ಆರಂಭಿಕ ಪ್ರಕ್ರಿಯೆ ಮತ್ತು ನೀತಿಗೆ ಸಂಬಂಧಿಸಿದ ಸಾಮಾನ್ಯ ಸಮಸ್ಯೆಗಳ ಪರಿಹಾರ

ಜಾಹೀರಾತು ವ್ಯವಸ್ಥಾಪಕದಲ್ಲಿ ಸಾಮಾನ್ಯ ಸಮಸ್ಯೆಗಳನ್ನು ಪರಿಹರಿಸಲು ಈ ಮಾರ್ಗದರ್ಶಿ ಬಳಸಿ. ನಿಮ್ಮ ಸಮಸ್ಯೆಗೆ ಹೆಚ್ಚು ಹೊಂದುವ ವರ್ಗದಿಂದ ಪ್ರಾರಂಭಿಸಿ, ಶಿಫಾರಸು ಮಾಡಿದ ತಪಾಸಣೆಗಳನ್ನು ನಡೆಸಿ. ಸಮಸ್ಯೆ ಮುಂದುವರಿದರೆ ಬೆಂಬಲ ತಂಡವನ್ನು ಸಂಪರ್ಕಿಸಿ. ಖಾತೆ ಪರಿಶೀಲನೆ, ಖಾತೆ ಅನುಮೋದನೆ, ಜಾಹೀರಾತು ವಿಮರ್ಶೆ ಮತ್ತು ಜಾಹೀರಾತು ಪ್ರದರ್ಶನಕ್ಕೆ ಸಂಬಂಧಿಸಿದ ತಪಾಸಣೆಗಳು ಪ್ರತ್ಯೇಕವಾಗಿವೆ. ಒಂದು ಪೂರ್ಣಗೊಂಡರೆ ಉಳಿದೆಲ್ಲವೂ ಪೂರ್ಣಗೊಂಡಿವೆ ಎಂದರ್ಥವಲ್ಲ.

1. ವ್ಯವಹಾರ ಪರಿಶೀಲನೆ

ನನ್ನ ವ್ಯವಹಾರದ ಪರಿಶೀಲನೆ ವಿಫಲವಾಗಿದೆ

• ಇದರ ಅರ್ಥ: ನಿಮ್ಮ ಖಾತೆಯ ಪರಿಶೀಲನೆಯನ್ನು ಪೂರ್ಣಗೊಳಿಸಿದ್ದೇವೆ, ಆದರೆ ಅದನ್ನು ಅನುಮೋದಿಸಲು ಸಾಧ್ಯವಾಗಲಿಲ್ಲ. ನಿಮ್ಮ ವ್ಯವಹಾರದ ಗುರುತು, ಮಾಲೀಕತ್ವ ಅಥವಾ ಸಂಬಂಧಗಳ ನಿಖರತೆಯನ್ನು ದೃಢೀಕರಿಸಲು ಸಾಧ್ಯವಾಗದಿದ್ದಾಗ ಪರಿಶೀಲನೆ ವಿಫಲವಾಗಬಹುದು.

• ಮುಂದಿನ ಹಂತ: ನಿಮ್ಮ ಖಾತೆ, ಜಾಹೀರಾತುಗಳು ಮತ್ತು ಗಮ್ಯ ಪುಟಗಳು ನಿಮ್ಮ ವ್ಯವಹಾರವನ್ನೂ ಇತರ ವ್ಯಕ್ತಿಗಳು, ಸಂಸ್ಥೆಗಳು ಅಥವಾ ಬ್ರ್ಯಾಂಡ್‌ಗಳೊಂದಿಗಿನ ಯಾವುದೇ ಸಂಬಂಧಗಳನ್ನೂ ನಿಖರವಾಗಿ ಪ್ರತಿನಿಧಿಸುತ್ತವೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

ನನ್ನ ವ್ಯವಹಾರದ ಪರಿಶೀಲನೆ ನಡೆಯುತ್ತಿದೆ

• ಇದರ ಅರ್ಥ: ನಿಮ್ಮ ಖಾತೆಯ ಪರಿಶೀಲನೆ ನಡೆಯುತ್ತಿದೆ. ಸದ್ಯ ನೀವು ಯಾವುದೇ ಕ್ರಮ ಕೈಗೊಳ್ಳಬೇಕಿಲ್ಲ.

• ಮುಂದಿನ ಹಂತ: ವಿಮರ್ಶೆ ಪೂರ್ಣಗೊಳ್ಳಲು 7 ಕೆಲಸದ ದಿನಗಳವರೆಗೆ ಬೇಕಾಗಬಹುದು. ಅದಕ್ಕಿಂತ ಹೆಚ್ಚು ಸಮಯ ತೆಗೆದುಕೊಂಡರೆ ಜಾಹೀರಾತು ಬೆಂಬಲ ತಂಡವನ್ನು ಸಂಪರ್ಕಿಸಿ.

ನನ್ನ ವ್ಯವಹಾರದ ಪರಿಶೀಲನೆ ಪ್ರಾರಂಭವಾಗಿಲ್ಲ

• ಮೊದಲು ಪರಿಶೀಲಿಸಿ: ಸರಿಯಾದ ಜಾಹೀರಾತು ವ್ಯವಸ್ಥಾಪಕ ಖಾತೆಯಲ್ಲಿನ ಪರಿಶೀಲನೆ ಸೂಚನೆಗೆ ಹಿಂತಿರುಗಿ. ಪುಟವನ್ನು ಮರುಲೋಡ್ ಮಾಡಿ ಅಥವಾ ನವೀಕೃತ ಜಾಲವೀಕ್ಷಕ ಬಳಸಿ ಮತ್ತೆ ಸೈನ್ ಇನ್ ಮಾಡಿ.

• ಮುಂದಿನ ಹಂತ: ಇನ್ನೂ ಮುಂದುವರಿಯಲು ಸಾಧ್ಯವಾಗದಿದ್ದರೆ, ಯಾವ ಹಂತದಲ್ಲಿ ವಿಫಲವಾಗಿದೆ ಎಂಬ ವಿವರದೊಂದಿಗೆ ಜಾಹೀರಾತು ಬೆಂಬಲ ತಂಡವನ್ನು ಸಂಪರ್ಕಿಸಿ.

2. ಉದ್ಯಮದ ಅರ್ಹತೆ

ನನ್ನ ವ್ಯವಹಾರ ಅಥವಾ ಉದ್ಯಮಕ್ಕೆ ಜಾಹೀರಾತು ನೀಡಲು ಅರ್ಹತೆ ಇಲ್ಲ

• ಇದರ ಅರ್ಥ: ಜಾಹೀರಾತು ನೀತಿಗಳು ಪ್ರಸ್ತುತ ನಿಮ್ಮ ಉದ್ಯಮ ಅಥವಾ ಸೇವೆಗಳಿಗೆ OpenAI ಮೂಲಕ ಜಾಹೀರಾತು ನೀಡುವುದನ್ನು ನಿಷೇಧಿಸುತ್ತವೆ. ಅನುಮತಿಸಲಾದ ಉದ್ಯಮ ಮತ್ತು ಸೇವೆಗಳ ವರ್ಗಗಳಿಗಾಗಿ ಕೆಳಗಿನ ಅರ್ಹತಾ ಕೋಷ್ಟಕ ನೋಡಿ. ವ್ಯವಹಾರವು ನೋಂದಾಯಿತವಾಗಿದ್ದರೂ ಅಥವಾ ಪರವಾನಗಿ ಹೊಂದಿದ್ದರೂ, ಎಲ್ಲ ಜಾಹೀರಾತು ವರ್ಗಗಳು ಅಥವಾ ಮಾರುಕಟ್ಟೆಗಳಲ್ಲಿ ಅದು ಸ್ವಯಂಚಾಲಿತವಾಗಿ ಅರ್ಹವಾಗುವುದಿಲ್ಲ.

• ಮುಂದಿನ ಹಂತ: ತಿರಸ್ಕಾರದ ಕಾರಣ ಮತ್ತು ಮುಂದಿನ ಹಂತಗಳ ವಿವರಗಳಿರುವ ಇಮೇಲ್ ನಿಮಗೆ ಬಂದಿರಬಹುದು. ನಿರ್ಧಾರ ತಪ್ಪಾಗಿದೆ ಎಂದು ನೀವು ಭಾವಿಸಿದರೆ, ಆ ಇಮೇಲ್‌ನಲ್ಲಿರುವ ಲಿಂಕ್ ಬಳಸಿ ಅಥವಾ ಜಾಹೀರಾತು ವ್ಯವಸ್ಥಾಪಕದ ಮೂಲಕ ಮೇಲ್ಮನವಿ ಸಲ್ಲಿಸಿ. ಪರಿಹಾರ ಪಡೆಯಲು ಮೇಲ್ಮನವಿಯೇ ಅತ್ಯಂತ ತ್ವರಿತ ಮಾರ್ಗ. ಮೇಲ್ಮನವಿ ಸಲ್ಲಿಸುವಲ್ಲಿ ಯಾವುದೇ ಸಮಸ್ಯೆ ಎದುರಾದರೆ ಅಥವಾ ಮೇಲ್ಮನವಿ ಆಯ್ಕೆ ಕಾಣಿಸದಿದ್ದರೆ, ಬೆಂಬಲ ತಂಡವನ್ನು ಸಂಪರ್ಕಿಸಿ.

3. ಜಾಹೀರಾತು ತಿರಸ್ಕಾರಗಳು (ನೀತಿಯ ಪ್ರಕಾರ ಅರ್ಹತಾ ಕೋಷ್ಟಕ)

ನನ್ನ ಜಾಹೀರಾತನ್ನು ತಿರಸ್ಕರಿಸಲಾಗಿದೆ

• ಮೊದಲು ಪರಿಶೀಲಿಸಿ: ಜಾಹೀರಾತು ವ್ಯವಸ್ಥಾಪಕದಲ್ಲಿ ತಿರಸ್ಕಾರ ಸಂದೇಶವನ್ನು ಓದಿ, ಸಮಸ್ಯೆ ಇರುವ ಪಠ್ಯ, ಚಿತ್ರ ಅಥವಾ ಗಮ್ಯ ಪುಟವನ್ನು ಗುರುತಿಸಿ. ಸಂಪೂರ್ಣ ಜಾಹೀರಾತು ಮತ್ತು ಅದರ ಗಮ್ಯಸ್ಥಾನವು ಜಾಹೀರಾತು ನೀತಿಗಳನ್ನು ಪಾಲಿಸುತ್ತವೆ ಮತ್ತು ಒಂದೇ ಉತ್ಪನ್ನ ಅಥವಾ ಸೇವೆಯನ್ನು ವಿವರಿಸುತ್ತವೆ ಎಂಬುದನ್ನು ಪರಿಶೀಲಿಸಿ.

• ಮುಂದಿನ ಹಂತ: ನೀಡಲಾದ ನೀತಿ ಸಂಬಂಧಿತ ಕಾರಣ ನಿಮ್ಮ ಜಾಹೀರಾತಿಗೆ ಅನ್ವಯಿಸುವುದಿಲ್ಲ ಎಂದು ನೀವು ಭಾವಿಸಿದರೆ, ಜಾಹೀರಾತು ವ್ಯವಸ್ಥಾಪಕದಲ್ಲಿ ಮೇಲ್ಮನವಿ ಆಯ್ಕೆ ಅಥವಾ ವಿಮರ್ಶೆ ಕೋರಿ ಬಟನ್ ಬಳಸಬಹುದು. ಪರಿಹಾರ ಪಡೆಯಲು ಮೇಲ್ಮನವಿಯೇ ಅತ್ಯಂತ ತ್ವರಿತ ಮಾರ್ಗ. ಆದ್ದರಿಂದ ಮೇಲ್ಮನವಿ ಆಯ್ಕೆ ಲಭ್ಯವಿಲ್ಲದಿದ್ದರೆ ಅಥವಾ ನಿರ್ಧಾರವಾಗದೆ ಮೇಲ್ಮನವಿ 7 ದಿನಗಳಿಗಿಂತ ಹೆಚ್ಚು ಕಾಲ ಬಾಕಿ ಉಳಿದಿದ್ದರೆ ಮಾತ್ರ ಜಾಹೀರಾತು ಬೆಂಬಲ ತಂಡವನ್ನು ಸಂಪರ್ಕಿಸಿ.

ನಾನು ಆಯ್ಕೆ ಮಾಡಿದ ದೇಶಗಳಲ್ಲಿ ನನ್ನ ಜಾಹೀರಾತುಗಳನ್ನು ಪ್ರದರ್ಶಿಸಲು ಸಾಧ್ಯವಿಲ್ಲ

• ಇದರ ಅರ್ಥ: ಅಭಿಯಾನವು ಗುರಿಯಾಗಿಸಿಕೊಂಡಿರುವ ದೇಶಗಳನ್ನು ಅನುಮತಿಸಲಾದ ನೀತಿ ವರ್ಗಗಳೊಂದಿಗೆ ಹೋಲಿಸಿ. ನಿರ್ದಿಷ್ಟ ಭೌಗೋಳಿಕ ಪ್ರದೇಶಗಳಲ್ಲಿ ನೀತಿ ವರ್ಗಗಳಿಗೆ ಅನುಮತಿ ಇಲ್ಲದಿದ್ದಾಗ ಈ ದೋಷ ಸಂದೇಶ ಕಾಣಿಸಿಕೊಳ್ಳುತ್ತದೆ. ಕೆಲವು ವರ್ಗಗಳು ಅನುಮೋದನೆ ಪಡೆದ ಆಯ್ದ ಜಾಹೀರಾತುದಾರರಿಗೆ ಮಾತ್ರ ಸೀಮಿತವಾಗಿವೆ. ಸದ್ಯ ನಾವು ಸಣ್ಣ ಗುಂಪಿನ ಜಾಹೀರಾತುದಾರರೊಂದಿಗೆ ಮಾತ್ರ ಕೆಲಸ ಮಾಡುತ್ತಿದ್ದೇವೆ ಮತ್ತು ಕೆಲವು ನೀತಿ ವರ್ಗಗಳಲ್ಲಿ ಅನುಮೋದನೆಗಾಗಿ ಅರ್ಜಿಗಳನ್ನು ಸ್ವೀಕರಿಸುತ್ತಿಲ್ಲ. ಕೆಳಗಿನ ಜಾಹೀರಾತು ನೀತಿಯ ಪ್ರಕಾರ ಅರ್ಹತಾ ಕೋಷ್ಟಕ ನೋಡಿ.

• ಮುಂದಿನ ಹಂತ: ಜಾಹೀರಾತಿನ ಮೇಲಿನ ನೀತಿ ನಿರ್ಬಂಧ ತಪ್ಪಾಗಿದೆ ಎಂದು ನೀವು ಭಾವಿಸಿದರೆ, ಜಾಹೀರಾತು ವ್ಯವಸ್ಥಾಪಕದಲ್ಲಿ ಅಥವಾ ತಿರಸ್ಕಾರ ಸೂಚನೆಯಲ್ಲಿ ಲಭ್ಯವಿರುವ ಮೇಲ್ಮನವಿ ಆಯ್ಕೆ ಬಳಸಿ. ಪರಿಹಾರ ಪಡೆಯಲು ಮೇಲ್ಮನವಿಯೇ ಅತ್ಯಂತ ತ್ವರಿತ ಮಾರ್ಗ. ಆದ್ದರಿಂದ ಮೇಲ್ಮನವಿ ಆಯ್ಕೆ ಲಭ್ಯವಿಲ್ಲದಿದ್ದರೆ ಅಥವಾ ನಿರ್ಧಾರವಾಗದೆ ಮೇಲ್ಮನವಿ 7 ದಿನಗಳಿಗಿಂತ ಹೆಚ್ಚು ಕಾಲ ಬಾಕಿ ಉಳಿದಿದ್ದರೆ ಮಾತ್ರ ಜಾಹೀರಾತು ಬೆಂಬಲ ತಂಡವನ್ನು ಸಂಪರ್ಕಿಸಿ.

4. ಡೊಮೇನ್ ಅನುಮೋದನೆಗಳು

ಈ ಖಾತೆಗೆ ನನ್ನ ಡೊಮೇನ್ ಅನುಮೋದಿತವಾಗಿಲ್ಲ

• ಇದರ ಅರ್ಥ: ನಿಮ್ಮ ಜಾಹೀರಾತುದಾರ ಗುರುತು ನೀವು ಒದಗಿಸಿದ ಡೊಮೇನ್‌ಗೆ ಹೊಂದಿಕೆಯಾಗುತ್ತದೆ ಎಂಬುದನ್ನು ದೃಢೀಕರಿಸಲು ನಮಗೆ ಸಾಧ್ಯವಾಗಲಿಲ್ಲ.

• ಮುಂದಿನ ಹಂತ: ನಿಮ್ಮ ಜಾಹೀರಾತುದಾರ ಗುರುತು ಒದಗಿಸಲಾದ ಡೊಮೇನ್ ಮಾಹಿತಿಗೆ ಹೊಂದಿಕೆಯಾಗುತ್ತದೆ ಎಂಬುದನ್ನು ಪರಿಶೀಲಿಸಿ. ತಿರಸ್ಕಾರದ ಕಾರಣ ಮತ್ತು ಮುಂದಿನ ಹಂತಗಳ ವಿವರಗಳಿರುವ ಇಮೇಲ್ ನಿಮಗೆ ಬಂದಿರಬೇಕು. ನಿರ್ಧಾರ ತಪ್ಪಾಗಿದೆ ಎಂದು ನೀವು ಭಾವಿಸಿದರೆ, ಆ ಇಮೇಲ್‌ನಲ್ಲಿರುವ ಲಿಂಕ್ ಬಳಸಿ ಮೇಲ್ಮನವಿ ಸಲ್ಲಿಸಿ. ಪರಿಹಾರ ಪಡೆಯಲು ಮೇಲ್ಮನವಿಯೇ ಅತ್ಯಂತ ತ್ವರಿತ ಮಾರ್ಗ. ಮೇಲ್ಮನವಿ ಸಲ್ಲಿಸುವಲ್ಲಿ ಯಾವುದೇ ಸಮಸ್ಯೆ ಎದುರಾದರೆ ಅಥವಾ ಮೇಲ್ಮನವಿ ಆಯ್ಕೆ ಕಾಣಿಸದಿದ್ದರೆ, ಜಾಹೀರಾತು ಬೆಂಬಲ ತಂಡವನ್ನು ಸಂಪರ್ಕಿಸಿ.

ಜಾಹೀರಾತು ಬೆಂಬಲ ತಂಡವನ್ನು ads-support@openai.com ಮೂಲಕ ಸಂಪರ್ಕಿಸಬಹುದು. ಸಂಪರ್ಕಿಸುವಾಗ ನಿಮ್ಮ ಜಾಹೀರಾತು ಖಾತೆಯ ಗುರುತು ಸಂಖ್ಯೆ ಮತ್ತು ನೀವು ಎದುರಿಸುತ್ತಿರುವ ಸಮಸ್ಯೆಯ ವರ್ಗವನ್ನು ಸೇರಿಸಿ.

ಕಟ್ಟುನಿಟ್ಟಿನ ನಿಯಂತ್ರಣವಿರುವ ಕ್ಷೇತ್ರಗಳಿಗೆ ಜಾಹೀರಾತು ನೀತಿಯ ಪ್ರಕಾರ ಅರ್ಹತಾ ಕೋಷ್ಟಕ

ಆರೋಗ್ಯ

ಹಣಕಾಸು ಸೇವೆಗಳು

ಕಾನೂನು ಸೇವೆಗಳು