သင့် OpenAI ပလက်ဖောင်းအကောင့်ဖြင့် API အသုံးပြုမှု ဒက်ရှ်ဘုတ် ကို အသုံးပြု၍ လစဉ်အသုံးပြုမှုကို ကြည့်ရှုပြီး အသုံးပြုမှု သို့မဟုတ် ကုန်ကျစရိတ်ဒေတာ အသေးစိတ်ကို CSV အဖြစ် ထုတ်ယူနိုင်ပါသည်။

• သုံးစွဲငွေ အသေးစိတ်စာရင်း ရရှိရန် ကုန်ကျစရိတ်ဒေတာကို ထုတ်ယူပါ

• ဒေတာကို စာရင်းအချက်တစ်ခုချင်းအလိုက် အုပ်စုဖွဲ့၍ ငွေတောင်းခံလွှာပုံစံ အသေးစိတ်စာရင်း ဖန်တီးပါ

• ပြက္ခဒိန်လတစ်လလုံးအတွက် သို့မဟုတ် လဆန်းမှ ယနေ့အထိ (MTD) ဒေတာကို ထုတ်ယူပါ

• အစီရင်ခံရန်အတွက် အသုံးပြုမှု သို့မဟုတ် ကုန်ကျစရိတ်ဒေတာကို CSV အဖြစ် ဒေါင်းလုဒ်လုပ်ပါ

စတင်အသုံးပြုပါ

1. platform.openai.com တွင် အကောင့်ဝင်ပါ။

2. သက်ဆိုင်ရာ အဖွဲ့အစည်း/ပရောဂျက်ကို ရွေးပြီး ဘေးဘားရှိ အသုံးပြုမှု ကို ရွေးပါ။

မှတ်ချက်: သင်မျှော်လင့်ထားသည့် ငွေတောင်းခံမှု/အသုံးပြုမှုဒေတာကို မတွေ့ရလျှင် သင့်အဖွဲ့အစည်းဆိုင်ရာ ခွင့်ပြုချက်များနှင့် စစ်ထုတ်မှုများကို စစ်ဆေးပါ။

လအတွက် ရက်အပိုင်းအခြားကို သတ်မှတ်ပါ

1. အသုံးပြုမှု စာမျက်နှာတွင် ရက်အပိုင်းအခြား ရွေးချယ်သည့်ကိရိယာကို ရွေးပါ။

2. သင့်အစီရင်ခံမှု လိုအပ်ချက်များအပေါ် မူတည်၍ ရက်အပိုင်းအခြားကို ရွေးပါ။

ဥပမာအားဖြင့် ပြက္ခဒိန်လတစ်လလုံးအတွက် ဒေတာရယူရန် စတင်ရက်ကို ထိုလ၏ ပထမဆုံးရက်အဖြစ်၊ ပြီးဆုံးရက်ကို ထိုလ၏ နောက်ဆုံးရက်အဖြစ် သတ်မှတ်နိုင်ပါသည်။

စတင်ရက်ကို လဆန်း ၁ ရက်အဖြစ် အလိုအလျောက် သတ်မှတ်ရန် လဆန်းမှ ယနေ့အထိ ရွေးချယ်စရာကို ရွေးနိုင်ပါသည်။

လစဉ်အသုံးပြုမှု သို့မဟုတ် ကုန်ကျစရိတ်ဒေတာ အသေးစိတ်ကို ထုတ်ယူပါ

1. အသုံးပြုမှု စာမျက်နှာတွင် ထုတ်ယူရန် ကို ရွေးပါ။

2. ဒိုင်ယာလော့ဂ်တွင် ထုတ်ယူမည့်ဒေတာ အမျိုးအစားကို ရွေးပါ။ အသုံးပြုမှုလုပ်ဆောင်ချက် အသေးစိတ်အတွက် လုပ်ဆောင်ချက်ဒေတာ ကို အသုံးပြုနိုင်ပြီး သုံးစွဲငွေ/ကုန်ကျစရိတ် အသေးစိတ်အစီရင်ခံရန်အတွက် ကုန်ကျစရိတ်ဒေတာ ကို အသုံးပြုနိုင်ပါသည်။

လစဉ်ကုန်ကျစရိတ် အသေးစိတ်အစီရင်ခံရန် အကြံပြုထားသော ဒေတာထုတ်ယူမှု ဆက်တင်များ

Enterprise သုံးစွဲသူများအတွက် OpenAI API ငွေတောင်းခံလွှာများကို ပြက္ခဒိန်လအလိုက် ဝန်ဆောင်မှုကာလများအတွက် ထုတ်ပေးပြီး များသောအားဖြင့် လကုန်ပြီး ရက်အနည်းငယ်အကြာတွင် ထုတ်ပေးပါသည်။ ငွေတောင်းခံလွှာပါ စုစုပေါင်း API အသုံးပြုခပမာဏနှင့် ကိုက်ညီသော ကုန်ကျစရိတ် အသေးစိတ်စာရင်း လိုချင်လျှင် ကုန်ကျစရိတ်ဒေတာ တက်ဘ်ကို ရွေးပြီး အောက်ပါဆက်တင်များကို အသုံးပြုပါ။

• အုပ်စုဖွဲ့မည့်စံနှုန်း: စာရင်းအချက်တစ်ခုချင်း

• ပရောဂျက်များ: အားလုံး (သို့မဟုတ် သီးခြားပရောဂျက်တစ်ခုကို ရွေးပါ)

• ဖိုင်ဖော်မတ်: CSV

• စတင်ချိန်: အစီရင်ခံမည့်လ၏ ပထမဆုံးရက်

• ပြီးဆုံးချိန်: အစီရင်ခံမည့်လ၏ နောက်ဆုံးရက် (သို့မဟုတ် MTD အတွက် ယနေ့)

• အချိန်အပိုင်းအခြား: ၁ ရက်

အသုံးပြုမှုအဆင့်အထိ အသေးစိတ်လိုအပ်သည့်အခါ လုပ်ဆောင်ချက်ဒေတာ ကိုလည်း အသုံးပြုနိုင်ပါသည်။ ဥပမာအားဖြင့် သီးခြား API လုပ်ဆောင်နိုင်စွမ်းတစ်ခုအလိုက် စစ်ထုတ်ပြီး ထုတ်ယူမည့်ဒေတာကို ပရောဂျက်၊ အသုံးပြုသူ၊ API သော့၊ မော်ဒယ်၊ အစု သို့မဟုတ် ဝန်ဆောင်မှုအဆင့်အလိုက် အုပ်စုဖွဲ့နိုင်ပါသည်။

ထုတ်ယူမည့်ဖိုင်ကို ဖန်တီးပြီး ဒေါင်းလုဒ်လုပ်ပါ

1. သင်လိုချင်သည့် အစီရင်ခံစာအတွက် သတ်မှတ်ချက်များ သတ်မှတ်ပြီးနောက် ထုတ်ယူရန် ဒိုင်ယာလော့ဂ်တွင် ဒေါင်းလုဒ်လုပ်ရန် ကို ရွေးပါ။

2. အစီရင်ခံစာကို ဖန်တီးရန် အချိန်အနည်းငယ် ကြာနိုင်ပါသည်။ အဆင်သင့်ဖြစ်လျှင် ဖန်တီးထားသောဖိုင်ဘေးရှိ ဒေါင်းလုဒ်အိုင်ကွန်ကို ရွေးပါ။

အမေးများသော မေးခွန်းများ

အကောင့်ဝင်ပြီး အသုံးပြုမှုအကန့်ကို ဖွင့်နိုင်ပေမဲ့ ငွေတောင်းခံမှု ဆက်တင်တွေကို ဖွင့်မရပါဘူး။ ဘယ်လိုဖြေရှင်းရမလဲ။

ငွေတောင်းခံမှု ဆက်တင်အချို့အတွက် အဖွဲ့အစည်းဆိုင်ရာ ခွင့်ပြုချက်များ ထပ်မံလိုအပ်နိုင်ပါသည်။ ခွင့်ပြုချက်များကို ပြန်လည်စစ်ဆေးရန် သို့မဟုတ် တောင်းခံရန် သင့်အဖွဲ့အစည်းပိုင်ရှင်ကို ဆက်သွယ်ပါ။

ဒေါင်းလုဒ်ခလုတ်ကို ရွေးပြီးနောက် ဖိုင်က ဘာကြောင့် ချက်ချင်းမပေါ်လာတာလဲ။

ထုတ်ယူမည့် ဒေတာပမာဏပေါ်မူတည်၍ ဒေါင်းလုဒ်လုပ်နိုင်သည့်ဖိုင်ကို ဖန်တီးရန် ခဏကြာနိုင်ပြီး ဖန်တီးပြီးသည်နှင့် ဒေါင်းလုဒ်လုပ်နိုင်ပါမည်။

ဒီဒေတာထုတ်ယူမှုအတွက် ဘယ်အချိန်ဇုန်ကို အသုံးပြုထားသလဲ။

အသုံးပြုမှု ဒက်ရှ်ဘုတ်ရှိ ရက်စွဲနှင့် အချိန်များကို UTC ဖြင့် ပြသထားပါသည်။

ငွေတောင်းခံလွှာနဲ့ ထုတ်ယူထားတဲ့ ကုန်ကျစရိတ် အသေးစိတ်စာရင်းက ဘာကြောင့် မကိုက်ညီတာလဲ။

အောက်ပါတို့ကို စစ်ဆေးပါ။

• ထုတ်ယူထားသောဒေတာနှင့် ငွေတောင်းခံလွှာကို စာရင်းတိုက်စစ်ရာတွင် နှစ်ခုစလုံးသည် အဖွဲ့အစည်းတစ်ခုတည်းအတွက် ဖြစ်ကြောင်း သေချာပါစေ။ သင့်တွင် အဖွဲ့အစည်းများစွာရှိလျှင် အရောင်းလုပ်ငန်းစဉ်အတွင်း သင်တောင်းဆိုခဲ့သော ငွေတောင်းခံမှုအစီအစဉ်ပေါ်မူတည်၍ ငွေတောင်းခံလွှာများကို သီးခြားစီ သို့မဟုတ် ပေါင်းစည်း၍ ထုတ်ပေးနိုင်ပါသည်။

• မှန်ကန်သောကာလအတွက် စာရင်းတိုက်စစ်နေကြောင်း သေချာပါစေ။ ငွေတောင်းခံလွှာများသည် ပြက္ခဒိန်လအလိုက် ဖြစ်ပါသည်။ ဥပမာအားဖြင့် UTC အချိန်အရ ၂၀၂၆ ခုနှစ် ဇန်နဝါရီ ၁ ရက်မှ ၃၁ ရက်အထိ အသုံးပြုမှုအတွက် ဖေဖော်ဝါရီလတွင် ငွေတောင်းခံလွှာ ထုတ်ပေးပါသည်။

သုံးစွဲငွေစာရင်း တိုက်စစ်ရာတွင် အခက်အခဲရှိနေသေးလျှင် ထပ်မံအကူအညီရယူရန် ကျွန်ုပ်တို့၏ ပံ့ပိုးကူညီရေးအဖွဲ့ကို ဆက်သွယ်ပါ။