ಅವಲೋಕನ

ಒನ್‌ನೋಟ್ ಪ್ಲಗಿನ್ ಬಳಸಿ ಟಿಪ್ಪಣಿಗಳನ್ನು ಹುಡುಕಲು ಮತ್ತು ಸಾರಾಂಶಗೊಳಿಸಲು, ನಿರ್ಧಾರಗಳು ಹಾಗೂ ಮಾಡಬೇಕಾದ ಕೆಲಸಗಳನ್ನು ಒಟ್ಟುಗೂಡಿಸಲು ಮತ್ತು ಬೆಂಬಲಿತ ಕ್ರಿಯೆಗಳ ಮೂಲಕ ಟಿಪ್ಪಣಿಗಳನ್ನು ರಚಿಸಲು ಅಥವಾ ನವೀಕರಿಸಲು ನೆರವು ಪಡೆಯಬಹುದು. ಲಭ್ಯವಿರುವ ಸಾಮರ್ಥ್ಯಗಳು ನಿಮ್ಮ ಖಾತೆ, ವರ್ಕ್‌ಸ್ಪೇಸ್, ಉತ್ಪನ್ನ ಬಳಸುವ ತಾಣ ಮತ್ತು ಮೈಕ್ರೋಸಾಫ್ಟ್ ಅನುಮತಿಗಳನ್ನು ಅವಲಂಬಿಸಿರುತ್ತವೆ.

ಒನ್‌ನೋಟ್ ಸಂಪರ್ಕಿಸಿ

ಪ್ಲಗಿನ್‌ಗಳು ವಿಭಾಗದಲ್ಲಿ OpenAI ಅಭಿವೃದ್ಧಿಪಡಿಸಿದ ಪ್ಲಗಿನ್ ಹುಡುಕಿ ಮತ್ತು ಸಂಪರ್ಕಿಸುವ ಸೂಚನೆಗಳನ್ನು ಅನುಸರಿಸಿ. ನೀವು ಬಳಸಲು ಬಯಸುವ ಟಿಪ್ಪಣಿಗಳ ಒಡೆತನ ಹೊಂದಿರುವ ಅಥವಾ ಅವುಗಳಿಗೆ ಬೆಂಬಲಿತ ಪ್ರವೇಶ ಹೊಂದಿರುವ ಮೈಕ್ರೋಸಾಫ್ಟ್ ಖಾತೆಗೆ ಪ್ರವೇಶಿಸಿ. ನಿರ್ವಾಹಕರ ನಿಯಂತ್ರಣದಲ್ಲಿರುವ ವರ್ಕ್‌ಸ್ಪೇಸ್ ಅಥವಾ ಮೈಕ್ರೋಸಾಫ್ಟ್ ಸಂಸ್ಥೆಯಲ್ಲಿ ನಿರ್ವಾಹಕರ ಅನುಮೋದನೆ ಅಗತ್ಯವಿರಬಹುದು.

ಸ್ಥಾಪನೆ ಮತ್ತು ಆಯ್ಕೆಯ ಸಾಮಾನ್ಯ ಸೂಚನೆಗಳಿಗಾಗಿ, ChatGPT ಮತ್ತು Codex ನಲ್ಲಿ ಪ್ಲಗಿನ್‌ಗಳು ನೋಡಿ. ಒನ್‌ನೋಟ್ ಸಂಪರ್ಕಿಸುವುದರಿಂದ ನಿಮ್ಮ ಮೈಕ್ರೋಸಾಫ್ಟ್ ಅನುಮತಿಗಳು ವಿಸ್ತರಿಸುವುದಿಲ್ಲ.

ಟಿಪ್ಪಣಿಗಳನ್ನು ಹುಡುಕಿ ಮತ್ತು ಸಾರಾಂಶಗೊಳಿಸಿ

ಟಿಪ್ಪಣಿಪುಸ್ತಕ, ವಿಭಾಗ ಅಥವಾ ಪುಟದ ಹೆಸರನ್ನು ನೀಡಿ ಮತ್ತು ನಿಮಗೆ ಬೇಕಾದ ಮಾಹಿತಿಯನ್ನು ವಿವರಿಸಿ. ಉದಾಹರಣೆಗೆ:

ನಿರ್ದಿಷ್ಟ ಟಿಪ್ಪಣಿಪುಸ್ತಕ, ವಿಭಾಗ ಮತ್ತು ದಿನಾಂಕದ ವ್ಯಾಪ್ತಿಯನ್ನು ತಿಳಿಸಿದರೆ ವಿನಂತಿಯ ವ್ಯಾಪ್ತಿಯನ್ನು ಸೀಮಿತಗೊಳಿಸಲು ಸಹಾಯವಾಗುತ್ತದೆ. ಕೆಲವು ಹುಡುಕಾಟಗಳು ಸೀಮಿತ ಸಂಖ್ಯೆಯ ಪುಟಗಳನ್ನು ಮಾತ್ರ ಒಳಗೊಳ್ಳುತ್ತವೆ. ಫಲಿತಾಂಶ ಅಪೂರ್ಣವಾಗಿದ್ದರೆ, ಮಾಹಿತಿ ಇಲ್ಲ ಎಂದು ಊಹಿಸುವ ಮೊದಲು ವಿನಂತಿಯ ವ್ಯಾಪ್ತಿಯನ್ನು ಸೀಮಿತಗೊಳಿಸಿ ಅಥವಾ ಹುಡುಕಾಟ ಮುಂದುವರಿಸಲು ಕೇಳಿ.

ಟಿಪ್ಪಣಿಪುಸ್ತಕದ ಪ್ರವೇಶದ ಬಗ್ಗೆ ತಿಳಿಯಿರಿ

ವೈಯಕ್ತಿಕ ಟಿಪ್ಪಣಿಪುಸ್ತಕದ ಕಾರ್ಯಾಚರಣೆಗಳು ಸಂಪರ್ಕಿತ ಮೈಕ್ರೋಸಾಫ್ಟ್ ಖಾತೆಯ ಒಡೆತನದಲ್ಲಿರುವ ಟಿಪ್ಪಣಿಪುಸ್ತಕಗಳಿಗೆ ಸೀಮಿತವಾಗಿವೆ. ಬೇರೊಬ್ಬರು ನಿಮ್ಮೊಂದಿಗೆ ಹಂಚಿಕೊಂಡ ವೈಯಕ್ತಿಕ ಟಿಪ್ಪಣಿಪುಸ್ತಕ ಆ ಕಾರ್ಯಪ್ರವಾಹದಲ್ಲಿ ಕಾಣಿಸದೇ ಇರಬಹುದು.

ಮೈಕ್ರೋಸಾಫ್ಟ್ 365 ಗುಂಪು ಮತ್ತು ಶೇರ್‌ಪಾಯಿಂಟ್ ತಾಣದ ಟಿಪ್ಪಣಿಪುಸ್ತಕಗಳು ಹಂಚಿದ ಟಿಪ್ಪಣಿಪುಸ್ತಕಗಳಿಗಾಗಿ ಇರುವ ಪ್ರತ್ಯೇಕ ಬೆಂಬಲಿತ ಕಾರ್ಯಪ್ರವಾಹಗಳನ್ನು ಬಳಸುತ್ತವೆ. ಆ ಟಿಪ್ಪಣಿಗಳನ್ನು ಕೇಳುವಾಗ, ಗುಂಪು ಅಥವಾ ತಾಣ ಮತ್ತು ಬೇಕಾದ ಟಿಪ್ಪಣಿಪುಸ್ತಕವನ್ನು ಸೂಚಿಸಿ. ಮೈಕ್ರೋಸಾಫ್ಟ್ ಉತ್ಪನ್ನದಲ್ಲಿ ಟಿಪ್ಪಣಿಪುಸ್ತಕಕ್ಕೆ ಪ್ರವೇಶವಿದೆ ಎಂದ ಮಾತ್ರಕ್ಕೆ ಒನ್‌ನೋಟ್ ಪ್ಲಗಿನ್‌ನ ಎಲ್ಲ ಕಾರ್ಯಾಚರಣೆಗಳೂ ಆ ಬಗೆಯ ಟಿಪ್ಪಣಿಪುಸ್ತಕವನ್ನು ಬೆಂಬಲಿಸುತ್ತವೆ ಎಂದರ್ಥವಲ್ಲ.

ಟಿಪ್ಪಣಿಯನ್ನು ರಚಿಸಿ ಅಥವಾ ನವೀಕರಿಸಿ

ಯಾವ ಟಿಪ್ಪಣಿಪುಸ್ತಕ, ವಿಭಾಗ ಮತ್ತು ಪುಟದಲ್ಲಿ ಯಾವ ಬದಲಾವಣೆ ಬೇಕು ಎಂಬುದನ್ನು ಸೂಚಿಸಿ. ಉದಾಹರಣೆಗೆ:

ಕ್ರಿಯೆಗೆ ಅನುಮತಿ ನೀಡುವ ಮೊದಲು, ಯಾವುದಕ್ಕೆ ಬದಲಾವಣೆ ಮಾಡಲಾಗುತ್ತದೆ ಮತ್ತು ಪ್ರಸ್ತಾವಿತ ಬದಲಾವಣೆ ಏನು ಎಂಬುದನ್ನು ಪರಿಶೀಲಿಸಿ. ಟಿಪ್ಪಣಿಗಳನ್ನು ಓದಬಲ್ಲ ಸಂಪರ್ಕಕ್ಕೆ ಅವುಗಳನ್ನು ರಚಿಸಲು ಅಥವಾ ಸಂಪಾದಿಸಲು ಅನುಮತಿ ಇಲ್ಲದಿರಬಹುದು. ವರ್ಕ್‌ಸ್ಪೇಸ್ ನೀತಿ, ಮೈಕ್ರೋಸಾಫ್ಟ್ ಅನುಮತಿಗಳು ಮತ್ತು ಅನುಮೋದನೆಯ ಅಗತ್ಯತೆಗಳು ಮುಂದುವರಿದು ಅನ್ವಯಿಸುತ್ತವೆ.

ಪುಟವನ್ನು ನಕಲಿಸಿ

ಬೆಂಬಲಿತ ಕಾರ್ಯಪ್ರವಾಹವು ಪುಟವನ್ನು ನಕಲಿಸುತ್ತಿದ್ದರೆ, ಅದು ಮುಗಿಯುವವರೆಗೆ ಕಾಯಿರಿ. ಮತ್ತೊಂದು ನಕಲು ಪ್ರಾರಂಭಿಸುವ ಮೊದಲು ನಕಲು ಉಳಿಯಬೇಕಾದ ಸ್ಥಳವನ್ನು ಪರಿಶೀಲಿಸಿ. ವಿನಂತಿಯನ್ನು ಸ್ವೀಕರಿಸಲಾಗಿದೆ ಎಂದ ಮಾತ್ರಕ್ಕೆ ನಕಲು ಪೂರ್ಣಗೊಂಡಿದೆ ಎಂದರ್ಥವಲ್ಲ. ಫಲಿತಾಂಶ ಸ್ಪಷ್ಟವಾಗಿಲ್ಲದಿದ್ದರೆ, ಅದರ ಸ್ಥಿತಿ ಖಚಿತವಾಗುವವರೆಗೆ ವಿನಂತಿಯನ್ನು ಪುನರಾವರ್ತಿಸಬೇಡಿ.

ಸಮಸ್ಯೆ ನಿವಾರಣೆ

ಒನ್‌ನೋಟ್ ಕಾಣಿಸುತ್ತಿಲ್ಲ ಅಥವಾ ನಿಷ್ಕ್ರಿಯಗೊಂಡಿದೆ

ನೀವು ಉದ್ದೇಶಿತ ಖಾತೆ ಮತ್ತು ವರ್ಕ್‌ಸ್ಪೇಸ್ ಬಳಸುತ್ತಿದ್ದೀರಾ ಎಂದು ಪರಿಶೀಲಿಸಿ. ನಿರ್ವಾಹಕರ ನಿಯಂತ್ರಣದಲ್ಲಿರುವ ವರ್ಕ್‌ಸ್ಪೇಸ್‌ನಲ್ಲಿ, ಪ್ಲಗಿನ್ ಮತ್ತು ಅದಕ್ಕೆ ಅಗತ್ಯವಿರುವ ಅನ್ವಯದ ಸೆಟ್ಟಿಂಗ್‌ಗಳನ್ನು ಪರಿಶೀಲಿಸಲು ನಿರ್ವಾಹಕರನ್ನು ಕೇಳಿ. ಬಿಡುಗಡೆಯ ಹಂತ ಮತ್ತು ಬಳಸುವ ತಾಣಕ್ಕೆ ಅನುಗುಣವಾಗಿ ಲಭ್ಯತೆ ಬದಲಾಗಬಹುದು.

ಮೈಕ್ರೋಸಾಫ್ಟ್ ನಿರ್ವಾಹಕರ ಅನುಮೋದನೆಯನ್ನು ಕೇಳುತ್ತಿದೆ

ಸಂಪರ್ಕಕ್ಕಾಗಿ ಕೋರಿರುವ ಅನುಮತಿಗಳನ್ನು ಪರಿಶೀಲಿಸಲು ನಿಮ್ಮ ಮೈಕ್ರೋಸಾಫ್ಟ್ ನಿರ್ವಾಹಕರನ್ನು ಕೇಳಿ. ತೋರಿಸಲಾದ ಅನುಮೋದನೆ ಪ್ರಕ್ರಿಯೆಯನ್ನು ಅನುಸರಿಸಿ. ಪಾಸ್‌ವರ್ಡ್‌ಗಳು, ಪ್ರವೇಶ ಸಂಕೇತಗಳು ಅಥವಾ ಗ್ರಾಹಕ ಅನ್ವಯದ ರಹಸ್ಯ ಕೀಲಿಗಳನ್ನು ನೆರವು ತಂಡದೊಂದಿಗೆ ಹಂಚಿಕೊಳ್ಳಬೇಡಿ.

ಟಿಪ್ಪಣಿಪುಸ್ತಕ ಅಥವಾ ಪುಟ ಕಾಣಿಸುತ್ತಿಲ್ಲ

ಸಂಪರ್ಕಿತ ಮೈಕ್ರೋಸಾಫ್ಟ್ ಖಾತೆಯನ್ನು ಖಚಿತಪಡಿಸಿಕೊಳ್ಳಿ. ಟಿಪ್ಪಣಿಪುಸ್ತಕ ನಿಮ್ಮ ವೈಯಕ್ತಿಕ ಒಡೆತನದಲ್ಲಿದೆಯೇ, ನಿಮ್ಮೊಂದಿಗೆ ಹಂಚಿಕೊಳ್ಳಲಾಗಿದೆಯೇ ಅಥವಾ ಗುಂಪು ಅಥವಾ ಶೇರ್‌ಪಾಯಿಂಟ್ ತಾಣದಲ್ಲಿ ಸಂಗ್ರಹಿಸಲಾಗಿದೆಯೇ ಎಂಬುದನ್ನೂ ಖಚಿತಪಡಿಸಿಕೊಳ್ಳಿ. ಆ ಬಗೆಯ ಟಿಪ್ಪಣಿಪುಸ್ತಕಕ್ಕೆ ಬೆಂಬಲಿತ ಕಾರ್ಯಪ್ರವಾಹವನ್ನು ಪರಿಶೀಲಿಸಿ. ಹುಡುಕಾಟವನ್ನು ಉದ್ದೇಶಿತ ಟಿಪ್ಪಣಿಪುಸ್ತಕ ಅಥವಾ ವಿಭಾಗಕ್ಕೆ ಸೀಮಿತಗೊಳಿಸಿ ಮತ್ತು ಫಲಿತಾಂಶ ಅಪೂರ್ಣವಾಗಿತ್ತೇ ಎಂದು ಪರಿಶೀಲಿಸಿ.

ಬರೆಯುವುದು ಅಥವಾ ನಕಲಿಸುವುದು ವಿಫಲವಾಗಿದೆ

ಅದೇ ಮೈಕ್ರೋಸಾಫ್ಟ್ ಖಾತೆಯಿಂದ ಉದ್ದೇಶಿತ ಬದಲಾವಣೆಯನ್ನು ನೇರವಾಗಿ ಮಾಡಲು ಸಾಧ್ಯವೇ ಮತ್ತು ನಿಮ್ಮ ವರ್ಕ್‌ಸ್ಪೇಸ್ ಆ ಕ್ರಿಯೆಗೆ ಅನುಮತಿಸುತ್ತದೆಯೇ ಎಂದು ಪರಿಶೀಲಿಸಿ. ಯಾವುದರ ಮೇಲೆ ಕ್ರಿಯೆ ನಡೆಸಲಾಯಿತು, ದೋಷವೇನು ಮತ್ತು ಸಮಯ ಯಾವುದು ಎಂಬುದನ್ನು ನಿಖರವಾಗಿ ದಾಖಲಿಸಿಕೊಳ್ಳಿ. ನಕಲು ಕಾರ್ಯದ ಫಲಿತಾಂಶ ತಿಳಿದಿಲ್ಲದಿದ್ದರೆ, ಮತ್ತೆ ಪ್ರಯತ್ನಿಸುವ ಮೊದಲು ನಕಲು ಉಳಿಯಬೇಕಾದ ಸ್ಥಳ ಮತ್ತು ಈಗಾಗಲೇ ಪ್ರಾರಂಭಿಸಿದ ಕಾರ್ಯಾಚರಣೆಯ ಸ್ಥಿತಿಯನ್ನು ಪರಿಶೀಲಿಸಿ.