Тойм

OpenAI бид хүн бүрийн тусын тулд хиймэл оюун ухааны дэвшилтэт загваруудыг хөгжүүлж, түгээхэд анхааран ажилладаг. Эдгээр загвар таны бизнесийн гол тулгуур эсвэл өдөр тутмын амьдралын тань нэг хэсэг байж болох тул аливаа доголдол бухимдал төрүүлдгийг бид ойлгож байна.

Бид танд туслахын зэрэгцээ ажлын аюулгүй орчныг бүрдүүлэх үүрэгтэй бөгөөд тусламжийн сувгуудаар зүй бус харьцахыг хүлээн зөвшөөрөхгүй. Зүй бус харьцаанд басамжилсан, доромжилсон үг хэллэг хэрэглэх, хүний биед халдах эсвэл эд хөрөнгийг гэмтээхээр заналхийлэх, бусдын хүсээгүй үйлдлийг давтан гаргах болон үүнтэй төстэй бусад үйлдэл багтах боловч үүгээр хязгаарлагдахгүй.

Хүн бүрд аюулгүй, ажил хэрэгч харилцах орчныг бүрдүүлэхийн тулд зүй бус харьцсан эсвэл заналхийлсэн хэрэглэгчид дараах арга хэмжээг авч болох бөгөөд үүгээр хязгаарлагдахгүй:

• Бичгээр эсвэл амаар сануулах

• Тусламжийн үйлчилгээ авах эрхийг хязгаарлах эсвэл цуцлах

• OpenAI-ийн бүтээгдэхүүн, үйлчилгээг ашиглах эрхийг түр түдгэлзүүлэх эсвэл бүрмөсөн цуцлах

• Хохирол учруулах бодитой заналхийллийг эрх бүхий байгууллагад мэдэгдэх

Бид танд чанартай тусламж үзүүлж, аливаа асуултад тань хариулан, санаа зовоосон асуудлыг тань шийдвэрлэхийн төлөө ажилладаг. Дарамталсан эсвэл үл хүндэтгэсэн үг хэллэг үргэлжлүүлэн хэрэглэвэл манай тусламжийн үйлчилгээ авах эрхийг тань хязгаарлахаас гадна бүртгэлээ ашиглах эрхийг тань ч хязгаарлаж болзошгүй.