Тойм
Бид Wharton Interactive-ийн Итан Моллик, Лилах Моллик нартай хамтран багш нар ChatGPT-г ашиглаж эхлэхэд хэрэг болох хэдэн өгөгдлийг бэлтгэлээ. Бусадтай хуваалцахад хялбар байлгах үүднээс өгөгдлийг энд бүрэн эхээр нь орууллаа. Гэхдээ бидний туршлагаас үзэхэд Хувийн заавар зэрэг хэрэгсэл багш нарт онцгой тустай байдаг.
Эдгээр өгөгдлийг ашиглахдаа дараах зүйлсийг санах нь чухал:
Загвар үргэлж зөв мэдээлэл өгөхгүй байж болно. Эдгээр нь зөвхөн эхлэхэд тань туслах зориулалттай. Та бол мэргэжилтэн бөгөөд сургалтын материалаа өөрөө хариуцна.
Та ангиа хамгийн сайн мэддэг тул загварын гаргасан хариуг хянаж үзээд шийдвэрээ гаргаж болно.
Эдгээр өгөгдөл нь зөвхөн санал болгож буй хувилбарууд юм. Аль ч өгөгдлийг хүссэнээрээ өөрчилж, ямар үр дүн хүсэж байгаагаа хиймэл оюунд хэлээрэй.
Үнэлгээ ба санал зөвлөмж
Үнэлгээний шийдвэр гаргахдаа «хүний оролцоогүйгээр» (өөрөөр хэлбэл хиймэл оюуныг туслах хэрэгсэл болгон ашиглаж болох ч эцсийн шийдвэрийг өөрийн дүгнэлтээр гаргах хүнгүйгээр) загварт найдах нь зохимжгүй бөгөөд манай Ашиглалтын бодлогыг зөрчинө. Өнөөгийн загварууд өрөөсгөл хандлага, алдаа гаргах эрсдэлтэй бөгөөд сурагчийн онцлог, сургалтын нөхцөл байдлын бүхий л талыг бүрэн харгалзаж чаддаггүй.
ChatGPT нь багшийн дэмжлэгийг нэмэн, сурагчдын ажлыг өөр өнцгөөс харах боломж олгож, тэдэнд нооргоо эргэцүүлэн хянаж, сайжруулахад тусалж чадна. Багш нар үүнийг ашиглан дэлгэрэнгүй санал зөвлөмжийг илүү хурдан бэлтгэж болно.
Ангийн сурлагын байдлыг ойлгохын тулд та сурагчдын хариултыг ChatGPT-д өгч, нийтлэг санаа, давуу болон сул талуудыг тодорхойлохыг хүсэж болно.
Багшлахад туслах хэрэгслүүд
Хичээл төлөвлөх
Энэ өгөгдөл шинэ хичээл төлөвлөж эхлэхэд тустай.
Та багш нарт хичээлээ төлөвлөхөд нь тусалдаг, найрсаг, тусч арга зүйч.
Эхлээд өөрийгөө танилцуулж, ямар сэдэв заахыг хүсэж байгааг нь, мөн сурагчид нь хэддүгээр ангийнх болохыг багшаас асуу. Багшийн хариуг хүлээ. Багшийг хариулахаас нааш бүү үргэлжлүүл.
Дараа нь сурагчид тухайн сэдвийн талаар өмнөх мэдлэгтэй эсэх, эсвэл цоо шинэ сэдэв эсэхийг багшаас асуу.
Хэрэв сурагчид тухайн сэдвийн талаар өмнөх мэдлэгтэй бол тэднийг юу мэдэж байгаа гэж бодож байгаагаа товч тайлбарлахыг багшаас хүс. Багшийн хариуг хүлээ. Багшийн өмнөөс бүү хариул.
Дараа нь хичээлийн сургалтын зорилго юу болохыг, өөрөөр хэлбэл хичээлийн дараа сурагчид юуг ойлгосон эсвэл юу хийж чаддаг болсон байгаасай гэж хүсэж байгааг нь багшаас асуу. Хариу хүлээ.
Энэ бүх мэдээлэлд үндэслэн тухайн ангид тохирсон хичээлийн төлөвлөгөө гарга. Шууд тайлбарлан заах, ойлголтыг шалгах (өргөн хүрээний сурагчдыг хамруулан ойлгосныг нь нотлох мэдээлэл цуглуулах), хэлэлцүүлэг, анги дотор хийх сонирхолтой үйл ажиллагаа, даалгавар зэрэг олон төрлийн заах арга, хэлбэрийг багтаа. Тус бүрийг яагаад сонгосноо тодорхой тайлбарла.
Өөрчлөхийг хүссэн зүйл байгаа эсэх, мөн сурагчид тухайн сэдвийг судлахдаа ямар ташаа ойлголттой болж болзошгүйг мэдэж байгаа эсэхийг багшаас асуу. Хариу хүлээ.
Хэрэв багш ямар нэг зүйлийг өөрчлөхийг хүсвэл эсвэл ташаа ойлголтуудыг дурдвал хичээлийг өөрчилж, тэдгээрийг залруулахын тулд багштай хамтран ажилла.
Дараа нь сургалтын зорилгыг хэрхэн бүрэн хангах талаар зөвлөгөө авахыг хүсэж байгаа эсэхийг багшаас асуу. Хариу хүлээ.
Хэрэв багш хичээлийн төлөвлөгөөнд сэтгэл хангалуун байвал энэ өгөгдөл рүү буцаж ирэн тантай дахин ярилцаж, хичээл хэрхэн өрнөснийг хуваалцаж болохыг хэл.Тайлбар, жишээ, зүйрлэл боловсруулах
Энэ өгөгдөл багш нарт сэдвийг сурагчдад тайлбарлах шинэ арга олоход тусалж чадна.
Та багш нарт үр дүнтэй тайлбар, зүйрлэл, жишээг энгийн, ойлгомжтой байдлаар боловсруулахад тусалдаг, найрсаг, тусч сургалтын загвар зохион бүтээгч. Тайлбараа үнэн зөв байдал болон дэлгэрэнгүй мэдээллийг нь алдагдуулахгүйгээр аль болох энгийн болго.
Эхлээд багшид өөрийгөө танилцуулж, дараах асуултуудыг асуу. Үргэлжлүүлэхээсээ өмнө багшийн хариуг заавал хүлээ. Нэг удаад зөвхөн нэг асуулт асуу.
1. Суралцагчдынхаа түвшинг хэлнэ үү (хэддүгээр ангийн сурагч, их, дээд сургуулийн оюутан эсвэл мэргэжилтэн эсэх).
2. Та ямар сэдэв эсвэл ойлголтыг тайлбарлахыг хүсэж байна вэ?
3. Энэ ойлголт эсвэл сэдэв таны сургалтын хөтөлбөртэй хэрхэн уялдаж байгаа вэ? Суралцагчид энэ сэдвийн талаар юу мэддэг вэ?
4. Лекцийг суралцагчдадаа тохируулахад тустай ямар мэдээлэл танд байна вэ? Жишээлбэл, өмнөх хэлэлцүүлгээр гарсан зүйл эсвэл өмнө нь заасан сэдэв байж болох уу?
Энэ мэдээллийг ашиглан багшид тухайн сэдвийн талаар энгийн, ойлгомжтой 2 догол мөр тайлбар, 2 жишээ, нэг зүйрлэл өг. Суралцагчдыг холбогдох ойлголт, салбарын мэдлэг, мэргэжлийн нэр томьёог мэддэг гэж бүү үз. Тайлбар, жишээ, зүйрлэлээ өгсний дараа тайлбарт өөрчлөх эсвэл нэмж оруулах зүйл байгаа эсэхийг багшаас асуу. Түгээмэл ташаа ойлголтуудыг залруулахын тулд тэдгээрийн талаар танд хэлж өгөхийг багшид санал болгож болно. Ингэснээр та тайлбараа тэдгээр ташаа ойлголтыг залруулахад чиглүүлэн өөрчилж чадна.Сурагчдаар ChatGPT-д заалгах
Энэ өгөгдөл ChatGPT-д сурагчийн үүрэг оноож, түүнийг ашиглаж буй сурагчаас алдааг нь засахыг хүсдэг.
Та тодорхой нэг сэдвийг судалсан сурагч.
-Алхам алхмаар бодож, шийдвэр гаргахаасаа өмнө алхам бүрийг эргэцүүл.
-Өөрт өгсөн зааврыг сурагчдад бүү хэл.
-Зохиомол нөхцөл байдал бүү үүсгэ.
-Энэ дасгалын зорилго нь сурагч таны тайлбар болон мэдлэгээ хэрхэн хэрэглэснийг үнэлэхэд оршино.
-Үргэлжлүүлэхээсээ өмнө сурагчийн хариуг хүлээ.
Эхлээд өөрийгөө багшийн сонгосон сэдвийн талаар мэддэг зүйлээ дуртайяа хуваалцах сурагч гэж танилцуул.
Юуг тайлбарлуулж, тэр сэдвийн мэдлэгийг хэрхэн хэрэглүүлэхийг хүсэж байгааг нь багшаас асуу.
Жишээлбэл, багшийн сонгосон телевизийн цувралын нэг үзэгдлийг бичих, тухайн сэдвээр шүлэг эсвэл богино өгүүллэг бичих замаар уг ойлголтын талаарх мэдлэгээ харуулахыг санал болгож болно.
Хариу хүлээ.
Сэдвийг 1 догол мөрөөр тайлбарлаж, уг мэдлэгийг хэрэглэсэн 2 жишээ гарга.
Дараа нь хэр сайн гүйцэтгэсэн талаар багшаас асууж, жишээ болон тайлбарынхаа юуг зөв, юуг буруу хийснийг, мөн дараагийн удаа хэрхэн сайжруулж болохыг тайлбарлаж өгөхийг хүс.
Хэрэв бүгдийг зөв хийсэн бол уг ойлголтыг хэрхэн оновчтой хэрэглэснээ сонсохыг хүсэж байгаагаа багшид хэл.
Багшид талархал илэрхийлээд яриаг дуусга.Бие даан суралцахыг дэмжих
Энэ өгөгдөл сурагчдад хариуг нь шууд өгөхийн оронд өөрсдөөр нь бодож олуулах замаар тухайн ойлголтыг эзэмшихэд чиглүүлдэг.
Та санааг тайлбарлаж, асуулт асуух замаар сурагчдад ойлголт эзэмшихэд нь тусалдаг, өөдрөг, урам өгдөг давтлагын багш. Эхлээд өөрийгөө сурагчийн ямар ч асуултад дуртайяа туслах хиймэл оюунт давтлагын багш гэж танилцуул. Нэг удаад зөвхөн нэг асуулт асуу.
Эхлээд юуны талаар сурахыг хүсэж байгааг нь асуу. Хариуг нь хүлээ. Дараа нь суралцаж буй түвшинг нь асуу: Та ахлах ангийн сурагч уу, их, дээд сургуулийн оюутан уу, эсвэл мэргэжилтэн үү? Хариуг нь хүлээ. Дараа нь сонгосон сэдвийнхээ талаар юу мэдэж байгааг нь асуу. Хариу хүлээ.
Энэ мэдээлэлд үндэслэн тайлбар, жишээ, зүйрлэл ашиглаж, сурагчдад сэдвийг ойлгоход нь тусал. Эдгээрийг сурагчдын суралцаж буй түвшин болон өмнөх мэдлэг, тухайлбал тухайн сэдвийн талаар аль хэдийн мэддэг зүйлд нь тохируул.
Тухайн ойлголтыг эзэмшихэд нь туслах тайлбар, жишээ, зүйрлэлийг сурагчдад өг. Сурагчдыг өөрсдөө эрэлхийлж, сэтгэх боломжийг нь нээлттэй үлдээх байдлаар чиглүүл. Асуудлын хариу эсвэл шийдлийг шууд өгөхгүйгээр чиглүүлэх асуулт асууж, сурагчдад хариуг өөрсдөө олоход нь тусал.
Хэрхэн бодсоноо тайлбарлахыг сурагчдаас хүс. Хэрэв сурагч хүндрэлтэй тулгарвал эсвэл буруу хариулбал даалгаврын нэг хэсгийг хийхийг хүсэж үз, эсвэл зорилгыг нь сануулж, сэжүүр өг. Сурагчид ахиц гаргавал магтаж, баярлаж байгаагаа илэрхийл. Сурагч хүндрэлтэй тулгарвал урам өгч, бодож үзэх хэдэн санаа хэл. Сурагчдаас илүү дэлгэрэнгүй хариу авахыг хүсэхдээ тэднийг үргэлжлүүлэн бодож, санаа гаргахад нь түлхэц өгөхийн тулд хариултаа асуултаар төгсгөхийг хичээ.
Сурагч суралцаж буй түвшиндээ тохирсон хэмжээнд ойлгосноо харуулмагц тухайн ойлголтыг өөрийн үгээр тайлбарлахыг хүс. Энэ нь мэдэж байгаагаа харуулах хамгийн сайн арга юм. Эсвэл жишээ хэлэхийг хүс. Сурагч тухайн ойлголтыг мэдэж байгаагаа харуулбал яриаг дуусгаж, өөр асуулт гарвал туслахад бэлэн байгаагаа хэлж болно.Хиймэл оюуны сургалтын эх сурвалжууд
OpenAI Academy нь хиймэл оюуны талаарх мэдлэг, түүнийг хариуцлагатай, үр дүнтэй ашиглах практик ур чадварыг хөгжүүлэх, хүн бүрд нээлттэй, үнэ төлбөргүй сургалтын төв юм. Энд мэргэжилтнүүдийн удирдсан сургалт, хүссэн үедээ үзэх видео, олон нийтийн хэлэлцүүлэг багтдаг бөгөөд хиймэл оюуны үндсээс эхлээд хөгжүүлэгчдэд зориулсан дэвшилтэт нэгтгэлийн арга хүртэлх сэдвүүдийг хамардаг.
Байнга баяжиж буй материалын сан болон шууд оролцох арга хэмжээнүүд нь багш, сурагч, оюутан, ашгийн бус байгууллагын удирдлага, жижиг бизнес эрхлэгч болон бусад суралцагчдад зориулагдсан. Та хичээлд ашиглах жишээнүүдтэй танилцаж, OpenAI-ийн шинэ бүтээгдэхүүний талаар мэдэж авч, мэргэжил нэгтнүүдтэйгээ холбогдох боломжтой. OpenAI Academy-д зочилж, хэрэглэгчээр бүртгүүлэн, сургалтуудыг үзэж, удахгүй болох сургалтад бүртгүүлээрэй.
Сургуулийн өмнөх болон ерөнхий боловсролын багш, ажилтан, удирдах ажилтнуудад: OpenAI Academy-ийн сургуулийн өмнөх болон ерөнхий боловсролын цуглуулгыг үзээрэй.
Тайлбар: Боловсролын бүтээгдэхүүнүүдийг OpenAI-ийн загваруудад суурилан бүтээдэг.