ਸੰਖੇਪ ਜਾਣਕਾਰੀ

ਡੀਪ ਰਿਸਰਚ ਰੀਜ਼ਨਿੰਗ, ਖੋਜ ਅਤੇ ਜਾਣਕਾਰੀ ਦਾ ਸਾਰ ਕੱਢ ਕੇ ਉਸਨੂੰ ਸਰੋਤਾਂ ਸਮੇਤ ਰਿਪੋਰਟ ਵਿੱਚ ਪੇਸ਼ ਕਰਦੀ ਹੈ, ਜਿਸ ਨਾਲ ਤੁਸੀਂ ਔਨਲਾਈਨ ਗੁੰਝਲਦਾਰ ਕੰਮ ਪੂਰੇ ਕਰ ਸਕਦੇ ਹੋ. ਇਹ ਅੱਪਲੋਡ ਕੀਤੀਆਂ ਫ਼ਾਈਲਾਂ ਨਾਲ ਕੰਮ ਕਰ ਸਕਦੀ ਹੈ, ਜਨਤਕ ਵੈੱਬ ਜਾਂ ਖ਼ਾਸ ਸਾਈਟਾਂ ਉੱਤੇ ਖੋਜ ਕਰ ਸਕਦੀ ਹੈ ਅਤੇ ਚਾਲੂ ਕੀਤੀਆਂ ChatGPT ਐਪਾਂ ਵਰਤ ਸਕਦੀ ਹੈ.

ਡੀਪ ਰਿਸਰਚ ਕਿਵੇਂ ਕੰਮ ਕਰਦੀ ਹੈ

1. ਤੁਸੀਂ ਦੱਸਦੇ ਹੋ ਕਿ ਤੁਹਾਨੂੰ ਕਿਹੜਾ ਨਤੀਜਾ ਚਾਹੀਦਾ ਹੈ.

2. ਲੋੜ ਪੈਣ ਉੱਤੇ ਵੈੱਬਸਾਈਟਾਂ ਜਾਂ ਅੱਪਲੋਡ ਕੀਤੀਆਂ ਫ਼ਾਈਲਾਂ ਚੁਣੋ. ਯੋਗ ਕਨੈਕਟ ਕੀਤੀਆਂ ਐਪਾਂ ਉਦੋਂ ਆਪਣੇ-ਆਪ ਉਪਲਬਧ ਹੋ ਜਾਂਦੀਆਂ ਹਨ, ਜਦੋਂ ਉਨ੍ਹਾਂ ਦੀਆਂ ਇਜਾਜ਼ਤਾਂ ਅਤੇ ਵਰਕਸਪੇਸ ਸੈਟਿੰਗਾਂ ਇਸਦੀ ਆਗਿਆ ਦਿੰਦੀਆਂ ਹਨ.

3. ChatGPT ਇੱਕ ਪ੍ਰਸਤਾਵਿਤ ਰਿਸਰਚ ਯੋਜਨਾ ਬਣਾਉਂਦਾ ਹੈ. ਤੁਸੀਂ ਰਿਸਰਚ ਸ਼ੁਰੂ ਹੋਣ ਤੋਂ ਪਹਿਲਾਂ ਇਸਦੀ ਸਮੀਖਿਆ ਅਤੇ ਸੋਧ ਕਰ ਸਕਦੇ ਹੋ.

4. ਤੁਸੀਂ ਰਿਸਰਚ ਚੱਲਣ ਦੌਰਾਨ ਉਸਦੀ ਪ੍ਰਗਤੀ ਦੇਖ ਸਕਦੇ ਹੋ ਅਤੇ ਉਸਦਾ ਕੇਂਦਰ ਹੋਰ ਸਟੀਕ ਕਰਨ ਲਈ ਉਸਨੂੰ ਕਿਸੇ ਵੀ ਵੇਲੇ ਰੋਕ ਸਕਦੇ ਹੋ. ਇਸ ਵਿੱਚ ਉਨ੍ਹਾਂ ਸਰੋਤਾਂ ਨੂੰ ਬਦਲਣਾ ਵੀ ਸ਼ਾਮਲ ਹੈ ਜਿਨ੍ਹਾਂ ਤੱਕ ਇਹ ਪਹੁੰਚ ਕਰ ਸਕਦੀ ਹੈ.

5. ਤੁਹਾਨੂੰ ਹਵਾਲਿਆਂ ਜਾਂ ਸਰੋਤ ਲਿੰਕਾਂ ਵਾਲੀ ਇੱਕ ਵਿਵਸਥਿਤ ਰਿਪੋਰਟ ਮਿਲਦੀ ਹੈ, ਤਾਂ ਜੋ ਤੁਸੀਂ ਜਾਣਕਾਰੀ ਦੀ ਪੁਸ਼ਟੀ ਕਰ ਸਕੋ.

ਤੇਜ਼ ਅਤੇ ਸਹੀ ਨਤੀਜਿਆਂ ਲਈ ਡੀਪ ਰਿਸਰਚ ਨਵੀਨਤਮ ਮਾਡਲਾਂ ਨਾਲ ਸੰਚਾਲਿਤ ਹੈ. ਜੇ ਤੁਸੀਂ ਚਾਹੋ, ਤਾਂ ਡੀਪ ਰਿਸਰਚ ਦੇ ਕਿਸੇ ਕੰਮ ਲਈ ਪੁਰਾਣਾ ਮਾਡਲ ਚੁਣ ਸਕਦੇ ਹੋ.

ਡੀਪ ਰਿਸਰਚ ਕਦੋਂ ਵਰਤਣੀ ਹੈ

ਕਈ ਪੜਾਵਾਂ ਵਾਲੇ ਜਾਂ ਡੂੰਘਾਈ ਨਾਲ ਜਵਾਬ ਦੇਣ ਵਾਲੇ ਸਵਾਲਾਂ ਲਈ ਡੀਪ ਰਿਸਰਚ ਵਰਤੋ, ਜਿਨ੍ਹਾਂ ਵਾਸਤੇ ਕਈ ਸਰੋਤਾਂ ਤੋਂ ਜਾਣਕਾਰੀ ਇਕੱਠੀ ਕਰਕੇ ਉਸਦਾ ਵਿਸ਼ਲੇਸ਼ਣ ਕਰਨਾ ਲੋੜੀਂਦਾ ਹੈ, ਖ਼ਾਸ ਕਰਕੇ ਜਦੋਂ ਤੁਸੀਂ ਵਰਤੇ ਜਾਣ ਵਾਲੇ ਸਰੋਤਾਂ ਨੂੰ ਖ਼ੁਦ ਚੁਣਨਾ ਚਾਹੁੰਦੇ ਹੋ.

ਤੁਰੰਤ ਜਾਣਕਾਰੀ ਲੱਭਣ ਜਾਂ ਛੋਟੀ ਗੱਲਬਾਤ ਲਈ ਆਮ ਚੈਟ ਵਧੇਰੇ ਤੇਜ਼ ਹੋ ਸਕਦੀ ਹੈ.

ਵਰਤੋਂ ਅਤੇ ਸੀਮਾਵਾਂ

ਡੀਪ ਰਿਸਰਚ ਦੀ ਵਰਤੋਂ ਪਲਾਨ ਮੁਤਾਬਕ ਵੱਖਰੀ ਹੁੰਦੀ ਹੈ. ਉਤਪਾਦ ਵਿੱਚ ਮੌਜੂਦ ਵਰਤੋਂ ਕਾਊਂਟਰ ਤੁਹਾਡੇ ਬਾਕੀ ਕੰਮ ਦਿਖਾਉਂਦਾ ਹੈ. ਪੱਕੀ ਮਹੀਨਾਵਾਰ ਵਰਤੋਂ ਸੀਮਾ ਵਾਲੇ ਪਲਾਨਾਂ ਲਈ, ਇਹ ਤੁਹਾਡੀ ਪਹਿਲੀ ਵਰਤੋਂ ਦੀ ਮਿਤੀ ਤੋਂ ਹਰ 30 ਦਿਨਾਂ ਬਾਅਦ ਰੀਸੈੱਟ ਹੁੰਦਾ ਹੈ.

ਸ਼ੁਰੂ ਕਰੋ

ਰਿਸਰਚ ਦਾ ਕੰਮ ਸ਼ੁਰੂ ਕਰੋ

ਤੁਸੀਂ ਡੀਪ ਰਿਸਰਚ ਦਾ ਕੰਮ ਇਸ ਤਰ੍ਹਾਂ ਸ਼ੁਰੂ ਕਰ ਸਕਦੇ ਹੋ:

• ChatGPT ਦੇ ਪ੍ਰੌੰਪਟ ਵਿੱਚ ਸਿੱਧਾ /Deepresearch ਲਿਖ ਕੇ

• ChatGPT ਦੀ ਪ੍ਰੌੰਪਟ ਵਿੰਡੋ ਵਿੱਚ ਟੂਲ ਮੀਨੂ (+) ਤੋਂ ਡੀਪ ਰਿਸਰਚ ਚੁਣ ਕੇ

• ਸਾਈਡਬਾਰ ਮੀਨੂ ਤੋਂ ਡੀਪ ਰਿਸਰਚ ਚੁਣ ਕੇ

ਡਾਟਾ ਸਰੋਤ ਚੁਣੋ

ਡਿਫੌਲਟ

ਡਿਫੌਲਟ ਤੌਰ ਤੇ, ਡੀਪ ਰਿਸਰਚ ਇਨ੍ਹਾਂ ਤੱਕ ਪਹੁੰਚ ਸਕਦੀ ਹੈ:

• ਸਾਰਵਜਨਿਕ ਵੈੱਬ

• ਤੁਹਾਡੇ ਅੱਪਲੋਡ ਕੀਤੇ ਫਾਈਲਾਂ

ਕਨੈਕਟ ਕੀਤੀਆਂ ਐਪਾਂ

ਡੀਪ ਰਿਸਰਚ ਤੁਹਾਡੇ ਖਾਤੇ ਲਈ ਉਪਲਬਧ ਸਮਰਥਿਤ ਕਨੈਕਟ ਕੀਤੀਆਂ ਐਪਾਂ ਅਤੇ ਡਾਟਾ ਸੇਵਾਵਾਂ ਵਰਤ ਸਕਦੀ ਹੈ. ਤੁਹਾਡੇ ਪਲਾਨ, ਖੇਤਰ, ਵਰਕਸਪੇਸ ਸੈਟਿੰਗਾਂ ਅਤੇ ਐਪ ਦੀਆਂ ਸਮਰੱਥਾਵਾਂ ਦੇ ਆਧਾਰ ਉੱਤੇ, ਉਪਲਬਧ ਸਰੋਤਾਂ ਵਿੱਚ Google Drive ਜਾਂ SharePoint ਵਰਗੇ ਦਸਤਾਵੇਜ਼ ਭੰਡਾਰ ਅਤੇ ਪ੍ਰਮਾਣਿਤ ਉਦਯੋਗਿਕ ਡਾਟਾ ਸੇਵਾਵਾਂ ਸ਼ਾਮਲ ਹੋ ਸਕਦੀਆਂ ਹਨ.

ਜਿੱਥੇ ਲਾਗੂ ਹੋਵੇ, ਐਪ ਡੀਪ ਰਿਸਰਚ ਲਈ ਉਪਲਬਧ ਅਤੇ ਤੁਹਾਡੇ ਵਰਕਸਪੇਸ ਤੇ ਭੂਮਿਕਾ ਲਈ ਚਾਲੂ ਹੋਣੀ ਚਾਹੀਦੀ ਹੈ. ਜਦੋਂ ਕਿਸੇ ਐਪ ਲਈ ਵਿਅਕਤੀਗਤ ਅਧਿਕਾਰ ਲੋੜੀਂਦਾ ਹੋਵੇ, ਤਾਂ ਅਜਿਹਾ ਖਾਤਾ ਕਨੈਕਟ ਕਰੋ ਜੋ ਤੁਹਾਡੀ ਲੋੜੀਂਦੀ ਜਾਣਕਾਰੀ ਤੱਕ ਪਹੁੰਚ ਕਰ ਸਕੇ. ਪ੍ਰਸ਼ਾਸਕ ਵੱਲੋਂ ਪ੍ਰਬੰਧਿਤ ਕੋਈ ਸਮਰਥਿਤ ਸਰੋਤ ਵਿਅਕਤੀਗਤ ਕਨੈਕਸ਼ਨ ਤੋਂ ਬਿਨਾਂ ਵੀ ਉਪਲਬਧ ਹੋ ਸਕਦਾ ਹੈ.

ਐਪ ਕਨੈਕਸ਼ਨ ਪ੍ਰਦਾਤਾ ਦੀਆਂ ਇਜਾਜ਼ਤਾਂ ਜਾਂ ਵਰਕਸਪੇਸ ਪਾਬੰਦੀਆਂ ਨੂੰ ਨਹੀਂ ਬਦਲਦੇ ਅਤੇ ਹਰ ਐਪ ਜਾਂ ਪਲੱਗਇਨ ਡੀਪ ਰਿਸਰਚ ਦਾ ਸਮਰਥਨ ਨਹੀਂ ਕਰਦਾ.

ਡੀਪ ਰਿਸਰਚ ਕਨੈਕਟ ਕੀਤੀਆਂ ਐਪਾਂ ਤੋਂ ਉਪਲਬਧ ਪੜ੍ਹਨ ਵਾਲੀਆਂ ਕਾਰਵਾਈਆਂ ਵਰਤਦੀ ਹੈ. ਇਹ ਰਿਸਰਚ ਦੇ ਹਿੱਸੇ ਵਜੋਂ ਐਪ ਦੀਆਂ ਲਿਖਣ ਵਾਲੀਆਂ ਕਾਰਵਾਈਆਂ ਨਹੀਂ ਵਰਤਦੀ.

ਐਪ ਕਨੈਕਟ ਕਰਨ ਦੀਆਂ ਹਿਦਾਇਤਾਂ ਲਈ ਵੇਖੋ: ChatGPT ਵਿੱਚ ਐਪ ਖਾਤੇ ਕਨੈਕਟ ਕਰਨਾ ਅਤੇ ਉਨ੍ਹਾਂ ਦਾ ਪ੍ਰਬੰਧਨ ਕਰਨਾ.

ਐਪ ਦੇ ਅਧਿਕਾਰ ਅਤੇ ਵਰਕਸਪੇਸ ਪਾਬੰਦੀਆਂ ਬਾਰੇ ਜਾਣਕਾਰੀ ਲਈ ਵੇਖੋ: ChatGPT ਵਿੱਚ ਐਪ ਦੀਆਂ ਇਜਾਜ਼ਤਾਂ ਦਾ ਪ੍ਰਬੰਧਨ ਕਰਨਾ.

ਤੁਹਾਡੇ ਵੱਲੋਂ ਦੱਸੇ ਵੈੱਬ ਸਰੋਤ (ਖ਼ਾਸ ਸਾਈਟਾਂ)

ਖ਼ਾਸ ਵੈੱਬਸਾਈਟਾਂ ਉੱਤੇ ਰਿਸਰਚ ਕੇਂਦਰਿਤ ਕਰਨ ਲਈ ChatGPT ਦੀ ਪ੍ਰੌੰਪਟ ਵਿੰਡੋ ਵਿੱਚ ਸਾਈਟਾਂ > ਸਾਈਟਾਂ ਦਾ ਪ੍ਰਬੰਧਨ ਕਰੋ ਉੱਤੇ ਜਾਓ.

ਤੁਸੀਂ ਰਿਸਰਚ ਨੂੰ ਸਿਰਫ਼ ਆਪਣੀਆਂ ਦਰਜ ਕੀਤੀਆਂ ਵੈੱਬਸਾਈਟਾਂ ਜਾਂ ਡੋਮੇਨਾਂ ਤੱਕ ਸੀਮਤ ਕਰ ਸਕਦੇ ਹੋ ਜਾਂ ਵਿਆਪਕ ਵੈੱਬ ਉੱਤੇ ਖੋਜ ਜਾਰੀ ਰੱਖਦੇ ਹੋਏ ਖ਼ਾਸ ਸਰੋਤਾਂ ਨੂੰ ਵਧੇਰੇ ਮਹੱਤਤਾ ਦੇਣ ਲਈ ਇਨ੍ਹਾਂ ਸਾਈਟਾਂ ਨੂੰ ਤਰਜੀਹ ਦਿਓ, ਪਰ ਪੂਰੇ ਵੈੱਬ ਉੱਤੇ ਖੋਜ ਕਰਨ ਦਿਓ ਚੁਣ ਸਕਦੇ ਹੋ.

ਤੁਸੀਂ ਵੈੱਬਸਾਈਟਾਂ ਨੂੰ ਕੌਮਿਆਂ ਨਾਲ ਵੱਖ ਕੀਤੀ ਸੂਚੀ ਵਜੋਂ ਵੀ ਦਰਜ ਕਰ ਸਕਦੇ ਹੋ.

ਆਪਣਾ ਪ੍ਰੌੰਪਟ ਦਰਜ ਕਰੋ

ਇੱਕ ਚੰਗਾ ਡੀਪ ਰਿਸਰਚ ਪ੍ਰੌੰਪਟ ਸਵਾਲ, ਲੋੜੀਂਦੇ ਨਤੀਜੇ ਅਤੇ ਸੰਬੰਧਿਤ ਪਾਬੰਦੀਆਂ ਦਾ ਸਪਸ਼ਟ ਵਰਣਨ ਕਰਦਾ ਹੈ.

ਰਿਸਰਚ ਸ਼ੁਰੂ ਹੋਣ ਤੋਂ ਪਹਿਲਾਂ ChatGPT ਤੁਹਾਡੇ ਟੀਚਿਆਂ ਦੀ ਪੁਸ਼ਟੀ ਕਰਨ ਲਈ ਸਪਸ਼ਟੀਕਰਨ ਵਾਲੇ ਸਵਾਲ ਪੁੱਛ ਸਕਦਾ ਹੈ. ਤੁਸੀਂ ਇਸਦੀ ਪ੍ਰਸਤਾਵਿਤ ਰਿਸਰਚ ਯੋਜਨਾ ਦੀ ਸਮੀਖਿਆ ਅਤੇ ਸੋਧ ਕਰ ਸਕਦੇ ਹੋ, ਤਾਂ ਜੋ ਰਿਪੋਰਟ ਤੁਹਾਡੇ ਉਦੇਸ਼ ਮੁਤਾਬਕ ਬਣੀ ਰਹੇ.

ਆਪਣੇ ਨਤੀਜੇ ਡਾਊਨਲੋਡ ਕਰਕੇ ਉਨ੍ਹਾਂ ਦੀ ਸਮੀਖਿਆ ਕਰੋ

ਡੀਪ ਰਿਸਰਚ ਦੇ ਸਾਰੇ ਨਤੀਜਿਆਂ ਵਿੱਚ ਹਵਾਲੇ ਜਾਂ ਸਰੋਤ ਲਿੰਕ ਸ਼ਾਮਲ ਹੁੰਦੇ ਹਨ, ਤਾਂ ਜੋ ਤੁਸੀਂ ਜਾਣਕਾਰੀ ਦੀ ਪੁਸ਼ਟੀ ਕਰ ਸਕੋ.

ਪੂਰੀ ਹੋਈ ਰਿਸਰਚ ਪੂਰੀ ਸਕ੍ਰੀਨ ਵਾਲੇ ਰਿਪੋਰਟ ਦ੍ਰਿਸ਼ ਵਿੱਚ ਖੁੱਲ੍ਹਦੀ ਹੈ, ਜਿਸ ਵਿੱਚ ਇਹ ਸ਼ਾਮਲ ਹਨ:

• ਲੰਬੀਆਂ ਰਿਪੋਰਟਾਂ ਵਿੱਚ ਅੱਗੇ-ਪਿੱਛੇ ਜਾਣ ਲਈ ਵਿਸ਼ਾ-ਸੂਚੀ

• ਹਵਾਲਿਆਂ ਦੀ ਜਾਂਚ ਲਈ ਵਰਤੇ ਗਏ ਸਰੋਤਾਂ ਦਾ ਭਾਗ

• ਰਿਸਰਚ ਦੀ ਪ੍ਰਗਤੀ ਦਿਖਾਉਣ ਵਾਲਾ ਸਰਗਰਮੀ ਇਤਿਹਾਸ

ਤੁਸੀਂ ਪੂਰੀਆਂ ਹੋਈਆਂ ਰਿਪੋਰਟਾਂ ਨੂੰ ਮੁੜ ਵਰਤਣ ਜਾਂ ਸਾਂਝਾ ਕਰਨ ਲਈ Markdown, Word ਅਤੇ PDF ਸਮੇਤ ਕਈ ਫਾਰਮੈਟਾਂ ਵਿੱਚ ਡਾਊਨਲੋਡ ਕਰ ਸਕਦੇ ਹੋ.

ਐਂਟਰਪ੍ਰਾਈਜ਼ ਐਡਮਿਨ ਕੰਟਰੋਲ ਅਤੇ ਡਾਟਾ ਗੋਪਨੀਯਤਾ

ਰੋਲ-ਬੇਸਡ ਐਕਸੈਸ ਕੰਟਰੋਲ (RBAC)

ਐਂਟਰਪ੍ਰਾਈਜ਼ ਅਤੇ ਸਿੱਖਿਆ ਵਰਕਸਪੇਸਾਂ ਲਈ, ਪ੍ਰਸ਼ਾਸਕ ਰੋਲ-ਬੇਸਡ ਐਕਸੈਸ ਕੰਟਰੋਲ (RBAC) ਰਾਹੀਂ ਡੀਪ ਰਿਸਰਚ ਤੱਕ ਪਹੁੰਚ ਨੂੰ ਕੰਟਰੋਲ ਕਰਦੇ ਹਨ. ਹੋਰ ਜਾਣਕਾਰੀ ਲਈ ਵੇਖੋ: RBAC.

ਡੀਪ ਰਿਸਰਚ ਵਰਕਸਪੇਸ ਵਿੱਚ ਐਪਾਂ ਚਾਲੂ ਹੋਣ ਦੀ ਸਥਿਤੀ, ਭੂਮਿਕਾ ਅਧਾਰਿਤ ਪਹੁੰਚ ਅਤੇ ਕਨੈਕਟ ਕੀਤੇ ਖਾਤੇ ਦੀਆਂ ਇਜਾਜ਼ਤਾਂ ਦੀ ਪਾਲਣਾ ਕਰਦੀ ਹੈ. ਕੋਈ ਐਪ ਰਿਸਰਚ ਸਰੋਤ ਵਜੋਂ ਸਿਰਫ਼ ਉਦੋਂ ਦਿਖਾਈ ਦਿੰਦੀ ਹੈ, ਜਦੋਂ ਉਹ ਡੀਪ ਰਿਸਰਚ ਦਾ ਸਮਰਥਨ ਕਰਦੀ ਹੋਵੇ ਅਤੇ ਖਾਤੇ ਤੇ ਵਰਕਸਪੇਸ ਲਈ ਉਪਲਬਧ ਹੋਵੇ. ਕਿਸੇ ਵਰਕਸਪੇਸ ਲਈ ਐਪ ਚਾਲੂ ਕਰਨ ਨਾਲ ਇਹ ਯਕੀਨੀ ਨਹੀਂ ਹੁੰਦਾ ਕਿ ਉਹ ਡੀਪ ਰਿਸਰਚ ਦਾ ਸਮਰਥਨ ਕਰਦੀ ਹੈ ਜਾਂ ਹਰ ਮੈਂਬਰ ਪ੍ਰਦਾਤਾ ਦੀ ਇੱਕੋ ਸਮੱਗਰੀ ਤੱਕ ਪਹੁੰਚ ਕਰ ਸਕਦਾ ਹੈ.

ਵਰਕਸਪੇਸ ਦੇ ਪ੍ਰਸ਼ਾਸਨ ਲਈ ਵੇਖੋ: ਪਲੱਗਇਨਾਂ ਅਤੇ ਐਪਾਂ ਲਈ ਪ੍ਰਸ਼ਾਸਕੀ ਕੰਟਰੋਲ, ਸੁਰੱਖਿਆ ਅਤੇ ਪਾਲਣਾ.

ਡਾਟਾ ਦੀ ਪਰਦੇਦਾਰੀ

ਡੀਪ ਰਿਸਰਚ ਵਾਲੀਆਂ ਗੱਲਬਾਤਾਂ ਲਈ ਡਾਟਾ ਸੰਭਾਲਣ ਅਤੇ ਪਰਦੇਦਾਰੀ ਦੀਆਂ ਉਹੀ ਸੈਟਿੰਗਾਂ ਲਾਗੂ ਹੁੰਦੀਆਂ ਹਨ ਜੋ ChatGPT ਦੀਆਂ ਆਮ ਗੱਲਬਾਤਾਂ ਲਈ ਹਨ. ਤੁਸੀਂ ਆਪਣੇ ਡਾਟਾ ਕੰਟਰੋਲਾਂ ਵਿੱਚ ਡਾਟਾ ਸੰਭਾਲਣ ਦੀ ਮਿਆਦ ਅਤੇ ਸਿਖਲਾਈ ਸੰਬੰਧੀ ਤਰਜੀਹਾਂ ਦਾ ਪ੍ਰਬੰਧਨ ਕਰ ਸਕਦੇ ਹੋ. ਹੋਰ ਜਾਣਕਾਰੀ ਲਈ ਵੇਖੋ: ChatGPT ਵਿੱਚ ਚੈਟ ਅਤੇ ਫ਼ਾਈਲ ਦੀਆਂ ਰਿਟੈਂਸ਼ਨ ਪਾਲਿਸੀਆਂ.

ਕੰਪਲਾਇਅੰਸ API

ਡੀਪ ਰਿਸਰਚ ਸਰਗਰਮੀ ਦੇ ਵੇਰਵੇ ਕਨਵਰਸੇਸ਼ਨ API ਵਿੱਚ ਉਸ ਗੱਲਬਾਤ ਦੇ ਨਾਲ ਦਿੱਤੇ ਜਾਂਦੇ ਹਨ ਜਿਸ ਵਿੱਚ ਕੰਮ ਸ਼ੁਰੂ ਕੀਤਾ ਗਿਆ ਸੀ.

ਇਸ ਵਿੱਚ ਕੀ ਸ਼ਾਮਲ ਹੈ ਅਤੇ ਉਸਨੂੰ ਕਿਵੇਂ ਲੱਭਣਾ ਹੈ, ਇਸਦੇ ਵੇਰਵਿਆਂ ਲਈ ਵੇਖੋ: ਕਨਵਰਸੇਸ਼ਨ API ਦਾ ਹਵਾਲਾ ਦਸਤਾਵੇਜ਼.

ਅਕਸਰ ਪੁੱਛੇ ਜਾਂਦੇ ਸਵਾਲ

ਮੈਨੂੰ ਖੋਜ ਕਦੋਂ ਵਰਤਣੀ ਚਾਹੀਦੀ ਹੈ ਅਤੇ ਡੀਪ ਰਿਸਰਚ ਕਦੋਂ?

ਤੁਰੰਤ ਤੱਥਾਂ ਲਈ ਖੋਜ ਵਰਤੋ, ਅਤੇ ਗਹਿਰਾਈ ਤੇ ਪੂਰਨਤਾ ਲਈ ਡੀਪ ਰਿਸਰਚ ਵਰਤੋ.

ਖੋਜ ਤਾਜ਼ਾ ਵੈੱਬ ਜਾਣਕਾਰੀ ਨੂੰ ਜਲਦੀ ਲਿਆਉਂਦੀ ਹੈ ਅਤੇ ਲਿੰਕਾਂ ਸਮੇਤ ਛੋਟਾ ਸਾਰ ਦਿੰਦੀ ਹੈ. ਡੀਪ ਰਿਸਰਚ ਕਈ ਸਰੋਤਾਂ ਨੂੰ ਪੜ੍ਹਨ ਅਤੇ ਵਿਸ਼ਲੇਸ਼ਣ ਕਰਨ ਵਿੱਚ ਹੋਰ ਸਮਾਂ ਲੈਂਦੀ ਹੈ, ਫਿਰ ਇੱਕ ਵਿਸਤ੍ਰਿਤ, ਦਸਤਾਵੇਜ਼ੀ ਰਿਪੋਰਟ ਤਿਆਰ ਕਰਦੀ ਹੈ.

ਕੀ ਡੀਪ ਰਿਸਰਚ ਸਾਰੇ ਦੇਸ਼ਾਂ ਵਿੱਚ ਕੰਮ ਕਰਦੀ ਹੈ?

ਨਹੀਂ. ਉਪਲਬਧਤਾ ਤੁਹਾਡੇ ਪਲਾਨ ਅਤੇ ਤੁਹਾਡੇ ਦੇਸ਼ ਜਾਂ ਖੇਤਰ ਤੇ ਨਿਰਭਰ ਕਰਦੀ ਹੈ.

ਰਿਸਰਚ ਚੱਲਣ ਦੌਰਾਨ ਮੇਰੇ ਕੋਲ ਕਿਹੜੇ ਕੰਟਰੋਲ ਹੁੰਦੇ ਹਨ?

ਤੁਸੀਂ ਰਿਸਰਚ ਸ਼ੁਰੂ ਹੋਣ ਤੋਂ ਪਹਿਲਾਂ ਉਸਦੀ ਯੋਜਨਾ ਸੋਧ ਸਕਦੇ ਹੋ, ਰੀਅਲ ਟਾਈਮ ਵਿੱਚ ਪ੍ਰਗਤੀ ਦੇਖ ਸਕਦੇ ਹੋ, ਰਿਸਰਚ ਨੂੰ ਰੋਕ ਕੇ ਉਸਦਾ ਕੇਂਦਰ ਬਦਲ ਸਕਦੇ ਹੋ ਅਤੇ ਇਹ ਤੈਅ ਕਰ ਸਕਦੇ ਹੋ ਕਿ ਰਿਸਰਚ ਕਿਹੜੇ ਸਰੋਤਾਂ ਤੱਕ ਪਹੁੰਚ ਕਰ ਸਕਦੀ ਹੈ.

ਕੀ ਮੈਂ ਡੀਪ ਰਿਸਰਚ ਲਈ ਕੋਈ ਵੱਖਰਾ ਮਾਡਲ ਚੁਣ ਸਕਦਾ ਹਾਂ?

ਹਾਂ. ਡੀਪ ਰਿਸਰਚ ਡਿਫੌਲਟ ਤੌਰ ਤੇ ਨਵੀਨਤਮ ਮਾਡਲ ਦੁਆਰਾ ਸੰਚਾਲਿਤ ਹੁੰਦੀ ਹੈ, ਅਤੇ ਜੇ ਤੁਸੀਂ ਚਾਹੋ ਤਾਂ ਡੀਪ ਰਿਸਰਚ ਲਈ ਲੈਗਸੀ ਮਾਡਲ ਵਰਤਣਾ ਜਾਰੀ ਰੱਖ ਸਕਦੇ ਹੋ.

ਮੇਰੇ ਡੀਪ ਰਿਸਰਚ ਨਤੀਜੇ ਕਿੰਨਾ ਸਮਾਂ ਉਪਲਬਧ ਰਹਿਣਗੇ?

ਡੀਪ ਰਿਸਰਚ ਨਤੀਜਿਆਂ ਉੱਤੇ ਗੱਲਬਾਤ ਦੀ ਰਿਟੈਂਸ਼ਨ ਪਾਲਿਸੀ ਲਾਗੂ ਹੁੰਦੀ ਹੈ, ਜਿਸ ਵਿੱਚ ਵਰਕਸਪੇਸ ਦੀਆਂ ਲਾਗੂ ਡਾਟਾ ਸੰਭਾਲ ਸੈਟਿੰਗਾਂ ਵੀ ਸ਼ਾਮਲ ਹਨ. ਉਸ ਪਾਲਿਸੀ ਅਧੀਨ, ਚੈਟ ਮਿਟਾਉਣ ਨਾਲ ਉਸਦੇ ਨਾਲ ਸੰਬੰਧਿਤ ਡੀਪ ਰਿਸਰਚ ਦੇ ਨਤੀਜੇ ਵੀ ਮਿਟ ਜਾਂਦੇ ਹਨ. ਵੇਰਵਿਆਂ ਲਈ ਵੇਖੋ: ChatGPT ਵਿੱਚ ਚੈਟ ਅਤੇ ਫ਼ਾਈਲ ਦੀਆਂ ਰਿਟੈਂਸ਼ਨ ਪਾਲਿਸੀਆਂ.

ਜੇ ਮੇਰੇ ਕੰਮ ਲਈ ਤੁਰੰਤ ਜਵਾਬਾਂ ਦੀ ਲੋੜ ਹੋਵੇ ਤਾਂ ਕੀ ਕਰਾਂ?

ਜੇ ਸਮਾਂ ਬਹੁਤ ਮਹੱਤਵਪੂਰਨ ਹੈ, ਤਾਂ ਤੇਜ਼ ਜਵਾਬਾਂ ਲਈ ਖੋਜ ਜਾਂ ਮਿਆਰੀ ਚੈਟ ਵਰਤੋ ਅਤੇ ਗਹਿਰੇ ਵਿਸ਼ਲੇਸ਼ਣ ਲਈ ਡੀਪ ਰਿਸਰਚ ਸੰਭਾਲ ਕੇ ਰੱਖੋ.

ਡੀਪ ਰਿਸਰਚ ਲਈ ਕਿਹੜੀਆਂ ਐਪਾਂ ਉਪਲਬਧ ਹਨ?

ਰਿਸਰਚ ਸਰੋਤਾਂ ਵਜੋਂ ਸਿਰਫ਼ ਉਹੀ ਐਪਾਂ ਵਰਤੀਆਂ ਜਾ ਸਕਦੀਆਂ ਹਨ ਜੋ ਡੀਪ ਰਿਸਰਚ ਦਾ ਸਮਰਥਨ ਕਰਦੀਆਂ ਹਨ ਅਤੇ ਤੁਹਾਡੇ ਖਾਤੇ ਲਈ ਉਪਲਬਧ ਹਨ. ਉਪਲਬਧਤਾ ਤੁਹਾਡੇ ਪਲਾਨ, ਖੇਤਰ, ਵਰਕਸਪੇਸ ਦੀ ਸੰਰਚਨਾ, ਭੂਮਿਕਾ ਅਧਾਰਿਤ ਪਹੁੰਚ ਅਤੇ ਕਨੈਕਟ ਕੀਤੇ ਪ੍ਰਦਾਤਾ ਖਾਤੇ ਦੀਆਂ ਇਜਾਜ਼ਤਾਂ ਉੱਤੇ ਨਿਰਭਰ ਕਰਦੀ ਹੈ. ਕਿਸੇ ਐਪ ਦਾ ChatGPT ਵਿੱਚ ਉਪਲਬਧ ਹੋਣਾ ਜਾਂ ਕਿਸੇ ਪਲੱਗਇਨ ਵਿੱਚ ਸ਼ਾਮਲ ਹੋਣਾ ਹੀ ਇਹ ਸਾਬਤ ਨਹੀਂ ਕਰਦਾ ਕਿ ਉਹ ਡੀਪ ਰਿਸਰਚ ਲਈ ਵੀ ਉਪਲਬਧ ਹੈ.

ਐਪਾਂ ਦੀ ਉਪਲਬਧਤਾ ਅਤੇ ਸਮਰੱਥਾਵਾਂ ਦੀ ਸੰਖੇਪ ਜਾਣਕਾਰੀ ਲਈ ਵੇਖੋ: ChatGPT ਵਿੱਚ ਕਨੈਕਟ ਕੀਤੀਆਂ ਐਪਾਂ.

ਜੇ ਉਮੀਦ ਕੀਤਾ ਸਰੋਤ ਮੌਜੂਦ ਨਹੀਂ ਹੈ, ਤਾਂ ਵੇਖੋ: ChatGPT ਵਿੱਚ ਐਪਾਂ ਦੀਆਂ ਸਮੱਸਿਆਵਾਂ ਹੱਲ ਕਰਨਾ.