ಅವಲೋಕನ

ರೀಜನಿಂಗ್, ಸಂಶೋಧನೆ ಮತ್ತು ಮಾಹಿತಿಯ ಸಂಶ್ಲೇಷಣೆಯ ಮೂಲಕ ದಾಖಲಾತಿಯುಳ್ಳ ವರದಿಯನ್ನು ಸಿದ್ಧಪಡಿಸಿ, ಸಂಕೀರ್ಣ ಆನ್‌ಲೈನ್ ಕಾರ್ಯಗಳನ್ನು ಪೂರ್ಣಗೊಳಿಸಲು ಡೀಪ್ ರಿಸರ್ಚ್ ನಿಮಗೆ ನೆರವಾಗುತ್ತದೆ. ಇದು ಅಪ್‌ಲೋಡ್ ಮಾಡಿದ ಫೈಲ್‌ಗಳೊಂದಿಗೆ ಕೆಲಸ ಮಾಡಬಹುದು, ಸಾರ್ವಜನಿಕ ವೆಬ್ ಅಥವಾ ನಿರ್ದಿಷ್ಟ ಸೈಟ್‌ಗಳಲ್ಲಿ ಹುಡುಕಬಹುದು ಮತ್ತು ಸಕ್ರಿಯಗೊಳಿಸಿದ ChatGPT ಆ್ಯಪ್‌ಗಳನ್ನು ಬಳಸಬಹುದು.

ಡೀಪ್ ರಿಸರ್ಚ್ ಹೇಗೆ ಕಾರ್ಯನಿರ್ವಹಿಸುತ್ತದೆ

1. ನಿಮಗೆ ಬೇಕಾದ ಫಲಿತಾಂಶವನ್ನು ವಿವರಿಸಿ.

2. ಅಗತ್ಯವಿದ್ದಾಗ ವೆಬ್‌ಸೈಟ್‌ಗಳು ಅಥವಾ ಅಪ್‌ಲೋಡ್ ಮಾಡಿದ ಫೈಲ್‌ಗಳನ್ನು ಆಯ್ಕೆಮಾಡಿ. ಅನುಮತಿಗಳು ಮತ್ತು ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು ಅವಕಾಶ ನೀಡಿದಾಗ, ಅರ್ಹ ಸಂಪರ್ಕಿತ ಆ್ಯಪ್‌ಗಳು ಸ್ವಯಂಚಾಲಿತವಾಗಿ ಲಭ್ಯವಾಗುತ್ತವೆ.

3. ChatGPT ಪ್ರಸ್ತಾವಿತ ಸಂಶೋಧನಾ ಯೋಜನೆಯನ್ನು ರಚಿಸುತ್ತದೆ. ಸಂಶೋಧನೆ ಪ್ರಾರಂಭವಾಗುವ ಮೊದಲು ಅದನ್ನು ಪರಿಶೀಲಿಸಿ ಬದಲಾಯಿಸಬಹುದು.

4. ಸಂಶೋಧನೆ ನಡೆಯುವಾಗ ಅದರ ಪ್ರಗತಿಯನ್ನು ಗಮನಿಸಬಹುದು ಮತ್ತು ಅದು ಪ್ರವೇಶಿಸಬಹುದಾದ ಮೂಲಗಳನ್ನು ಬದಲಾಯಿಸುವುದು ಸೇರಿದಂತೆ, ಗಮನವನ್ನು ಮತ್ತಷ್ಟು ನಿಖರಗೊಳಿಸಲು ಯಾವಾಗ ಬೇಕಾದರೂ ಅದನ್ನು ಮಧ್ಯದಲ್ಲೇ ನಿಲ್ಲಿಸಬಹುದು.

5. ಮಾಹಿತಿಯನ್ನು ಪರಿಶೀಲಿಸಲು ಅನುಕೂಲವಾಗುವಂತೆ ಉಲ್ಲೇಖಗಳು ಅಥವಾ ಮೂಲಗಳ ಲಿಂಕ್‌ಗಳಿರುವ ವ್ಯವಸ್ಥಿತ ವರದಿಯನ್ನು ನೀವು ಪಡೆಯುತ್ತೀರಿ.

ವೇಗವಾದ, ನಿಖರವಾದ ಫಲಿತಾಂಶಗಳಿಗಾಗಿ ಡೀಪ್ ರಿಸರ್ಚ್ ಇತ್ತೀಚಿನ ಮಾಡೆಲ್‌ಗಳಿಂದ ಕಾರ್ಯನಿರ್ವಹಿಸುತ್ತದೆ. ನೀವು ಬಯಸಿದರೆ, ಡೀಪ್ ರಿಸರ್ಚ್ ಕಾರ್ಯಕ್ಕಾಗಿ ಹಳೆಯ ಮಾಡೆಲ್ ಅನ್ನು ಆಯ್ಕೆಮಾಡಬಹುದು.

ಡೀಪ್ ರಿಸರ್ಚ್ ಅನ್ನು ಯಾವಾಗ ಬಳಸಬೇಕು

ಹಲವು ಮೂಲಗಳ ಮಾಹಿತಿಯನ್ನು ಒಗ್ಗೂಡಿಸಿ ವಿಶ್ಲೇಷಿಸಬೇಕಾದ ಬಹುಹಂತದ ಅಥವಾ ಆಳವಾದ ಪ್ರಶ್ನೆಗಳಿಗೆ, ವಿಶೇಷವಾಗಿ ಯಾವ ಮೂಲಗಳನ್ನು ಬಳಸಬೇಕೆಂಬುದನ್ನು ನೀವೇ ಸ್ಪಷ್ಟವಾಗಿ ನಿಯಂತ್ರಿಸಲು ಬಯಸಿದಾಗ, ಡೀಪ್ ರಿಸರ್ಚ್ ಬಳಸಿ.

ತ್ವರಿತವಾಗಿ ಮಾಹಿತಿ ಹುಡುಕಲು ಅಥವಾ ಸಂಕ್ಷಿಪ್ತ ಸಂಭಾಷಣೆಗಳಿಗೆ ಸಾಮಾನ್ಯ ಚಾಟ್ ಹೆಚ್ಚು ವೇಗವಾಗಿರಬಹುದು.

ಬಳಕೆ ಮತ್ತು ಮಿತಿಗಳು

ಡೀಪ್ ರಿಸರ್ಚ್ ಬಳಕೆಯ ಪ್ರಮಾಣವು ಪ್ಲಾನ್‌ಗೆ ಅನುಗುಣವಾಗಿ ಬದಲಾಗುತ್ತದೆ. ಉತ್ಪನ್ನದಲ್ಲಿರುವ ಬಳಕೆಯ ಎಣಿಕೆಪಟ್ಟಿಯು ನಿಮಗೆ ಉಳಿದಿರುವ ಕಾರ್ಯಗಳನ್ನು ತೋರಿಸುತ್ತದೆ. ನಿಗದಿತ ಮಾಸಿಕ ಬಳಕೆಯ ಮಿತಿಯಿರುವ ಪ್ಲಾನ್‌ಗಳಲ್ಲಿ, ನಿಮ್ಮ ಮೊದಲ ಬಳಕೆಯ ದಿನಾಂಕದಿಂದ ಪ್ರತಿ 30 ದಿನಗಳಿಗೊಮ್ಮೆ ಅದು ಮರುಹೊಂದಿಸಲ್ಪಡುತ್ತದೆ.

ಪ್ರಾರಂಭಿಸಿ

ಸಂಶೋಧನಾ ಕಾರ್ಯವನ್ನು ಪ್ರಾರಂಭಿಸಿ

ಡೀಪ್ ರಿಸರ್ಚ್ ಕಾರ್ಯವನ್ನು ಹೀಗೆ ಪ್ರಾರಂಭಿಸಬಹುದು:

• ChatGPT ಪ್ರಾಂಪ್ಟ್‌ನಲ್ಲಿ ನೇರವಾಗಿ /Deepresearch ಎಂದು ಟೈಪ್ ಮಾಡಿ

• ChatGPT ಪ್ರಾಂಪ್ಟ್ ವಿಂಡೋದ ಪರಿಕರಗಳ ಮೆನುವಿನಿಂದ (+) ಡೀಪ್ ರಿಸರ್ಚ್ ಆಯ್ಕೆಮಾಡಿ

• ಪಾರ್ಶ್ವಪಟ್ಟಿ ಮೆನುವಿನಿಂದ ಡೀಪ್ ರಿಸರ್ಚ್ ಆಯ್ಕೆಮಾಡಿ

ಡೇಟಾ ಮೂಲವನ್ನು ಆಯ್ಕೆಮಾಡಿ

ಡೀಫಾಲ್ಟ್

ಡೀಫಾಲ್ಟ್ ಆಗಿ, ಡೀಪ್ ರಿಸರ್ಚ್ ಇವುಗಳನ್ನು ಪ್ರವೇಶಿಸಬಹುದು:

• ಸಾರ್ವಜನಿಕ ವೆಬ್

• ನೀವು ಅಪ್‌ಲೋಡ್ ಮಾಡುವ ಫೈಲ್‌ಗಳು

ಸಂಪರ್ಕಿತ ಆ್ಯಪ್‌ಗಳು

ನಿಮ್ಮ ಖಾತೆಗೆ ಲಭ್ಯವಿರುವ ಬೆಂಬಲಿತ ಸಂಪರ್ಕಿತ ಆ್ಯಪ್‌ಗಳು ಮತ್ತು ಡೇಟಾ ಸೇವೆಗಳನ್ನು ಡೀಪ್ ರಿಸರ್ಚ್ ಬಳಸಬಹುದು. ನಿಮ್ಮ ಪ್ಲಾನ್, ಪ್ರದೇಶ, ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು ಮತ್ತು ಆ್ಯಪ್‌ನ ಸಾಮರ್ಥ್ಯಗಳನ್ನು ಅವಲಂಬಿಸಿ, ಲಭ್ಯವಿರುವ ಮೂಲಗಳಲ್ಲಿ Google Drive ಅಥವಾ SharePoint ನಂತಹ ದಾಖಲೆ ಸಂಗ್ರಹಗಳು ಮತ್ತು ದೃಢೀಕೃತ ಉದ್ಯಮ ಡೇಟಾ ಸೇವೆಗಳು ಸೇರಿರಬಹುದು.

ಅನ್ವಯವಾಗುವ ಸಂದರ್ಭಗಳಲ್ಲಿ, ಆ್ಯಪ್ ಡೀಪ್ ರಿಸರ್ಚ್‌ಗೆ ಲಭ್ಯವಿರಬೇಕು ಮತ್ತು ನಿಮ್ಮ ವರ್ಕ್‌ಸ್ಪೇಸ್ ಹಾಗೂ ಪಾತ್ರಕ್ಕಾಗಿ ಸಕ್ರಿಯಗೊಳಿಸಿರಬೇಕು. ಆ್ಯಪ್‌ಗೆ ವೈಯಕ್ತಿಕ ದೃಢೀಕರಣ ಅಗತ್ಯವಿದ್ದರೆ, ನೀವು ಬಳಸಲು ಬಯಸುವ ಮಾಹಿತಿಯನ್ನು ಪ್ರವೇಶಿಸಬಹುದಾದ ಖಾತೆಯನ್ನು ಸಂಪರ್ಕಿಸಿ. ನಿರ್ವಾಹಕರು ನಿರ್ವಹಿಸುವ ಬೆಂಬಲಿತ ಮೂಲವು ವೈಯಕ್ತಿಕ ಸಂಪರ್ಕವಿಲ್ಲದೆಯೂ ಲಭ್ಯವಿರಬಹುದು.

ಆ್ಯಪ್ ಸಂಪರ್ಕಗಳು ಸೇವಾದಾತರ ಅನುಮತಿಗಳು ಅಥವಾ ವರ್ಕ್‌ಸ್ಪೇಸ್ ನಿರ್ಬಂಧಗಳನ್ನು ಅತಿಕ್ರಮಿಸುವುದಿಲ್ಲ. ಜೊತೆಗೆ, ಪ್ರತಿಯೊಂದು ಆ್ಯಪ್ ಅಥವಾ ಪ್ಲಗಿನ್ ಡೀಪ್ ರಿಸರ್ಚ್ ಅನ್ನು ಬೆಂಬಲಿಸುವುದಿಲ್ಲ.

ಸಂಪರ್ಕಿತ ಆ್ಯಪ್‌ಗಳಲ್ಲಿ ಲಭ್ಯವಿರುವ ಓದುವ ಕ್ರಿಯೆಗಳನ್ನು ಡೀಪ್ ರಿಸರ್ಚ್ ಬಳಸುತ್ತದೆ. ಸಂಶೋಧನೆಯ ಭಾಗವಾಗಿ ಇದು ಆ್ಯಪ್‌ನ ಬರೆಯುವ ಕ್ರಿಯೆಗಳನ್ನು ಬಳಸುವುದಿಲ್ಲ.

ಆ್ಯಪ್ ಸಂಪರ್ಕಿಸುವ ಸೂಚನೆಗಳಿಗಾಗಿ, ಇದನ್ನು ನೋಡಿ: ChatGPT ನಲ್ಲಿ ಆ್ಯಪ್ ಖಾತೆಗಳನ್ನು ಸಂಪರ್ಕಿಸುವುದು ಮತ್ತು ನಿರ್ವಹಿಸುವುದು.

ಆ್ಯಪ್ ದೃಢೀಕರಣ ಮತ್ತು ವರ್ಕ್‌ಸ್ಪೇಸ್ ನಿರ್ಬಂಧಗಳ ಮಾಹಿತಿಗಾಗಿ, ಇದನ್ನು ನೋಡಿ: ChatGPT ನಲ್ಲಿ ಆ್ಯಪ್ ಅನುಮತಿಗಳನ್ನು ನಿರ್ವಹಿಸುವುದು.

ನೀವು ಸೂಚಿಸುವ ವೆಬ್ ಮೂಲಗಳು (ನಿರ್ದಿಷ್ಟ ಸೈಟ್‌ಗಳು)

ನಿರ್ದಿಷ್ಟ ವೆಬ್‌ಸೈಟ್‌ಗಳ ಮೇಲೆ ಸಂಶೋಧನೆಯನ್ನು ಕೇಂದ್ರೀಕರಿಸಲು, ChatGPT ಪ್ರಾಂಪ್ಟ್ ವಿಂಡೋದಲ್ಲಿ ಸೈಟ್‌ಗಳು > ಸೈಟ್‌ಗಳನ್ನು ನಿರ್ವಹಿಸಿ ಎಂಬುದಕ್ಕೆ ಹೋಗಿ.

ನೀವು ನಮೂದಿಸುವ ವೆಬ್‌ಸೈಟ್‌ಗಳು ಅಥವಾ ಡೊಮೇನ್‌ಗಳಿಗೆ ಮಾತ್ರ ಸಂಶೋಧನೆಯನ್ನು ಸೀಮಿತಗೊಳಿಸಬಹುದು. ಇಲ್ಲವೇ, ವಿಶಾಲ ವೆಬ್‌ನಲ್ಲೂ ಹುಡುಕುತ್ತಲೇ ನಿರ್ದಿಷ್ಟ ಮೂಲಗಳಿಗೆ ಒತ್ತು ನೀಡಲು ಈ ಸೈಟ್‌ಗಳಿಗೆ ಆದ್ಯತೆ ನೀಡಿ, ಆದರೆ ಸಂಪೂರ್ಣ ವೆಬ್ ಹುಡುಕಾಟವನ್ನು ಅನುಮತಿಸಿ ಎಂಬುದನ್ನು ಆಯ್ಕೆಮಾಡಬಹುದು.

ವೆಬ್‌ಸೈಟ್‌ಗಳನ್ನು ಅಲ್ಪವಿರಾಮದಿಂದ ಬೇರ್ಪಡಿಸಿದ ಪಟ್ಟಿಯಾಗಿಯೂ ನಮೂದಿಸಬಹುದು.

ನಿಮ್ಮ ಪ್ರಾಂಪ್ಟ್ ನಮೂದಿಸಿ

ಉತ್ತಮ ಡೀಪ್ ರಿಸರ್ಚ್ ಪ್ರಾಂಪ್ಟ್‌ನಲ್ಲಿ ಪ್ರಶ್ನೆ, ಬಯಸಿದ ಫಲಿತಾಂಶ ಮತ್ತು ಸಂಬಂಧಿತ ನಿರ್ಬಂಧಗಳನ್ನು ಸ್ಪಷ್ಟವಾಗಿ ವಿವರಿಸಲಾಗಿರುತ್ತದೆ.

ಸಂಶೋಧನೆ ಪ್ರಾರಂಭವಾಗುವ ಮೊದಲು ನಿಮ್ಮ ಗುರಿಗಳನ್ನು ದೃಢಪಡಿಸಲು ChatGPT ಸ್ಪಷ್ಟೀಕರಣದ ಪ್ರಶ್ನೆಗಳನ್ನು ಕೇಳಬಹುದು. ನೀವು ಸಾಧಿಸಲು ಬಯಸುವುದಕ್ಕೆ ವರದಿ ಹೊಂದಿಕೆಯಾಗುವಂತೆ, ಅದರ ಪ್ರಸ್ತಾವಿತ ಸಂಶೋಧನಾ ಯೋಜನೆಯನ್ನು ಪರಿಶೀಲಿಸಿ ತಿದ್ದುಪಡಿ ಮಾಡಬಹುದು.

ನಿಮ್ಮ ಫಲಿತಾಂಶಗಳನ್ನು ಡೌನ್‌ಲೋಡ್ ಮಾಡಿ ಪರಿಶೀಲಿಸಿ

ಮಾಹಿತಿಯನ್ನು ಪರಿಶೀಲಿಸಲು ಅನುಕೂಲವಾಗುವಂತೆ ಎಲ್ಲ ಡೀಪ್ ರಿಸರ್ಚ್ ಫಲಿತಾಂಶಗಳಲ್ಲೂ ಉಲ್ಲೇಖಗಳು ಅಥವಾ ಮೂಲಗಳ ಲಿಂಕ್‌ಗಳಿರುತ್ತವೆ.

ಪೂರ್ಣಗೊಂಡ ಸಂಶೋಧನೆಯು ಈ ಅಂಶಗಳೊಂದಿಗೆ ಪೂರ್ಣಪರದೆ ವರದಿ ವೀಕ್ಷಣೆಯಲ್ಲಿ ತೆರೆಯುತ್ತದೆ:

• ದೀರ್ಘ ವರದಿಗಳಲ್ಲಿ ಸುಲಭವಾಗಿ ಸಂಚರಿಸಲು ಪರಿವಿಡಿ

• ಉಲ್ಲೇಖಗಳನ್ನು ಪರಿಶೀಲಿಸಲು ಬಳಸಿದ ಮೂಲಗಳ ವಿಭಾಗ

• ಸಂಶೋಧನೆ ಹೇಗೆ ಮುಂದುವರಿಯಿತು ಎಂಬುದನ್ನು ತೋರಿಸುವ ಚಟುವಟಿಕೆಯ ಇತಿಹಾಸ

ಪೂರ್ಣಗೊಂಡ ವರದಿಗಳನ್ನು ಮರುಬಳಕೆ ಮಾಡಲು ಅಥವಾ ಹಂಚಿಕೊಳ್ಳಲು ಮಾರ್ಕ್‌ಡೌನ್, ವರ್ಡ್ ಮತ್ತು ಪಿಡಿಎಫ್ ಸೇರಿದಂತೆ ಹಲವು ಸ್ವರೂಪಗಳಲ್ಲಿ ಡೌನ್‌ಲೋಡ್ ಮಾಡಬಹುದು.

ಎಂಟರ್‌ಪ್ರೈಸ್ ನಿರ್ವಾಹಕ ನಿಯಂತ್ರಣಗಳು ಮತ್ತು ಡೇಟಾ ಗೌಪ್ಯತೆ

ರೋಲ್-ಬೇಸ್‌ಡ್ ಆಕ್ಸೆಸ್ ಕಂಟ್ರೋಲ್ (RBAC)

Enterprise ಮತ್ತು Edu ವರ್ಕ್‌ಸ್ಪೇಸ್‌ಗಳಲ್ಲಿ, ನಿರ್ವಾಹಕರು ರೋಲ್-ಬೇಸ್‌ಡ್ ಆಕ್ಸೆಸ್ ಕಂಟ್ರೋಲ್ (RBAC) ಮೂಲಕ ಡೀಪ್ ರಿಸರ್ಚ್‌ಗೆ ಪ್ರವೇಶವನ್ನು ನಿಯಂತ್ರಿಸುತ್ತಾರೆ.

ಡೀಪ್ ರಿಸರ್ಚ್ ವರ್ಕ್‌ಸ್ಪೇಸ್‌ನ ಆ್ಯಪ್ ಸಕ್ರಿಯಗೊಳಿಸುವಿಕೆ, ಪಾತ್ರದ ಪ್ರವೇಶ ಮತ್ತು ಸಂಪರ್ಕಿತ ಖಾತೆಯ ಅನುಮತಿಗಳನ್ನು ಪಾಲಿಸುತ್ತದೆ. ಒಂದು ಆ್ಯಪ್ ಡೀಪ್ ರಿಸರ್ಚ್ ಅನ್ನು ಬೆಂಬಲಿಸಿ, ಖಾತೆ ಮತ್ತು ವರ್ಕ್‌ಸ್ಪೇಸ್‌ಗೆ ಲಭ್ಯವಿದ್ದರೆ ಮಾತ್ರ ಅದು ಸಂಶೋಧನಾ ಮೂಲವಾಗಿ ಕಾಣಿಸುತ್ತದೆ. ವರ್ಕ್‌ಸ್ಪೇಸ್‌ಗಾಗಿ ಆ್ಯಪ್ ಅನ್ನು ಸಕ್ರಿಯಗೊಳಿಸುವುದರಿಂದ ಅದು ಡೀಪ್ ರಿಸರ್ಚ್ ಅನ್ನು ಬೆಂಬಲಿಸುತ್ತದೆ ಅಥವಾ ಪ್ರತಿಯೊಬ್ಬ ಸದಸ್ಯರೂ ಸೇವಾದಾತರ ಒಂದೇ ವಿಷಯವನ್ನು ಪ್ರವೇಶಿಸಬಹುದು ಎಂಬ ಖಾತರಿ ಸಿಗುವುದಿಲ್ಲ.

ವರ್ಕ್‌ಸ್ಪೇಸ್ ನಿರ್ವಹಣೆಗಾಗಿ, ಇದನ್ನು ನೋಡಿ: ಪ್ಲಗಿನ್‌ಗಳು ಮತ್ತು ಆ್ಯಪ್‌ಗಳ ನಿರ್ವಾಹಕ ನಿಯಂತ್ರಣಗಳು, ಭದ್ರತೆ ಮತ್ತು ಅನುಸರಣೆ.

ಡೇಟಾ ಗೌಪ್ಯತೆ

ಡೀಪ್ ರಿಸರ್ಚ್ ಬಳಸುವ ಸಂಭಾಷಣೆಗಳಿಗೂ ಸಾಮಾನ್ಯ ChatGPT ಸಂಭಾಷಣೆಗಳಲ್ಲಿರುವ ಡೇಟಾ ನಿರ್ವಹಣೆ ಮತ್ತು ಗೌಪ್ಯತೆ ಸೆಟ್ಟಿಂಗ್‌ಗಳೇ ಅನ್ವಯಿಸುತ್ತವೆ. ನಿಮ್ಮ ಡೇಟಾ ನಿಯಂತ್ರಣಗಳಲ್ಲಿ ಉಳಿಸಿಕೊಳ್ಳುವಿಕೆ ಮತ್ತು ತರಬೇತಿಯ ಆದ್ಯತೆಗಳನ್ನು ನಿರ್ವಹಿಸಬಹುದು. ಹೆಚ್ಚಿನ ಮಾಹಿತಿಗಾಗಿ, ಇದನ್ನು ನೋಡಿ: ChatGPT ನಲ್ಲಿನ ಚಾಟ್ ಮತ್ತು ಫೈಲ್ ರಿಟೆನ್ಷನ್ ಪಾಲಿಸಿಗಳು.

ಅನುಸರಣೆ API

ಕಾರ್ಯವನ್ನು ಪ್ರಾರಂಭಿಸಿದ ಸಂಭಾಷಣೆಯೊಂದಿಗೆ ಡೀಪ್ ರಿಸರ್ಚ್ ಚಟುವಟಿಕೆಯ ವಿವರಗಳೂ Conversation API ಯಲ್ಲಿ ಲಭ್ಯವಿರುತ್ತವೆ.

ಯಾವ ವಿವರಗಳು ಸೇರಿವೆ ಮತ್ತು ಅವುಗಳನ್ನು ಹೇಗೆ ಪತ್ತೆಮಾಡುವುದು ಎಂಬುದಕ್ಕಾಗಿ, ಇದನ್ನು ನೋಡಿ: Conversation API ಉಲ್ಲೇಖ ದಾಖಲಾತಿ.

ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

ಹುಡುಕಾಟವನ್ನು ಮತ್ತು ಡೀಪ್ ರಿಸರ್ಚ್ ಅನ್ನು ಯಾವಾಗ ಬಳಸಬೇಕು?

ತ್ವರಿತ ವಾಸ್ತವಾಂಶಗಳಿಗೆ ಹುಡುಕಾಟ ಬಳಸಿ, ಮತ್ತು ಆಳತೆ ಹಾಗೂ ಸಮಗ್ರತೆಗೆ ಡೀಪ್ ರಿಸರ್ಚ್ ಬಳಸಿ.

ಹುಡುಕಾಟವು ಇತ್ತೀಚಿನ ವೆಬ್ ಮಾಹಿತಿಯನ್ನು ತ್ವರಿತವಾಗಿ ಪಡೆದು, ಲಿಂಕ್‌ಗಳೊಂದಿಗೆ ಚಿಕ್ಕ ಸಾರಾಂಶವನ್ನು ನೀಡುತ್ತದೆ. ಡೀಪ್ ರಿಸರ್ಚ್ ಅನೇಕ ಮೂಲಗಳನ್ನು ಓದಿ ವಿಶ್ಲೇಷಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ, ನಂತರ ವಿವರವಾದ, ದಾಖಲಿತ ವರದಿಯನ್ನು ಸೃಷ್ಟಿಸುತ್ತದೆ.

ಡೀಪ್ ರಿಸರ್ಚ್ ಎಲ್ಲಾ ದೇಶಗಳಲ್ಲಿ ಕಾರ್ಯನಿರ್ವಹಿಸುತ್ತದೆಯೇ?

ಇಲ್ಲ. ಲಭ್ಯತೆ ನಿಮ್ಮ ಪ್ಲಾನ್ ಮತ್ತು ನಿಮ್ಮ ದೇಶ ಅಥವಾ ಪ್ರದೇಶದ ಮೇಲೆ ಅವಲಂಬಿತವಾಗಿರುತ್ತದೆ.

ಸಂಶೋಧನೆ ನಡೆಯುತ್ತಿರುವಾಗ ನನಗೆ ಯಾವ ನಿಯಂತ್ರಣಗಳು ಲಭ್ಯವಿವೆ?

ಸಂಶೋಧನೆ ಪ್ರಾರಂಭವಾಗುವ ಮೊದಲು ಅದರ ಯೋಜನೆಯನ್ನು ತಿದ್ದುಪಡಿ ಮಾಡಬಹುದು, ಪ್ರಗತಿಯನ್ನು ನೈಜ ಸಮಯದಲ್ಲಿ ನೋಡಬಹುದು, ಗಮನವನ್ನು ಸರಿಹೊಂದಿಸಲು ಸಂಶೋಧನೆಯನ್ನು ಮಧ್ಯದಲ್ಲೇ ನಿಲ್ಲಿಸಬಹುದು ಮತ್ತು ಅದು ಪ್ರವೇಶಿಸಬಹುದಾದ ಮೂಲಗಳನ್ನು ಬದಲಾಯಿಸಬಹುದು.

ಡೀಪ್ ರಿಸರ್ಚ್‌ಗಾಗಿ ಬೇರೆ ಮಾಡೆಲ್ ಆಯ್ಕೆಮಾಡಬಹುದೇ?

ಹೌದು. ಡೀಫಾಲ್ಟ್ ಆಗಿ ಡೀಪ್ ರಿಸರ್ಚ್ ಇತ್ತೀಚಿನ ಮಾಡೆಲ್‌ನಿಂದ ಕಾರ್ಯನಿರ್ವಹಿಸುತ್ತದೆ. ನೀವು ಬಯಸಿದರೆ ಡೀಪ್ ರಿಸರ್ಚ್‌ಗಾಗಿ ಹಳೆಯ ಮಾಡೆಲ್‌ಗಳನ್ನು ಬಳಸುವುದನ್ನು ಮುಂದುವರಿಸಬಹುದು.

ನನ್ನ ಡೀಪ್ ರಿಸರ್ಚ್ ಫಲಿತಾಂಶಗಳು ಎಷ್ಟು ಕಾಲ ಲಭ್ಯವಿರುತ್ತವೆ?

ಅನ್ವಯವಾಗುವ ಯಾವುದೇ ವರ್ಕ್‌ಸ್ಪೇಸ್ ಉಳಿಸಿಕೊಳ್ಳುವಿಕೆ ಸೆಟ್ಟಿಂಗ್‌ಗಳೂ ಸೇರಿದಂತೆ, ಸಂಭಾಷಣೆಯ ರಿಟೆನ್ಷನ್ ಪಾಲಿಸಿಯೇ ಡೀಪ್ ರಿಸರ್ಚ್ ಫಲಿತಾಂಶಗಳಿಗೂ ಅನ್ವಯಿಸುತ್ತದೆ. ಆ ಪಾಲಿಸಿಯ ಪ್ರಕಾರ, ಸಂಭಾಷಣೆಯನ್ನು ಅಳಿಸಿದಾಗ ಅದರೊಂದಿಗೆ ಸಂಬಂಧಿಸಿದ ಡೀಪ್ ರಿಸರ್ಚ್ ಫಲಿತಾಂಶಗಳೂ ಅಳಿಸಲ್ಪಡುತ್ತವೆ. ವಿವರಗಳಿಗಾಗಿ, ಇದನ್ನು ನೋಡಿ: ChatGPT ನಲ್ಲಿನ ಚಾಟ್ ಮತ್ತು ಫೈಲ್ ರಿಟೆನ್ಷನ್ ಪಾಲಿಸಿಗಳು.

ನನ್ನ ಕಾರ್ಯಕ್ಕೆ ತುರ್ತು ಉತ್ತರಗಳು ಬೇಕಾದರೆ ಏನು ಮಾಡಬೇಕು?

ಸಮಯ ಬಹಳ ಮುಖ್ಯವಾಗಿದ್ದರೆ, ವೇಗವಾದ ಪ್ರತಿಕ್ರಿಯೆಗಳಿಗಾಗಿ ಹುಡುಕಾಟ ಅಥವಾ ಪ್ರಮಾಣಿತ ಚಾಟ್ ಬಳಸಿ, ಮತ್ತು ಆಳವಾದ ವಿಶ್ಲೇಷಣೆಗೆ ಡೀಪ್ ರಿಸರ್ಚ್ ಉಳಿಸಿ.

ಡೀಪ್ ರಿಸರ್ಚ್‌ಗಾಗಿ ಯಾವ ಆ್ಯಪ್‌ಗಳು ಲಭ್ಯವಿವೆ?

ಡೀಪ್ ರಿಸರ್ಚ್ ಅನ್ನು ಬೆಂಬಲಿಸುವ ಮತ್ತು ನಿಮ್ಮ ಖಾತೆಗೆ ಲಭ್ಯವಿರುವ ಆ್ಯಪ್‌ಗಳನ್ನು ಮಾತ್ರ ಸಂಶೋಧನಾ ಮೂಲಗಳಾಗಿ ಬಳಸಬಹುದು. ಲಭ್ಯತೆಯು ನಿಮ್ಮ ಪ್ಲಾನ್, ಪ್ರದೇಶ, ವರ್ಕ್‌ಸ್ಪೇಸ್ ಸಂರಚನೆ, ಪಾತ್ರದ ಪ್ರವೇಶ ಮತ್ತು ನೀವು ಸಂಪರ್ಕಿಸಿರುವ ಸೇವಾದಾತರ ಖಾತೆಯ ಅನುಮತಿಗಳನ್ನು ಅವಲಂಬಿಸಿರುತ್ತದೆ. ಒಂದು ಆ್ಯಪ್ ChatGPT ನಲ್ಲಿ ಲಭ್ಯವಿರುವುದು ಅಥವಾ ಪ್ಲಗಿನ್‌ನಲ್ಲಿ ಸೇರಿರುವುದು ಮಾತ್ರವೇ ಅದು ಡೀಪ್ ರಿಸರ್ಚ್‌ಗೂ ಲಭ್ಯವಿದೆ ಎಂದರ್ಥವಲ್ಲ.

ಆ್ಯಪ್‌ಗಳ ಲಭ್ಯತೆ ಮತ್ತು ಸಾಮರ್ಥ್ಯಗಳ ಅವಲೋಕನಕ್ಕಾಗಿ, ಇದನ್ನು ನೋಡಿ: ChatGPT ನಲ್ಲಿನ ಸಂಪರ್ಕಿತ ಆ್ಯಪ್‌ಗಳು.

ನಿರೀಕ್ಷಿತ ಮೂಲವು ಕಾಣಿಸದಿದ್ದರೆ, ಇದನ್ನು ನೋಡಿ: ChatGPT ನಲ್ಲಿನ ಆ್ಯಪ್ ಸಮಸ್ಯೆಗಳನ್ನು ಪರಿಹರಿಸುವುದು.