नोंदणी प्रक्रियेतील आणि धोरणविषयक सामान्य समस्यांचे निराकरण

Ads Manager मधील सामान्य समस्यांचे निराकरण करण्यासाठी हे मार्गदर्शक वापरा. तुमच्या समस्येशी सर्वाधिक जुळणाऱ्या श्रेणीपासून सुरुवात करा, सुचवलेल्या तपासण्या करा आणि समस्या कायम राहिल्यास सहाय्य पथकाशी संपर्क साधा. खाते पडताळणी, खात्याला मान्यता, जाहिरात पुनरावलोकन आणि जाहिरात दाखवणे या स्वतंत्र तपासण्या आहेत. एक तपासणी पूर्ण झाली म्हणजे इतर सर्व तपासण्या पूर्ण झाल्या, असे नाही.

1. व्यवसाय पडताळणी

माझ्या व्यवसायाची पडताळणी अयशस्वी झाली

• याचा अर्थ: आम्ही तुमच्या खात्याची पडताळणी पूर्ण केली आहे आणि त्याला मान्यता देऊ शकलो नाही. तुमच्या व्यवसायाची ओळख, मालकी किंवा संलग्नता यांची माहिती अचूक असल्याची खात्री करता न आल्यास पडताळणी अयशस्वी होऊ शकते.

• पुढील पाऊल: तुमचे खाते, जाहिराती आणि जाहिरातींवरून उघडणारी पृष्ठे यांमध्ये तुमचा व्यवसाय आणि इतर व्यक्ती, संस्था किंवा ब्रँड यांच्याशी असलेले संबंध अचूकपणे दर्शवले असल्याची खात्री करा.

माझ्या व्यवसायाची पडताळणी सुरू आहे

• याचा अर्थ: तुमच्या खात्याची पडताळणी सुरू आहे आणि सध्या तुम्हाला कोणतीही कृती करण्याची गरज नाही.

• पुढील पाऊल: पुनरावलोकन पूर्ण होण्यासाठी कामकाजाचे 7 दिवस लागू शकतात. त्यापेक्षा जास्त वेळ लागल्यास जाहिरात सहाय्य पथकाशी संपर्क साधा.

माझ्या व्यवसायाची पडताळणी सुरू झालेली नाही

• प्रथम हे तपासा: योग्य Ads Manager खात्यातील पडताळणीच्या सूचनेकडे परत जा. पृष्ठ पुन्हा लोड करा किंवा अद्ययावत ब्राउझर वापरून पुन्हा प्रवेश करा.

• पुढील पाऊल: तरीही पुढे जाता येत नसेल, तर ज्या टप्प्यावर अडचण आली त्याची माहिती देऊन जाहिरात सहाय्य पथकाशी संपर्क साधा.

2. उद्योगाची पात्रता

माझा व्यवसाय किंवा उद्योग जाहिरात करण्यास पात्र नाही

• याचा अर्थ: सध्याच्या जाहिरात धोरणांनुसार तुमच्या उद्योगाला किंवा सेवांना OpenAI वर जाहिरात करण्यास मनाई आहे. कोणत्या उद्योग आणि सेवा श्रेणींना परवानगी आहे, हे पाहण्यासाठी खालील पात्रता तक्ता पहा. व्यवसाय नोंदणीकृत किंवा परवानाधारक असला तरी तो प्रत्येक जाहिरात श्रेणीसाठी किंवा बाजारपेठेसाठी आपोआप पात्र ठरत नाही.

• पुढील पाऊल: तुम्हाला नकाराचे कारण आणि पुढील पावलांचा तपशील असलेला ईमेल मिळाला असू शकतो. हा निर्णय चुकीचा वाटत असल्यास, त्या ईमेलमधील दुव्यावरून किंवा Ads Manager द्वारे अपील करा. निराकरणासाठी अपील हा सर्वात जलद मार्ग आहे. अपील करताना काही अडचण येत असल्यास किंवा अपीलचा पर्याय दिसत नसल्यास, सहाय्य पथकाशी संपर्क साधा.

3. जाहिरातींना नकार (धोरणानुसार पात्रता तक्ता)

माझी जाहिरात नाकारली गेली

• प्रथम हे तपासा: Ads Manager मधील नकाराचा संदेश वाचा आणि नकार कोणत्या मजकुराशी, प्रतिमेशी किंवा जाहिरातीवरून उघडणाऱ्या पृष्ठाशी संबंधित आहे ते ओळखा. संपूर्ण जाहिरात आणि तिच्यावरील दुव्याचे गंतव्यस्थान जाहिरात धोरणांचे पालन करतात आणि त्यांमध्ये एकाच उत्पादनाचे किंवा सेवेचे वर्णन आहे, याची खात्री करा.

• पुढील पाऊल: धोरणानुसार दिलेले कारण तुमच्या जाहिरातीला लागू होत नाही असे तुम्हाला वाटत असल्यास, Ads Manager मधील अपीलचा पर्याय किंवा पुनरावलोकनाची विनंती करा हे बटण वापरू शकता. निराकरणासाठी अपील हा सर्वात जलद मार्ग आहे. त्यामुळे अपीलचा पर्याय उपलब्ध नसल्यास किंवा अपीलवर 7 दिवसांहून अधिक काळ निर्णय झालेला नसल्यासच जाहिरात सहाय्य पथकाशी संपर्क साधा.

मी निवडलेल्या देशांमध्ये माझ्या जाहिराती दाखवता येत नाहीत

• याचा अर्थ: मोहिमेसाठी निवडलेल्या लक्ष्यित देशांमध्ये धोरणानुसार कोणत्या श्रेणींना परवानगी आहे, ते तपासा. विशिष्ट भौगोलिक प्रदेशांमध्ये धोरणांतर्गत येणाऱ्या श्रेणींना परवानगी नसल्यास हा त्रुटी संदेश दिसतो. काही श्रेणींमध्ये केवळ निवडक मान्यताप्राप्त जाहिरातदारांनाच परवानगी आहे. सध्या आम्ही मोजक्याच जाहिरातदारांसोबत काम करत आहोत आणि धोरणांतर्गत येणाऱ्या काही श्रेणींमध्ये मान्यतेसाठी अर्ज स्वीकारत नाही. खालील जाहिरात धोरणानुसार पात्रता तक्ता पहा.

• पुढील पाऊल: जाहिरातीवर धोरणानुसार घातलेले निर्बंध चुकीचे वाटत असल्यास, Ads Manager मध्ये किंवा नकाराच्या सूचनेत उपलब्ध असलेला अपीलचा पर्याय वापरा. निराकरणासाठी अपील हा सर्वात जलद मार्ग आहे. त्यामुळे अपीलचा पर्याय उपलब्ध नसल्यास किंवा अपीलवर 7 दिवसांहून अधिक काळ निर्णय झालेला नसल्यासच जाहिरात सहाय्य पथकाशी संपर्क साधा.

4. डोमेनला मान्यता

या खात्यासाठी माझ्या डोमेनला मान्यता मिळालेली नाही

• याचा अर्थ: जाहिरातदार म्हणून तुमची ओळख तुम्ही दिलेल्या डोमेनशी जुळत असल्याची पडताळणी आम्हाला करता आली नाही.

• पुढील पाऊल: जाहिरातदार म्हणून तुमची ओळख दिलेल्या डोमेनच्या माहितीशी जुळते याची खात्री करा. तुम्हाला नकाराचे कारण आणि पुढील पावलांचा तपशील असलेला ईमेल मिळाला असेल. हा निर्णय चुकीचा वाटत असल्यास, त्या ईमेलमधील दुव्यावरून अपील करा. निराकरणासाठी अपील हा सर्वात जलद मार्ग आहे. अपील करताना काही अडचण येत असल्यास किंवा अपीलचा पर्याय दिसत नसल्यास, जाहिरात सहाय्य पथकाशी संपर्क साधा.

जाहिरात सहाय्य पथकाशी ads-support@openai.com येथे संपर्क साधता येईल. संपर्क साधताना तुमच्या जाहिरात खात्याचा ओळख क्रमांक आणि तुम्हाला येणाऱ्या समस्येची श्रेणी नमूद करा.

कडक नियमन असलेल्या क्षेत्रांसाठी जाहिरात धोरणानुसार पात्रता तक्ता

आरोग्य

वित्तीय सेवा

कायदेविषयक सेवा