ಒಟ್ಟುನೋಟ

ChatGPT ಸಂಭಾಷಣೆಯ ಮೂಲಕ ನೆರವಾಗುವ ಕೃತಕ ಬುದ್ಧಿಮತ್ತೆಯ ಸಹಾಯಕವಾಗಿದ್ದು, ಈ ಕೆಳಗಿನವುಗಳೂ ಸೇರಿದಂತೆ ವಿವಿಧ ಕಾರ್ಯಗಳಲ್ಲಿ ಸಹಾಯ ಮಾಡಬಲ್ಲದು:

• ಪ್ರಶ್ನೆಗಳಿಗೆ ಉತ್ತರಿಸುವುದು ಮತ್ತು ಪರಿಕಲ್ಪನೆಗಳನ್ನು ವಿವರಿಸುವುದು

• ವಿಷಯದ ಕರಡು ತಯಾರಿಸುವುದು, ಮರುಬರೆಯುವುದು ಅಥವಾ ಸಾರಾಂಶ ನೀಡುವುದು

• ಸೃಜನಾತ್ಮಕ ಸಲಹೆಗಳನ್ನು ನೀಡುವುದು (ಉದಾ. ಕಥೆಗಳನ್ನು ಬರೆಯುವುದು ಅಥವಾ ಕಲ್ಪನೆಗಳನ್ನು ಸೂಚಿಸುವುದು)

• ತಾರ್ಕಿಕ ರೀಜನಿಂಗ್ ಮೂಲಕ ಸಮಸ್ಯೆಗಳನ್ನು ಪರಿಹರಿಸುವುದು

• ಒಂದು ಭಾಷೆಯಿಂದ ಇನ್ನೊಂದಕ್ಕೆ ಅನುವಾದಿಸುವುದು

ಇದು ಸಹಜ ಭಾಷೆಯನ್ನು ಅರ್ಥಮಾಡಿಕೊಳ್ಳುತ್ತದೆ. ಸಂಕೀರ್ಣ ಸೂಚನೆಗಳನ್ನು ಪಾಲಿಸಬಲ್ಲದು, ಸಂಭಾಷಣೆಯಲ್ಲಿ ಹಿಂದೆ ಆಡಿದ ಮಾತುಗಳನ್ನು ನೆನಪಿಟ್ಟುಕೊಳ್ಳಬಲ್ಲದು ಮತ್ತು ಸಂದರ್ಭಕ್ಕೆ ತಕ್ಕಂತೆ ಉತ್ತರಿಸಬಲ್ಲದು. ಪಾವತಿಸಿದ ಯೋಜನೆಯನ್ನು ಹೊಂದಿರುವ ಗ್ರಾಹಕರು ಲಭ್ಯವಿರುವ ಹಲವು ಮೂಲಾಧಾರ ಮಾದರಿಗಳಲ್ಲಿ ಒಂದನ್ನು ಆಯ್ಕೆ ಮಾಡಬಹುದು. ಮೂಲಾಧಾರ ಮಾದರಿಗಳ ಕುರಿತು ಇನ್ನಷ್ಟು ತಿಳಿಯಿರಿ.

ಸಾಧನಗಳು ಮತ್ತು ವಿಶೇಷ ವಿಧಾನಗಳು

ನಿಮ್ಮ ಚಂದಾದಾರಿಕೆಯ ಮಟ್ಟ ಮತ್ತು ಸೆಟ್ಟಿಂಗ್‌ಗಳನ್ನು ಅವಲಂಬಿಸಿ, ತನ್ನ ಸಾಮರ್ಥ್ಯಗಳನ್ನು ವಿಸ್ತರಿಸಲು ChatGPT ಅಂತರ್ನಿರ್ಮಿತ ಸಾಧನಗಳನ್ನು ಬಳಸಬಹುದು.

ಹುಡುಕಾಟ (ಜಾಲತಾಣಗಳ ವೀಕ್ಷಣೆ)

ಇಂಟರ್ನೆಟ್‌ನಲ್ಲಿ ಇತ್ತೀಚಿನ ಅಥವಾ ನೈಜ-ಸಮಯದ ಮಾಹಿತಿಯನ್ನು ಹುಡುಕಲು ChatGPTಗೆ ಅನುವು ಮಾಡಿಕೊಡುತ್ತದೆ. ಪ್ರಚಲಿತ ಘಟನೆಗಳು, ಪರಿಚಯವಿಲ್ಲದ ವಿಷಯಗಳ ಕುರಿತ ಪ್ರಶ್ನೆಗಳಿಗೆ ಅಥವಾ ಮೂಲಗಳ ಆಧಾರವಿರುವ ಉತ್ತರಗಳು ಬೇಕಾದಾಗ ಉಪಯುಕ್ತವಾಗಿದೆ. ChatGPT ಸರ್ಚ್ ಕುರಿತು ಇನ್ನಷ್ಟು ತಿಳಿಯಿರಿ.

ಡೀಪ್ ರಿಸರ್ಚ್

ಹಲವು ಹಂತಗಳ ಸಂಶೋಧನಾ ಕಾರ್ಯಗಳಿಗಾಗಿ ವಿನ್ಯಾಸಗೊಳಿಸಲಾಗಿದೆ. ChatGPT ಹಲವು ಆನ್‌ಲೈನ್ ಮೂಲಗಳ ವಿಷಯವನ್ನು ಓದಿ, ಮಾಹಿತಿಯನ್ನು ಒಗ್ಗೂಡಿಸಿ, ಮೂಲಗಳ ಉಲ್ಲೇಖಗಳಿರುವ ಸ್ಟ್ರಕ್ಚರ್ಡ್ ಔಟ್‌ಪುಟ್ಸ್ ಅನ್ನು ರಚಿಸುತ್ತದೆ. ಕಾರ್ಯತಂತ್ರ ರೂಪಿಸಲು, ವರದಿಗಳನ್ನು ತಯಾರಿಸಲು ಮತ್ತು ಸಂಶೋಧನಾ ಸಾಹಿತ್ಯದ ವಿಮರ್ಶೆಗೆ ಉಪಯುಕ್ತವಾಗಿದೆ.ಡೀಪ್ ರಿಸರ್ಚ್ ಕುರಿತು ಇನ್ನಷ್ಟು ತಿಳಿಯಿರಿ.

ಚಿತ್ರಗಳನ್ನು ಒದಗಿಸುವುದು ಮತ್ತು ರಚಿಸುವುದು

ಅಪ್‌ಲೋಡ್ ಮಾಡಿದ ಚಿತ್ರಗಳು, ರೇಖಾಚಿತ್ರಗಳು, ಪರದೆಯ ಚಿತ್ರಗಳು ಅಥವಾ ನಕ್ಷೆಗಳನ್ನು ChatGPT ವಿಶ್ಲೇಷಿಸಬಲ್ಲದು. ಚಿತ್ರದಲ್ಲಿ ಕಾಣುವ ವಿಷಯದ ಬಗ್ಗೆ ಪ್ರಶ್ನೆಗಳನ್ನು ಕೇಳಬಹುದು, ಅದರಲ್ಲಿನ ಮಾಹಿತಿಯನ್ನು ಹೊರತೆಗೆಯಬಹುದು ಅಥವಾ ದೃಶ್ಯಗಳನ್ನು ಅರ್ಥಮಾಡಿಕೊಳ್ಳಲು ನೆರವು ಪಡೆಯಬಹುದು.

ಸರಳ ಪಠ್ಯ ಸೂಚನೆಗಳಿಂದ ವಿವರಣಾತ್ಮಕ ಚಿತ್ರಗಳು, ವಿನ್ಯಾಸ ಮಾದರಿಗಳು ಅಥವಾ ಸೃಜನಾತ್ಮಕ ದೃಶ್ಯಗಳನ್ನು ರಚಿಸಲು ಸಹ ChatGPTಯನ್ನು ಕೇಳಬಹುದು. “ಹಿನ್ನೆಲೆಯಲ್ಲಿ ಸೂರ್ಯಾಸ್ತವನ್ನು ಸೇರಿಸು” ಎಂಬಂತಹ ಸಹಜ ಭಾಷೆಯ ಸೂಚನೆಗಳನ್ನು ಬಳಸಿ ಚಿತ್ರಗಳನ್ನು ಬದಲಾಯಿಸಬಹುದು. ChatGPTಯಲ್ಲಿನ ಇಮೇಜ್ ಜನರೇಶನ್ ಕುರಿತು ಇನ್ನಷ್ಟು ತಿಳಿಯಿರಿ.

ChatGPT ಬಳಸಿ ರಚಿಸಿದ ಚಿತ್ರವನ್ನು ಸಂಪಾದಿಸಲು ಸಹ ChatGPTಯನ್ನು ಕೇಳಬಹುದು. ChatGPTಯಲ್ಲಿ ಚಿತ್ರಗಳನ್ನು ಸಂಪಾದಿಸುವ ಕುರಿತು ಇನ್ನಷ್ಟು ತಿಳಿಯಿರಿ.

ಕಡತಗಳು ಮತ್ತು ಧ್ವನಿಯನ್ನು ಅಪ್‌ಲೋಡ್ ಮಾಡುವುದು

ನೀವು ದಸ್ತಾವೇಜುಗಳು, ಸ್ಪ್ರೆಡ್‌ಶೀಟ್‌ಗಳು, ಪ್ರಸ್ತುತಿಗಳು ಮತ್ತು ಬೆಂಬಲಿತ ಧ್ವನಿ ಕಡತಗಳನ್ನು ಅಪ್‌ಲೋಡ್ ಮಾಡಬಹುದು. ChatGPT ಅವುಗಳಲ್ಲಿರುವ ವಿಷಯವನ್ನು ಸಂಕ್ಷಿಪ್ತಗೊಳಿಸಬಹುದು, ಮಾಹಿತಿಯನ್ನು ಹೊರತೆಗೆಯಬಹುದು ಅಥವಾ ಅವುಗಳ ಕುರಿತ ಪ್ರಶ್ನೆಗಳಿಗೆ ಉತ್ತರಿಸಬಹುದು. ಧ್ವನಿ ರೆಕಾರ್ಡಿಂಗ್‌ಗಳ ಲಿಪ್ಯಂತರವನ್ನೂ ನೀವು ಕೇಳಬಹುದು. ಧ್ವನಿಯನ್ನು ಅರ್ಥಮಾಡಿಕೊಳ್ಳುವ ಮತ್ತು ಲಿಪ್ಯಂತರಿಸುವ ಸಾಮರ್ಥ್ಯವು ಭಾಷೆಯಿಂದ ಭಾಷೆಗೆ ಬದಲಾಗಬಹುದು.

ಬೆಂಬಲಿತ ಯೋಜನೆಗಳು, ಕಡತದ ಪ್ರಕಾರಗಳು ಮತ್ತು ಅಪ್‌ಲೋಡ್ ಸೂಚನೆಗಳಿಗಾಗಿ, ChatGPT ಗೆ ಕಡತಗಳು ಮತ್ತು ಧ್ವನಿಯನ್ನು ಅಪ್‌ಲೋಡ್ ಮಾಡುವುದು ನೋಡಿ.

ಉತ್ತಮ ಅನುಭವಕ್ಕಾಗಿ, ChatGPT ಗೆ ಕಡತಗಳನ್ನು ಅಪ್‌ಲೋಡ್ ಮಾಡುವಾಗ ಬೆಂಬಲಿತ ಮತ್ತು ಸಂಪೂರ್ಣವಾಗಿ ನವೀಕರಿಸಿದ ಬ್ರೌಸರ್ ಬಳಸಿ.

ದತ್ತಾಂಶ ವಿಶ್ಲೇಷಣೆ

ಲೆಕ್ಕಪಟ್ಟಿಗಳು, ಸಿಎಸ್‌ವಿ ಕಡತಗಳು ಮತ್ತು ಇತರ ರಚನಾಬದ್ಧ ಸ್ವರೂಪಗಳಲ್ಲಿನ ದತ್ತಾಂಶವನ್ನು ವಿಶ್ಲೇಷಿಸಲು ಹಾಗೂ ದೃಶ್ಯರೂಪದಲ್ಲಿ ತೋರಿಸಲು ChatGPT ಸುರಕ್ಷಿತ ಪರಿಸರದಲ್ಲಿ ಸಂಕೇತಸೂಚಿಗಳನ್ನು ಚಲಾಯಿಸಬಲ್ಲದು. ಪ್ರವೃತ್ತಿಗಳನ್ನು ಸಂಕ್ಷಿಪ್ತವಾಗಿ ವಿವರಿಸಲು, ದತ್ತಾಂಶದ ದೋಷಗಳನ್ನು ಸರಿಪಡಿಸಲು ಅಥವಾ ಭವಿಷ್ಯದ ಅಂದಾಜುಗಳನ್ನು ಮಾಡಲು ಇದನ್ನು ಬಳಸಿ. ದತ್ತಾಂಶ ವಿಶ್ಲೇಷಣೆ ಕುರಿತು ಇನ್ನಷ್ಟು ತಿಳಿಯಿರಿ.

ವಾಯ್ಸ್ ಮೋಡ್

ಮೊಬೈಲ್ ಅಪ್ಲಿಕೇಶನ್ ಅಥವಾ ಬೆಂಬಲಿತ ಡೆಸ್ಕ್‌ಟಾಪ್/ವೆಬ್ ವೇದಿಕೆಗಳನ್ನು ಬಳಸಿ ChatGPT ಜೊತೆಗೆ ಸಹಜವಾಗಿ ಮಾತನಾಡಿ. ಕೈಗಳನ್ನು ಬಳಸದೆ ಸಂಭಾಷಿಸಬಹುದು, ನಿಮ್ಮಿಷ್ಟದ ಧ್ವನಿಯನ್ನು ಆಯ್ಕೆ ಮಾಡಬಹುದು ಮತ್ತು ಧ್ವನಿರೂಪದಲ್ಲಿ ಉತ್ತರಗಳನ್ನು ಪಡೆಯಬಹುದು. ವಾಯ್ಸ್ ಮೋಡ್ ಕುರಿತು ಇನ್ನಷ್ಟು ತಿಳಿಯಿರಿ.

ಮೆಮೊರಿ

ಮೆಮೊರಿಯನ್ನು ಸಕ್ರಿಯಗೊಳಿಸಿದಾಗ, ನೀವು ಹಂಚಿಕೊಂಡ ಉಪಯುಕ್ತ ಮಾಹಿತಿಯನ್ನು (ನಿಮ್ಮ ಹೆಸರು, ಆದ್ಯತೆಗಳು ಅಥವಾ ಗುರಿಗಳಂತಹವು) ChatGPT ನೆನಪಿಟ್ಟುಕೊಂಡು, ಮುಂದಿನ ಉತ್ತರಗಳನ್ನು ನಿಮಗೆ ತಕ್ಕಂತೆ ನೀಡಬಲ್ಲದು. ನೆನಪಿಟ್ಟುಕೊಂಡ ಮಾಹಿತಿಯನ್ನು ನೀವು ಯಾವಾಗ ಬೇಕಾದರೂ ವೀಕ್ಷಿಸಬಹುದು, ಸಂಪಾದಿಸಬಹುದು ಅಥವಾ ಅಳಿಸಬಹುದು. ಮೆಮೊರಿ ಕುರಿತು ಇನ್ನಷ್ಟು ತಿಳಿಯಿರಿ

ಯೋಜನೆಗಳು

ಒಂದೇ ಉದ್ದೇಶಕ್ಕೆ ಸಂಬಂಧಿಸಿದ ಸಂಭಾಷಣೆಗಳು, ಕಡತಗಳು ಮತ್ತು ಸಂದರ್ಭದ ಮಾಹಿತಿಯನ್ನು ಒಟ್ಟಾಗಿ ವ್ಯವಸ್ಥಿತಗೊಳಿಸಲು ಯೋಜನೆಗಳು ನೆರವಾಗುತ್ತವೆ. ಹಲವು ಅವಧಿಗಳಲ್ಲಿ ನಡೆಯುವ ಕಾರ್ಯಪ್ರಕ್ರಿಯೆಗಳು, ಸಹಯೋಗದ ಕೆಲಸಗಳು ಅಥವಾ ದೀರ್ಘಕಾಲದ ಸಂಶೋಧನಾ ವಿಷಯಗಳಿಗೆ ಇದು ಸೂಕ್ತವಾಗಿದೆ. ಯೋಜನೆಗಳ ಕುರಿತು ಇನ್ನಷ್ಟು ತಿಳಿಯಿರಿ.

ನಿಗದಿತ ಕಾರ್ಯಗಳು

ಮುಂದಿನ ಸಮಯದಲ್ಲಿ ಜ್ಞಾಪನೆಗಳನ್ನು ಕಳುಹಿಸುವುದು, ವಿಶ್ಲೇಷಣೆ ನಡೆಸುವುದು ಅಥವಾ ಹೊಸ ಮಾಹಿತಿಗಾಗಿ ಜಾಲತಾಣಗಳನ್ನು ಪರಿಶೀಲಿಸುವಂತಹ ಕಾರ್ಯಗಳನ್ನು ತಾನಾಗಿಯೇ ನಿರ್ವಹಿಸುವಂತೆ ಕೆಲವು ಬಳಕೆದಾರರು ChatGPTಯನ್ನು ಹೊಂದಿಸಬಹುದು. ಕಾರ್ಯಗಳನ್ನು ಒಮ್ಮೆ ಮಾತ್ರ ಅಥವಾ ಪದೇ ಪದೇ ನಡೆಯುವಂತೆ ನಿಗದಿಪಡಿಸಬಹುದು.ನಿಗದಿತ ಕಾರ್ಯಗಳ ಕುರಿತು ಇನ್ನಷ್ಟು ತಿಳಿಯಿರಿ.

ಕಸ್ಟಮ್ GPTಗಳು

ಸೂಕ್ತವಾಗಿ ಹೊಂದಿಸಿದ ಸೂಚನೆಗಳು, ಅಪ್‌ಲೋಡ್ ಮಾಡಿದ ಫೈಲ್‌ಗಳು ಮತ್ತು ಆಯ್ದ ಟೂಲ್‌ಗಳಿಗೆ ಪ್ರವೇಶದೊಂದಿಗೆ ನಿಮ್ಮದೇ AI ಸಹಾಯಕವನ್ನು ನಿರ್ಮಿಸಬಹುದು. ಈ ಸಹಾಯಕಗಳು ChatGPTನ ವಿಶೇಷ ಆವೃತ್ತಿಗಳಂತೆ ವರ್ತಿಸುತ್ತವೆ ಮತ್ತು ಅವುಗಳನ್ನು ಹಂಚಿಕೊಳ್ಳಬಹುದು ಅಥವಾ ಸಾರ್ವಜನಿಕ ಡೈರೆಕ್ಟರಿಗೆ ಪ್ರಕಟಿಸಬಹುದು.

• ಕಸ್ಟಮ್ ಹೆಸರು, ಪ್ರೊಫೈಲ್ ಮತ್ತು ವರ್ತನೆಯನ್ನು ಹೊಂದಿಸಿ

• ಜ್ಞಾನ ಮೂಲಗಳಾಗಿ ಬಳಸಲು ಫೈಲ್‌ಗಳನ್ನು ಸೇರಿಸಿ

• ನಿಮ್ಮ GPT ಯಾವ ಟೂಲ್‌ಗಳು ಮತ್ತು APIಗಳನ್ನು ಬಳಸಬಹುದು ಎಂಬುದನ್ನು ಆಯ್ಕೆಮಾಡಿ

GPT Store

ನಿರ್ದಿಷ್ಟ ಕಾರ್ಯಗಳಿಗಾಗಿ ಇತರರು ನಿರ್ಮಿಸಿದ ಸಹಾಯಕಗಳನ್ನು ಹುಡುಕಿ, ಬಳಸಿ ಅಥವಾ ಪ್ರಕಟಿಸಿ. ಬರವಣಿಗೆ, ಸಂಕೇತಸೂಚಿ ಬರೆಯುವಿಕೆ, ಉತ್ಪಾದಕತೆ, ಶಿಕ್ಷಣ ಮತ್ತು ಇನ್ನೂ ಹಲವು ವಿಭಾಗಗಳು ಲಭ್ಯವಿವೆ. ಅಗತ್ಯಕ್ಕೆ ತಕ್ಕಂತೆ ರೂಪಿಸಿದ GPTಗಳ ಕುರಿತು ಇನ್ನಷ್ಟು ತಿಳಿಯಿರಿ.