետ․ մոդելներն ուսուցանվում են մինչև որոշակի պահը հավաքված տվյալներով, և առանց գործիքների օգտագործման՝ դրանց պատասխանները չեն ներառում այդ պահից հետո տեղի ունեցած իրադարձությունների մասին տեղեկություններ։

• Վստահությունը հուսալիություն չի նշանակում․ մոդելը կարող է շատ վստահ արտահայտվել նույնիսկ սխալ պատասխաններ տալիս։

• Հասանելիության բացակայություն․ մոդելը կարող է չկարողանալ տվյալ կայքից ստանալ անհրաժեշտ տեղեկությունները՝ տեխնիկական խնդիրների, վճարովի հասանելիության կամ robots.txt-ի միջոցով սահմանված կարգավորումների պատճառով։

• Կողմնակալություն և չափազանց պարզեցում․ որոշ դեպքերում այն կարող է՝

  • Մեկ տեսակետ ներկայացնել որպես բացարձակ ճշմարտություն

  • Չափազանց պարզեցնել բարդ կամ նրբություններ պարունակող հարցերը

  • Խեղաթյուրել գիտական համաձայնության կամ հանրային բանավեճի նշանակությունը

ԱԲ-ով ստեղծված տեքստը և հեղինակությունը

ChatGPT-ն չի կարող հուսալիորեն որոշել՝ տեքստը ստեղծվել է ԱԲ-ի միջոցով, թե ոչ, կամ արդյոք ինքն է գրել այն։ Այն կարող է հորինված պատասխաններ տալ այնպիսի հարցերի, ինչպիսիք են՝ «Այս էսսեն դո՞ւ ես գրել։» կամ «Հնարավո՞ր է, որ սա ԱԲ-ն է գրել։» Այդ պատասխանները հեղինակությունը հաստատող հուսալի ապացույցներ չեն։

Արդյո՞ք ChatGPT-ին հասանելի է համացանցը

Ընդհանուր առմամբ՝ այո։ Թեև ChatGPT-ն համացանցում չի որոնում, եթե հատուկ գործիքներ միացված չեն, այդ գործիքները լռելյայն միացված են բոլոր մոդելների համար։

• Երբ որոնումն անջատված է․ պատասխանները հիմնվում են այն ամենի վրա, ինչ մոդելը սովորել է ուսուցման ընթացքում։

• Որոնման կամ խորքային ուսումնասիրության միջոցով․ այն կարող է իրական ժամանակում օգտվել համացանցի աղբյուրներից և հղում անել դրանց՝ հարցերին պատասխանելով ավելի թարմ տեղեկություններով։

Պարզելու համար՝ որոնումը միացված է, թե ոչ, ChatGPT-ում գրելիս ստուգեք՝ մուտքագրման դաշտում որոնման կամ խորքային ուսումնասիրության պատկերակներն ակտիվ են, թե ոչ, կամ արդյոք պատասխանում կան հղումներ համացանցի աղբյուրներին։

Գործնական խորհուրդներ ChatGPT-ը պատասխանատու օգտագործելու համար

• Օգտագործեք ChatGPT-ը որպես առաջին սևագիր, ոչ թե վերջնական աղբյուր։ Խնդրում ենք ստուգել կարևոր տեղեկությունները։

• Միշտ ստուգեք մեջբերումները, տվյալները, տեխնիկական տեղեկությունները կամ արտաքին փաստաթղթերի հղումները։

• Օգտագործեք հասանելի գործիքներ, ինչպիսիք են որոնումը կամ խորքահին ուսումնասիրությունը, և երբ ճշգրտությունը կարևոր է, ստուգեք աղբյուրները՝ ուղղակիորեն այցելելով հղումները։

• Խրախուսեք քննադատական մտածողությունը՝ հատկապես կրթական միջավայրերում։