അവലോകനം

ഞങ്ങളുടെ ഏറ്റവും പുതിയ ഫ്ലാഗ്ഷിപ്പ് മോഡൽ ഉപയോഗിക്കാനുള്ള സൗകര്യത്തോടൊപ്പം, ChatGPT Edu-യിൽ ഇവയും ഉൾപ്പെടുന്നു:

• വിപുലമായ ഉപകരണങ്ങൾ: ഡാറ്റാ വിശകലനം, വെബ് ബ്രൗസിങ്, ഫയൽ അപ്‌ലോഡുകൾ

• ആവശ്യാനുസരണം രൂപപ്പെടുത്തിയ ChatGPT പതിപ്പുകളായ GPT-കൾ നിർമ്മിക്കാനും സർവകലാശാലാ പ്രവർത്തനയിടങ്ങളിൽ അവ പങ്കിടാനുമുള്ള സൗകര്യം

• ChatGPT Free-യെ അപേക്ഷിച്ച് ഗണ്യമായി ഉയർന്ന സന്ദേശ പരിധികൾ

• ഗുണനിലവാരത്തിലും വേഗത്തിലും മെച്ചപ്പെട്ട ഭാഷാശേഷികൾ, 50-ലധികം ഭാഷകൾക്കുള്ള പിന്തുണ

• ശക്തമായ സുരക്ഷ, ഡാറ്റാ സ്വകാര്യത, ഗ്രൂപ്പ് അനുമതികൾ, SSO, SCIM, GPT പരിപാലനം തുടങ്ങിയ ഭരണനിർവഹണ നിയന്ത്രണങ്ങൾ

സുരക്ഷയും സ്വകാര്യതയും

ChatGPT Enterprise-ലെ നിങ്ങളുടെ ബിസിനസ് ഡാറ്റയുടെ ഉടമസ്ഥതയും നിയന്ത്രണവും നിങ്ങൾക്കാണ്. നിങ്ങളുടെ ബിസിനസ് ഡാറ്റയോ സംഭാഷണങ്ങളോ ഞങ്ങൾ പരിശീലനത്തിനായി ഉപയോഗിക്കുന്നില്ല. നിങ്ങളുടെ ഉപയോഗത്തിൽനിന്ന് ഞങ്ങളുടെ മോഡലുകൾ പഠിക്കുന്നുമില്ല. ChatGPT Enterprise SOC2 മാനദണ്ഡങ്ങളും പാലിക്കുന്നു. എല്ലാ സംഭാഷണങ്ങളും കൈമാറ്റം ചെയ്യുമ്പോഴും സംഭരിക്കുമ്പോഴും എൻക്രിപ്റ്റ് ചെയ്യപ്പെടുന്നു.

ഞങ്ങളുടെ പുതിയ ഭരണനിർവഹണ കൺസോൾ വഴി ടീം അംഗങ്ങളെ എളുപ്പത്തിൽ നിയന്ത്രിക്കാം. ഡൊമെയ്ൻ സ്ഥിരീകരണം, SSO, ഉപയോഗത്തെക്കുറിച്ചുള്ള ഉൾക്കാഴ്ചകൾ എന്നിവയും ഇതിൽ ലഭ്യമാണ്. ഇവ സ്ഥാപനത്തിലുടനീളം വലിയ തോതിൽ വിന്യസിക്കാൻ സഹായിക്കുന്നു. നിങ്ങളുടെ സ്ഥാപനത്തിന്റെ ഡാറ്റ ഞങ്ങൾ എങ്ങനെ കൈകാര്യം ചെയ്യുന്നു എന്നതിനെക്കുറിച്ചുള്ള കൂടുതൽ വിവരങ്ങൾക്ക് ഞങ്ങളുടെ സ്വകാര്യതാ പേജും ട്രസ്റ്റ് പോർട്ടലും കാണുക.

API ക്രെഡിറ്റുകൾ

NSF നേതൃത്വം നൽകുന്ന ദേശീയ കൃത്രിമബുദ്ധി ഗവേഷണ വിഭവ പൈലറ്റ് പദ്ധതിയുമായി (NAIRR) സഹകരിച്ച്, കൃത്രിമബുദ്ധിയുടെ സുരക്ഷയിലും വിദ്യാഭ്യാസം, ആരോഗ്യപരിരക്ഷാ സംവിധാനങ്ങൾ, കാലാവസ്ഥാ പ്രവർത്തനങ്ങൾ എന്നിവ മെച്ചപ്പെടുത്തുന്നതിനുള്ള കൃത്രിമബുദ്ധിയുടെ പുതിയ പ്രയോഗങ്ങളിലും ശ്രദ്ധ കേന്ദ്രീകരിക്കുന്ന ഗവേഷകർക്ക് OpenAI API ക്രെഡിറ്റുകൾ നൽകുന്നു.

ഈ ധനസഹായത്തിന്റെ ഒരു ഭാഗം, ചരിത്രപരമായി കറുത്തവർഗക്കാർക്കായി സ്ഥാപിതമായ കോളേജുകളിലും സർവകലാശാലകളിലും ന്യൂനപക്ഷ വിഭാഗങ്ങളെ സേവിക്കുന്ന സ്ഥാപനങ്ങളിലും പ്രായോഗിക ഗവേഷണത്തെയും പാഠ്യപദ്ധതിയുടെ ഭാഗമായ പഠനപ്രവർത്തനങ്ങളെയും പിന്തുണയ്ക്കുന്നതിനായി നീക്കിവച്ചിരിക്കുന്നു. കൃത്രിമബുദ്ധിയുടെ ഉത്തരവാദിത്തപൂർവമായ വിന്യാസം, അനുബന്ധ അപകടസാധ്യതകൾ കുറയ്ക്കൽ, കൃത്രിമബുദ്ധി സംവിധാനങ്ങളുടെ സാമൂഹിക സ്വാധീനം മനസ്സിലാക്കൽ എന്നീ മേഖലകൾ പഠിക്കാൻ ഞങ്ങളുടെ ഉൽപ്പന്നങ്ങൾ ഉപയോഗിക്കുന്ന ഗവേഷകരെയും ഞങ്ങൾ പിന്തുണയ്ക്കുന്നു.

അധ്യാപകർ, ഗവേഷകർ, ഭരണനിർവാഹകർ, വിദ്യാർഥികൾ എന്നിവർക്ക് പ്രയോജനപ്പെടുന്ന വിധത്തിൽ വരും വർഷങ്ങളിലും ഞങ്ങളുടെ ഉൽപ്പന്നങ്ങളും സേവനങ്ങളും ഞങ്ങൾ മെച്ചപ്പെടുത്തിക്കൊണ്ടിരിക്കും.