ಅವಲೋಕನ
ಖಾಸಗಿ ಸುರಕ್ಷತಾ ಸಂಸ್ಕರಣೆಯೊಂದಿಗೆ ಜೀರೋ ಡೇಟಾ ರಿಟೆನ್ಷನ್ (ಪಿಎಸ್‌ಪಿ ಸಹಿತ ಝಡ್‌ಡಿಆರ್), OpenAI ಗ್ರಾಹಕರ ಪ್ರಾಂಪ್ಟ್‌ಗಳು ಅಥವಾ ಪ್ರತಿಕ್ರಿಯೆಗಳನ್ನು ಉಳಿಸಿಕೊಳ್ಳದೆಯೇ ಆಫ್‌ಲೈನ್‌ನಲ್ಲಿ ಸ್ವಯಂಚಾಲಿತ ಸುರಕ್ಷತಾ ಪರಿಶೀಲನೆ ನಡೆಸಲು ಅನುವು ಮಾಡಿಕೊಡುತ್ತದೆ. ಪಿಎಸ್‌ಪಿ ನಿಮ್ಮ ಡೇಟಾವನ್ನು ಹೇಗೆ ರಕ್ಷಿಸುತ್ತದೆ ಮತ್ತು ಅದನ್ನು ಸಂರಚಿಸಲು ಏನು ಬೇಕು ಎಂದು ತಿಳಿಯಲು ಪಿಎಸ್‌ಪಿ ಡೆವಲಪರ್ ಮಾರ್ಗದರ್ಶಿ ಓದಿ. ಅರ್ಹತೆ ಮತ್ತು ಎಂಡ್‌ಪಾಯಿಂಟ್ ಮಿತಿಗಳ ಬಗ್ಗೆ ತಿಳಿಯಲು ಎಪಿಐ ಡೇಟಾ ನಿಯಂತ್ರಣಗಳು ಓದಿ.
ಸಂರಚನೆ ಆರಂಭಿಸಿ
ನಿಮ್ಮ ಸಂಗ್ರಹಣಾ ಸೇವಾ ಪೂರೈಕೆದಾರರಿಗೆ ಅನ್ವಯಿಸುವ ಸಂರಚನೆ ಮತ್ತು ಪರಿಶೀಲನೆಯ ಸೂಚನೆಗಳನ್ನು ಅನುಸರಿಸಲು ಸಂಸ್ಥೆಯ ನಿರ್ವಾಹಕರನ್ನು ಕೇಳಿ. ಉದ್ದೇಶಿತ OpenAI ಯೋಜನೆಗಾಗಿ ಮೇಘ ಸೇವೆಯ ಸಂರಚನೆ, ಸಂಗ್ರಹಣೆಯ ನೋಂದಣಿ ಮತ್ತು ದೃಢೀಕರಣದ ವಿವರಗಳನ್ನು ಈ ಮಾರ್ಗದರ್ಶಿ ಒಳಗೊಂಡಿದೆ.
ಪಿಎಸ್‌ಪಿ ಸಂರಚನಾ ಮಾರ್ಗದರ್ಶಿಯನ್ನು ತೆರೆಯಿರಿ
ನಿಮ್ಮ ಸಂರಚನೆಯನ್ನು ಪರಿಶೀಲಿಸಿ
ನಿಮ್ಮ ಯೋಜನೆಯಲ್ಲಿ ಸಂಗ್ರಹಣೆಯ ಸಂಪರ್ಕದ ಸ್ಥಿತಿ ದೃಢೀಕರಿಸಲಾಗಿದೆ ಎಂದೂ, ರಿಟೆನ್ಷನ್ ಪಾಲಿಸಿ ಖಾಸಗಿ ಸುರಕ್ಷತಾ ಸಂಸ್ಕರಣೆಯೊಂದಿಗೆ ಜೀರೋ ಡೇಟಾ ರಿಟೆನ್ಷನ್ ಎಂದೂ ತೋರಿಸುತ್ತಿದೆಯೇ ಎಂದು ಖಚಿತಪಡಿಸಿಕೊಳ್ಳಿ. ಸಂಗ್ರಹಣೆಯನ್ನು ನೋಂದಾಯಿಸಿದ ಮಾತ್ರಕ್ಕೆ ಸಂರಚನೆ ಪೂರ್ಣಗೊಳ್ಳುವುದಿಲ್ಲ.
ಸಂರಚನೆ ಅಥವಾ ದೃಢೀಕರಣ ವಿಫಲವಾದರೆ, ಆಯ್ಕೆಮಾಡಿದ ಸಂಸ್ಥೆ ಮತ್ತು ಯೋಜನೆಯನ್ನು ಪರಿಶೀಲಿಸಿ, ತೋರಿಸಲಾದ ದೋಷವನ್ನು ಗಮನಿಸಿ ಮತ್ತು ಮಾರ್ಗದರ್ಶಿಯಲ್ಲಿರುವ ಸಮಸ್ಯೆ ನಿವಾರಣೆಯ ಸೂಚನೆಗಳನ್ನು ಅನುಸರಿಸಿ.
ಪಿಎಸ್‌ಪಿ ಸಮಸ್ಯೆ ನಿವಾರಣೆಯ ಮಾರ್ಗದರ್ಶಿ ತೆರೆಯಿರಿ
ಬಳಕೆ ಆರಂಭಿಸಲು ನೆರವು ಪಡೆಯಿರಿ
ಬಳಕೆ ಆರಂಭಿಸಲು OpenAI ಖಾತೆ ನಿರ್ವಹಣಾ ತಂಡವು ನಿಮಗೆ ನೆರವಾಗುತ್ತಿದ್ದರೆ, ಆ ತಂಡವನ್ನು ಸಂಪರ್ಕಿಸಿ. ಇಲ್ಲದಿದ್ದರೆ, ಹೆಚ್ಚಿನ ನೆರವಿಗಾಗಿ ಬೆಂಬಲ ತಂಡವನ್ನು ಸಂಪರ್ಕಿಸಬಹುದು.
ಸಮಸ್ಯೆಯನ್ನು ನಿವಾರಿಸಲು ನಮಗೆ ನೆರವಾಗುವಂತೆ, ಈ ವಿವರಗಳನ್ನು ಸೇರಿಸಿ:
ನಿಮ್ಮ ಖಾತೆಯ ಇಮೇಲ್ ವಿಳಾಸ ಹಾಗೂ OpenAI ಸಂಸ್ಥೆ ಮತ್ತು ಯೋಜನೆಯ ಗುರುತುಗಳು.
ನಿಮ್ಮ ಸಂಗ್ರಹಣಾ ಸೇವಾ ಪೂರೈಕೆದಾರರು ಮತ್ತು ಪ್ರದೇಶ, ವಿಫಲವಾದ ಸಂರಚನಾ ಹಂತ ಹಾಗೂ ತೋರಿಸಲಾದ ದೋಷ ಅಥವಾ ಸ್ಥಿತಿ.
ವೈಫಲ್ಯ ಸಂಭವಿಸಿದ ಸಮಯ ಮತ್ತು ಸಮಯ ವಲಯ ಹಾಗೂ ಲಭ್ಯವಿದ್ದರೆ ವಿನಂತಿಯ ಗುರುತು.
ಎಪಿಐ ಕೀಲಿಗಳು, ಕ್ಲೌಡ್ ಪ್ರವೇಶ ರುಜುವಾತುಗಳು, ಪ್ರಾಂಪ್ಟ್‌ಗಳು, ಪ್ರತಿಕ್ರಿಯೆಗಳು ಅಥವಾ ಗೂಢಲಿಪಿ ತೆಗೆದ ಗ್ರಾಹಕರ ದಾಖಲೆಗಳನ್ನು ಸೇರಿಸಬೇಡಿ. ಹಂಚಿಕೊಳ್ಳುವ ಮೊದಲು ಪರದೆಚಿತ್ರಗಳು ಮತ್ತು ದೋಷದ ವಿವರಗಳಿಂದ ಸೂಕ್ಷ್ಮ ಮಾಹಿತಿಯನ್ನು ತೆಗೆದುಹಾಕಿ.