അവലോകനം

എല്ലാവരുടെയും പ്രയോജനത്തിനായി നൂതന കൃത്രിമബുദ്ധി മാതൃകകൾ വികസിപ്പിക്കുന്നതിനും ലഭ്യമാക്കുന്നതിനും OpenAI പ്രാധാന്യം നൽകുന്നു. ഈ മാതൃകകൾ നിങ്ങളുടെ ബിസിനസിന്റെ അടിത്തറയോ ദൈനംദിന ജീവിതത്തിന്റെ ഭാഗമോ ആയിരിക്കാമെന്നും അതിനാൽ അവയിലെ ഏതൊരു തടസ്സവും നിരാശയുണ്ടാക്കാമെന്നും ഞങ്ങൾ മനസ്സിലാക്കുന്നു.

നിങ്ങളെ സഹായിക്കാൻ ഞങ്ങൾ സന്നദ്ധരാണെങ്കിലും, സുരക്ഷിതമായ തൊഴിൽ അന്തരീക്ഷം നിലനിർത്തേണ്ടതും ഞങ്ങളുടെ ആവശ്യമാണ്. അതിനാൽ ഞങ്ങളുടെ സഹായസേവന മാർഗങ്ങളിലൂടെയുള്ള അധിക്ഷേപകരമായ പെരുമാറ്റം ഞങ്ങൾ അനുവദിക്കില്ല. ഇകഴ്ത്തുന്നതോ അപമാനിക്കുന്നതോ ആയ ഭാഷ, ആളുകളെ ആക്രമിക്കുമെന്നോ സ്വത്ത് നശിപ്പിക്കുമെന്നോ ഉള്ള ഭീഷണികൾ, ആവർത്തിച്ചുള്ള അനഭിലഷണീയമായ പെരുമാറ്റം, സമാനമായ മറ്റ് പ്രവൃത്തികൾ എന്നിവ അധിക്ഷേപകരമായ പെരുമാറ്റത്തിൽ ഉൾപ്പെടുന്നു. ഇത് ഈ പ്രവൃത്തികളിൽ മാത്രം ഒതുങ്ങുന്നില്ല.

എല്ലാവർക്കും സുരക്ഷിതവും ക്രിയാത്മകവുമായ അന്തരീക്ഷം ഉറപ്പാക്കാൻ, അധിക്ഷേപകരമായോ ഭീഷണിപ്പെടുത്തുന്ന രീതിയിലോ പെരുമാറുന്ന ഉപയോക്താക്കൾക്കെതിരെ ഇനിപ്പറയുന്നവ ഉൾപ്പെടെയുള്ള നടപടികൾ സ്വീകരിച്ചേക്കാം:

• രേഖാമൂലമോ വാക്കാലോ മുന്നറിയിപ്പ് നൽകുക

• സഹായസേവനങ്ങളിലേക്കുള്ള പ്രവേശനം പരിമിതപ്പെടുത്തുകയോ തടയുകയോ ചെയ്യുക

• OpenAI ഉൽപ്പന്നങ്ങളിലേക്കും സേവനങ്ങളിലേക്കുമുള്ള പ്രവേശനം താൽക്കാലികമായോ സ്ഥിരമായോ തടയുക

• യാഥാർഥ്യമാകാൻ സാധ്യതയുള്ള ഉപദ്രവ ഭീഷണികൾ അധികാരികളെ അറിയിക്കുക

മികച്ച സഹായം നൽകാനും നിങ്ങളുടെ ചോദ്യങ്ങൾക്കും ആശങ്കകൾക്കും പരിഹാരം കാണാനും ഞങ്ങൾ പ്രതിജ്ഞാബദ്ധരാണ്. ഉപദ്രവിക്കുന്നതോ അനാദരവോടെയുള്ളതോ ആയ ഭാഷ തുടർന്നും ഉപയോഗിക്കുന്നത് ഞങ്ങളുടെ സഹായസേവനങ്ങളിലേക്കുള്ള നിങ്ങളുടെ പ്രവേശനം പരിമിതപ്പെടുത്താൻ ഇടയാക്കിയേക്കാം. നിങ്ങളുടെ അക്കൗണ്ടിലേക്കുള്ള പ്രവേശനവും പരിമിതപ്പെടുത്തിയേക്കാം.