ಈ ಪ್ರೊಮೋ ಕೋಡ್ಗಳಿಗೆ ಯಾವ ನಿಯಮಗಳು ಅನ್ವಯಿಸುತ್ತವೆ?
OpenAIನ ಸೇವಾ ನಿಯಮಗಳು ಅನ್ವಯಿಸುತ್ತವೆ. ಪ್ರೊಮೋ ಕೋಡ್ಗಳನ್ನು ಬಳಸುವ ಮೂಲಕ, ಅವುಗಳನ್ನು ಉದ್ದೇಶಿತ ಬಳಕೆದಾರರು ಮತ್ತು ಉದ್ದೇಶಕ್ಕಾಗಿ ಮಾತ್ರ ಬಳಸಬೇಕು, ನಕಲು ಮಾಡಬಾರದು, ಮಾರಾಟ ಅಥವಾ ವರ್ಗಾವಣೆ ಮಾಡಬಾರದು, OpenAI ಅವುಗಳಿಗೆ ಹೆಚ್ಚುವರಿ ಷರತ್ತುಗಳನ್ನು ವಿಧಿಸಬಹುದು, ಅವು ನಗದು, ಇತರ ಕ್ರೆಡಿಟ್ಗಳು ಅಥವಾ ಅಂಕಗಳಿಗೆ ಮಾನ್ಯವಾಗಿರುವುದಿಲ್ಲ ಮತ್ತು ನೀವು ಬಳಸುವ ಮೊದಲೇ ಅವುಗಳ ಅವಧಿ ಮುಗಿಯಬಹುದು ಎಂಬುದನ್ನು ನೀವು ಒಪ್ಪುತ್ತೀರಿ.
ಪ್ರತಿ ಚಂದಾದಾರರಿಗೆ ಒಂದು ಕೋಡ್ನ ಮಿತಿ ಇದೆ. ದುರ್ಬಳಕೆ ಅಥವಾ ವಂಚನೆಯ ಅನುಮಾನವಿದ್ದರೆ ಅಥವಾ ಅನ್ವಯಿಸುವ ಕಾನೂನನ್ನು ಪಾಲಿಸುವ ಸಲುವಾಗಿ, ಯಾವುದೇ ಮರುಪಾವತಿಯಿಲ್ಲದೆ ಪ್ರೊಮೋ ಕೋಡ್ಗಳನ್ನು, ChatGPT ಸೇವೆಯ ನಿಮ್ಮ ಬಳಕೆಯನ್ನು ಮತ್ತು/ಅಥವಾ ನಿಮ್ಮ ಖಾತೆಯನ್ನು ಹಿಂಪಡೆಯುವ, ಕೊನೆಗೊಳಿಸುವ ಅಥವಾ ರದ್ದುಗೊಳಿಸುವ ಹಕ್ಕನ್ನು ನಾವು ಕಾಯ್ದಿರಿಸಿಕೊಂಡಿದ್ದೇವೆ.
ನಿಮ್ಮ ದೂರಸಂಪರ್ಕ ಸೇವಾದಾತರ ಒಪ್ಪಂದದ ಆಧಾರದ ಮೇಲೆ ಹೆಚ್ಚುವರಿ ನಿಯಮಗಳು ಅನ್ವಯಿಸಬಹುದು.
ಈ ಪ್ರಚಾರ ಕೊಡುಗೆಗೆ ಯಾರು ಅರ್ಹರು?
ಕೆಲವು ಪ್ರಚಾರ ಕೊಡುಗೆಗಳು ಈ ಹಿಂದೆ ಎಂದಿಗೂ ChatGPT Go, Plus ಅಥವಾ Pro ಚಂದಾದಾರಿಕೆಯನ್ನು ಹೊಂದಿರದ ಹೊಸ ChatGPT ಚಂದಾದಾರರಿಗೆ ಮಾತ್ರ ಲಭ್ಯವಿರುತ್ತವೆ. ಇನ್ನು ಕೆಲವು ಪ್ರಸ್ತುತ ChatGPT ಚಂದಾದಾರರಿಗೂ ಲಭ್ಯವಿರುತ್ತವೆ. ಅಭಿಯಾನಕ್ಕೆ ನಿರ್ದಿಷ್ಟಪಡಿಸಲಾದ ಇತರ ಅರ್ಹತಾ ಮಾನದಂಡಗಳೂ ಇರಬಹುದಾದ್ದರಿಂದ ಅದರ ವಿವರಗಳನ್ನು ನೋಡಿ.
ಪ್ರೊಮೋ ಕೋಡ್ ಅನ್ನು ನಾನು ಹೇಗೆ ಪಡೆದುಕೊಳ್ಳುವುದು?
ಪಾಲುದಾರರಿಂದ ನಿಮ್ಮ ಕೋಡ್ ಪಡೆಯಿರಿ (ಉದಾಹರಣೆಗೆ, ಕಿರುಸಂದೇಶದ ಮೂಲಕ ಅಥವಾ ಅವರ ಜಾಲತಾಣದ ಮೂಲಕ). ನೀಡಲಾದ ವಿಶಿಷ್ಟ ಕೊಂಡಿಯನ್ನು ಅನುಸರಿಸಿ, ಪ್ರವೇಶಿಸಿ ಅಥವಾ ಹೊಸ ChatGPT ಖಾತೆಯನ್ನು ರಚಿಸಿ. ನೀವು ಅರ್ಹರಾಗಿದ್ದರೆ ದೃಢೀಕರಣ ಕಾಣಿಸುತ್ತದೆ. ನಂತರ ಪಾವತಿ ಪ್ರಕ್ರಿಯೆಗೆ ಮುಂದುವರಿಯಿರಿ. ಅಲ್ಲಿ ರಿಯಾಯಿತಿ ಸ್ವಯಂಚಾಲಿತವಾಗಿ ಅನ್ವಯವಾಗುತ್ತದೆ.
ನನ್ನ ಪ್ರೊಮೋ ಕೋಡ್ ಕೆಲಸ ಮಾಡಲಿಲ್ಲ. ನನಗೆ ಇನ್ನೊಂದು ಕೋಡ್ ಕಳುಹಿಸಬಹುದೇ?
ಇಲ್ಲ, OpenAI ಪ್ರೊಮೋ ಕೋಡ್ಗಳನ್ನು ಮರುನೀಡುವುದಿಲ್ಲ. ಮತ್ತೊಂದು ಕೋಡ್ ಕೇಳಲು, ನಿಮಗೆ ಕೋಡ್ ನೀಡಿದ ಪಾಲುದಾರರನ್ನು ಸಂಪರ್ಕಿಸಿ ಅವರ ನೆರವು ಪಡೆಯಿರಿ.
ನಾನು ಅರ್ಹನಲ್ಲ ಎಂಬ ದೋಷ ಸಂದೇಶ ಬಂದರೆ ಏನು ಮಾಡಬೇಕು?
ಈಗಾಗಲೇ ChatGPT ಚಂದಾದಾರಿಕೆ (Go, Plus ಅಥವಾ Pro) ಹೊಂದಿರುವುದು, ಈ ಹಿಂದೆ ಇದೇ ರೀತಿಯ ಪ್ರಚಾರ ಕೊಡುಗೆಯನ್ನು ಬಳಸಿರುವುದು, ಕೋಡ್ ಅವಧಿ ಮುಗಿದಿರುವುದು ಅಥವಾ ನಿಮ್ಮ ಪ್ರದೇಶದಲ್ಲಿ ಅಥವಾ ನಿಮ್ಮ ಪಾವತಿ ವಿಧಾನದೊಂದಿಗೆ ಆ ಪ್ರಚಾರ ಕೊಡುಗೆ ಮಾನ್ಯವಾಗಿಲ್ಲದಿರುವುದು ಸಾಮಾನ್ಯ ಕಾರಣಗಳಾಗಿವೆ. ತಪ್ಪಾಗಿ ದೋಷ ಸಂದೇಶ ಬಂದಿದೆ ಎಂದು ನಿಮಗೆ ಅನಿಸಿದರೆ, ವಿವರಗಳೊಂದಿಗೆ help.openai.com ಮೂಲಕ ಗ್ರಾಹಕ ಬೆಂಬಲವನ್ನು ಸಂಪರ್ಕಿಸಿ.
ನನ್ನ ಪ್ರೊಮೋ ಕೋಡ್ ಅನ್ನು ಸ್ನೇಹಿತರು ಅಥವಾ ಕುಟುಂಬದವರೊಂದಿಗೆ ಹಂಚಿಕೊಳ್ಳಬಹುದೇ?
ಪ್ರತಿಯೊಂದು ಪ್ರೊಮೋ ಕೋಡ್ ಒಬ್ಬ ಬಳಕೆದಾರರಿಗೆ ಮಾತ್ರ ಮೀಸಲಾಗಿದ್ದು, ಅದನ್ನು ವರ್ಗಾಯಿಸಲು ಅಥವಾ ಹಣಕ್ಕೆ ಮಾರಾಟ ಮಾಡಲು ಸಾಧ್ಯವಿಲ್ಲ. ಕೆಲವು ಪಾಲುದಾರರು ಪ್ರತಿಯೊಂದು ಚಂದಾದಾರರ ಖಾತೆಗೆ ವಿಶಿಷ್ಟ ಕೋಡ್ ನೀಡುತ್ತಾರೆ. ಆದ್ದರಿಂದ ಅದನ್ನು ನೀವು ಮಾತ್ರ ಪಡೆದುಕೊಳ್ಳಬಹುದು. ಹೆಚ್ಚಿನ ವಿವರಗಳಿಗಾಗಿ ನಿಮ್ಮ ಪಾಲುದಾರರ ಪ್ರಚಾರ ಸಾಮಗ್ರಿಗಳನ್ನು ನೋಡಿ.
ಯಾವ ಪಾವತಿ ವಿಧಾನಗಳನ್ನು ಸ್ವೀಕರಿಸಲಾಗುತ್ತದೆ?
ಸಾಮಾನ್ಯವಾಗಿ, ChatGPT Goಗಾಗಿ ಪ್ರಮಾಣಿತ ಪಾವತಿ ವಿಧಾನಗಳ ಮೂಲಕ (ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್ ಅಥವಾ ಕೆಲವು ಡಿಜಿಟಲ್ ಪಾವತಿ ಆಯ್ಕೆಗಳು) ಪಾವತಿಸಬಹುದು. ಕೆಲವು ಪ್ರಚಾರ ಕೊಡುಗೆಗಳಲ್ಲಿ ಗೂಗಲ್ ಪ್ಲೇ ಸ್ಟೋರ್ನ ಪಾವತಿ ವಿಧಾನಗಳ ಮೂಲಕ ಪಾವತಿಸಲು ಅವಕಾಶವಿರಬಹುದು. ಕೆಲವು ಪ್ರಚಾರ ಕೊಡುಗೆಗಳಲ್ಲಿ ಅನುಮತಿಸಲಾದ ಪಾವತಿ ವಿಧಾನಗಳಿಗೆ ಮಿತಿ ಇರಬಹುದು. ನಿಮ್ಮ ಪಾಲುದಾರರು ನೀಡಿರುವ ಮಾಹಿತಿಯನ್ನು ಅಥವಾ ಪಾವತಿ ಪುಟವನ್ನು ಪರಿಶೀಲಿಸಿ.
ChatGPT Goಗಾಗಿ ನನ್ನಿಂದ ತಕ್ಷಣವೇ ಶುಲ್ಕ ವಿಧಿಸಲಾಗುತ್ತದೆಯೇ?
ಪ್ರತಿಯೊಂದು ಪ್ರಚಾರ ಕೊಡುಗೆಯೂ ಸ್ವಲ್ಪ ಭಿನ್ನವಾಗಿರಬಹುದು. ಕೆಲವು ಉಚಿತ ಪ್ರಯೋಗದೊಂದಿಗೆ, ಕೆಲವು ರಿಯಾಯಿತಿ ದರದಲ್ಲಿ ಮತ್ತು ಇನ್ನೂ ಕೆಲವು ಪೂರ್ಣ ದರದೊಂದಿಗೆ ಪ್ರಾರಂಭವಾಗಿ ನಂತರ ಪ್ರಚಾರದ ಕೊಡುಗೆಯನ್ನು ನೀಡುತ್ತವೆ. ನಿಮಗೆ ಅನ್ವಯಿಸುವ ಪ್ರಚಾರ ಕೊಡುಗೆಯ ನಿರ್ದಿಷ್ಟ ವಿವರಗಳನ್ನು ನೋಡಿ. ಅಭಿಯಾನವನ್ನು ಅವಲಂಬಿಸಿ, ಪ್ರಚಾರ ಕೊಡುಗೆ ಮುಗಿದಾಗ ಕೆಲವು ಚಂದಾದಾರಿಕೆಗಳು ಪ್ರಮಾಣಿತ ಮಾಸಿಕ ದರದಲ್ಲಿ ಸ್ವಯಂಚಾಲಿತವಾಗಿ ನವೀಕರಣಗೊಳ್ಳುತ್ತವೆ, ಇನ್ನು ಕೆಲವು ಸ್ವಯಂಚಾಲಿತವಾಗಿ ನವೀಕರಣಗೊಳ್ಳುವುದಿಲ್ಲ. ಸ್ವಯಂಚಾಲಿತವಾಗಿ ನವೀಕರಣಗೊಳ್ಳುವ ಚಂದಾದಾರಿಕೆ ಮುಂದುವರಿಯುವುದು ನಿಮಗೆ ಬೇಡವಾದರೆ, ನಿಮ್ಮ ಅಭಿಯಾನದ ವಿವರಗಳನ್ನು ಪರಿಶೀಲಿಸಿ ಮತ್ತು ಮೊದಲ ಬಿಲ್ಲಿಂಗ್ ದಿನಾಂಕಕ್ಕೂ ಮೊದಲು ರದ್ದುಗೊಳಿಸಿ.
ಪ್ರಚಾರ ಕೊಡುಗೆ ಮುಗಿಯುವ ಮೊದಲು ನನ್ನ ಚಂದಾದಾರಿಕೆಯನ್ನು ರದ್ದುಗೊಳಿಸಬಹುದೇ?
ಹೌದು. ಕೆಲವು ಪ್ರಚಾರ ಕೊಡುಗೆಗಳನ್ನು ಜಾಲತಾಣದಲ್ಲಿ ಪಡೆದುಕೊಳ್ಳಬಹುದು ಮತ್ತು ಜಾಲತಾಣದಲ್ಲಿರುವ ನಿಮ್ಮ ChatGPT ಖಾತೆ ಸೆಟ್ಟಿಂಗ್ಗಳ ಮೂಲಕ ಯಾವಾಗ ಬೇಕಾದರೂ ರದ್ದುಗೊಳಿಸಬಹುದು. ಕೆಲವು ಪ್ರಚಾರ ಕೊಡುಗೆಗಳನ್ನು ChatGPT ಮೊಬೈಲ್ ಆ್ಯಪ್ನಲ್ಲಿ ಪಡೆದುಕೊಳ್ಳಬಹುದು ಮತ್ತು ಮೊಬೈಲ್ ಆ್ಯಪ್ನಲ್ಲಿರುವ ನಿಮ್ಮ ChatGPT ಖಾತೆ ಸೆಟ್ಟಿಂಗ್ಗಳ ಮೂಲಕ ಯಾವಾಗ ಬೇಕಾದರೂ ರದ್ದುಗೊಳಿಸಬಹುದು. ಅದು ಉಚಿತ ಪ್ರಚಾರ ಕೊಡುಗೆಯಾಗಿದ್ದರೆ, ರದ್ದುಗೊಳಿಸಿದ ತಕ್ಷಣವೇ ನಿಮ್ಮ ಪ್ರವೇಶ ಕೊನೆಗೊಳ್ಳಬಹುದು. ಅದು ರಿಯಾಯಿತಿ ಕೊಡುಗೆಯಾಗಿದ್ದರೆ, ಪ್ರಸ್ತುತ ಪಾವತಿಸಿದ ಬಿಲ್ಲಿಂಗ್ ಆವರ್ತದಲ್ಲಿ ಉಳಿದಿರುವ ಅವಧಿಯವರೆಗೆ ನಿಮಗೆ ಪ್ರವೇಶವಿರುತ್ತದೆ. ಒಮ್ಮೆ ರದ್ದುಗೊಳಿಸಿದ ನಂತರ ಅದೇ ಪ್ರೊಮೋ ಕೋಡ್ ಅನ್ನು ಮರುಬಳಕೆ ಮಾಡಲಾಗುವುದಿಲ್ಲ. ರದ್ದುಗೊಳಿಸಿದ ನಂತರ ನಿಮ್ಮ ಚಂದಾದಾರಿಕೆಯನ್ನು ಪುನಃ ಸಕ್ರಿಯಗೊಳಿಸಿದರೆ, ಪ್ರಚಾರದ ಅವಧಿಯೊಳಗೇ ಮತ್ತೆ ಚಂದಾದಾರರಾದರೂ ಪ್ರಚಾರದ ದರ ಮರಳಿ ಸಿಗುವುದಿಲ್ಲ. ಪ್ರಚಾರದ ಅವಧಿಯನ್ನು ಸತತ ತಿಂಗಳುಗಳಲ್ಲಿ ಬಳಸಬೇಕು.
ಹೆಚ್ಚಿನ ಸಹಾಯ ಅಥವಾ ಬೆಂಬಲವನ್ನು ಎಲ್ಲಿ ಪಡೆಯಬಹುದು?
ನಮ್ಮ ಹೆಲ್ಪ್ ಸೆಂಟರ್ಗೆ ಭೇಟಿ ನೀಡಿ ಅಥವಾ ChatGPT ಬಳಕೆ ಪರದೆಯಲ್ಲಿ ಸಹಾಯ & ಪದೇ ಪದೇ ಕೇಳುವ ಪ್ರಶ್ನೆಗಳು ಆಯ್ಕೆಮಾಡಿ. ದೋಷಗಳು ಎದುರಾದರೆ ಅಥವಾ ನೆರವು ಬೇಕಾದರೆ, ಸಾಧ್ಯವಾದಷ್ಟು ಹೆಚ್ಚಿನ ವಿವರಗಳನ್ನು ನೀಡಿ.
ನನ್ನ ಪ್ರಚಾರದ ಅವಧಿ ಮುಗಿದ ನಂತರ ಏನಾಗುತ್ತದೆ?
ಅಭಿಯಾನದ ವಿವರಗಳನ್ನು ಅವಲಂಬಿಸಿ, ನೀವು ರದ್ದುಗೊಳಿಸದಿದ್ದರೆ ಕೆಲವು ಚಂದಾದಾರಿಕೆಗಳು ಪ್ರಮಾಣಿತ ChatGPT Go ದರದಲ್ಲಿ ಪ್ರತಿ ತಿಂಗಳು ಸ್ವಯಂಚಾಲಿತವಾಗಿ ನವೀಕರಣಗೊಳ್ಳುತ್ತವೆ, ಇನ್ನು ಕೆಲವು ಸ್ವಯಂಚಾಲಿತವಾಗಿ ನವೀಕರಣಗೊಳ್ಳುವುದಿಲ್ಲ. ನಿಮ್ಮ ಪ್ರಚಾರ ಕೊಡುಗೆ ಸ್ವಯಂಚಾಲಿತವಾಗಿ ನವೀಕರಣಗೊಳ್ಳುವುದಾದರೆ ಮತ್ತು ಅದನ್ನು ಮುಂದುವರಿಸಲು ನಿಮಗೆ ಇಷ್ಟವಿಲ್ಲದಿದ್ದರೆ, ಪ್ರಚಾರದ ಅವಧಿ ಮುಗಿದ ನಂತರದ ಮೊದಲ ಬಿಲ್ಲಿಂಗ್ ದಿನಾಂಕಕ್ಕೂ ಮೊದಲು ರದ್ದುಗೊಳಿಸಿ.