അവലോകനം

യോഗ്യമായ Slack വർക്ക്സ്പേസിനുള്ളിൽനിന്ന് ChatGPT ഉപയോഗിക്കാൻ Slack-ലെ ChatGPT ആപ്പ് നിങ്ങളെ അനുവദിക്കുന്നു. ബന്ധിപ്പിച്ച അക്കൗണ്ട്, വർക്ക്സ്പേസ് ക്രമീകരണങ്ങൾ, ബാധകമായ സ്വകാര്യതാ നിയന്ത്രണങ്ങൾ എന്നിവയ്ക്ക് വിധേയമായി അവിടെ ആരംഭിച്ച സംഭാഷണങ്ങൾ നിങ്ങളുടെ ChatGPT അക്കൗണ്ടിലും ദൃശ്യമാകാം.

ഓരോ Slack വർക്ക്സ്പേസിലും ഒരു അഡ്മിനോ അനുമതിയുള്ള ഉപയോക്താവോ ആപ്പ് ഒരിക്കൽ മാത്രം ഇൻസ്റ്റാൾ ചെയ്താൽ മതി.

നിങ്ങൾക്ക് ചെയ്യാനാകുന്ന കാര്യങ്ങൾ

• Slack-ൽനിന്ന് പുറത്തുപോകാതെ പോസ്റ്റുകളും അപ്‌ഡേറ്റുകളും മറുപടികളും തയ്യാറാക്കാം.

• നിങ്ങൾക്ക് ഇതിനകം ആക്‌സസുള്ള ചാനലുകളും സന്ദേശങ്ങളും ഫയലുകളും തിരയാം. എല്ലാ Slack പ്ലാനുകളിലും കീവേഡ് തിരയൽ ലഭ്യമാണ്. സെമാന്റിക് തിരയൽ (അർത്ഥമനുസരിച്ചുള്ള തിരയൽ) ഉപയോഗിക്കാൻ, പിന്തുണയുള്ള Slack Business+ അല്ലെങ്കിൽ Enterprise+ പ്ലാനിലുള്ള നിങ്ങളുടെ വർക്ക്സ്പേസിൽ Slack AI Search പ്രവർത്തനക്ഷമമാക്കിയിരിക്കണം.

• ChatGPT-യിൽ Slack ബന്ധിപ്പിക്കുക: Slack-നുള്ളിൽ ChatGPT ഉപയോഗിക്കുന്നതിനൊപ്പം, നിങ്ങളുടെ ChatGPT അക്കൗണ്ടിൽനിന്ന് Slack സന്ദേശങ്ങൾ തിരയാനും കഴിയും. നിങ്ങളുടെ ചാറ്റുകൾ ChatGPT സൈഡ്‌ബാറിൽ ദൃശ്യമാകുന്നതിനാൽ നിർത്തിയിടത്തുനിന്ന് എളുപ്പത്തിൽ തുടരാം.

• മറ്റ് ചാനലുകളിലെ ദീർഘമായ സംഭാഷണങ്ങൾ ഉത്തരവാദികൾ, ചെയ്യേണ്ട കാര്യങ്ങൾ, അടുത്ത ഘട്ടങ്ങൾ എന്നിവ ഉൾപ്പെട്ട കുറിപ്പുകളാക്കി സംഗ്രഹിക്കാം.

Slack-ൽ ChatGPT ആപ്പ് ഇൻസ്റ്റാൾ ചെയ്യാതെയും ChatGPT-യിൽ Slack-നെ ഒരു ഉറവിടമായി ബന്ധിപ്പിക്കാം. ആ പ്രത്യേക അനുഭവത്തെക്കുറിച്ച് അറിയാൻ കാണുക: ChatGPT-യിൽ Slack ഉപയോഗിക്കൽ.

Slack ഒരു മൂന്നാം കക്ഷി സേവനമാണ്. ChatGPT Slack ആപ്പ് പ്രവർത്തനക്ഷമമാക്കി ഉപയോഗിക്കുമ്പോൾ, പ്രസക്തമായ അഭ്യർഥനകളും ഡാറ്റയും Slack-ലേക്ക് കൈമാറപ്പെടുകയും Slack-ന്റെ നിബന്ധനകൾ, സ്വകാര്യതാ നയങ്ങൾ, റിറ്റൻഷൻ പോളിസികൾ, ഡാറ്റ റെസിഡൻസി നയങ്ങൾ എന്നിവയ്ക്കനുസരിച്ച് കൈകാര്യം ചെയ്യപ്പെടുകയും ചെയ്യാം. ആപ്പ് പ്രവർത്തനക്ഷമമാക്കുന്നതിനോ ഉപയോഗിക്കുന്നതിനോ മുമ്പ് നിങ്ങളുടെ സ്ഥാപനത്തിന്റെ Slack നയങ്ങൾ പരിശോധിക്കുക.

ആരംഭിക്കുക

Slack-ൽ ChatGPT ഇൻസ്റ്റാൾ ചെയ്യുന്നത് Slack-നെ പ്രവർത്തനക്ഷമമാക്കിയ മറ്റ് ChatGPT ശേഷികളുമായി ബന്ധിപ്പിച്ചേക്കാം. ആപ്പിന് അനുമതി നൽകുകയോ അത് നിയന്ത്രിക്കുകയോ ചെയ്യുന്ന Slack അക്കൗണ്ടുകൾക്ക് ബഹുഘടക പ്രാമാണീകരണം ഉപയോഗിക്കുക. വർക്ക്സ്പേസ് അഡ്മിനുകൾ ഇൻസ്റ്റലേഷൻ അനുമതികൾ, അഭ്യർഥിച്ച ആക്‌സസ് പരിധികൾ, സ്ഥാപനത്തിന്റെ സുരക്ഷാ നയങ്ങൾ എന്നിവ പരിശോധിക്കണം.

മുൻവ്യവസ്ഥകൾ

• Slack-നുള്ള ChatGPT ആപ്പ് ഇൻസ്റ്റാൾ ചെയ്യാൻ നിങ്ങളുടെ Slack വർക്ക്സ്പേസ് അനുവദിക്കണം.

• നിങ്ങളുടെ സ്ഥാപനത്തിന് ആവശ്യമായ ഫീച്ചറുകളെ Slack പ്ലാൻ പിന്തുണയ്ക്കണം.

• നിങ്ങൾക്ക് Plus, Pro, Business, Enterprise, അല്ലെങ്കിൽ Edu ChatGPT അക്കൗണ്ട് ഉണ്ടായിരിക്കണം.

• Enterprise, Edu വർക്ക്സ്പേസുകളിൽ Slack പ്രവർത്തനക്ഷമമാക്കിയിരിക്കണം; നിങ്ങളുടെ അക്കൗണ്ടിന് ആക്‌സസും ഉണ്ടായിരിക്കണം. ലഭ്യതയും റോൾ അധിഷ്ഠിത ആക്‌സസ് നിയന്ത്രണങ്ങളും (RBAC) പരിശോധിക്കാൻ അഡ്മിനുകൾക്ക് അഡ്മിൻ > പ്ലഗിനുകൾ എന്നതിൽ പോയി Slack ഉൾപ്പെടുന്ന പ്ലഗിൻ തിരഞ്ഞെടുക്കാം. Business വർക്ക്സ്പേസുകളിൽ Slack ഡിഫോൾട്ടായി പ്രവർത്തനക്ഷമമാണ്.

ലഭ്യത നിങ്ങളുടെ ChatGPT പ്ലാൻ, പ്രദേശം, Slack വർക്ക്സ്പേസ്, ആ വർക്ക്സ്പേസിനായി പ്രവർത്തനക്ഷമമാക്കിയ ChatGPT ആപ്പ് ക്രമീകരണങ്ങൾ എന്നിവയെ ആശ്രയിച്ചിരിക്കുന്നു.

Slack-ൽ ChatGPT ആപ്പ് ഇൻസ്റ്റാൾ ചെയ്യുക

നിങ്ങളുടെ വർക്ക്സ്പേസിൽ ChatGPT ഇതിനകം ഇൻസ്റ്റാൾ ചെയ്തിട്ടുണ്ടോയെന്ന് പരിശോധിക്കാൻ ആപ്പുകൾ എന്നതിലേക്ക് Slack-ൽ പോകുക.

1. Slack Marketplace തുറന്ന് ChatGPT എന്ന് തിരയുകയും ഇൻസ്റ്റലേഷൻ ആരംഭിക്കുകയും ചെയ്യുക.

2. ആവശ്യപ്പെട്ടാൽ ChatGPT അക്കൗണ്ടിൽ സൈൻ ഇൻ ചെയ്യുക.

3. Slack-ലേക്ക് ChatGPT ചേർക്കുക എന്ന സ്ക്രീൻ പരിശോധിച്ച് Slack-ലേക്ക് തുടരുക തിരഞ്ഞെടുക്കുക.

തുടർന്ന് നിങ്ങളെ Slack പ്രാമാണീകരണ നടപടികളിലേക്ക് നയിക്കും. അവിടെ ആവശ്യമായ അനുമതികൾ പരിശോധിച്ച് ആപ്പിന് നൽകാം. നിങ്ങളുടെ വർക്ക്സ്പേസ് ക്രമീകരണങ്ങളെ ആശ്രയിച്ച് ഇതിന് Slack അഡ്മിന്റെ അംഗീകാരം ആവശ്യമായേക്കാം.

ആപ്പ് ഉപയോഗിക്കുന്നതിനുമുമ്പ് അത് നിങ്ങളുടെ ChatGPT അക്കൗണ്ടുമായി ബന്ധിപ്പിക്കുക.

1. ChatGPT ബന്ധിപ്പിക്കുക തിരഞ്ഞെടുക്കുക.

2. ChatGPT-യിൽ ലഭ്യമായതനുസരിച്ച് ആപ്പുകൾ അല്ലെങ്കിൽ പ്ലഗിനുകൾ എന്നതിലേക്ക് പോകുക. തുടർന്ന് Slack അല്ലെങ്കിൽ അത് ഉൾപ്പെടുന്ന പ്ലഗിൻ തിരഞ്ഞെടുക്കുക.

3. ബന്ധിപ്പിക്കുക തിരഞ്ഞെടുക്കുക.

Enterprise അല്ലെങ്കിൽ Edu വർക്ക്സ്പേസിൽ Slack ആപ്പ് പ്രവർത്തനക്ഷമമാക്കുകയും നിങ്ങളുടെ അക്കൗണ്ടിന് ആക്‌സസ് ഉണ്ടായിരിക്കുകയും ചെയ്താൽ മാത്രമേ ബന്ധിപ്പിക്കാനാകൂ. ബന്ധിപ്പിക്കുക എന്നത് ചാരനിറത്തിലാണെങ്കിൽ, ആപ്പിന്റെ ലഭ്യതയും ആക്‌സസ് ക്രമീകരണങ്ങളും പരിശോധിക്കാൻ വർക്ക്സ്പേസ് അഡ്മിനോട് ആവശ്യപ്പെടുക.

Slack-ൽ ChatGPT ആപ്പ് ഉപയോഗിക്കുക

ChatGPT-യിൽ Slack ബന്ധിപ്പിച്ചശേഷം, പ്രത്യേക സൈഡ്‌ബാറിലൂടെ Slack-നുള്ളിൽ ChatGPT ഉപയോഗിക്കാൻ തുടങ്ങാം. നിങ്ങളുടെ Slack വർക്ക്സ്പേസിന്റെ ആപ്പ് പട്ടികയിൽ ChatGPT ആപ്പ് കണ്ടെത്താം. അല്ലെങ്കിൽ അത് നാവിഗേഷൻ ബാറിൽ ചേർക്കാം.

ത്രെഡിലെ വിവരങ്ങൾ സംഗ്രഹിക്കാനും മറുപടികൾ തയ്യാറാക്കി മിനുക്കാനും സന്ദേശങ്ങളും ഫയലുകളും തിരയാനും ChatGPT-യോട് ആവശ്യപ്പെടാം. നിങ്ങൾക്ക് ആക്‌സസുള്ള എല്ലാ ചാനലുകളിലും തിരയാം. അല്ലെങ്കിൽ പ്രോംപ്റ്റിൽ ചാനൽ പേരുകൾ ഉൾപ്പെടുത്തി നിർദിഷ്ട ചാനലുകളിൽ തിരയാൻ ChatGPT-യോട് ആവശ്യപ്പെടാം.

പ്രോംപ്റ്റ് ഉദാഹരണങ്ങൾ

• “ഈ ആഴ്ച engineering-team Slack ചാനലിൽ നടന്ന ചർച്ചകൾ സംഗ്രഹിക്കുക. പ്രധാന വിഷയങ്ങളുടെയും തീരുമാനങ്ങളുടെയും സംക്ഷിപ്ത അവലോകനം നൽകുക.”

• “എന്റെ Slack ത്രെഡുകളിൽ വായിക്കാത്ത എല്ലാ കാര്യങ്ങളുടെയും വിവരങ്ങൾ എനിക്ക് നൽകുക.”

• “incident-service-unavailable Slack ചാനലിലെ ഏറ്റവും പുതിയ വിവരങ്ങളും സംഭവത്തിന്റെ അടിസ്ഥാന കാരണത്തിന്റെ സംഗ്രഹവും നൽകുക.”

• “ഈ ആഴ്ച Marketing ചാനലിൽ ചർച്ച ചെയ്ത പ്രധാന കാര്യങ്ങൾ ഉൾപ്പെടുത്തി ഒരു പേജുള്ള മീറ്റിങ് സംക്ഷിപ്തരേഖ തയ്യാറാക്കുക. ചെയ്യേണ്ട കാര്യങ്ങളും ഉൾപ്പെടുത്തുക.”

Slack-നുള്ള ChatGPT ആപ്പിൽ ആരംഭിക്കുന്ന ചാറ്റുകൾ വെബിലോ മൊബൈലിലോ ഉള്ള ChatGPT സൈഡ്‌ബാറിലും ദൃശ്യമാകും. അതിനാൽ നിർത്തിയിടത്തുനിന്ന് തുടരാം. ChatGPT-യിൽ സംഭാഷണം തുടരുകയാണെങ്കിൽ, ആ ചാറ്റ് അപ്‌ഡേറ്റുകൾ Slack-ലേക്ക് സമന്വയിപ്പിക്കില്ല; അവ Slack-നുള്ള ChatGPT ആപ്പിലും ദൃശ്യമാകില്ല.

നിങ്ങളുടെ ChatGPT അക്കൗണ്ടിൽ പ്രവർത്തനക്ഷമമാക്കിയ ആപ്പുകളിലും തിരയാം. അവലോകനത്തിനായി കാണുക: ChatGPT-യിൽ ബന്ധിപ്പിച്ച ആപ്പുകൾ.

ഇല്ലാതാക്കലും ഡാറ്റാ നിയന്ത്രണങ്ങളും

Slack-നുള്ള ChatGPT ആപ്പിൽനിന്ന് നിങ്ങൾ ആരംഭിച്ച എല്ലാ സംഭാഷണങ്ങളും Slack അക്കൗണ്ടിലും ChatGPT അക്കൗണ്ടിലും കാണാം. ChatGPT അക്കൗണ്ടിൽനിന്ന് അവ ഇല്ലാതാക്കാനും കഴിയും.

ഒരു ചാറ്റ് ഇല്ലാതാക്കുമ്പോൾ അത് ChatGPT സൈഡ്‌ബാറിൽനിന്ന് നീങ്ങും. എന്നാൽ നിങ്ങളുടെ Slack വർക്ക്സ്പേസ് ക്രമീകരണങ്ങളിൽ വ്യക്തമാക്കിയ കാലയളവുവരെ ചാറ്റ് Slack-ൽ നിലനിർത്തിയേക്കാം. റിറ്റൻഷൻ പോളിസികളെക്കുറിച്ച് അറിയാൻ Slack അഡ്മിനുമായി ബന്ധപ്പെടുക. ChatGPT-യിൽനിന്ന് ഇല്ലാതാക്കിയ ചാറ്റ് റിറ്റൻഷൻ കാലയളവിൽ Slack-നുള്ള ChatGPT ആപ്പിൽ തുടർന്നും ദൃശ്യമായേക്കാം. എന്നാൽ ആ ചാറ്റ് തുടരാനാകില്ല.

എപ്പോൾ വേണമെങ്കിലും Slack-ൽനിന്ന് നിങ്ങളുടെ ChatGPT അക്കൗണ്ട് വിച്ഛേദിക്കാം. ക്രമീകരണങ്ങൾ തുറന്ന് ആപ്പുകൾ അല്ലെങ്കിൽ പ്ലഗിനുകൾ തിരഞ്ഞെടുക്കുക. തുടർന്ന് Slack തിരഞ്ഞെടുത്ത് വിച്ഛേദിക്കുക തിരഞ്ഞെടുക്കുക. Slack-ലെ ChatGPT ആപ്പിൽനിന്ന് ഇനി ചാറ്റുകൾ ആരംഭിക്കാനാകില്ല.

Slack-ൽനിന്ന് ChatGPT അക്കൗണ്ട് വിച്ഛേദിച്ചാലും, ChatGPT സംഭാഷണ ചരിത്രത്തിലുള്ള Slack സംഭാഷണങ്ങളുടെ പകർപ്പ് സ്വയമേവ ഇല്ലാതാകില്ല. വിച്ഛേദിച്ചശേഷം ChatGPT അക്കൗണ്ടിനുള്ളിൽനിന്ന് അവ ഇല്ലാതാക്കാം. കൂടാതെ, Slack-നുള്ള ChatGPT ആപ്പിൽ നിങ്ങളുടെ ചാറ്റ് ചരിത്രം നിലനിർത്തും. നിങ്ങളുടെ Slack റിറ്റൻഷൻ പോളിസി അനുസരിച്ച് കുറച്ചുകാലത്തിനുശേഷം അത് മായ്ച്ചേക്കാം.

Slack വീണ്ടും ബന്ധിപ്പിക്കാൻ ക്രമീകരണങ്ങൾ തുറന്ന് ആപ്പുകൾ അല്ലെങ്കിൽ പ്ലഗിനുകൾ തിരഞ്ഞെടുക്കുക. തുടർന്ന് Slack തിരഞ്ഞെടുത്ത് കണക്ഷൻ നിർദേശങ്ങൾ പാലിക്കുക.

സ്വകാര്യതയും സുരക്ഷയും

Slack-ൽ നിലവിലുള്ള അനുമതികൾ ChatGPT മാനിക്കുന്നു. നിങ്ങൾക്ക് ഇതിനകം ആക്‌സസുള്ള സന്ദേശങ്ങളും ഫയലുകളും മാത്രമേ തിരയാനാകൂ.

ChatGPT ക്രമീകരണങ്ങളിൽ മെമ്മറികൾ പ്രവർത്തനക്ഷമമാക്കിയിട്ടുണ്ടെങ്കിലും, Slack-നുള്ള ChatGPT ആപ്പിലെ ചാറ്റുകൾ മെമ്മറികളിലേക്ക് വിവരങ്ങൾ ചേർക്കില്ല. നിങ്ങളുടെ ChatGPT അക്കൗണ്ടിൽനിന്ന് Slack-ലേക്ക് അയയ്ക്കുന്ന ഡാറ്റയിൽ പ്രോംപ്റ്റുകൾക്കുള്ള മോഡൽ പ്രതികരണങ്ങൾ ഉൾപ്പെടും. മുമ്പ് സംരക്ഷിച്ച മെമ്മറികൾ പ്രവർത്തനക്ഷമമാണെങ്കിൽ അവയിലെ വിവരങ്ങളും ഇതിൽ ഉൾപ്പെട്ടേക്കാം.

Slack-നുള്ള ChatGPT ആപ്പിൽ നിങ്ങൾ ആരംഭിക്കുന്ന ചാറ്റുകൾ Slack-ലെ മറ്റ് ഉപയോക്താക്കൾക്ക് കാണാനോ മാറ്റാനോ ഇല്ലാതാക്കാനോ കഴിയില്ല.

കമ്പ്ലയൻസ് പ്ലാറ്റ്‌ഫോം ലഭ്യമാകുകയും കോൺഫിഗർ ചെയ്യുകയും ചെയ്തിട്ടുണ്ടെങ്കിൽ, യോഗ്യരായ Enterprise, Edu അഡ്മിനുകൾക്ക് പിന്തുണയുള്ള സംഭാഷണ രേഖകൾ അതിലൂടെ ആക്‌സസ് ചെയ്യാം. വിശദാംശങ്ങൾക്ക് ചുവടെയുള്ള കമ്പ്ലയൻസ് API വിഭാഗം കാണുക.

ChatGPT-യ്ക്ക് തെറ്റുകൾ സംഭവിക്കാം.

പരിമിതികൾ

• വർക്ക്സ്പേസിലാകെയുള്ള പരിധി എത്തിയിട്ടില്ലെങ്കിലും, അമിത ഉപയോഗം ഓരോ ഉപയോക്താവിനുമുള്ള Slack API ക്വാട്ട തീർക്കാം.

Enterprise, Edu വർക്ക്സ്പേസുകളിൽ Slack പ്രവർത്തനക്ഷമമാക്കിയിരിക്കണം; നിങ്ങളുടെ അക്കൗണ്ടിന് അത് ലഭ്യവുമായിരിക്കണം. Slack ലഭ്യമല്ലെങ്കിൽ, അത് ഉൾപ്പെടുന്ന പ്ലഗിൻ അഡ്മിൻ > പ്ലഗിനുകൾ എന്നതിൽ പരിശോധിക്കാനും റോൾ അല്ലെങ്കിൽ ഗ്രൂപ്പ് ആക്‌സസ് നിയന്ത്രണങ്ങൾ അവലോകനം ചെയ്യാനും അഡ്മിനോട് ആവശ്യപ്പെടുക. അവലോകനത്തിനായി കാണുക: ChatGPT-യിൽ ബന്ധിപ്പിച്ച ആപ്പുകൾ.

കമ്പ്ലയൻസ് API

കമ്പ്ലയൻസ് പ്ലാറ്റ്‌ഫോം ലഭ്യമാകുമ്പോൾ, യോഗ്യരായ Enterprise, Edu അഡ്മിനുകൾക്ക് പിന്തുണയുള്ള സംഭാഷണങ്ങളും ആപ്പ് പ്രവർത്തനവും അതിലൂടെ പരിശോധിക്കാം. വർക്ക്സ്പേസ് നിയന്ത്രണങ്ങളെക്കുറിച്ച് അറിയാൻ കാണുക: പ്ലഗിനുകൾക്കും ആപ്പുകൾക്കുമുള്ള അഡ്മിൻ നിയന്ത്രണങ്ങളും സുരക്ഷയും പാലനവും.

പതിവുചോദ്യങ്ങൾ

Slack-നുള്ള ChatGPT ആപ്പ് എങ്ങനെ കണ്ടെത്താം?

Slack Marketplace-ൽ ChatGPT എന്ന് തിരഞ്ഞ് അത് കണ്ടെത്താം. ആപ്പ് ഇൻസ്റ്റാൾ ചെയ്യുന്നതിനെ നിങ്ങളുടെ Slack അഡ്മിൻ പിന്തുണയ്ക്കണം. ആക്‌സസ് നിയന്ത്രണങ്ങളും ഉണ്ടായേക്കാം.

Slack-നുള്ള ChatGPT ആപ്പ് ഉപയോഗിക്കുമ്പോൾ ChatGPT-യിൽ സൈൻ ഇൻ ചെയ്തിരിക്കേണ്ടതുണ്ടോ?

Slack-നുള്ള ChatGPT ആപ്പ് സജ്ജീകരിക്കുകയും ChatGPT-യിൽ കണക്ഷൻ പ്രവർത്തനക്ഷമമാക്കുകയും ചെയ്തശേഷം, Slack-ൽ അത് ഉപയോഗിക്കാൻ ChatGPT-യിൽ സൈൻ ഇൻ ചെയ്തിരിക്കേണ്ടതില്ല.

എന്റെ ChatGPT അക്കൗണ്ട് ഒന്നിലധികം Slack വർക്ക്സ്പേസുകളുമായി ബന്ധിപ്പിക്കാമോ?

ഒരേസമയം ഒരു Slack വർക്ക്സ്പേസുമായി മാത്രമേ ബന്ധിപ്പിക്കാനാകൂ. വർക്ക്സ്പേസ് മാറ്റാൻ ക്രമീകരണങ്ങൾ തുറന്ന് ആപ്പുകൾ അല്ലെങ്കിൽ പ്ലഗിനുകൾ തിരഞ്ഞെടുക്കുക. നിലവിലെ Slack വർക്ക്സ്പേസ് വിച്ഛേദിച്ചശേഷം മറ്റേ വർക്ക്സ്പേസ് ബന്ധിപ്പിക്കുക.

സന്ദേശങ്ങളോ ഫയലുകളോ എങ്ങനെ തിരയാം?

Slack-ലെ ChatGPT ആപ്പും ChatGPT-യിലെ Slack ആപ്പും എല്ലാ Slack പ്ലാനുകളിലും കീവേഡ് തിരയലിനെ പിന്തുണയ്ക്കുന്നു. സെമാന്റിക് തിരയൽ (അർത്ഥമനുസരിച്ചുള്ള തിരയൽ) ഉപയോഗിക്കാൻ, പിന്തുണയുള്ള Slack Business+ അല്ലെങ്കിൽ Enterprise+ പ്ലാനിലുള്ള നിങ്ങളുടെ വർക്ക്സ്പേസിൽ Slack AI Search പ്രവർത്തനക്ഷമമാക്കിയിരിക്കണം. നിങ്ങളുടെ Slack അഡ്മിന് AI ഫീച്ചറുകളിലേക്കുള്ള ആക്‌സസ് നിയന്ത്രിക്കാം.

ഒരു ചാനലിനെക്കുറിച്ച് ചോദിക്കുമ്പോൾ അതിന്റെ കൃത്യമായ പേര് ഉപയോഗിക്കേണ്ടതുണ്ടോ?

ഇല്ല. ചാനൽ പൊരുത്തപ്പെടുത്തൽ ഏകദേശമാണ്; ഇത് Slack തിരയലിന് സമാനമായി പ്രവർത്തിക്കുന്നു. പേര് ഏറെക്കുറെ ശരിയാണെങ്കിൽ കൃത്യമായ പേര് ആവശ്യമില്ല. ഉദാഹരണത്തിന്, “marketing-team” എന്നതിനു പകരം “marketing-teams” നൽകിയാലും മതി. വളരെ പൊതുവായതോ ബന്ധമില്ലാത്തതോ ആയ പേരുകൾ പൊരുത്തപ്പെടണമെന്നില്ല.

ശ്രദ്ധിക്കുക: ചോദ്യത്തിൽ ഒരു ചാനലിനെ പരാമർശിക്കുമ്പോൾ # ചിഹ്നം ഉൾപ്പെടുത്തേണ്ടതില്ല.

Slack-ൽനിന്ന് എന്റെ ChatGPT അക്കൗണ്ട് എങ്ങനെ വിച്ഛേദിക്കാം? വിച്ഛേദിച്ചശേഷം Slack-നുള്ള ChatGPT ആപ്പിന് എന്ത് സംഭവിക്കും?

Slack-ൽനിന്ന് ChatGPT അക്കൗണ്ട് വിച്ഛേദിക്കാൻ ക്രമീകരണങ്ങൾ തുറന്ന് ആപ്പുകൾ അല്ലെങ്കിൽ പ്ലഗിനുകൾ തിരഞ്ഞെടുക്കുക. തുടർന്ന് Slack തിരഞ്ഞെടുത്ത് വിച്ഛേദിക്കുക തിരഞ്ഞെടുക്കുക. വിച്ഛേദിച്ചശേഷം വീണ്ടും ബന്ധിപ്പിക്കുന്നതുവരെ Slack-ലെ ChatGPT ആപ്പ് ഉപയോഗിക്കാനോ ആ കണക്ഷനിലൂടെ Slack വിവരങ്ങൾ ലഭ്യമാക്കാനോ കഴിയില്ല. നിങ്ങളുടെ Slack വർക്ക്സ്പേസിന്റെ സന്ദേശ റിറ്റൻഷൻ പോളിസിക്ക് വിധേയമായി, ChatGPT അക്കൗണ്ടിലോ Slack ആപ്പിലോ പഴയ ചാറ്റുകൾ തുടർന്നും പരിശോധിക്കാം.

അനുമതിയുണ്ടെങ്കിൽ Slack-ൽനിന്ന് ChatGPT ആപ്പ് നീക്കം ചെയ്യാനും കഴിയും.

Slack-നുള്ള ChatGPT ആപ്പിൽനിന്ന് ആരംഭിച്ച ചാറ്റുകൾ എന്റെ ChatGPT അക്കൗണ്ടിൽ എങ്ങനെയാണ് ദൃശ്യമാകുന്നത്? അവ എങ്ങനെ ഇല്ലാതാക്കാം?

Slack-നുള്ള ChatGPT ആപ്പിൽ ആരംഭിച്ച ചാറ്റുകൾ നിങ്ങളുടെ ChatGPT സൈഡ്‌ബാറിൽ സാധാരണ സംഭാഷണങ്ങളായി ദൃശ്യമാകും. ഒരു ചാറ്റ് ഇല്ലാതാക്കാൻ അതിനുമുകളിൽ പോയിന്റർ വയ്ക്കുമ്പോൾ ദൃശ്യമാകുന്ന കൂടുതൽ ഓപ്ഷനുകൾക്കുള്ള മെനു (•••) ഉപയോഗിക്കുക.

ChatGPT-യുടെ പതിവ് ശേഷികൾ (വെബ് തിരയൽ, ബന്ധിപ്പിച്ച ആപ്പുകൾ) Slack-നുള്ള ChatGPT ആപ്പിൽ പ്രവർത്തിക്കുമോ?

Slack-നുള്ള ChatGPT ആപ്പിൽ ChatGPT വെബ് തിരയലും മറ്റ് ആപ്പുകളും ഉപയോഗിക്കാം. മറ്റ് ആപ്പുകൾ നിങ്ങളുടെ ChatGPT അക്കൗണ്ടിൽ പ്രവർത്തനക്ഷമമാക്കിയിരിക്കണം. ഡീപ് റിസർച്ച്, ഏജന്റ് മോഡ്, മോഡൽ മാറ്റൽ എന്നിവ ലഭ്യമല്ല.

ChatGPT-യിൽ സംഭാഷണം തുടർന്നശേഷം Slack-നുള്ള ChatGPT ആപ്പിലെ ചാറ്റ് അപ്‌ഡേറ്റ് ആകാത്തത് എന്തുകൊണ്ടാണ്?

നിങ്ങളുടെ ChatGPT അക്കൗണ്ടിലെ ചാറ്റ് അപ്‌ഡേറ്റുകൾ Slack-ലേക്ക് സമന്വയിപ്പിക്കില്ല; അവ Slack-നുള്ള ChatGPT ആപ്പിൽ ദൃശ്യമാകുകയുമില്ല.

Slack-നുള്ള ChatGPT ആപ്പിൽ മെമ്മറികൾ എങ്ങനെയാണ് പ്രവർത്തിക്കുന്നത്?

ChatGPT ക്രമീകരണങ്ങളിൽ മെമ്മറികൾ പ്രവർത്തനക്ഷമമാക്കിയിട്ടുണ്ടെങ്കിൽ, Slack-നുള്ള ChatGPT ആപ്പുമായി പങ്കിടുന്ന മോഡൽ മറുപടികളിൽ നിങ്ങളുടെ ChatGPT മെമ്മറികൾ ഉൾപ്പെടുത്തിയേക്കാം. Slack-നുള്ള ChatGPT ആപ്പിൽനിന്നുള്ള ചാറ്റുകൾ ChatGPT അക്കൗണ്ടിൽ തുടരുകയാണെങ്കിലും, അവയെ അടിസ്ഥാനമാക്കി പുതിയ മെമ്മറികൾ സംരക്ഷിക്കില്ല.

ഡാറ്റ റെസിഡൻസി എങ്ങനെയാണ് പ്രവർത്തിക്കുന്നത്?

ബാധകമായ ChatGPT ഡാറ്റ റെസിഡൻസി പ്രതിബദ്ധതകൾ യോഗ്യതയുള്ളതും പരിധിയിൽപ്പെടുന്നതുമായ ChatGPT ഉള്ളടക്കത്തിന് ബാധകമാണ്. Slack-ലേക്ക് അയയ്ക്കുന്ന വിവരങ്ങൾ Slack-ന്റെ സ്വന്തം ഡാറ്റ റെസിഡൻസി നയങ്ങൾക്കും റിറ്റൻഷൻ പോളിസികൾക്കും വിധേയമാണ്.

Slack-ലെ ChatGPT ആപ്പിലെ പ്രശ്നങ്ങൾ പരിഹരിക്കുക

ആപ്പ് കോൺഫിഗറേഷൻ പിശക് പരിഹരിക്കുക

ഈ സന്ദേശവുമായി ബന്ധപ്പെട്ട പ്രശ്നം പരിഹരിക്കാൻ ഇനിപ്പറയുന്ന ഘട്ടങ്ങൾ പാലിക്കുക:

1. Slack-ൽ ChatGPT ആപ്പിന്റെ വിവരം ടാബ് തുറന്ന്, ആപ്പ് ഉപയോഗിക്കാൻ അനുമതിയുള്ള Slack വർക്ക്സ്പേസ് ഏതെന്ന് കണ്ടെത്തുക. ശരിയായ വർക്ക്സ്പേസ് ഏതെന്ന് കണ്ടെത്താനാകുന്നില്ലെങ്കിൽ Slack അഡ്മിനോട് ചോദിക്കുക.

2. Slack-ൽ ChatGPT ബന്ധിപ്പിക്കുക തിരഞ്ഞെടുക്കുക. തുടർന്ന് നിങ്ങളുടെ ChatGPT അക്കൗണ്ടിനും Slack വർക്ക്സ്പേസിനുമായി കാണിക്കുന്ന നിലവിലെ അംഗീകാര നടപടികൾ പാലിക്കുക.

3. Slack തെറ്റായ വർക്ക്സ്പേസുമായി ബന്ധിപ്പിച്ചിട്ടുണ്ടെങ്കിൽ വിച്ഛേദിക്കുക തിരഞ്ഞെടുക്കുക. തുടർന്ന് ബന്ധിപ്പിക്കുക തിരഞ്ഞെടുത്ത് നിലവിലെ അംഗീകാര നടപടികൾ പാലിക്കുക. നിലവിലുള്ള അക്കൗണ്ട് വിച്ഛേദിക്കുന്നതിനുമുമ്പ് മുന്നറിയിപ്പുകൾ പരിശോധിക്കുക.

4. Slack അംഗീകാര സ്ക്രീനിൽ ChatGPT ഇൻസ്റ്റാൾ ചെയ്ത് അംഗീകരിച്ചിട്ടുള്ള വർക്ക്സ്പേസ് തിരഞ്ഞെടുക്കുക. ഏത് വർക്ക്സ്പേസ് തിരഞ്ഞെടുക്കണമെന്ന് ഉറപ്പില്ലെങ്കിൽ Slack അഡ്മിനോട് ചോദിക്കുക. അഭ്യർഥിച്ച അനുമതികൾ പരിശോധിച്ച് അനുവദിക്കുക തിരഞ്ഞെടുക്കുക.

5. അംഗീകാരം നൽകിയശേഷം ChatGPT-യിലേക്ക് മടങ്ങുക. തുടർന്ന് കണക്ഷൻ പ്രവർത്തിക്കുന്നുവെന്ന് സ്ഥിരീകരിക്കാൻ Slack-ലെ ChatGPT ആപ്പിലേക്ക് ഒരു സന്ദേശം അയയ്ക്കുക.

പ്രശ്നം തുടരുകയാണെങ്കിൽ Slack-ഉം ChatGPT-യും അനുമതിയുള്ള ഒരേ വർക്ക്സ്പേസുമായാണ് ബന്ധിപ്പിച്ചിരിക്കുന്നതെന്ന് ഉറപ്പാക്കുക. തുടർന്ന് Slack അഡ്മിനെയോ OpenAI പിന്തുണയെയോ ബന്ധപ്പെടുക.