ಅವಲೋಕನ

OpenAI ನಲ್ಲಿ, ಎಲ್ಲರ ಪ್ರಯೋಜನಕ್ಕಾಗಿ ಸುಧಾರಿತ ಕೃತಕ ಬುದ್ಧಿಮತ್ತೆ ಮಾದರಿಗಳನ್ನು ಅಭಿವೃದ್ಧಿಪಡಿಸಲು ಮತ್ತು ಒದಗಿಸಲು ನಾವು ಆದ್ಯತೆ ನೀಡುತ್ತೇವೆ. ಈ ಮಾದರಿಗಳು ನಿಮ್ಮ ವ್ಯವಹಾರದ ಆಧಾರವಾಗಿರಬಹುದು ಅಥವಾ ನಿಮ್ಮ ದೈನಂದಿನ ಜೀವನದ ಭಾಗವಾಗಿರಬಹುದು. ಹೀಗಾಗಿ, ಯಾವುದೇ ಅಡಚಣೆ ಉಂಟಾದಾಗ ಅದು ನಿಮಗೆ ಕಿರಿಕಿರಿ ಉಂಟುಮಾಡಬಹುದು ಎಂಬುದನ್ನು ನಾವು ಅರ್ಥಮಾಡಿಕೊಂಡಿದ್ದೇವೆ.

ನಾವು ನಿಮಗೆ ನೆರವಾಗಲು ಸಿದ್ಧರಿದ್ದೇವೆ. ಅದೇ ವೇಳೆ, ಸುರಕ್ಷಿತ ಕೆಲಸದ ವಾತಾವರಣವನ್ನು ಕಾಪಾಡಿಕೊಳ್ಳುವುದು ಕೂಡ ಅಗತ್ಯ. ಆದ್ದರಿಂದ ನಮ್ಮ ಬೆಂಬಲ ಮಾಧ್ಯಮಗಳ ಮೂಲಕ ನಡೆಯುವ ನಿಂದನಾತ್ಮಕ ವರ್ತನೆಯನ್ನು ನಾವು ಸಹಿಸುವುದಿಲ್ಲ. ಕೀಳಾಗಿ ಕಾಣುವ ಅಥವಾ ಅವಹೇಳನಕಾರಿ ಭಾಷೆ ಬಳಸುವುದು, ಜನರಿಗೆ ಹಿಂಸೆ ನೀಡುವ ಅಥವಾ ಆಸ್ತಿಗೆ ಹಾನಿ ಮಾಡುವ ಬೆದರಿಕೆ ಹಾಕುವುದು, ಬೇಡವೆಂದರೂ ಪದೇ ಪದೇ ಅಸಹ್ಯಕರವಾಗಿ ವರ್ತಿಸುವುದು ಅಥವಾ ಇಂತಹ ಇತರ ಕೃತ್ಯಗಳು ನಿಂದನಾತ್ಮಕ ವರ್ತನೆಯಲ್ಲಿ ಸೇರಿವೆ. ಇದು ಈ ಉದಾಹರಣೆಗಳಿಗೆ ಮಾತ್ರ ಸೀಮಿತವಲ್ಲ.

ಎಲ್ಲರಿಗೂ ಸುರಕ್ಷಿತ ಮತ್ತು ರಚನಾತ್ಮಕ ವಾತಾವರಣವನ್ನು ಖಚಿತಪಡಿಸಲು, ನಿಂದನಾತ್ಮಕವಾಗಿ ವರ್ತಿಸುವ ಅಥವಾ ಬೆದರಿಕೆ ಹಾಕುವ ಬಳಕೆದಾರರ ವಿರುದ್ಧ ಈ ಕೆಳಗಿನ ಕ್ರಮಗಳನ್ನು ಕೈಗೊಳ್ಳಬಹುದು. ಕ್ರಮಗಳು ಇವುಗಳಿಗೆ ಮಾತ್ರ ಸೀಮಿತವಾಗಿರುವುದಿಲ್ಲ:

• ಲಿಖಿತ ಅಥವಾ ಮೌಖಿಕ ಎಚ್ಚರಿಕೆಗಳು

• ಬೆಂಬಲ ಸೇವೆಗಳ ಬಳಕೆಯನ್ನು ನಿರ್ಬಂಧಿಸುವುದು ಅಥವಾ ಸ್ಥಗಿತಗೊಳಿಸುವುದು

• OpenAI ಉತ್ಪನ್ನಗಳು ಮತ್ತು ಸೇವೆಗಳ ಬಳಕೆಯನ್ನು ತಾತ್ಕಾಲಿಕವಾಗಿ ಅಥವಾ ಶಾಶ್ವತವಾಗಿ ಸ್ಥಗಿತಗೊಳಿಸುವುದು

• ಹಾನಿ ಮಾಡುವ ನೈಜ ಸಾಧ್ಯತೆಯಿರುವ ಬೆದರಿಕೆಗಳನ್ನು ಅಧಿಕಾರಿಗಳಿಗೆ ವರದಿ ಮಾಡುವುದು

ಅತ್ಯುತ್ತಮ ಬೆಂಬಲ ನೀಡಲು ಮತ್ತು ನಿಮ್ಮ ಯಾವುದೇ ಪ್ರಶ್ನೆಗಳಿಗೆ ಉತ್ತರಿಸಲು ಅಥವಾ ಕಳವಳಗಳನ್ನು ಪರಿಹರಿಸಲು ನಾವು ಬದ್ಧರಾಗಿದ್ದೇವೆ. ಕಿರುಕುಳ ನೀಡುವ ಅಥವಾ ಅಗೌರವ ತೋರುವ ಭಾಷೆಯನ್ನು ಬಳಸುವುದನ್ನು ಮುಂದುವರಿಸಿದರೆ, ನಮ್ಮ ಬೆಂಬಲ ಸೇವೆಗಳನ್ನು ಬಳಸುವ ನಿಮ್ಮ ಅವಕಾಶಕ್ಕೆ ಮಿತಿಗಳನ್ನು ವಿಧಿಸಬಹುದು. ನಿಮ್ಮ ಖಾತೆಯ ಬಳಕೆಯ ಮೇಲೂ ನಿರ್ಬಂಧಗಳು ಬೀಳುವ ಸಾಧ್ಯತೆಯಿದೆ.