ಬ್ರೆಜಿಲ್‌ನ 2026ರ ಸಾರ್ವತ್ರಿಕ ಚುನಾವಣೆಗಳ ಸಮಗ್ರತೆಯನ್ನು ಕಾಪಾಡಲು ಕೆಲವು ಅಂತರ್ಜಾಲ ಅಪ್ಲಿಕೇಶನ್ ಪೂರೈಕೆದಾರರಿಗೆ ವಿವಿಧ ಅವಶ್ಯಕತೆಗಳನ್ನು ನಿಗದಿಪಡಿಸುವ ಬ್ರೆಜಿಲ್‌ನ ಟಿಎಸ್‌ಇ ಆದೇಶ ಸಂಖ್ಯೆ 463/2026 ಅನ್ನು ಪಾಲಿಸಲು OpenAI ಬದ್ಧವಾಗಿದೆ.
ಟಿಎಸ್‌ಇ ಅನುಸರಣೆ ಯೋಜನೆಯ ಕುರಿತು
OpenAI ಯ ಸಾರ್ವಜನಿಕ ಟಿಎಸ್‌ಇ ಅನುಸರಣೆ ಯೋಜನೆಯು 2026ರ ಬ್ರೆಜಿಲ್ ಚುನಾವಣೆಗಳಿಗೆ ಸಂಬಂಧಿಸಿದ ಸುರಕ್ಷತಾ ಕ್ರಮಗಳು, ನೀತಿಗಳು, ವರದಿ ಸಲ್ಲಿಸುವ ಮಾರ್ಗಗಳು ಮತ್ತು ಪ್ರತಿಕ್ರಿಯಿಸುವ ಪ್ರಕ್ರಿಯೆಗಳನ್ನು ವಿವರಿಸುತ್ತದೆ. ನಮ್ಮ 2026ರ ಚುನಾವಣಾ ಮಾಹಿತಿ ಮತ್ತು ಸುರಕ್ಷತಾ ಕ್ರಮಗಳು, ವಿಶ್ವಾಸ ಮತ್ತು ಪಾರದರ್ಶಕತೆ ಹಾಗೂ ಪಾರದರ್ಶಕತೆ ಮತ್ತು ವಿಷಯವಸ್ತುವಿನ ನಿಯಂತ್ರಣ ಕುರಿತ ಪುಟಗಳ ಮೂಲಕವೂ ನೀವು ಇನ್ನಷ್ಟು ತಿಳಿದುಕೊಳ್ಳಬಹುದು.
ಚುನಾವಣೆಗಳಿಗೆ ಸಂಬಂಧಿಸಿದ ವಿಷಯವಸ್ತುವಿನ ಕುರಿತು ವರದಿಗಳನ್ನು ಸಲ್ಲಿಸುವುದು
ಅಧಿಕೃತ ಬ್ರೆಜಿಲಿಯನ್ ಸರ್ಕಾರಿ ಪ್ರಾಧಿಕಾರಗಳು ಮಾನ್ಯ ಕಾನೂನು ಪ್ರಕ್ರಿಯೆಗೆ ಸಂಬಂಧಿಸಿದ ದಾಖಲೆಗಳು, ವಿಷಯವಸ್ತುವಿಗೆ ಸಂಬಂಧಿಸಿದ ವಿನಂತಿಗಳು ಮತ್ತು ಇತರ ಅಧಿಕೃತ ಸಂವಹನಗಳನ್ನು OpenAI ಯ ಮೀಸಲಾದ ಕೋಡೆಕ್ಸ್ ಜಾಲತಾಣದ ಮೂಲಕ ಸಲ್ಲಿಸಬಹುದು. ನಿಮಗೆ ಪರಿಶೀಲನೆ ಪೂರ್ಣಗೊಂಡ ಸರ್ಕಾರಿ ಖಾತೆಯ ಅಗತ್ಯವಿರುತ್ತದೆ. ನೀವು ಈಗಾಗಲೇ ಖಾತೆಯನ್ನು ಹೊಂದಿಲ್ಲದಿದ್ದರೆ, ಕೋಡೆಕ್ಸ್ ಸರ್ಕಾರಿ ಖಾತೆ ನೋಂದಣಿ ಪುಟದ ಮೂಲಕ ಖಾತೆಯನ್ನು ರಚಿಸಿ ಮತ್ತು ಅಗತ್ಯ ಪರಿಶೀಲನಾ ಹಂತಗಳನ್ನು ಪೂರ್ಣಗೊಳಿಸಿ. ನೋಂದಾಯಿಸಿಕೊಳ್ಳುವ ಕುರಿತು ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು ಕೆಳಗೆ ನೋಡಿ.
ಖಾತೆ ರಚಿಸುವಾಗ, ಖಾತೆಗೆ ಪ್ರವೇಶಿಸುವಾಗ ಅಥವಾ ವೇದಿಕೆಯನ್ನು ಬಳಸುವಾಗ ತೊಂದರೆಯಾದರೆ, help@kodexglobal.com ಮೂಲಕ ಕೋಡೆಕ್ಸ್ ಸಹಾಯ ತಂಡವನ್ನು ಸಂಪರ್ಕಿಸಿ. ಕೋಡೆಕ್ಸ್ ಅನ್ನು ಅಧಿಕೃತ ಸರ್ಕಾರಿ ಪ್ರಾಧಿಕಾರಗಳಿಗಾಗಿ ಮೀಸಲಿಡಲಾಗಿದೆ.
ನೀವು ಅಧಿಕೃತ ಸರ್ಕಾರಿ ಪ್ರಾಧಿಕಾರವಲ್ಲದಿದ್ದರೆ—ಅಭ್ಯರ್ಥಿಗಳು, ರಾಜಕೀಯ ಪಕ್ಷಗಳು, ಒಕ್ಕೂಟಗಳು ಮತ್ತು ಮೈತ್ರಿಕೂಟಗಳೂ ಸೇರಿದಂತೆ—OpenAI ಯ ವಿಷಯವಸ್ತುವಿನ ಕುರಿತು ವರದಿ ಸಲ್ಲಿಸುವ ನಮೂನೆಯ ಮೂಲಕ ನಿಮ್ಮ ವರದಿಯನ್ನು ಸಲ್ಲಿಸಿ.
ನಾವು ಜಾರಿಗೊಳಿಸುವ ಸುರಕ್ಷತಾ ಕ್ರಮಗಳೂ ಸೇರಿದಂತೆ ಚುನಾವಣೆಗಳ ಕುರಿತ ನಮ್ಮ ವಿಧಾನವನ್ನು ಇನ್ನಷ್ಟು ತಿಳಿಯಲು, ದಯವಿಟ್ಟು ನಮ್ಮ ಚುನಾವಣಾ ಮಾಹಿತಿ ಮತ್ತು ಸುರಕ್ಷತಾ ಕ್ರಮಗಳ ಪುಟವನ್ನು ನೋಡಿ.
ಕೋಡೆಕ್ಸ್ ಮೂಲಕ OpenAI ಅನ್ನು ಸಂಪರ್ಕಿಸುವುದು ಹೇಗೆ (ಸರ್ಕಾರಿ ಪ್ರಾಧಿಕಾರಗಳಿಗಾಗಿ)
ಸರ್ಕಾರಿ ಪ್ರಾಧಿಕಾರಗಳ ಸಂವಹನಗಳನ್ನು ಸ್ವೀಕರಿಸಲು ಮತ್ತು ಅವುಗಳಿಗೆ ಪ್ರತಿಕ್ರಿಯಿಸಲು OpenAI ಕೋಡೆಕ್ಸ್ ಅನ್ನು ಬಳಸುತ್ತದೆ. ಕೋಡೆಕ್ಸ್ ಮೂಲಕ OpenAI ಗೆ ವಿನಂತಿ ಅಥವಾ ಪ್ರಶ್ನೆಯನ್ನು ಸಲ್ಲಿಸುವುದು ಹೇಗೆ ಎಂಬುದನ್ನು ಈ ಪುಟ ವಿವರಿಸುತ್ತದೆ.
ನೀವು ಪ್ರಾರಂಭಿಸುವ ಮೊದಲು
ನಿಮಗೆ ಕೋಡೆಕ್ಸ್ ಖಾತೆಯ ಅಗತ್ಯವಿರುತ್ತದೆ. ನೀವು ಈಗಾಗಲೇ ಖಾತೆಯನ್ನು ಹೊಂದಿಲ್ಲದಿದ್ದರೆ, ಕೋಡೆಕ್ಸ್ ಜಾಲತಾಣದಲ್ಲಿ ಖಾತೆಯನ್ನು ರಚಿಸಿ ಮತ್ತು ನೋಂದಣಿಯ ವೇಳೆ ಕೋಡೆಕ್ಸ್ ಸೂಚಿಸುವ ಎಲ್ಲಾ ಪರಿಶೀಲನಾ ಹಂತಗಳನ್ನು ಪೂರ್ಣಗೊಳಿಸಿ.
ಖಾತೆ ರಚಿಸುವಾಗ, ಖಾತೆಗೆ ಪ್ರವೇಶಿಸುವಾಗ ಅಥವಾ ಕೋಡೆಕ್ಸ್ ವೇದಿಕೆಯನ್ನು ಬಳಸುವಾಗ ತೊಂದರೆಯಾದರೆ, ದಯವಿಟ್ಟು ಕೋಡೆಕ್ಸ್ ಸಹಾಯ ತಂಡವನ್ನು ಸಂಪರ್ಕಿಸಿ: help@kodexglobal.com.
ಗಮನಿಸಿ: ಈ ಜಾಲತಾಣವನ್ನು ಅಧಿಕೃತ ಸರ್ಕಾರಿ ಪ್ರಾಧಿಕಾರಗಳಿಗೆ ಮಾತ್ರ ಮೀಸಲಿಡಲಾಗಿದೆ. ನೀವು ಅಧಿಕೃತ ಸರ್ಕಾರಿ ಪ್ರಾಧಿಕಾರವಲ್ಲದಿದ್ದರೆ, ಸಂಭಾವ್ಯ ನೀತಿ ಉಲ್ಲಂಘನೆಗಳು ಅಥವಾ ಕಾನೂನುಬಾಹಿರ ವಿಷಯವಸ್ತುವಿನ ಬಗ್ಗೆ ನಮಗೆ ತಿಳಿಸಲು ದಯವಿಟ್ಟು ನಮ್ಮ ವಿಷಯವಸ್ತುವಿನ ಕುರಿತು ವರದಿ ಸಲ್ಲಿಸುವ ನಮೂನೆಯನ್ನು ಬಳಸಿ.
OpenAI ಗೆ ವಿನಂತಿಯನ್ನು ಸಲ್ಲಿಸುವುದು ಹೇಗೆ
ಹಂತ 1: ಖಾತೆಗೆ ಪ್ರವೇಶಿಸಿ ಮತ್ತು OpenAI ಅನ್ನು ಆಯ್ಕೆಮಾಡಿ
ಕೋಡೆಕ್ಸ್ ಜಾಲತಾಣದಲ್ಲಿ ನಿಮ್ಮ ಖಾತೆಗೆ ಪ್ರವೇಶಿಸಿ.
ಕೋಡೆಕ್ಸ್‌ನಲ್ಲಿ ಲಭ್ಯವಿರುವ ಸಂಸ್ಥೆಗಳ ಪಟ್ಟಿಯಲ್ಲಿ OpenAI ಅನ್ನು ಆಯ್ಕೆಮಾಡಿ.
ಹಂತ 2: ಸಲ್ಲಿಕೆಗೆ ಸೂಕ್ತ ಮಾರ್ಗವನ್ನು ಆಯ್ಕೆಮಾಡಿ
OpenAI ಗೆ ಸಲ್ಲಿಸಲು ಕೋಡೆಕ್ಸ್ ಎರಡು ಮುಖ್ಯ ಮಾರ್ಗಗಳನ್ನು ಒದಗಿಸುತ್ತದೆ:
1) ವಿಷಯವಸ್ತು ತೆಗೆದುಹಾಕುವಿಕೆ
ತೆಗೆದುಹಾಕಬೇಕು ಅಥವಾ ನಿರ್ಬಂಧಿಸಬೇಕು ಎಂದು ನೀವು ಭಾವಿಸುವ ವಿಷಯವಸ್ತುವಿಗೆ ನಿಮ್ಮ ವಿನಂತಿ ಸಂಬಂಧಿಸಿದ್ದರೆ, ವಿಷಯವಸ್ತು ತೆಗೆದುಹಾಕುವಿಕೆ ಆಯ್ಕೆಯನ್ನು ಬಳಸಿ. ಇದರಲ್ಲಿ ಇವು ಸೇರಿವೆ:
ನಿರ್ದಿಷ್ಟ ವಿಷಯವಸ್ತುವಿಗೆ ಸಂಬಂಧಿಸಿದ ವಿನಂತಿಗಳು ಅಥವಾ ಆದೇಶಗಳು
ವಿಷಯವಸ್ತು ಕಾನೂನುಬಾಹಿರವಾಗಿರಬಹುದು ಅಥವಾ ಬೇರೆ ರೀತಿಯಲ್ಲಿ ನಿಷೇಧಿತವಾಗಿರಬಹುದು ಎಂದು ತಿಳಿಸುವ ಸೂಚನೆಗಳು
ವಿಷಯವಸ್ತುವನ್ನು ಪರಿಶೀಲಿಸಿ ಕ್ರಮ ಕೈಗೊಳ್ಳಬೇಕಾದ ವಿನಂತಿಗಳು
2) ಬಳಕೆದಾರರ ದತ್ತಾಂಶ
ಬಳಕೆದಾರರ ದತ್ತಾಂಶವನ್ನು ಪಡೆಯಲು ನೀವು ವಿನಂತಿಸುತ್ತಿದ್ದರೆ, ಬಳಕೆದಾರರ ದತ್ತಾಂಶ ಆಯ್ಕೆಯನ್ನು ಬಳಸಿ. ಮಾರ್ಗದರ್ಶನಕ್ಕಾಗಿ ನಮ್ಮ ಬಳಕೆದಾರರ ದತ್ತಾಂಶಕ್ಕಾಗಿ ಸರ್ಕಾರ ಸಲ್ಲಿಸುವ ವಿನಂತಿಗಳ ಕುರಿತ OpenAI ನೀತಿಯನ್ನು ನೋಡಿ.
ಯಾವ ಮಾರ್ಗ ಅನ್ವಯಿಸುತ್ತದೆ ಎಂಬುದು ನಿಮಗೆ ಖಚಿತವಿಲ್ಲದಿದ್ದರೆ, ನಿಮ್ಮ ವಿನಂತಿಗೆ ಹೆಚ್ಚು ಸೂಕ್ತವಾದ ಮಾರ್ಗವನ್ನು ಆಯ್ಕೆಮಾಡಿ. ಮಾರ್ಗದರ್ಶನ ಕೇಳಲು ನೀವು ತ್ವರಿತ ಪ್ರಶ್ನೆ (ಕೆಳಗೆ ನೋಡಿ) ಆಯ್ಕೆಯನ್ನೂ ಬಳಸಬಹುದು.
ಸಾಮಾನ್ಯ ಪ್ರಶ್ನೆಗಳು ಅಥವಾ ಅನುಸರಣೆ ಕುರಿತ ವಿಚಾರಣೆಗಳನ್ನು ಸಲ್ಲಿಸುವುದು (“ತ್ವರಿತ ಪ್ರಶ್ನೆ”)
ನಿಮ್ಮ ಸಂದೇಶವು ವಿಷಯವಸ್ತು ತೆಗೆದುಹಾಕುವ ಅಥವಾ ಬಳಕೆದಾರರ ದತ್ತಾಂಶ ಪಡೆಯುವ ವಿನಂತಿಯಾಗಿರದೆ, ಉದಾಹರಣೆಗೆ, ಅನುಸರಣೆ, ಪ್ರಕ್ರಿಯೆಗಳು ಅಥವಾ ವಿನಂತಿಯನ್ನು ಸಲ್ಲಿಸುವುದು ಹೇಗೆ ಎಂಬುದರ ಕುರಿತ ಸಾಮಾನ್ಯ ಪ್ರಶ್ನೆಯಾಗಿದ್ದರೆ, ತ್ವರಿತ ಪ್ರಶ್ನೆ ಆಯ್ಕೆಯನ್ನು ಬಳಸಿ:
ವಿಷಯವಸ್ತು ತೆಗೆದುಹಾಕುವಿಕೆ ಅಥವಾ ಬಳಕೆದಾರರ ದತ್ತಾಂಶ ಆಯ್ಕೆಗಳಲ್ಲಿ ಒಂದನ್ನು ಆಯ್ಕೆಮಾಡಿ (ಸಾಮಾನ್ಯ ವಿಚಾರಣೆಗಳಿಗೆ ಯಾವುದನ್ನು ಬಳಸಿದರೂ ಸರಿ).
ತ್ವರಿತ ಪ್ರಶ್ನೆ ಆಯ್ಕೆಯನ್ನು ಹುಡುಕಿ (ಪುಟದ ಮೇಲಿನ ಬಲಭಾಗದಲ್ಲಿ).
ಮುಕ್ತವಾಗಿ ಪಠ್ಯ ಬರೆಯಬಹುದಾದ ಜಾಗದಲ್ಲಿ ನಿಮ್ಮ ಪ್ರಶ್ನೆಯನ್ನು ಸಲ್ಲಿಸಿ ಮತ್ತು ಸಂಬಂಧಿತ ವಿವರಗಳನ್ನು ಸೇರಿಸಿ.
ನೀವು ಸಲ್ಲಿಸಿದ ನಂತರ ಏನಾಗುತ್ತದೆ
ನಿಮ್ಮ ಸಲ್ಲಿಕೆಯನ್ನು ಪರಿಶೀಲನೆಗಾಗಿ OpenAI ಗೆ ತಲುಪಿಸಲಾಗುತ್ತದೆ.
OpenAI ಕೋಡೆಕ್ಸ್ ಮೂಲಕ ಪ್ರತಿಕ್ರಿಯಿಸುತ್ತದೆ.
ಪ್ರತಿಕ್ರಿಯೆ ನೀಡಿದಾಗ, ಕೋಡೆಕ್ಸ್‌ನಲ್ಲಿ ಮತ್ತು/ಅಥವಾ ನಿಮ್ಮ ಕೋಡೆಕ್ಸ್ ಖಾತೆಗೆ ಸಂಬಂಧಿಸಿದ ಇಮೇಲ್ ಮೂಲಕ ನಿಮಗೆ ಸೂಚನೆ ನೀಡಲಾಗುತ್ತದೆ.