ನಿಮ್ಮ OpenAI ವೇದಿಕೆಯ ಖಾತೆಯ ಮೂಲಕ API ಬಳಕೆ ನಿಯಂತ್ರಣ ಫಲಕವನ್ನು ಬಳಸಿ ಮಾಸಿಕ ಬಳಕೆಯನ್ನು ವೀಕ್ಷಿಸಬಹುದು ಮತ್ತು ಬಳಕೆ ಅಥವಾ ವೆಚ್ಚದ ವಿವರವಾದ ದತ್ತಾಂಶವನ್ನು CSV ರೂಪದಲ್ಲಿ ರಫ್ತು ಮಾಡಬಹುದು.

• ಖರ್ಚಿನ ವಿವರವಾದ ವಿಂಗಡಣೆಯನ್ನು ಪಡೆಯಲು ವೆಚ್ಚದ ದತ್ತಾಂಶವನ್ನು ರಫ್ತು ಮಾಡಿ

• ದತ್ತಾಂಶವನ್ನು ಶುಲ್ಕದ ಪ್ರತಿ ಅಂಶದ ಆಧಾರದಲ್ಲಿ ಗುಂಪುಮಾಡಿ, ಬಿಲ್‌ನಲ್ಲಿರುವಂತೆ ವಿವರವಾದ ವಿಂಗಡಣೆಯನ್ನು ರಚಿಸಿ

• ಪೂರ್ಣ ಕ್ಯಾಲೆಂಡರ್ ತಿಂಗಳ ಅಥವಾ ತಿಂಗಳ ಆರಂಭದಿಂದ ಇಂದಿನವರೆಗಿನ ದತ್ತಾಂಶವನ್ನು ರಫ್ತು ಮಾಡಿ

• ವರದಿ ತಯಾರಿಸಲು ಬಳಕೆ ಅಥವಾ ವೆಚ್ಚದ ದತ್ತಾಂಶವನ್ನು CSV ರೂಪದಲ್ಲಿ ಡೌನ್‌ಲೋಡ್ ಮಾಡಿ

ಪ್ರಾರಂಭಿಸಿ

1. platform.openai.com ನಲ್ಲಿ ನಿಮ್ಮ ಖಾತೆಗೆ ಪ್ರವೇಶಿಸಿ.

2. ಸಂಬಂಧಿತ ಸಂಸ್ಥೆ/ಯೋಜನೆಯನ್ನು ಆಯ್ಕೆಮಾಡಿ ಮತ್ತು ಬದಿಯ ಪಟ್ಟಿಯಲ್ಲಿ ಬಳಕೆ ಆಯ್ಕೆಮಾಡಿ.

ಗಮನಿಸಿ: ನಿರೀಕ್ಷಿತ ಶುಲ್ಕ/ಬಳಕೆಯ ದತ್ತಾಂಶ ಕಾಣಿಸದಿದ್ದರೆ, ನಿಮ್ಮ ಸಂಸ್ಥೆಯ ಅನುಮತಿಗಳು ಮತ್ತು ಸೋಸುವ ಆಯ್ಕೆಗಳನ್ನು ಪರಿಶೀಲಿಸಿ.

ಮಾಸಿಕ ದಿನಾಂಕ ವ್ಯಾಪ್ತಿಯನ್ನು ಹೊಂದಿಸಿ

1. ಬಳಕೆ ಪುಟದಲ್ಲಿ, ದಿನಾಂಕ ವ್ಯಾಪ್ತಿ ಆಯ್ಕೆಯನ್ನು ಒತ್ತಿ.

2. ನಿಮ್ಮ ವರದಿಯ ಅಗತ್ಯಗಳಿಗೆ ತಕ್ಕಂತೆ ದಿನಾಂಕ ವ್ಯಾಪ್ತಿಯನ್ನು ಆಯ್ಕೆಮಾಡಿ.

ಉದಾಹರಣೆಗೆ, ಪೂರ್ಣ ಕ್ಯಾಲೆಂಡರ್ ತಿಂಗಳ ದತ್ತಾಂಶವನ್ನು ಪಡೆಯಲು, ಆರಂಭದ ದಿನಾಂಕವನ್ನು ತಿಂಗಳ ಮೊದಲ ದಿನಕ್ಕೆ ಮತ್ತು ಮುಕ್ತಾಯದ ದಿನಾಂಕವನ್ನು ಅದೇ ತಿಂಗಳ ಕೊನೆಯ ದಿನಕ್ಕೆ ಹೊಂದಿಸಬಹುದು.

ಆರಂಭದ ದಿನಾಂಕವು ಸ್ವಯಂಚಾಲಿತವಾಗಿ ತಿಂಗಳ ಮೊದಲ ದಿನಕ್ಕೆ ಹೊಂದಿಕೆಯಾಗುವಂತೆ ಮಾಡಲು ತಿಂಗಳ ಆರಂಭದಿಂದ ಇಂದಿನವರೆಗೆ ಆಯ್ಕೆಯನ್ನು ಬಳಸಬಹುದು.

ಮಾಸಿಕ ಬಳಕೆ ಅಥವಾ ವೆಚ್ಚದ ವಿವರವಾದ ದತ್ತಾಂಶವನ್ನು ರಫ್ತು ಮಾಡಿ

1. ಬಳಕೆ ಪುಟದಲ್ಲಿ, ರಫ್ತು ಆಯ್ಕೆಮಾಡಿ.

2. ಸಂವಾದ ಪೆಟ್ಟಿಗೆಯಲ್ಲಿ ರಫ್ತಿನ ಪ್ರಕಾರವನ್ನು ಆಯ್ಕೆಮಾಡಿ. ಬಳಕೆಯ ಚಟುವಟಿಕೆಗಳ ವಿವರಗಳಿಗಾಗಿ ಚಟುವಟಿಕೆಯ ದತ್ತಾಂಶ ಆಯ್ಕೆಯನ್ನು ಅಥವಾ ಖರ್ಚು/ವೆಚ್ಚದ ವಿವರವಾದ ವರದಿಗಾಗಿ ವೆಚ್ಚದ ದತ್ತಾಂಶ ಆಯ್ಕೆಯನ್ನು ಬಳಸಬಹುದು.

ವಿವರವಾದ ಮಾಸಿಕ ವೆಚ್ಚದ ವರದಿಗಾಗಿ ಶಿಫಾರಸು ಮಾಡಲಾದ ರಫ್ತು ಸೆಟ್ಟಿಂಗ್‌ಗಳು

ಸಾಂಸ್ಥಿಕ ಗ್ರಾಹಕರಿಗೆ ಪ್ರತಿ ಕ್ಯಾಲೆಂಡರ್ ತಿಂಗಳ ಸೇವಾ ಅವಧಿಗಾಗಿ OpenAI API ಬಿಲ್‌ಗಳನ್ನು ನೀಡಲಾಗುತ್ತದೆ. ಸಾಮಾನ್ಯವಾಗಿ ತಿಂಗಳು ಮುಗಿದ ಕೆಲವು ದಿನಗಳ ನಂತರ ಇವುಗಳನ್ನು ನೀಡಲಾಗುತ್ತದೆ. ಬಿಲ್‌ನಲ್ಲಿರುವ ಒಟ್ಟು API ಬಳಕೆಯ ಮೊತ್ತಕ್ಕೆ ತಾಳೆಯಾಗುವ ವೆಚ್ಚದ ವಿವರವಾದ ವಿಂಗಡಣೆ ಬೇಕಿದ್ದರೆ, ವೆಚ್ಚದ ದತ್ತಾಂಶ ಟ್ಯಾಬ್ ಆಯ್ಕೆಮಾಡಿ ಮತ್ತು ಈ ಸೆಟ್ಟಿಂಗ್‌ಗಳನ್ನು ಬಳಸಿ:

• ಗುಂಪು ಮಾಡುವ ಆಧಾರ: ಶುಲ್ಕದ ಅಂಶ

• ಯೋಜನೆಗಳು: ಎಲ್ಲವೂ (ಅಥವಾ ನಿರ್ದಿಷ್ಟ ಯೋಜನೆಯನ್ನು ಆಯ್ಕೆಮಾಡಿ)

• ಕಡತದ ಸ್ವರೂಪ: CSV

• ಆರಂಭದ ಸಮಯ: ವರದಿಯ ತಿಂಗಳ ಮೊದಲ ದಿನ

• ಮುಕ್ತಾಯದ ಸಮಯ: ವರದಿಯ ತಿಂಗಳ ಕೊನೆಯ ದಿನ (ಅಥವಾ ತಿಂಗಳ ಆರಂಭದಿಂದ ಇಂದಿನವರೆಗಿನ ವರದಿಗೆ ಇಂದಿನ ದಿನ)

• ಸಮಯದ ಅಂತರ: 1 ದಿನ

ಬಳಕೆಯ ಮಟ್ಟದಲ್ಲಿನ ವಿವರಗಳು ಬೇಕಾದಾಗ ಚಟುವಟಿಕೆಯ ದತ್ತಾಂಶವನ್ನೂ ಬಳಸಬಹುದು. ಉದಾಹರಣೆಗೆ, ನಿರ್ದಿಷ್ಟ API ಸಾಮರ್ಥ್ಯದ ಆಧಾರದಲ್ಲಿ ದತ್ತಾಂಶವನ್ನು ಸೋಸಬಹುದು ಮತ್ತು ರಫ್ತು ಮಾಡಿದ ದತ್ತಾಂಶವನ್ನು ಯೋಜನೆ, ಬಳಕೆದಾರ, API ಕೀ, ಮಾಡೆಲ್, ಬ್ಯಾಚ್ ಅಥವಾ ಸೇವಾ ಹಂತ (ಟೈರ್) ಆಧಾರದಲ್ಲಿ ಗುಂಪು ಮಾಡಬಹುದು.

ರಫ್ತು ಕಡತವನ್ನು ರಚಿಸಿ ಡೌನ್‌ಲೋಡ್ ಮಾಡಿ

1. ನಿಮಗೆ ಬೇಕಾದ ವರದಿಯ ನಿಯತಾಂಕಗಳನ್ನು ಹೊಂದಿಸಿದ ನಂತರ, ರಫ್ತು ಸಂವಾದ ಪೆಟ್ಟಿಗೆಯಲ್ಲಿ ಡೌನ್‌ಲೋಡ್ ಆಯ್ಕೆಮಾಡಿ.

2. ವರದಿ ರಚನೆಯಾಗಲು ಸ್ವಲ್ಪ ಸಮಯ ಬೇಕಾಗಬಹುದು. ಅದು ಸಿದ್ಧವಾದ ನಂತರ, ರಚನೆಯಾದ ಕಡತದ ಪಕ್ಕದಲ್ಲಿರುವ ಡೌನ್‌ಲೋಡ್ ಚಿಹ್ನೆಯನ್ನು ಆಯ್ಕೆಮಾಡಿ.

ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

ನನ್ನ ಖಾತೆಗೆ ಪ್ರವೇಶಿಸಿದ ಬಳಿಕ ಬಳಕೆ ವಿಭಾಗವನ್ನು ತೆರೆಯಲು ಸಾಧ್ಯವಾಗುತ್ತಿದೆ, ಆದರೆ ಶುಲ್ಕ ಪಾವತಿ ಸೆಟ್ಟಿಂಗ್‌ಗಳನ್ನು ತೆರೆಯಲು ಸಾಧ್ಯವಾಗುತ್ತಿಲ್ಲ. ಇದನ್ನು ಸರಿಪಡಿಸುವುದು ಹೇಗೆ.

ಕೆಲವು ಶುಲ್ಕ ಪಾವತಿ ಸೆಟ್ಟಿಂಗ್‌ಗಳಿಗೆ ಸಂಸ್ಥೆಯ ಹೆಚ್ಚುವರಿ ಅನುಮತಿಗಳು ಬೇಕಾಗಬಹುದು. ಅನುಮತಿಗಳನ್ನು ಪರಿಶೀಲಿಸಲು ಅಥವಾ ವಿನಂತಿಸಲು ನಿಮ್ಮ ಸಂಸ್ಥೆಯ ಮಾಲೀಕರನ್ನು ಸಂಪರ್ಕಿಸಿ.

ಡೌನ್‌ಲೋಡ್ ಗುಂಡಿಯನ್ನು ಆಯ್ಕೆಮಾಡಿದ ನಂತರ ನನ್ನ ಕಡತ ತಕ್ಷಣ ಕಾಣಿಸದಿರುವುದೇಕೆ.

ನೀವು ರಫ್ತು ಮಾಡುವ ದತ್ತಾಂಶದ ಪ್ರಮಾಣವನ್ನು ಅವಲಂಬಿಸಿ, ಕಡತ ರಚನೆಯಾಗಲು ಕೆಲವು ಕ್ಷಣಗಳು ಬೇಕಾಗಬಹುದು. ಅದು ಸಿದ್ಧವಾದ ನಂತರ ಡೌನ್‌ಲೋಡ್ ಮಾಡಬಹುದು.

ಈ ರಫ್ತಿಗೆ ಯಾವ ಸಮಯ ವಲಯವನ್ನು ಅನುಸರಿಸಲಾಗುತ್ತದೆ.

ಬಳಕೆ ನಿಯಂತ್ರಣ ಫಲಕದಲ್ಲಿ ದಿನಾಂಕ ಮತ್ತು ಸಮಯವನ್ನು UTC ಪ್ರಕಾರ ತೋರಿಸಲಾಗುತ್ತದೆ.

ನನ್ನ ಬಿಲ್ ಮತ್ತು ರಫ್ತು ಮಾಡಿದ ವೆಚ್ಚದ ವಿವರಗಳು ಏಕೆ ತಾಳೆಯಾಗುತ್ತಿಲ್ಲ.

ಕೆಳಗಿನವುಗಳನ್ನು ಪರಿಶೀಲಿಸಿ:

• ನೀವು ಹೋಲಿಸುತ್ತಿರುವ ರಫ್ತು ದತ್ತಾಂಶ ಮತ್ತು ಬಿಲ್ ಒಂದೇ ಸಂಸ್ಥೆಗೆ ಸಂಬಂಧಿಸಿವೆ ಎಂದು ಖಚಿತಪಡಿಸಿಕೊಳ್ಳಿ. ನೀವು ಹಲವು ಸಂಸ್ಥೆಗಳನ್ನು ಹೊಂದಿದ್ದರೆ, ಖರೀದಿ ಪ್ರಕ್ರಿಯೆಯಲ್ಲಿ ನೀವು ವಿನಂತಿಸಿದ ಬಿಲ್ ವ್ಯವಸ್ಥೆಗೆ ಅನುಗುಣವಾಗಿ ಅವುಗಳಿಗೆ ಪ್ರತ್ಯೇಕ ಬಿಲ್‌ಗಳಿರಬಹುದು ಅಥವಾ ಎಲ್ಲವನ್ನೂ ಒಂದೇ ಬಿಲ್‌ನಲ್ಲಿ ಸೇರಿಸಿರಬಹುದು.

• ನೀವು ಸರಿಯಾದ ಅವಧಿಗೆ ಸಂಬಂಧಿಸಿದ ವಿವರಗಳನ್ನು ಹೋಲಿಸುತ್ತಿದ್ದೀರಿ ಎಂದು ಖಚಿತಪಡಿಸಿಕೊಳ್ಳಿ. ಬಿಲ್‌ಗಳು ಕ್ಯಾಲೆಂಡರ್ ತಿಂಗಳ ಅವಧಿಗೆ ಸಂಬಂಧಿಸಿರುತ್ತವೆ. ಉದಾಹರಣೆಗೆ, UTC ಪ್ರಕಾರ ಜನವರಿ 1, 2026 ರಿಂದ ಜನವರಿ 31, 2026 ರವರೆಗಿನ ಬಳಕೆಗೆ ಫೆಬ್ರವರಿಯಲ್ಲಿ ಬಿಲ್ ನೀಡಲಾಗುತ್ತದೆ.

ನಿಮ್ಮ ಖರ್ಚಿನ ವಿವರಗಳನ್ನು ತಾಳೆ ಮಾಡಲು ಇನ್ನೂ ತೊಂದರೆಯಾಗುತ್ತಿದ್ದರೆ, ಹೆಚ್ಚಿನ ಸಹಾಯಕ್ಕಾಗಿ ನಮ್ಮ ಬೆಂಬಲ ತಂಡವನ್ನು ಸಂಪರ್ಕಿಸಿ.