Frá og með desember verður notkunarkvóti Plus-, Pro- og Business-áskrifta sameiginlegur fyrir ChatGPT og Codex, samhliða því að við færum getu stillingarinnar Vinna til að sinna verkefnum sjálfstætt inn í aðalviðmót ChatGPT.
Notkun þín á ChatGPT og Codex verður mæld í tóknum, en það eru upplýsingaeiningar sem líkan vinnur úr og býr til. Hversu mikið þú notar af kvótanum þínum fer eftir því hvaða líkan þú velur og hvaða verkefni þú biður það um að vinna. Öflugri líkön og flóknari verkefni ganga yfirleitt meira á kvótann þinn. Spjall með stillingunni Tafarlaust gengur ekki á notkunarkvótann þinn.
Við undirbúum þessa breytingu vandlega til að koma í veg fyrir að hún raski vinnuferlum þínum. Við gerum ráð fyrir að flestir notendur þurfi ekki að bíða oftar eftir að notkunarkvótinn endurnýist en þeir gera nú. Þú munt geta séð hversu mikið er eftir af sameiginlegum notkunarkvóta þínum og endurnýjunartíma undir Stillingar → Notkun. Ef þú klárar kvótann þinn geturðu beðið eftir að hann endurnýist, uppfært áskriftina þína eða keypt inneignir til að halda áfram að nota þá eiginleika sem þær gilda fyrir.