ChatGPT-რეკლამები HubSpot-ში თქვენს ChatGPT-რეკლამების ანგარიშს HubSpot-ის ანგარიშთან აკავშირებს. შეგიძლიათ შექმნათ კამპანიები, ახალი პოტენციური კლიენტები პირდაპირ CRM-ში დაამატოთ, შემდგომი მოქმედებების სამუშაო პროცესები გაუშვათ და შედეგები სხვა სარეკლამო არხებთან ერთად იხილოთ.

ეს ინტეგრაცია ამჟამად ხელმისაწვდომია HubSpot-ის ყველა მომხმარებლისთვის იქ, სადაც ChatGPT-რეკლამებია ხელმისაწვდომი.  

დაწყებამდე დაგჭირდებათ:

• ChatGPT-რეკლამების აქტიური ანგარიში ან ახალი ანგარიშის შესაქმნელად საჭირო ინფორმაცია

• HubSpot Marketing Hub Free, Starter, Professional ან Enterprise ანგარიში

• HubSpot-ში სარეკლამო ანგარიშების დაკავშირებისა და კამპანიების შექმნის ნებართვა

• რეკლამების მმართველის თქვენი ანგარიშის მართვის ნებართვა

HubSpot-ის ანგარიშის ChatGPT-რეკლამებთან დაკავშირება

1. HubSpot-ში ზედა სანავიგაციო ზოლზე დააწკაპუნეთ პარამეტრების ხატულაზე.

2. მარცხენა გვერდით პანელში, „ხელსაწყოების“ ქვეშ, დააწკაპუნეთ „მარკეტინგზე“, შემდეგ კი — „რეკლამებზე“.

3. დააწკაპუნეთ „ანგარიშის დაკავშირებაზე“.

4. სარეკლამო ქსელების სიიდან აირჩიეთ ChatGPT-რეკლამები.  შეიყვანეთ ChatGPT-რეკლამების არსებული ანგარიშის მომხმარებლის სახელი და პაროლი ან შექმენით ახალი ანგარიში.  გაიარეთ ავთენტიფიკაციის პროცესი.

5. ანგარიშის დაკავშირების დასასრულებლად დააწკაპუნეთ „ანგარიშის დაკავშირებაზე“.

ChatGPT-რეკლამების კამპანიის შექმნა HubSpot-ში

1. HubSpot-ში გადადით „მარკეტინგზე“, შემდეგ კი — „რეკლამებზე“.

2. ზედა მარჯვენა კუთხეში აირჩიეთ „შექმნა“, შემდეგ კი — „სარეკლამო კამპანია“.

3. მარჯვენა გვერდით პანელში აირჩიეთ „ChatGPT ჩატის ბარათი“, აირჩიეთ თქვენი ანგარიში, შემდეგ კი — „შემდეგი“.

4. კამპანიის ინფორმაცია შეიყვანეთ ჩანართებში „რეკლამა“, „სამიზნე აუდიტორია“ და „ბიუჯეტი და განრიგი“.

5. გადაამოწმეთ კამპანია, შემდეგ კი დააწკაპუნეთ „გამოქვეყნებაზე“.

კამპანიის ატრიბუციისა და შედეგების ნახვა

1. HubSpot-ში გადადით „მარკეტინგზე“, შემდეგ კი — „რეკლამებზე“.

2. აირჩიეთ ChatGPT-რეკლამების თქვენი ანგარიში.

3. იხილეთ შედეგები კამპანიის, სარეკლამო ჯგუფის ან ცალკეული რეკლამის მიხედვით, მათ შორის ჩვენებები, დაწკაპუნებები, კონტაქტები, კლიენტები და ხარჯები.

4. ChatGPT-რეკლამების სხვა სარეკლამო არხებთან შესადარებლად გადადით ჩანართზე „ანალიზი“.

HubSpot-ის გათიშვა

1. HubSpot-ში გახსენით „პარამეტრები“.

2. გადადით „ინტეგრაციები“ > „დაკავშირებული აპები“.

3. იპოვეთ ChatGPT-რეკლამები და აირჩიეთ „მოქმედებები“ > „დეინსტალაცია“.

4. მოთხოვნისას შეიყვანეთ uninstall, შემდეგ კი დასადასტურებლად აირჩიეთ „დეინსტალაცია“.

HubSpot-ის ChatGPT-რეკლამებისგან გათიშვა არ წაშლის რეკლამების მმართველის თქვენს ანგარიშს ან არსებულ კამპანიებს. არსებული კამპანიების განახლება შეიძლება შეწყდეს, თუ მათი მუშაობა გათიშულ HubSpot-ის ანგარიშზეა დამოკიდებული. 

პრობლემების აღმოფხვრა

თუ ანგარიშს ვერ აკავშირებთ ან კამპანიას ვერ ქმნით:

1. დარწმუნდით, რომ ChatGPT-რეკლამების სწორ ანგარიშში ხართ შესული.

2. დარწმუნდით, რომ HubSpot-ში სარეკლამო ანგარიშების დაკავშირების ნებართვა გაქვთ.

3. შეამოწმეთ, აქვს თუ არა თქვენს HubSpot-ის ანგარიშს წვდომა „რეკლამების“ ხელსაწყოზე.

4. გათიშეთ და ხელახლა დააკავშირეთ ChatGPT-რეკლამების ანგარიში, შემდეგ კი კიდევ სცადეთ.

თუ პრობლემა არ მოგვარდა, თქვენს HubSpot-ის ანგარიშში დაუკავშირდით HubSpot-ის მხარდაჭერის გუნდს და მიუთითეთ ChatGPT-რეკლამების ანგარიში, რომლის დაკავშირებასაც ცდილობთ.