Регулирањето на темпото на трошење помага трошоците за кампањата да се распределат со текот на времето. Како што се менуваат сообраќајот на рекламите и можностите за нивно прикажување, Менаџер на реклами го приспособува прикажувањето за да останат средства во буџетот за можностите што ќе се појават подоцна во денот или во текот на кампањата.

Трошењето може да се разликува од ден на ден. Регулирањето на темпото не гарантира рамномерно трошење, ниту дека кампањата ќе го потроши целиот буџет.

Темпо на трошење на дневниот буџет

Кај кампањите со дневен буџет, Менаџер на реклами го регулира темпото на прикажување во текот на денот. Дневниот буџет претставува просечен дневен износ во рамките на буџетската недела од недела до сабота, според временската зона на вашата сметка за рекламирање. Затоа, трошењето може да биде поголемо во некои денови, а помало во други, во рамките на важечките ограничувања за трошење.

За повеќе информации за дневните буџети, ограничувањата за трошење и промените на буџетот, погледнете Дневни буџети.

Темпо на трошење на вкупниот буџет на кампањата

Кај кампањите со вкупен буџет, Менаџер на реклами го користи преостанатиот буџет и распоредот на кампањата за да го насочува трошењето со текот на времето.

Ако кампањата троши побрзо од предвиденото темпо, прикажувањето може да се забави за да останат средства за подоцна. Ако троши побавно од предвиденото темпо, прикажувањето може да продолжи за кампањата да има можност да го надомести заостанувањето. Ова помага да се намали ризикот од неочекувано предвремено исцрпување на буџетот, иако реалното трошење сепак зависи од достапните можности за прикажување.

Препорачуваме да поставите датум на завршување за темпото на трошење полесно да се усогласи со планираното времетраење на кампањата.

Често поставувани прашања

Дали вкупниот буџет на кампањата ќе потрае до нејзиниот датум на завршување?

Не мора да значи. Датумот на завршување е последниот датум на кој може да се прикажуваат реклами од кампањата, но буџетот може целосно да се потроши и порано. Регулирањето на темпото помага во управувањето со трошењето со текот на времето, но не гарантира дека буџетот ќе потрае до датумот на завршување.

Колкав е периодот за распределба на трошењето кај кампања со вкупен буџет?

Кај кампањите со датум на завршување, Менаџер на реклами го користи времето до тој датум, при што периодот за распределба на трошењето изнесува најмногу 365 календарски дена. За кампањите без датум на завршување се користи стандарден период од 60 дена за распределба на трошењето.

Препорачуваме да поставите датум на завршување за темпото на трошење полесно да се усогласи со планираното времетраење на кампањата. Овие периоди служат за насочување на трошењето; тие не гарантираат дека буџетот ќе потрае во текот на целиот период или дека ќе се потроши целосно.

Може ли да користам вкупен буџет на кампањата без датум на завршување?

Да. Менаџер на реклами користи стандарден период за распределба на трошењето за кампањите со вкупен буџет што немаат датум на завршување. Поставете датум на завршување ако сакате при регулирањето на темпото на трошење да се земе предвид планираниот распоред на кампањата.

Што ќе се случи ако го сменам вкупниот буџет или датумот на завршување на кампањата?

Менаџер на реклами повторно го пресметува темпото на трошење според ажурираниот буџет или распоред. Изменетиот вкупен буџет на кампањата мора да го покрива веќе потрошениот износ. Ако го поставите на износ еднаков на веќе потрошениот, прикажувањето ќе запре.

Дали промената на стратегијата за наддавање ќе го забрза трошењето на кампањата?

Промената на стратегијата за наддавање не го поништува регулирањето на темпото на трошење на вкупниот буџет на кампањата. Ниските понуди и понатаму може да го ограничат прикажувањето и да доведат до тоа кампањата да потроши помалку од својот буџет.