გამომცემლების ხშირი კითხვები
როგორ მოვახვედრო ჩემი ვებსაიტი ბრაუზერში ChatGPT-ის ძიების შედეგებში?
ChatGPT-ის ძიებაში ნებისმიერი საჯარო ვებსაიტი შეიძლება გამოჩნდეს. იმისთვის, რომ თქვენი შიგთავსი ადვილად მოიძებნოს, გამოჩნდეს და მკაფიო მითითებითა და ბმულით იყოს წარმოდგენილი, დაიცავით ეს მითითებები:
იმისთვის, რომ თქვენი საიტის შიგთავსი ChatGPT-ის შეჯამებებსა და ფრაგმენტებში მოხვდეს, დარწმუნდით, რომ OAI-SearchBot-ს არ ბლოკავთ. საჭიროების შემთხვევაში განაახლეთ robots.txt ფაილი, რათა OAI-SearchBot-ს წვდომა ჰქონდეს.
გაითვალისწინეთ: თუ აკრძალული გვერდის URL-ს მესამე მხარის საძიებო სისტემიდან ან სხვა გვერდების სკანირებით მივიღებთ და გვექნება მინიშნებები, რომ გვერდი მომხმარებლის მოთხოვნას შეესაბამება, ChatGPT Atlas-ში შეიძლება მხოლოდ ბმული და გვერდის სათაური გამოვაჩინოთ.
თუ ეს არ გსურთ, გამოიყენეთ noindex მეტატეგი. გაითვალისწინეთ: იმისთვის, რომ ჩვენმა მცოცავმა მეტატეგი წაიკითხოს, შესაბამისი გვერდების სკანირების უფლება უნდა ჰქონდეს.
გამომცემლებს, რომლებიც OAI-SearchBot-ს თავიანთ შიგთავსზე წვდომას აძლევენ, შეუძლიათ ChatGPT-დან გადმომისამართებული ტრაფიკი Google Analytics-ის მსგავსი ანალიტიკური პლატფორმებით აკონტროლონ. ChatGPT გადმომისამართების URL-ებში ავტომატურად ამატებს UTM პარამეტრს utm_source=chatgpt.com, რაც ChatGPT-ის ძიების შედეგებიდან შემოსული ტრაფიკის ზუსტად აღრიცხვისა და გაანალიზების საშუალებას იძლევა.
იყენებს თუ არა ChatGPT Atlas ჩემი ვებგვერდის შიგთავსს მოდელების გასაწვრთნელად?
გამომცემლებმა იმ საიტებსა და გვერდებზე, რომელთა შესაძლო სწავლებიდან გამორიცხვაც სურთ, GPTBot-ის მომხმარებლის აგენტს წვდომა უნდა აუკრძალონ. ჩვენ ამ მითითებას ვითვალისწინებთ იმ შიგთავსისთვის, რომელსაც Atlas-ში მომხმარებელთა ინტერაქციებით ვიღებთ.
შენიშვნა: მაშინაც კი, თუ მომხმარებლები სწავლებაზე თანხმობას განაცხადებენ, მოდელები არ გაიწვრთნება იმ ვებგვერდებზე, რომლებზეც GPTBot დაბლოკილია.
დეველოპერების ხშირი კითხვები
როგორ გავაუმჯობესო ჩემი ვებსაიტის მუშაობა Atlas-ში ChatGPT-ის აგენტთან?
ვებსაიტის ხელმისაწვდომობის გაუმჯობესება Atlas-ში ChatGPT-ის აგენტს მისი უკეთ გაგების საშუალებას აძლევს.
გვერდის სტრუქტურისა და ინტერაქტიული ელემენტების გასაგებად ChatGPT Atlas იყენებს ARIA ტეგებს — იმავე ნიშნულებსა და როლებს, რომლებიც ეკრანის წამკითხველების მუშაობას უზრუნველყოფს. თავსებადობის გასაუმჯობესებლად დაიცავით WAI-ARIA-ს საუკეთესო პრაქტიკა: ინტერაქტიულ ელემენტებს, როგორიცაა ღილაკები, მენიუები და ფორმები, დაამატეთ აღწერითი როლები, ნიშნულები და მდგომარეობები. ეს ChatGPT-ს ეხმარება, ამოიცნოს თითოეული ელემენტის დანიშნულება და თქვენს საიტთან უფრო ზუსტად იმოქმედოს.
როგორ მუშაობს Apps SDK-ით შექმნილი აპები Atlas-ში?
ChatGPT-ის აპები Atlas-ში ისევე მუშაობს, როგორც ChatGPT-ის ვებვერსიაში. როცა ChatGPT-სთვის განკუთვნილ შეტყობინებას ხელმისაწვდომი აპის სახელით იწყებთ, მაგალითად: „Spotify, შექმენი ჩემი ამ პარასკევის წვეულების დასაკრავი სია“, ChatGPT-ს შეუძლია აპი თქვენს ჩატში ავტომატურად გამოაჩინოს და დასახმარებლად შესაბამისი კონტექსტი გამოიყენოს. აპის პირველად გამოყენებისას ChatGPT დაკავშირებას შემოგთავაზებთ, რათა იცოდეთ, რა მონაცემები შეიძლება გაუზიარდეს აპს. გირჩევთ, შეამოწმოთ აპების მუშაობა ჩატის გვერდითა პანელში, რათა დარწმუნდეთ, რომ ისინი მცირე სიგანეზეც კარგად მუშაობს.
ასევე ვმუშაობთ, რომ Atlas-ის გამოყენებისას მომხმარებლებს ChatGPT-ის აპებზე წვდომა გავუმარტივოთ. ვიმედოვნებთ, რომ Atlas-თან უფრო ღრმა ინტეგრაციით დაინტერესებულ დეველოპერებს მალე დამატებით დეტალებს გავუზიარებთ.