Հաճախ տրվող հարցեր

Ի՞նչ է Assistants API-ը։

Assistants API-ը մշակողներին հնարավորություն է տալիս իրենց հավելվածներում հեշտությամբ ստեղծել հզոր ԱԲ օգնականներ։ Այս API-ը վերացնում է զրույցի պատմությունը կառավարելու անհրաժեշտությունը և հասանելի է դարձնում OpenAI-ի սերվերներում գործող գործիքներ, ինչպիսիք են Կոդերի թարգմանիչը և Ֆայլերի որոնումը։ API-ը նաև աջակցում է երրորդ կողմերի գործիքների համար գործառույթի կանչի բարելավված հնարավորությանը։

Կարո՞ղ եմ դեռ օգտագործել Assistants API v1 բետա տարբերակը։

Ոչ։ 2024 թ. դեկտեմբերի 18-ից օգտատերերն այլևս հասանելիություն չունեն Assistant API-ի բետա v1 տարբերակին։ Ներկայումս աջակցում ենք միայն v2 տարբերակը։ Ձեր API կանչերը v1-ից v2 փոխարկելու համար ծանոթացեք այս տեղափոխման ուղեցույցին։

Ինչպե՞ս կարող եմ մուտք գործել դրան։

Assistants API-ն հասանելի է OpenAI API հաշիվ ունեցող յուրաքանչյուրին, սակայն այն հնացած է հայտարարված և կհեռացվի 2026 թվականի օգոստոսին։ Նոր նախագծերի համար փոխարենը օգտագործեք Responses API-ն։ Եթե արդեն օգտագործում եք Assistants API-ն, պլանավորեք ձեր միգրացիան դեպի Responses API։ Դուք դեռ կարող եք մուտք գործել առկա օգնականներին Assistants Playground-ում, քանի դեռ API-ն հասանելի է։

Ի՞նչ է օգնականը։

Օգնականը որոշակի նպատակի համար ստեղծված ԱԲ է, որն օգտագործում է OpenAI-ի մոդելները և կարող է մուտք գործել ֆայլեր, պահպանել զրույցի շղթաները և կանչել գործիքներ։

Ի՞նչ է զրույցի շղթան։

Զրույցի շղթան օգնականի և օգտատիրոջ միջև զրույցի աշխատաշրջան է։ Զրույցի շղթաները պարզեցնում են հավելվածների մշակումը՝ պահպանելով հաղորդագրությունների պատմությունը և կրճատելով այն, երբ զրույցի երկարությունը գերազանցում է մոդելի համատեքստի սահմանաչափը։

Ի՞նչ է Ֆայլերի որոնում գործիքը։

file_search գործիքն ի սկզբանե կիրառում է տեղեկությունների առբերման մի քանի լավագույն մեթոդ՝ օգնելով ձեր ֆայլերից ստանալ անհրաժեշտ տվյալները և դրանցով լրացնել մոդելի պատասխանները։

Լռելյայն file_search գործիքն օգտագործում է հետևյալ կարգավորումները․

• Հատվածի չափը՝ 800 թոքեն

• Հատվածների համընկնող մասը՝ 400 թոքեն

• Վեկտորային ներկայացման մոդելը՝ text-embedding-3-large՝ 256 չափողականությամբ

• Համատեքստին ավելացվող հատվածների առավելագույն քանակը՝ 20

Ի՞նչ սահմանափակումներ կան ֆայլերի վերբեռնման համար։

Ֆայլերի վերբեռնման սահմանափակումներն են․

• 512 ՄԲ՝ յուրաքանչյուր ֆայլի համար

• 5 միլիոն թոքեն՝ յուրաքանչյուր ֆայլի համար

• 10 հազար ֆայլ՝ յուրաքանչյուր վեկտորային պահոցում

• 1 վեկտորային պահոց՝ յուրաքանչյուր օգնականի համար

• 1 վեկտորային պահոց՝ յուրաքանչյուր զրույցի շղթայի համար

Կազմակերպության յուրաքանչյուր նախագծի համար պահեստավորման ընդհանուր սահմանաչափը 100 ԳԲ է։

Ի՞նչ սահմանափակումներ ունի Ֆայլերի որոնում գործիքը։

Կան մի քանի հայտնի սահմանափակումներ, որոնք վերացնելու ուղղությամբ աշխատում ենք՝ առաջիկա ամիսներին համապատասխան հնարավորություններն ավելացնելու համար․

1. Ներկայում հնարավոր չէ փոփոխել հատվածավորման, վեկտորային ներկայացման կամ տեղեկությունների առբերման կարգավորումները։

2. Փաստաթղթերում առկա պատկերների վերլուծությունը չի աջակցվում։

3. Կառուցվածքային ձևաչափով ֆայլերից (օրինակ՝ .csv կամ .jsonl ֆայլերից) տեղեկությունների առբերումը չի աջակցվում։ Տե՛ս աջակցվող ֆայլերի տեսակները։

Որո՞նք են Assistants API-ի հարցումների հաճախականության սահմանաչափերը։

Assistants API-ի հարցումների հաճախականության սահմանաչափերը կախված չեն օգտագործման մակարդակից և մոդելից։ Փոխարենը, ըստ հարցման տեսակի, գործում են լռելյայն սահմանաչափեր՝ մի քանի բացառությամբ․

• GET՝ 1000 հարցում րոպեում

• POST՝ 300 հարցում րոպեում

• DELETE՝ 300 հարցում րոպեում

Որքա՞ն արժե API-ում Կոդերի թարգմանիչի օգտագործումը։

Կոդերի թարգմանիչի յուրաքանչյուր աշխատաշրջանն արժե $0.03։ Եթե ձեր օգնականը միաժամանակ կանչի Կոդերի թարգմանիչը երկու տարբեր զրույցի շղթաներում, կստեղծվի Կոդերի թարգմանիչի երկու աշխատաշրջան (2 * $0.03)։ Լռելյայն յուրաքանչյուր աշխատաշրջան ակտիվ է մեկ ժամ։ Այսինքն՝ եթե ձեր օգտատերը մինչև մեկ ժամ շարունակի նույն զրույցի շղթայում հրահանգներ տալ Կոդերի թարգմանիչին, դուք այդ վճարը կվճարեք միայն մեկ անգամ։

Որքա՞ն արժե API-ում Ֆայլերի որոնման օգտագործումը։

Ֆայլերի որոնման վճարը վեկտորային պահոցում զբաղեցրած յուրաքանչյուր ԳԲ-ի համար օրական $0.10 է (առաջին ԳԲ-ն անվճար է)։ Վեկտորային պահոցի ծավալը որոշվում է ձեր ֆայլը վերլուծելուց, հատվածավորելուց և վեկտորային ներկայացման փոխակերպելուց հետո ստացված պահոցի չափով։

Մինչև 2024 թ. ապրիլի 17-ը ստեղծված բոլոր վեկտորային պահոցներն անվճար կլինեն մինչև 2024 թ. ավարտը, որից հետո դրանք կա՛մ՝

• Կվճարվեն գործող սակագներով (ներկայում՝ օրական $0.10/ԳԲ), եթե առնվազն մեկ անգամ օգտագործվել են 2024 թ. ապրիլի 17-ից հետո ստեղծված Run-ում։

• Կջնջվեն, եթե 2024 թ. ապրիլի 17-ից մինչև 2024 թ. դեկտեմբերի 31-ը չեն օգտագործվել որևէ Run-ում։ Սա թույլ կտա խուսափել ձեզնից վճար գանձելուց այն վեկտորային պահոցների համար, որոնք գուցե ստեղծել եք մինչև գնային այս փոփոխության մասին հայտարարությունը, բայց երբեք չեք օգտագործել։

Կա՞ սահմանափակում, թե քանի օգնական կարող եմ ստեղծել։

Կազմակերպության կողմից ստեղծվող օգնականների քանակի սահմանափակում չկա։

API-ում հասանելի՞ է հոսքային փոխանցումը։

Այո, Assistants API-ում հոսքային փոխանցումը հասանելի է։

JSON ռեժիմը հասանելի՞ է Assistants API-ում։

Այո, JSON ռեժիմը հասանելի է Assistants API-ում՝ Assistants կամ Run օբյեկտների response_format պարամետրի միջոցով։

Assistants API-ը կկառավարի՞ նաև երրորդ կողմերի գործառույթների կանչի հարցումները։

Ոչ։ Թեև գործառույթի կանչը մոդելին հնարավորություն է տալիս ընտրել գործիքներ և դրանց համար ձևաչափել հարցումներ, OpenAI-ը չի կառավարում երրորդ կողմերի գործիքների կանչերի կատարումը։

Ինչպե՞ս են մշակվում OpenAI-ին իմ ուղարկած տվյալները։

Ինչպես մեր հարթակի մյուս մասերում, OpenAI API-ին փոխանցված տվյալներն ու ֆայլերը երբեք չեն օգտագործվում մեր մոդելներն ուսուցանելու համար, և դուք կարող եք ջնջել ձեր տվյալները, երբ ցանկանաք։ Assistants API վերբեռնված տվյալները պահվում են անժամկետ, մինչև օգտատերը ձեռքով ջնջի դրանք։

DALL-E-ն հասանելի՞ է Assistants API-ի միջոցով։

Այս պահին DALL-E-ն հասանելի չէ։

Assistants API-ի համար կա՞ UI։

Assistants API-ի համար կարող եք փորձել Playground-ը։ Համոզվեք, որ ձախ կողային վահանակում գտնվում եք Assistants դիտման մեջ և օգտագործում եք այն գործիքների հետ համատեղելի մոդել, որոնք ցանկանում եք միացնել։

Որքա՞ն է Assistants API-ում օգնականի հրահանգների նիշերի սահմանաչափը։

Օգնականի հրահանգների դաշտի առավելագույն երկարությունը 256,000 նիշ է։

Ստանում եմ այսպիսի սխալ․ «Ձեր հարցումը մշակելիս սերվերում սխալ է առաջացել։ Հայցում ենք ձեր ներողամտությունը։ Կարող եք կրկին ուղարկել հարցումը կամ, եթե սխալը պահպանվում է, կապվել մեզ հետ մեր օգնության կենտրոնի միջոցով՝ help.openai.com հասցեով։ »։ Ի՞նչ անեմ։

Եթե ստանում եք այս սխալը, հնարավոր է՝ ձեր հարցումը ճիշտ կազմված չէ։ Եթե հարցումը կրկին ուղարկելու փորձերն էլ են ձախողվում, փորձեք հետևյալը․

1. վերակառուցեք ձեր հարցումն այնպես, որ գործառույթների նման հրամանները դիտարկվեն որպես գործառույթներ

2. ձեր հարցման բոլոր հրամաններն ավելացրեք tools-ում՝ որպես գործառույթներ

Ինչո՞ւ իմ Ֆայլերի որոնում գործիքը լավ չի աշխատում։

Ֆայլերի որոնում գործիքն օգտագործելիս խորհուրդ ենք տալիս max_prompt_tokens-ի համար սահմանել առնվազն 20,000 արժեք։ Ավելի երկար զրույցների կամ Ֆայլերի որոնումը բազմակի օգտագործելու դեպքում փորձեք այս սահմանաչափը հասցնել 50,000-ի, իսկ լավագույն արդյունքների համար նախընտրելի է ընդհանրապես հանել max_prompt_tokens-ի սահմանափակումները։

Ինչպե՞ս կարող եմ կարծիք հայտնել։

Ուրախ կլինենք լսել ձեր կարծիքը մեր Մշակողների ֆորումում, Օգնության կենտրոնի միջոցով՝ help.openai.com հասցեով, կամ Twitter-ում՝ @OpenAIDevs։