ಅವಲೋಕನ

ಇದು ಜೀವ ವಿಜ್ಞಾನ ಸಂಶೋಧನೆ ಮತ್ತು ಅಭಿವೃದ್ಧಿಗಾಗಿ ರೂಪಿಸಿದ ಉದ್ಯಮ ಮಟ್ಟದ ಸೇವೆಯಾಗಿದೆ. ವೈಜ್ಞಾನಿಕ ಪರಿಕರಗಳು, ಸಂಶೋಧನಾ ಸಾಹಿತ್ಯ, ಡೇಟಾಬೇಸ್‌ಗಳು, ಆಂತರಿಕ ವ್ಯವಸ್ಥೆಗಳು ಮತ್ತು ವಿಶೇಷ ಮಾಡೆಲ್‌ಗಳಾದ್ಯಂತ ಸಾಕ್ಷ್ಯವನ್ನು ಸಂಯೋಜಿಸಲು, ಜೈವಿಕ ಡೇಟಾದ ಕುರಿತು ರೀಜನಿಂಗ್ ಮಾಡಲು ಹಾಗೂ ಕಾರ್ಯವಿಧಾನಗಳನ್ನು ಸಮನ್ವಯಗೊಳಿಸಲು ಇದು ಸಂಶೋಧನಾ ತಂಡಗಳಿಗೆ ನೆರವಾಗುತ್ತದೆ.

ಗುರಿ ಸಂಶೋಧನೆ, ಜೀನೋಮಿಕ್ಸ್ ಮತ್ತು ಅನುಕ್ರಮಣಿಕೆ ವಿಶ್ಲೇಷಣೆ, ಪ್ರೋಟೀನ್ ಮತ್ತು ಅನುಕ್ರಮ ವಿಶ್ಲೇಷಣೆ, ಔಷಧೀಯ ರಸಾಯನಶಾಸ್ತ್ರ, ಸಂಶೋಧನಾ ಸಾಹಿತ್ಯದ ಸಂಯೋಜನೆ, ಪ್ರಯೋಗಾಲಯದ ಸಮಸ್ಯೆ ನಿವಾರಣೆ ಹಾಗೂ ಪ್ರಯೋಗಗಳ ಯೋಜನೆಯನ್ನು ಬೆಂಬಲಿಸಲು GPT-Rosalind ವಿಶೇಷ ಜೈವಿಕ ರೀಜನಿಂಗ್ ಅನ್ನು ವೈಜ್ಞಾನಿಕ ಪರಿಕರಗಳ ಬಳಕೆಯೊಂದಿಗೆ ಸಂಯೋಜಿಸುತ್ತದೆ. Codexನಲ್ಲಿರುವ ಜೀವ ವಿಜ್ಞಾನ ಸಂಶೋಧನಾ ಪ್ಲಗಿನ್ ಈ ಕಾರ್ಯವಿಧಾನಗಳನ್ನು ವೈಜ್ಞಾನಿಕ ಪರಿಕರಗಳು, ಡೇಟಾಬೇಸ್‌ಗಳು ಮತ್ತು ಡೇಟಾ ಮೂಲಗಳಿಗೆ ಸಂಪರ್ಕಿಸುತ್ತದೆ.

ಸಂಸ್ಥೆಗಳು ಜವಾಬ್ದಾರಿಯುತ ಪ್ರವೇಶವನ್ನು ವಿನಂತಿಸಬಹುದು ಅಥವಾ ಹೆಚ್ಚಿನ ಮಾಹಿತಿಗಾಗಿ ಮಾರಾಟ ತಂಡವನ್ನು ಸಂಪರ್ಕಿಸಬಹುದು. 

ಲಭ್ಯತೆ

GPT-Rosalind ಸಂಶೋಧನಾ ಪೂರ್ವವೀಕ್ಷಣೆಯಲ್ಲಿದ್ದು, ನಮ್ಮ ವಿಶ್ವಾಸಾರ್ಹ ಪ್ರವೇಶ ಕಾರ್ಯಕ್ರಮದ ಮೂಲಕ ಎಂಟರ್‌ಪ್ರೈಸ್ ಅಥವಾ ಬಿಸಿನೆಸ್ ಒಪ್ಪಂದಗಳನ್ನು ಹೊಂದಿರುವ ಅರ್ಹ ಸಂಸ್ಥೆಗಳಿಗೆ ಲಭ್ಯವಿದೆ. ಪ್ರವೇಶವು ಅನುಮೋದಿತ ಬಳಕೆದಾರರಿಗೆ ಮಾತ್ರ ಸೀಮಿತವಾಗಿದ್ದು, ಅನ್ವಯವಾಗುವ ಸುರಕ್ಷತೆ ಮತ್ತು ಅನುಸರಣೆ ಅವಶ್ಯಕತೆಗಳಿಗೆ ಒಳಪಟ್ಟಿರುತ್ತದೆ.

ಅರ್ಹ ತಂಡಗಳು ಮಾಡೆಲ್ ಆಯ್ಕೆಪಟ್ಟಿಯ ಮೂಲಕ ChatGPT Enterprise ಮತ್ತು Codexನಲ್ಲಿ GPT-Rosalind ಅನ್ನು ಬಳಸಬಹುದು. ಅನುಮೋದಿತ ಆಂತರಿಕ ಸಂಶೋಧನಾ ಪರಿಕರಗಳು, ಕಾರ್ಯವಿಧಾನಗಳು ಮತ್ತು ಅಪ್ಲಿಕೇಶನ್‌ಗಳಿಗಾಗಿ ಅರ್ಹ ಸಂಸ್ಥೆಗಳು OpenAI API ಮೂಲಕವೂ ಮಾಡೆಲ್ ಅನ್ನು ಬಳಸಬಹುದು. ಪ್ರಸ್ತುತ ಇದು ಗ್ರಾಹಕರು ಬಳಸುವ ಉತ್ಪನ್ನಗಳು ಅಥವಾ ಬಾಹ್ಯ ವಾಣಿಜ್ಯ ಅಪ್ಲಿಕೇಶನ್‌ಗಳಿಗೆ ಲಭ್ಯವಿಲ್ಲ.

ChatGPT ವರ್ಕ್‌ಸ್ಪೇಸ್‌ಗೆ ಬಳಕೆದಾರರನ್ನು ಸೇರಿಸಿ

GPT-Rosalind ಪ್ರವೇಶವನ್ನು ಸಕ್ರಿಯಗೊಳಿಸುವ ಮೊದಲು, ಅನುಮೋದಿತ ಪ್ರತಿಯೊಬ್ಬ ಬಳಕೆದಾರರನ್ನೂ GPT-Rosalind ಸಕ್ರಿಯಗೊಂಡಿರುವ ChatGPT ವರ್ಕ್‌ಸ್ಪೇಸ್‌ಗೆ ಸೇರಿಸಲಾಗಿದೆ ಎಂಬುದನ್ನು ವರ್ಕ್‌ಸ್ಪೇಸ್ ಮಾಲೀಕರು ಅಥವಾ ನಿರ್ವಾಹಕರು ಖಚಿತಪಡಿಸಿಕೊಳ್ಳಬೇಕು.

ಬಳಕೆದಾರರನ್ನು ಸೇರಿಸಲು:

1. GPT-Rosalind ಸಕ್ರಿಯಗೊಂಡಿರುವ ವರ್ಕ್‌ಸ್ಪೇಸ್‌ಗೆ ಬದಲಿಸಿ ಮತ್ತು ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು ಆಯ್ಕೆಮಾಡಿ.

2. ಎಡ ಫಲಕದಲ್ಲಿ ಸದಸ್ಯರು ಆಯ್ಕೆಮಾಡಿ.

3. ಸದಸ್ಯರನ್ನು ಆಹ್ವಾನಿಸಿ ಆಯ್ಕೆಮಾಡಿ.

4. ಬಳಕೆದಾರರ ಇಮೇಲ್ ವಿಳಾಸಗಳನ್ನು ನಮೂದಿಸಿ ಅಥವಾ CSV ಕಡತವನ್ನು ಅಪ್‌ಲೋಡ್ ಮಾಡಿ.

5. ಸೂಕ್ತ ಪಾತ್ರ ಮತ್ತು ಬಳಕೆದಾರ ಸ್ಥಾನ ಪ್ರಕಾರವನ್ನು ಆಯ್ಕೆಮಾಡಿ, ನಂತರ ಆಹ್ವಾನಗಳನ್ನು ಕಳುಹಿಸಿ.

ಬಳಕೆದಾರರು ವರ್ಕ್‌ಸ್ಪೇಸ್‌ಗೆ ಸೇರಿದ ನಂತರ, ಗುಂಪುಗಳು ಮತ್ತು ಕಸ್ಟಮ್ ಪಾತ್ರಗಳ ಮೂಲಕ GPT-Rosalind ಪ್ರವೇಶವನ್ನು ಸಕ್ರಿಯಗೊಳಿಸಲು ಕೆಳಗಿನ ಹಂತಗಳನ್ನು ಅನುಸರಿಸಿ.

ChatGPTಯಲ್ಲಿ GPT-Rosalind ಬಳಸಿ

ಪ್ರವೇಶ ಸಕ್ರಿಯಗೊಂಡ ನಂತರ, ಬಳಕೆದಾರರು GPT-Rosalind ಸಕ್ರಿಯಗೊಂಡಿರುವ ವರ್ಕ್‌ಸ್ಪೇಸ್‌ನಲ್ಲೇ ಕೆಲಸ ಮಾಡುತ್ತಿರುವುದನ್ನು ಖಚಿತಪಡಿಸಿಕೊಳ್ಳಬೇಕು.

ಪ್ರಾರಂಭಿಸಲು:

1. ChatGPTಯ ಕೆಳಗಿನ ಎಡ ಮೂಲೆಯಲ್ಲಿ ವರ್ಕ್‌ಸ್ಪೇಸ್ ಬದಲಾವಣೆ ಆಯ್ಕೆಯನ್ನು ತೆರೆದು, GPT-Rosalind ವರ್ಕ್‌ಸ್ಪೇಸ್ ಆಯ್ಕೆಮಾಡಿ.

2. ಕೌಶಲ್ಯಗಳು ಆಯ್ಕೆಮಾಡಿ ಮತ್ತು ಒದಗಿಸಲಾದ ಕೌಶಲ್ಯಗಳು ಲಭ್ಯವಿರುವುದನ್ನು ಖಚಿತಪಡಿಸಿಕೊಳ್ಳಿ.

3. ನೀವು ಬಳಸಲು ಉದ್ದೇಶಿಸಿರುವ ಕೌಶಲ್ಯಗಳನ್ನು ಸಕ್ರಿಯಗೊಳಿಸಿ.

4. ಹೊಸ ಸಂವಾದವನ್ನು ಪ್ರಾರಂಭಿಸಿ.

5. ಮಾಡೆಲ್ ಆಯ್ಕೆಪಟ್ಟಿಯನ್ನು ತೆರೆದು, ಹಳೆಯ ಮಾಡೆಲ್‌ಗಳು ವಿಭಾಗಕ್ಕೆ ಹೋಗಿ ಮತ್ತು GPT-Rosalind ಆಯ್ಕೆಮಾಡಿ.

GPT-Rosalind ಬಳಸಲು ಬಯಸಿದಾಗಲೆಲ್ಲ ಅದನ್ನು ಪ್ರತ್ಯೇಕವಾಗಿ ಆಯ್ಕೆಮಾಡಬೇಕು.

Codexನಲ್ಲಿ GPT-Rosalind ಬಳಸಿ

Codexನಲ್ಲಿ ಪ್ರಾರಂಭಿಸಲು:

1. GPT-Rosalind ವರ್ಕ್‌ಸ್ಪೇಸ್ ಬಳಸಿ Codexಗೆ ಸೈನ್ ಇನ್ ಮಾಡಿ.

2. ಎಡ ನ್ಯಾವಿಗೇಶನ್‌ನಲ್ಲಿ ಪ್ಲಗಿನ್‌ಗಳು ಆಯ್ಕೆಮಾಡಿ.

3. ಜೀವ ವಿಜ್ಞಾನ ಸಂಶೋಧನಾ ಪ್ಲಗಿನ್ ಸ್ಥಾಪಿಸಿ.

4. ಹೊಸ ಚರ್ಚಾ ಸರಣಿಯನ್ನು ಪ್ರಾರಂಭಿಸಿ.

5. ಮಾಡೆಲ್ ಆಯ್ಕೆಪಟ್ಟಿಯನ್ನು ತೆರೆದು GPT-Rosalind ಆಯ್ಕೆಮಾಡಿ.

ChatGPTಯಲ್ಲಿ GPT-Rosalind ಸಕ್ರಿಯಗೊಳಿಸಿ

ವರ್ಕ್‌ಸ್ಪೇಸ್ ನಿರ್ವಾಹಕರು ಗುಂಪುಗಳು ಮತ್ತು ಕಸ್ಟಮ್ ಪಾತ್ರಗಳನ್ನು ಬಳಸಿ ಅನುಮೋದಿತ ಬಳಕೆದಾರರಿಗೆ GPT-Rosalind ಸಕ್ರಿಯಗೊಳಿಸಬಹುದು.

ಪ್ರವೇಶ ಸಕ್ರಿಯಗೊಳಿಸಲು:

1. GPT-Rosalind ಸಕ್ರಿಯಗೊಂಡಿರುವ ನಿಮ್ಮ ವರ್ಕ್‌ಸ್ಪೇಸ್‌ಗೆ ಬದಲಿಸಿ ಮತ್ತು ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು ಆಯ್ಕೆಮಾಡಿ.

2. ಎಡ ಫಲಕದಲ್ಲಿ ಗುಂಪುಗಳು ಆಯ್ಕೆಮಾಡಿ ಮತ್ತು GPT-Rosalind ಪ್ರವೇಶಕ್ಕಾಗಿ ಒಂದು ಗುಂಪನ್ನು ರಚಿಸಿ.

3. GPT-Rosalind ಪ್ರವೇಶ ಅಗತ್ಯವಿರುವ ಬಳಕೆದಾರರನ್ನು ಸೇರಿಸಿ.

4. ಎಡ ಫಲಕದಲ್ಲಿ ಅನುಮತಿಗಳು ಮತ್ತು ಪಾತ್ರಗಳು ಆಯ್ಕೆಮಾಡಿ ಮತ್ತು ಕಸ್ಟಮ್ ಪಾತ್ರವನ್ನು ರಚಿಸಿ.

5. GPT-Rosalind ಗುಂಪನ್ನು ಕಸ್ಟಮ್ ಪಾತ್ರಕ್ಕೆ ಸೇರಿಸಿ.

6. ಪಾತ್ರದ ಅನುಮತಿಗಳಲ್ಲಿ “ಮಾಡೆಲ್,” “ಕೌಶಲ್ಯಗಳು” ಮತ್ತು “Codex” ಎಂದು ಹುಡುಕಿ ಅಥವಾ ಲಭ್ಯವಿರುವ ಅನುಮತಿಗಳ ಪಟ್ಟಿಯನ್ನು ಸ್ಕ್ರೋಲ್ ಮಾಡಿ. ಜೀವ ವಿಜ್ಞಾನ ಸಕ್ರಿಯಗೊಳಿಸಿ ಮತ್ತು GPT-Rosalind ಪ್ರವೇಶಕ್ಕೆ ಅಗತ್ಯವಿರುವ ಕೌಶಲ್ಯಗಳು ಹಾಗೂ Codex ಅನುಮತಿಗಳನ್ನು ಸಕ್ರಿಯಗೊಳಿಸಿ.

7. ಜೀವ ವಿಜ್ಞಾನ ಸಕ್ರಿಯಗೊಳಿಸಿ.

8. ಈಗ ಗುಂಪಿನ ಬಳಕೆದಾರರಿಗೆ ChatGPT ಮಾಡೆಲ್ ಆಯ್ಕೆಪಟ್ಟಿಯಲ್ಲಿ GPT-Rosalind ಕಾಣಿಸಬೇಕು.

ಪಾತ್ರದ ಅನುಮತಿಗಳ ಬದಲಾವಣೆಗಳು ಅನ್ವಯವಾಗಲು ಕೆಲವು ನಿಮಿಷಗಳು ಬೇಕಾಗಬಹುದು.

API ಪ್ರವೇಶಕ್ಕಾಗಿ ಬಳಕೆದಾರರನ್ನು ಸೇರಿಸಿ

ಅನುಮೋದಿತ ಆಂತರಿಕ ಸಂಶೋಧನಾ ಪರಿಕರಗಳು, ಕಾರ್ಯವಿಧಾನಗಳು ಮತ್ತು ಅಪ್ಲಿಕೇಶನ್‌ಗಳಿಗಾಗಿ ಅರ್ಹ ಸಂಸ್ಥೆಗಳು OpenAI API ಮೂಲಕವೂ GPT-Rosalind ಬಳಸಬಹುದು.

ನಿಮ್ಮ API ಸಂಸ್ಥೆಗೆ ಸದಸ್ಯರನ್ನು ಸೇರಿಸಲು:

1. platform.openai.comಗೆ ಹೋಗಿ.

2. ಮೇಲಿನ ಬಲ ಮೂಲೆಯಲ್ಲಿರುವ ಸೆಟ್ಟಿಂಗ್‌ಗಳು ಐಕಾನ್ ಆಯ್ಕೆಮಾಡಿ.

3. ಎಡ ಫಲಕದಲ್ಲಿ ವ್ಯಕ್ತಿಗಳು ಆಯ್ಕೆಮಾಡಿ.

4. API ಪ್ರವೇಶ ಅಗತ್ಯವಿರುವ ಸದಸ್ಯರನ್ನು ಸೇರಿಸಿ.

ಹೆಚ್ಚಿನ ಮಾಹಿತಿಗಾಗಿ, ನಿಮ್ಮ API ಹೊಂದಿಸುವ ಕುರಿತ ನಮ್ಮ ಮಾರ್ಗದರ್ಶಿಯನ್ನು ನೋಡಿ.

ಪ್ರಸ್ತುತ GPT-Rosalind API ಪ್ರವೇಶವು ಗ್ರಾಹಕರು ಬಳಸುವ ಉತ್ಪನ್ನಗಳು ಅಥವಾ ಬಾಹ್ಯ ವಾಣಿಜ್ಯ ಅಪ್ಲಿಕೇಶನ್‌ಗಳಿಗೆ ಲಭ್ಯವಿಲ್ಲ.

Codexನಲ್ಲಿ ದೊಡ್ಡ ಸಂಶೋಧನಾ ಡೇಟಾಸೆಟ್‌ಗಳೊಂದಿಗೆ ಕೆಲಸ ಮಾಡುವುದು

ಆಳವಾದ ವಿಶ್ಲೇಷಣೆ ನಡೆಸಲು ದೊಡ್ಡ ಪ್ರಮಾಣದ ಮೂಲ ಡೇಟಾಸೆಟ್‌ಗಳನ್ನು ನೇರವಾಗಿ ಸಂದರ್ಭಕ್ಕೆ ಸೇರಿಸುವ ಅಗತ್ಯ GPT-Rosalindಗೆ ಇಲ್ಲ.

ಓಮಿಕ್ಸ್ ಡೇಟಾ ಅಥವಾ ಇತರ ದೊಡ್ಡ ಡೇಟಾಸೆಟ್‌ಗಳಿಗಾಗಿ, ಸ್ಥಳೀಯ ಡೈರೆಕ್ಟರಿ, ಡೇಟಾಬೇಸ್ ಅಥವಾ ಅನುಮೋದಿತ ಸಂಗ್ರಹಣಾ ವ್ಯವಸ್ಥೆಯಲ್ಲಿರುವ ಕಡತಗಳನ್ನು GPT-Rosalindಗೆ ಸೂಚಿಸಿ. ನಂತರ ನೀವು ನಿರ್ದಿಷ್ಟ ಸಂಶೋಧನಾ ಪ್ರಶ್ನೆಯನ್ನು ಕೇಳಬಹುದು. ಸೂಕ್ತ ವಿಶ್ಲೇಷಣೆಯನ್ನು ಆಯ್ಕೆಮಾಡಲು, ಡೇಟಾದ ಮೇಲೆ ಉದ್ದೇಶಿತ ಹಂತಗಳನ್ನು ಚಲಾಯಿಸಲು, ಫಲಿತಾಂಶಗಳನ್ನು ಅರ್ಥೈಸಲು ಮತ್ತು ಉಪಯುಕ್ತ ಕಾರ್ಯವಿಧಾನಗಳನ್ನು ಪುನರಾವರ್ತಿಸಬಹುದಾದ ಕೌಶಲ್ಯಗಳಾಗಿ ಪರಿವರ್ತಿಸಲು GPT-Rosalind ನೆರವಾಗುತ್ತದೆ.

ಈ ವಿಧಾನವು ಮೂಲ ಕಡತಗಳನ್ನು ಸಂಗ್ರಹಣೆಯಲ್ಲೇ ಇರಿಸಿ, ಪ್ರಶ್ನಿಸುವ ಸಮಯದಲ್ಲಿ ಪರಿಕರಾಧಾರಿತ ಕೇಂದ್ರೀಕೃತ ವಿಶ್ಲೇಷಣೆ ನಡೆಸಲು GPT-Rosalindಗೆ ಅವಕಾಶ ನೀಡುತ್ತದೆ. ಸಂಪೂರ್ಣ ಡೇಟಾಸೆಟ್ ಅನ್ನು ನೇರವಾಗಿ ಸಂದರ್ಭದಲ್ಲೇ ಪ್ರಕ್ರಿಯೆಗೊಳಿಸಲು ಪ್ರಯತ್ನಿಸುವುದಕ್ಕಿಂತ ಇದು ಸಾಮಾನ್ಯವಾಗಿ ವೇಗವಾಗಿಯೂ ಹೆಚ್ಚು ಪರಿಣಾಮಕಾರಿಯಾಗಿಯೂ ಇರುತ್ತದೆ.

ಡೇಟಾ ಮತ್ತು ಭದ್ರತೆ

ಉದ್ಯಮ ಮಟ್ಟದ ಭದ್ರತೆ ಮತ್ತು ಆಡಳಿತ ನಿಯಂತ್ರಣಗಳೊಂದಿಗೆ ChatGPT Enterprise, Codex ಮತ್ತು API ಮೂಲಕ GPT-Rosalind ಒದಗಿಸಲಾಗುತ್ತದೆ.

ನಿಯಂತ್ರಿತ ವರ್ಕ್‌ಸ್ಪೇಸ್‌ಗಳು ಮತ್ತು BAAಗಳ ಜೊತೆಗೆ SOC 2 Type 2 ಹಾಗೂ HIPAAಗೆ ಹೊಂದಿಕೊಂಡ ಮಾನದಂಡಗಳ ಮೂಲಕ ಈ ವೇದಿಕೆ ಉದ್ಯಮ ಮಟ್ಟದ ನಿಯೋಜನೆಗಳನ್ನು ಬೆಂಬಲಿಸುತ್ತದೆ. ಪೂರ್ವನಿಯೋಜಿತವಾಗಿ OpenAI ಉದ್ಯಮ ಗ್ರಾಹಕರ ಡೇಟಾದ ಮೇಲೆ ತರಬೇತಿ ನೀಡುವುದಿಲ್ಲ.

ಈ ಮಾಡೆಲ್ ChatGPTಗಾಗಿ ಪಾತ್ರಾಧಾರಿತ ಪ್ರವೇಶ ನಿಯಂತ್ರಣಗಳನ್ನು ಒಳಗೊಂಡಿದೆ. ಇದು ಬಳಕೆದಾರರಿಗೆ ನಿಯೋಜಿಸಲಾದ ಪಾತ್ರಗಳ ಆಧಾರದ ಮೇಲೆ ವ್ಯವಸ್ಥೆಗಳು ಅಥವಾ ಸಂಪನ್ಮೂಲಗಳ ಪ್ರವೇಶವನ್ನು ನಿಯಂತ್ರಿಸುವ ಭದ್ರತೆ ಮತ್ತು ಅನುಮತಿಗಳ ಮಾದರಿಯಾಗಿದೆ.

ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

GPT-Rosalind ಎಂದರೇನು?

GPT-Rosalind ಜೀವ ವಿಜ್ಞಾನ ಸಂಶೋಧನೆಗಾಗಿ OpenAIಯ ಅತ್ಯಂತ ಸಾಮರ್ಥ್ಯಯುತ ಮಾಡೆಲ್ ಆಗಿದೆ. ಆಳವಾದ ವೈಜ್ಞಾನಿಕ ರೀಜನಿಂಗ್, ಪರಿಕರಗಳು ಮತ್ತು ಡೇಟಾಬೇಸ್‌ಗಳ ಉತ್ತಮ ಬಳಕೆ ಹಾಗೂ ಪ್ರೋಟೀನ್‌ಗಳನ್ನು ಅರ್ಥಮಾಡಿಕೊಳ್ಳುವುದು, ಜೀನೋಮಿಕ್ಸ್ ವಿಶ್ಲೇಷಣೆ ಮತ್ತು ಜೀವರಸಾಯನ ರೀಜನಿಂಗ್‌ನಂತಹ ಕ್ಷೇತ್ರಗಳ ಬಹುಹಂತದ ಕಾರ್ಯವಿಧಾನಗಳಿಗೆ ಸುರಕ್ಷಿತ ಪ್ರವೇಶಕ್ಕಾಗಿ ಇದನ್ನು ರೂಪಿಸಲಾಗಿದೆ.

Rosalind Workbench ಎಂದರೇನು?

Rosalind Workbench ಎಂಬುದು Codex ಮತ್ತು ChatGPTಯಲ್ಲಿ ಲಭ್ಯವಿರುವ ಮೀಸಲಾದ ವೈಜ್ಞಾನಿಕ ಸಂಶೋಧನಾ ವರ್ಕ್‌ಸ್ಪೇಸ್ ಆಗಿದೆ. ಜೈವಿಕ ರಚನೆಗಳು, ಅನುಕ್ರಮಗಳು, ಜೀನೋಮಿಕ್ಸ್ ಮತ್ತು ಇತರ ಸಂಶೋಧನಾ ಡೇಟಾದೊಂದಿಗೆ ಕೆಲಸ ಮಾಡಲು ಬೇಕಾದ ವಿಶೇಷ ಪರಿಕರಗಳು, ಡೇಟಾ ವೀಕ್ಷಕಗಳು ಮತ್ತು ಮಾರ್ಗದರ್ಶಿತ ಕಾರ್ಯವಿಧಾನಗಳನ್ನು ಇದು ಒಂದೇ ಕಡೆ ಒದಗಿಸುತ್ತದೆ.

ಬಿಡುಗಡೆಯ ಸಮಯದಲ್ಲಿ Rosalind Workbench, FASTQ ಗುಣಮಟ್ಟ ನಿಯಂತ್ರಣ, ಸಾಮೂಹಿಕ RNA ಅನುಕ್ರಮಣಿಕೆ ಮತ್ತು ಏಕಕೋಶ RNA ಅನುಕ್ರಮಣಿಕೆ ಸೇರಿದಂತೆ ಮುಂದಿನ ತಲೆಮಾರಿನ ಅನುಕ್ರಮಣಿಕೆಗಾಗಿ ಗ್ರಾಹಕೀಯಗೊಳಿಸಬಹುದಾದ ಕಾರ್ಯವಿಧಾನಗಳನ್ನು ಒಳಗೊಂಡಿರುತ್ತದೆ.

Rosalind Workbench ಬಳಸಲು ನಿಮಗೆ GPT-Rosalind ಮಾಡೆಲ್‌ನ ಪ್ರವೇಶದ ಅಗತ್ಯವಿಲ್ಲ.

GPT-Rosalind ಯಾರಿಗೆ ಹೆಚ್ಚು ಸೂಕ್ತ?

ಈ ಮಾಡೆಲ್ ಜೈವಿಕ ಮಾಹಿತಿ ತಜ್ಞರು, ಗಣನಾತ್ಮಕ ಜೀವಶಾಸ್ತ್ರಜ್ಞರು ಮತ್ತು ಆರಂಭಿಕ ಅನ್ವೇಷಣೆಯ ಜೀವಶಾಸ್ತ್ರಜ್ಞರಿಗೆ ಹೆಚ್ಚು ಸೂಕ್ತವಾಗಿದೆ.

GPT-Rosalind ಏನು ಮಾಡಬಲ್ಲದು?

ಜೈವಿಕ ಡೇಟಾದ ಕುರಿತು ರೀಜನಿಂಗ್ ಮಾಡಲು, ಪರಿಕರಗಳನ್ನು ಬಳಸಲು, ಹಲವು ಮೂಲಗಳಿಂದ ಸಾಕ್ಷ್ಯವನ್ನು ಸಂಯೋಜಿಸಲು, ಊಹೆಗಳನ್ನು ರೂಪಿಸಿ ಸುಧಾರಿಸಲು ಹಾಗೂ ಗುರಿ ಅನ್ವೇಷಣೆ, ಗುರಿ ಮೌಲ್ಯಮಾಪನ ಮತ್ತು ಪ್ರಯೋಗ ಯೋಜನೆಯಂತಹ ಬಹುಹಂತದ ಕಾರ್ಯವಿಧಾನಗಳಿಗೆ ಬೆಂಬಲ ನೀಡಲು GPT-Rosalind ವಿಜ್ಞಾನಿಗಳಿಗೆ ನೆರವಾಗುತ್ತದೆ.

ಸಂಶೋಧನೆಯ ಯಾವ ಹಂತಕ್ಕೆ ಇದು ಹೆಚ್ಚು ಸೂಕ್ತ?

ಈ ಮಾಡೆಲ್ ಪ್ರಸ್ತುತ ಆರಂಭಿಕ ಅನ್ವೇಷಣೆ ಮತ್ತು ಊಹೆ ರೂಪಿಸುವಿಕೆಗೆ ಹೆಚ್ಚು ಉಪಯುಕ್ತವಾಗಿದೆ. ವಿಶೇಷವಾಗಿ ಗುರಿ ಜೀವಶಾಸ್ತ್ರ, ಕಾರ್ಯವಿಧಾನದ ತಿಳುವಳಿಕೆ, ಸಂಶೋಧನಾ ಸಾಹಿತ್ಯದ ಸಂಯೋಜನೆ ಮತ್ತು ಓಮಿಕ್ಸ್ ಅರ್ಥೈಸುವಿಕೆಗೆ ಇದು ನೆರವಾಗುತ್ತದೆ.

ChatGPT ಮತ್ತು Codexನಲ್ಲಿರುವ ಸಾಮಾನ್ಯ ಉದ್ದೇಶದ ಮಾಡೆಲ್‌ಗಳಿಗಿಂತ GPT-Rosalind ಹೇಗೆ ಭಿನ್ನವಾಗಿದೆ?

GPT-Rosalind ಅನ್ನು ಸಾಮಾನ್ಯ ಉತ್ಪಾದಕತೆ ಬಳಕೆಗಳ ಬದಲು ವೈಜ್ಞಾನಿಕ ಸಂಶೋಧನಾ ಕಾರ್ಯವಿಧಾನಗಳಿಗಾಗಿ ನಿರ್ಮಿಸಲಾಗಿದೆ. ಇದು ಹೆಚ್ಚು ಆಳವಾದ ಜೈವಿಕ ರೀಜನಿಂಗ್, ಸಂಶೋಧನಾ ಸಾಹಿತ್ಯ ಸಂಯೋಜನೆಯ ಕಾರ್ಯವಿಧಾನಗಳು, ಸಂಕೀರ್ಣ ಕೆಲಸಗಳಿಗೆ ದೀರ್ಘ ರೀಜನಿಂಗ್ ಹಾಗೂ ಸಂಶೋಧನಾ ಕೆಲಸಗಳಿಗಾಗಿ ವೈಜ್ಞಾನಿಕ ಪರಿಕರಗಳು ಮತ್ತು ಡೇಟಾಬೇಸ್‌ಗಳ ಪ್ರವೇಶವನ್ನು ಒದಗಿಸುತ್ತದೆ.

ಗ್ರಾಹಕರು ತಮ್ಮದೇ ಆಂತರಿಕ ಜ್ಞಾನ ಮತ್ತು ಡೇಟಾವನ್ನು ಬಳಸಬಹುದೇ?

ಹೌದು, ವಿಶೇಷವಾಗಿ Codex ಮತ್ತು ಕಸ್ಟಮ್ ಕಾರ್ಯವಿಧಾನಗಳ ಮೂಲಕ ಇದನ್ನು ಬೆಂಬಲಿಸುವುದು ನಮ್ಮ ಯೋಜಿತ ವ್ಯಾಪ್ತಿಯಲ್ಲಿದೆ. ಪ್ರಸ್ತುತ ಇದು ಪೂರ್ವಸಿದ್ಧವಾಗಿ ಸಂಪೂರ್ಣವಾಗಿ ಲಭ್ಯವಿಲ್ಲ. ಏನು ಸಾಧ್ಯ ಎಂಬುದು ಡೇಟಾವನ್ನು ಹೇಗೆ ರಚಿಸಲಾಗಿದೆ ಎಂಬುದರ ಮೇಲೆ ಅವಲಂಬಿತವಾಗಿದೆ. ಕೆಲವು ಕಾರ್ಯವಿಧಾನಗಳಿಗೆ ಕಸ್ಟಮ್ ಹೊಂದಾಣಿಕೆ, ಕೌಶಲ್ಯಗಳು ಅಥವಾ ಸ್ವಯಂಚಾಲನೆ ಅಗತ್ಯವಾಗಬಹುದು.

ಸಂಸ್ಥೆಗಳು GPT-Rosalind ಪ್ರವೇಶವನ್ನು ಹೇಗೆ ಪಡೆಯಬಹುದು?

ಅರ್ಹ ಸಂಸ್ಥೆಗಳು Codexನಲ್ಲಿ ನೇರವಾಗಿ ಪ್ರವೇಶಕ್ಕೆ ಅರ್ಜಿ ಸಲ್ಲಿಸಬಹುದು, ಅವಲೋಕನ ವಿಭಾಗದಲ್ಲಿ ಲಿಂಕ್ ಮಾಡಿರುವ ನಮೂನೆಯ ಮೂಲಕ ಪ್ರವೇಶವನ್ನು ವಿನಂತಿಸಬಹುದು ಅಥವಾ ಹೆಚ್ಚಿನ ಮಾಹಿತಿಗಾಗಿ ಮಾರಾಟ ತಂಡವನ್ನು ಸಂಪರ್ಕಿಸಬಹುದು. ಪ್ರವೇಶವು OpenAIಯ ಅರ್ಹತೆ, ಸುರಕ್ಷತೆ ಮತ್ತು ಅನುಸರಣೆ ಅವಶ್ಯಕತೆಗಳಿಗೆ ಒಳಪಟ್ಟಿರುತ್ತದೆ.

ಹೊಸ ಅರ್ಜಿಗಳ ಅಂತಿಮ ಒದಗಿಸುವಿಕೆ ಪೂರ್ಣಗೊಳ್ಳಲು ಸಂಸ್ಥೆಯ ಮಾಲೀಕರು ಅಥವಾ ನಿರ್ವಾಹಕರು ಅನುಮೋದಿಸಬೇಕಾಗುತ್ತದೆ. ಅವರಿಗೆ Codexನಲ್ಲೇ ನೇರವಾಗಿ ಸೂಚನೆ ನೀಡಲಾಗುತ್ತದೆ. 

ಅರ್ಹ ಗ್ರಾಹಕರು APIಯಲ್ಲಿ GPT-Rosalind ಬಳಸಬಹುದೇ?

ಅನುಮೋದಿತ ಆಂತರಿಕ ಸಂಶೋಧನಾ ಪರಿಕರಗಳು, ಕಾರ್ಯವಿಧಾನಗಳು ಮತ್ತು ಅಪ್ಲಿಕೇಶನ್‌ಗಳಿಗಾಗಿ ಅರ್ಹ ಸಂಸ್ಥೆಗಳು OpenAI API ಮೂಲಕ GPT-Rosalind ಬಳಸಬಹುದು. ಪ್ರಸ್ತುತ GPT-Rosalind API ಪ್ರವೇಶವು ಗ್ರಾಹಕರು ಬಳಸುವ ಉತ್ಪನ್ನಗಳು ಅಥವಾ ಬಾಹ್ಯ ವಾಣಿಜ್ಯ ಅಪ್ಲಿಕೇಶನ್‌ಗಳಿಗೆ ಲಭ್ಯವಿಲ್ಲ.

GPT-Rosalind ಬೆಲೆ ಎಷ್ಟು?

ಸಂಶೋಧನಾ ಬೀಟಾ ಹಂತದಲ್ಲಿರುವವರೆಗೆ GPT-Rosalind ಉಚಿತವಾಗಿರುತ್ತದೆ. 

ಯಾವ ಡೇಟಾ ರಕ್ಷಣೆಗಳು ಜಾರಿಯಲ್ಲಿವೆ?

ಈ ಮಾಡೆಲ್ ಉದ್ಯಮ ಮಟ್ಟದ ಭದ್ರತೆ ಮತ್ತು ಪಾತ್ರಾಧಾರಿತ ಪ್ರವೇಶ ನಿಯಂತ್ರಣಗಳೊಂದಿಗೆ ChatGPT Enterprise ಮತ್ತು Codexನಲ್ಲಿ ಲಭ್ಯವಿದೆ. ಪೂರ್ವನಿಯೋಜಿತವಾಗಿ OpenAI ಉದ್ಯಮ ಗ್ರಾಹಕರ ಡೇಟಾದ ಮೇಲೆ ತರಬೇತಿ ನೀಡುವುದಿಲ್ಲ.

ಹೊಂದಾಣಿಕೆ ಅಥವಾ ಪ್ರವೇಶಕ್ಕೆ ನಾನು ಹೇಗೆ ಸಹಾಯ ಪಡೆಯಬಹುದು?

ನಿಮ್ಮ ವರ್ಕ್‌ಸ್ಪೇಸ್ ಹೊಂದಿಸುವುದು, GPT-Rosalind ಸಕ್ರಿಯಗೊಳಿಸುವುದು, ಬಿಲ್ಲಿಂಗ್ ಅರ್ಥಮಾಡಿಕೊಳ್ಳುವುದು ಮತ್ತು ತಾಂತ್ರಿಕ ಸಮಸ್ಯೆಗಳ ಸಹಾಯಕ್ಕಾಗಿ ಹೆಲ್ಪ್ ಸೆಂಟರ್ ಮೂಲಕ OpenAI ಬೆಂಬಲ ತಂಡವನ್ನು ಸಂಪರ್ಕಿಸಿ.

ನನಗೆ ಅನುಮೋದನೆ ದೊರೆತಿದೆ ಅಥವಾ ನನ್ನನ್ನು ಸೇರಿಸಲಾಗಿದೆ, ಆದರೂ GPT-Rosalind ಕಾಣುತ್ತಿಲ್ಲ. ನಾನು ಏನನ್ನು ಪರಿಶೀಲಿಸಬೇಕು?

GPT-Rosalindಗಾಗಿ ಅನುಮೋದಿಸಲಾದ ChatGPT ವರ್ಕ್‌ಸ್ಪೇಸ್ ಅಥವಾ API ಸಂಸ್ಥೆಗೆ ನೀವು ಸೈನ್ ಇನ್ ಆಗಿರುವುದನ್ನು ಖಚಿತಪಡಿಸಿಕೊಳ್ಳಿ. ChatGPTಯಲ್ಲಿ ಅನುಮೋದಿತ ವರ್ಕ್‌ಸ್ಪೇಸ್‌ಗೆ ಬದಲಿಸಿ ಮತ್ತು ಮಾಡೆಲ್ ಆಯ್ಕೆಪಟ್ಟಿಯನ್ನು ಪರಿಶೀಲಿಸಿ.

ನಿಮ್ಮ ಸಂಸ್ಥೆಯು ಗುಂಪುಗಳು, ಕಸ್ಟಮ್ ಪಾತ್ರಗಳು ಅಥವಾ ಅನುಮತಿಗಳ ಮೂಲಕ ಪ್ರವೇಶವನ್ನು ನಿರ್ವಹಿಸುತ್ತಿದ್ದರೆ, ನಿಮ್ಮ ಖಾತೆಗೆ GPT-Rosalind ಪ್ರವೇಶವಿದೆ ಎಂಬುದನ್ನು ಖಚಿತಪಡಿಸಲು ನಿರ್ವಾಹಕರನ್ನು ಕೇಳಿ. Codex ಅಥವಾ API ಪ್ರವೇಶಕ್ಕಾಗಿ, ಆ ನಿರ್ದಿಷ್ಟ ಸೇವೆಗೆ ನಿಮ್ಮ ಸಂಸ್ಥೆ ಅನುಮೋದನೆ ಪಡೆದಿರುವುದನ್ನು ಖಚಿತಪಡಿಸಿಕೊಳ್ಳಿ.

“ನಿಮ್ಮ ಅರ್ಜಿಯನ್ನು ಟ್ರ್ಯಾಕ್ ಮಾಡಿ” ಬಟನ್ ಕ್ಲಿಕ್ ಮಾಡುವ ಮೂಲಕ ಅಥವಾ ಈ ಲಿಂಕ್‌ಗೆ ಹೋಗುವ ಮೂಲಕ ನಿಮ್ಮ ಅರ್ಜಿಯ ಸ್ಥಿತಿಯನ್ನು ಪರಿಶೀಲಿಸಬಹುದು.