ਸੰਖੇਪ ਜਾਣਕਾਰੀ

ਡੀਪ ਰਿਸਰਚ ਰੀਜ਼ਨਿੰਗ, ਖੋਜ ਅਤੇ ਜਾਣਕਾਰੀ ਦਾ ਸੰਸ਼ਲੇਸ਼ਣ ਕਰਕੇ ਉਸਨੂੰ ਸਰੋਤਾਂ ਸਮੇਤ ਰਿਪੋਰਟ ਵਿੱਚ ਪੇਸ਼ ਕਰਦੀ ਹੈ, ਜਿਸ ਨਾਲ ਤੁਸੀਂ ਔਖੇ ਔਨਲਾਈਨ ਕਾਰਜ ਪੂਰੇ ਕਰ ਸਕਦੇ ਹੋ. ਇਹ ਅੱਪਲੋਡ ਕੀਤੀਆਂ ਫ਼ਾਈਲਾਂ ਨਾਲ ਕੰਮ ਕਰ ਸਕਦੀ ਹੈ, ਜਨਤਕ ਵੈੱਬ ਜਾਂ ਖ਼ਾਸ ਸਾਈਟਾਂ 'ਤੇ ਖੋਜ ਕਰ ਸਕਦੀ ਹੈ ਅਤੇ ਚਾਲੂ ਕੀਤੀਆਂ ChatGPT ਐਪਾਂ ਵਰਤ ਸਕਦੀ ਹੈ.

ਡੀਪ ਰਿਸਰਚ ਕਿਵੇਂ ਕੰਮ ਕਰਦੀ ਹੈ

1. ਤੁਸੀਂ ਦੱਸਦੇ ਹੋ ਕਿ ਤੁਹਾਨੂੰ ਕਿਹੜਾ ਨਤੀਜਾ ਚਾਹੀਦਾ ਹੈ.

2. ਲੋੜ ਪੈਣ 'ਤੇ ਵੈੱਬਸਾਈਟਾਂ ਜਾਂ ਅੱਪਲੋਡ ਕੀਤੀਆਂ ਫ਼ਾਈਲਾਂ ਚੁਣੋ. ਯੋਗ ਕਨੈਕਟ ਕੀਤੀਆਂ ਐਪਾਂ ਉਦੋਂ ਆਪਣੇ ਆਪ ਉਪਲਬਧ ਹੁੰਦੀਆਂ ਹਨ, ਜਦੋਂ ਉਨ੍ਹਾਂ ਦੀਆਂ ਇਜਾਜ਼ਤਾਂ ਅਤੇ ਵਰਕਸਪੇਸ ਸੈਟਿੰਗਾਂ ਇਸਦੀ ਆਗਿਆ ਦਿੰਦੀਆਂ ਹਨ.

3. ChatGPT ਰਿਸਰਚ ਦੀ ਪ੍ਰਸਤਾਵਿਤ ਯੋਜਨਾ ਬਣਾਉਂਦਾ ਹੈ. ਤੁਸੀਂ ਰਿਸਰਚ ਸ਼ੁਰੂ ਹੋਣ ਤੋਂ ਪਹਿਲਾਂ ਇਸਦੀ ਸਮੀਖਿਆ ਕਰਕੇ ਇਸਨੂੰ ਸੋਧ ਸਕਦੇ ਹੋ.

4. ਰਿਸਰਚ ਚੱਲਣ ਦੌਰਾਨ ਤੁਸੀਂ ਇਸਦੀ ਪ੍ਰਗਤੀ ਦੇਖ ਸਕਦੇ ਹੋ ਅਤੇ ਕੇਂਦਰ-ਬਿੰਦੂ ਨੂੰ ਵਧੇਰੇ ਸਟੀਕ ਬਣਾਉਣ ਲਈ ਇਸਨੂੰ ਕਿਸੇ ਵੀ ਵੇਲੇ ਰੋਕ ਸਕਦੇ ਹੋ. ਇਸ ਵਿੱਚ ਇਸਦੀ ਸਰੋਤਾਂ ਤੱਕ ਪਹੁੰਚ ਬਦਲਣਾ ਵੀ ਸ਼ਾਮਲ ਹੈ.

5. ਤੁਹਾਨੂੰ ਹਵਾਲਿਆਂ ਜਾਂ ਸਰੋਤ ਲਿੰਕਾਂ ਵਾਲੀ ਇੱਕ ਵਿਵਸਥਿਤ ਰਿਪੋਰਟ ਮਿਲਦੀ ਹੈ, ਤਾਂ ਜੋ ਤੁਸੀਂ ਜਾਣਕਾਰੀ ਦੀ ਪੁਸ਼ਟੀ ਕਰ ਸਕੋ.

ਤੇਜ਼ ਅਤੇ ਸਟੀਕ ਨਤੀਜਿਆਂ ਲਈ ਡੀਪ ਰਿਸਰਚ ਨਵੀਨਤਮ ਮਾਡਲਾਂ ਨਾਲ ਚੱਲਦੀ ਹੈ. ਜੇ ਤੁਸੀਂ ਚਾਹੋ, ਤਾਂ ਡੀਪ ਰਿਸਰਚ ਕਾਰਜ ਲਈ ਕੋਈ ਪੁਰਾਣਾ ਮਾਡਲ ਚੁਣ ਸਕਦੇ ਹੋ.

ਡੀਪ ਰਿਸਰਚ ਕਦੋਂ ਵਰਤਣੀ ਹੈ

ਕਈ ਪੜਾਵਾਂ ਵਾਲੇ ਜਾਂ ਡੂੰਘਾਈ ਨਾਲ ਜਵਾਬ ਮੰਗਣ ਵਾਲੇ ਸਵਾਲਾਂ ਲਈ ਡੀਪ ਰਿਸਰਚ ਵਰਤੋ, ਜਿਨ੍ਹਾਂ ਵਾਸਤੇ ਕਈ ਸਰੋਤਾਂ ਤੋਂ ਜਾਣਕਾਰੀ ਇਕੱਠੀ ਕਰਕੇ ਉਸਦਾ ਵਿਸ਼ਲੇਸ਼ਣ ਕਰਨਾ ਪੈਂਦਾ ਹੈ, ਖ਼ਾਸ ਕਰਕੇ ਜਦੋਂ ਤੁਸੀਂ ਵਰਤੇ ਜਾਣ ਵਾਲੇ ਸਰੋਤਾਂ ਨੂੰ ਖ਼ੁਦ ਕੰਟਰੋਲ ਕਰਨਾ ਚਾਹੁੰਦੇ ਹੋ.

ਤੁਰੰਤ ਜਾਣਕਾਰੀ ਲੱਭਣ ਜਾਂ ਛੋਟੀ ਗੱਲਬਾਤ ਲਈ, ਆਮ ਚੈਟ ਵਧੇਰੇ ਤੇਜ਼ ਹੋ ਸਕਦੀ ਹੈ.

ਵਰਤੋਂ ਅਤੇ ਸੀਮਾਵਾਂ

ਡੀਪ ਰਿਸਰਚ ਦੀ ਵਰਤੋਂ ਪਲਾਨ ਮੁਤਾਬਕ ਵੱਖ-ਵੱਖ ਹੁੰਦੀ ਹੈ. ਉਤਪਾਦ ਵਿੱਚ ਮੌਜੂਦ ਵਰਤੋਂ ਕਾਊਂਟਰ ਤੁਹਾਡੇ ਬਾਕੀ ਰਹਿੰਦੇ ਕਾਰਜ ਦਿਖਾਉਂਦਾ ਹੈ. ਤੈਅ ਮਾਸਿਕ ਕੋਟੇ ਵਾਲੇ ਪਲਾਨਾਂ ਲਈ, ਇਹ ਤੁਹਾਡੀ ਪਹਿਲੀ ਵਰਤੋਂ ਦੀ ਮਿਤੀ ਤੋਂ ਹਰ 30 ਦਿਨਾਂ ਬਾਅਦ ਰੀਸੈੱਟ ਹੁੰਦਾ ਹੈ.

ਸ਼ੁਰੂ ਕਰੋ

ਰਿਸਰਚ ਕਾਰਜ ਸ਼ੁਰੂ ਕਰੋ

ਤੁਸੀਂ ਡੀਪ ਰਿਸਰਚ ਕਾਰਜ ਇਨ੍ਹਾਂ ਤਰੀਕਿਆਂ ਨਾਲ ਸ਼ੁਰੂ ਕਰ ਸਕਦੇ ਹੋ:

• ChatGPT ਦੇ ਪ੍ਰੌੰਪਟ ਵਿੱਚ ਸਿੱਧਾ /Deepresearch ਲਿਖ ਕੇ

• ChatGPT ਦੀ ਪ੍ਰੌੰਪਟ ਵਿੰਡੋ ਵਿੱਚ ਟੂਲ ਮੀਨੂ (+) ਤੋਂ ਡੀਪ ਰਿਸਰਚ ਚੁਣ ਕੇ

• ਸਾਈਡਬਾਰ ਮੀਨੂ ਤੋਂ ਡੀਪ ਰਿਸਰਚ ਚੁਣ ਕੇ

ਡਾਟਾ ਸਰੋਤ ਚੁਣੋ

ਮੂਲ ਸੈਟਿੰਗ

ਮੂਲ ਰੂਪ ਵਿੱਚ, ਡੀਪ ਰਿਸਰਚ ਇਨ੍ਹਾਂ ਤੱਕ ਪਹੁੰਚ ਕਰ ਸਕਦੀ ਹੈ:

• ਜਨਤਕ ਵੈੱਬ

• ਤੁਹਾਡੇ ਵੱਲੋਂ ਅੱਪਲੋਡ ਕੀਤੀਆਂ ਫ਼ਾਈਲਾਂ

ਕਨੈਕਟ ਕੀਤੀਆਂ ਐਪਾਂ

ਡੀਪ ਰਿਸਰਚ ਤੁਹਾਡੇ ਖਾਤੇ ਲਈ ਉਪਲਬਧ ਸਮਰਥਿਤ ਕਨੈਕਟ ਕੀਤੀਆਂ ਐਪਾਂ ਅਤੇ ਡਾਟਾ ਸੇਵਾਵਾਂ ਨੂੰ ਵਰਤ ਸਕਦੀ ਹੈ. ਤੁਹਾਡੇ ਪਲਾਨ, ਖੇਤਰ, ਵਰਕਸਪੇਸ ਸੈਟਿੰਗਾਂ ਅਤੇ ਐਪ ਦੀਆਂ ਸਮਰੱਥਾਵਾਂ ਮੁਤਾਬਕ, ਉਪਲਬਧ ਸਰੋਤਾਂ ਵਿੱਚ Google Drive ਜਾਂ SharePoint ਵਰਗੇ ਦਸਤਾਵੇਜ਼ ਭੰਡਾਰ ਅਤੇ ਪ੍ਰਮਾਣਿਤ ਉਦਯੋਗਿਕ ਡਾਟਾ ਸੇਵਾਵਾਂ ਸ਼ਾਮਲ ਹੋ ਸਕਦੀਆਂ ਹਨ.

ਐਪ ਦਾ ਡੀਪ ਰਿਸਰਚ ਲਈ ਉਪਲਬਧ ਹੋਣਾ ਅਤੇ ਲਾਗੂ ਹੋਣ 'ਤੇ ਤੁਹਾਡੇ ਵਰਕਸਪੇਸ ਤੇ ਭੂਮਿਕਾ ਲਈ ਚਾਲੂ ਹੋਣਾ ਲਾਜ਼ਮੀ ਹੈ. ਜਦੋਂ ਕਿਸੇ ਐਪ ਲਈ ਵਿਅਕਤੀਗਤ ਅਧਿਕਾਰ ਦੀ ਲੋੜ ਹੋਵੇ, ਤਾਂ ਉਸ ਖਾਤੇ ਨੂੰ ਕਨੈਕਟ ਕਰੋ ਜੋ ਤੁਹਾਡੀ ਵਰਤਣਯੋਗ ਜਾਣਕਾਰੀ ਤੱਕ ਪਹੁੰਚ ਕਰ ਸਕਦਾ ਹੋਵੇ. ਪ੍ਰਸ਼ਾਸਕ ਵੱਲੋਂ ਪ੍ਰਬੰਧਿਤ ਕੋਈ ਸਮਰਥਿਤ ਸਰੋਤ ਵਿਅਕਤੀਗਤ ਕਨੈਕਸ਼ਨ ਤੋਂ ਬਿਨਾਂ ਵੀ ਉਪਲਬਧ ਹੋ ਸਕਦਾ ਹੈ.

ਐਪ ਕਨੈਕਸ਼ਨ ਪ੍ਰਦਾਤਾ ਦੀਆਂ ਇਜਾਜ਼ਤਾਂ ਜਾਂ ਵਰਕਸਪੇਸ ਪਾਬੰਦੀਆਂ ਨੂੰ ਦਰਕਿਨਾਰ ਨਹੀਂ ਕਰਦੇ ਅਤੇ ਹਰ ਐਪ ਜਾਂ ਪਲੱਗਇਨ ਡੀਪ ਰਿਸਰਚ ਦਾ ਸਮਰਥਨ ਨਹੀਂ ਕਰਦਾ.

ਡੀਪ ਰਿਸਰਚ ਕਨੈਕਟ ਕੀਤੀਆਂ ਐਪਾਂ ਦੀਆਂ ਉਪਲਬਧ ਪੜ੍ਹਨ ਵਾਲੀਆਂ ਕਾਰਵਾਈਆਂ ਵਰਤਦੀ ਹੈ. ਇਹ ਰਿਸਰਚ ਦੇ ਹਿੱਸੇ ਵਜੋਂ ਐਪ ਦੀਆਂ ਲਿਖਣ ਵਾਲੀਆਂ ਕਾਰਵਾਈਆਂ ਨਹੀਂ ਵਰਤਦੀ.

ਕਿਸੇ ਐਪ ਨੂੰ ਕਨੈਕਟ ਕਰਨ ਦੀਆਂ ਹਿਦਾਇਤਾਂ ਲਈ, ਇਹ ਦੇਖੋ: ChatGPT ਵਿੱਚ ਐਪ ਖਾਤਿਆਂ ਨੂੰ ਕਨੈਕਟ ਕਰਨਾ ਅਤੇ ਉਨ੍ਹਾਂ ਦਾ ਪ੍ਰਬੰਧਨ ਕਰਨਾ.

ਐਪ ਅਧਿਕਾਰ ਅਤੇ ਵਰਕਸਪੇਸ ਪਾਬੰਦੀਆਂ ਬਾਰੇ ਜਾਣਕਾਰੀ ਲਈ, ਇਹ ਦੇਖੋ: ChatGPT ਵਿੱਚ ਐਪ ਇਜਾਜ਼ਤਾਂ ਦਾ ਪ੍ਰਬੰਧਨ ਕਰਨਾ.

ਤੁਹਾਡੇ ਵੱਲੋਂ ਨਿਰਧਾਰਤ ਵੈੱਬ ਸਰੋਤ (ਖ਼ਾਸ ਸਾਈਟਾਂ)

ਰਿਸਰਚ ਨੂੰ ਖ਼ਾਸ ਵੈੱਬਸਾਈਟਾਂ ਤੱਕ ਕੇਂਦਰਿਤ ਕਰਨ ਲਈ, ChatGPT ਦੀ ਪ੍ਰੌੰਪਟ ਵਿੰਡੋ ਵਿੱਚ ਸਾਈਟਾਂ > ਸਾਈਟਾਂ ਦਾ ਪ੍ਰਬੰਧਨ ਕਰੋ 'ਤੇ ਜਾਓ.

ਤੁਸੀਂ ਰਿਸਰਚ ਨੂੰ ਸਿਰਫ਼ ਆਪਣੀਆਂ ਦਰਜ ਕੀਤੀਆਂ ਵੈੱਬਸਾਈਟਾਂ ਜਾਂ ਡੋਮੇਨਾਂ ਤੱਕ ਸੀਮਤ ਕਰ ਸਕਦੇ ਹੋ. ਜਾਂ ਵਿਆਪਕ ਵੈੱਬ 'ਤੇ ਖੋਜ ਜਾਰੀ ਰੱਖਦੇ ਹੋਏ ਖ਼ਾਸ ਸਰੋਤਾਂ ਨੂੰ ਵਧੇਰੇ ਮਹੱਤਵ ਦੇਣ ਲਈ ਇਨ੍ਹਾਂ ਸਾਈਟਾਂ ਨੂੰ ਤਰਜੀਹ ਦਿਓ, ਪਰ ਪੂਰੇ ਵੈੱਬ 'ਤੇ ਖੋਜ ਦੀ ਆਗਿਆ ਦਿਓ ਚੁਣ ਸਕਦੇ ਹੋ.

ਤੁਸੀਂ ਵੈੱਬਸਾਈਟਾਂ ਦੀ ਕਾਮਿਆਂ ਨਾਲ ਵੱਖ ਕੀਤੀ ਸੂਚੀ ਵੀ ਦਰਜ ਕਰ ਸਕਦੇ ਹੋ.

ਆਪਣਾ ਪ੍ਰੌੰਪਟ ਦਰਜ ਕਰੋ

ਇੱਕ ਵਧੀਆ ਡੀਪ ਰਿਸਰਚ ਪ੍ਰੌੰਪਟ ਵਿੱਚ ਸਵਾਲ, ਲੋੜੀਂਦੇ ਨਤੀਜੇ ਅਤੇ ਸੰਬੰਧਿਤ ਪਾਬੰਦੀਆਂ ਦਾ ਸਪਸ਼ਟ ਵਰਣਨ ਹੁੰਦਾ ਹੈ.

ਰਿਸਰਚ ਸ਼ੁਰੂ ਹੋਣ ਤੋਂ ਪਹਿਲਾਂ, ChatGPT ਤੁਹਾਡੇ ਟੀਚਿਆਂ ਦੀ ਪੁਸ਼ਟੀ ਕਰਨ ਲਈ ਸਪਸ਼ਟੀਕਰਨ ਵਾਲੇ ਸਵਾਲ ਪੁੱਛ ਸਕਦਾ ਹੈ. ਤੁਸੀਂ ਇਸਦੀ ਪ੍ਰਸਤਾਵਿਤ ਰਿਸਰਚ ਯੋਜਨਾ ਦੀ ਸਮੀਖਿਆ ਕਰਕੇ ਇਸਨੂੰ ਸੋਧ ਸਕਦੇ ਹੋ, ਤਾਂ ਜੋ ਰਿਪੋਰਟ ਤੁਹਾਡੇ ਟੀਚੇ ਮੁਤਾਬਕ ਬਣੀ ਰਹੇ.

ਆਪਣੇ ਨਤੀਜੇ ਡਾਊਨਲੋਡ ਕਰਕੇ ਉਨ੍ਹਾਂ ਦੀ ਸਮੀਖਿਆ ਕਰੋ

ਡੀਪ ਰਿਸਰਚ ਦੇ ਸਾਰੇ ਨਤੀਜਿਆਂ ਵਿੱਚ ਹਵਾਲੇ ਜਾਂ ਸਰੋਤ ਲਿੰਕ ਸ਼ਾਮਲ ਹੁੰਦੇ ਹਨ, ਤਾਂ ਜੋ ਤੁਸੀਂ ਜਾਣਕਾਰੀ ਦੀ ਪੁਸ਼ਟੀ ਕਰ ਸਕੋ.

ਪੂਰੀ ਹੋਈ ਰਿਸਰਚ ਪੂਰੀ ਸਕ੍ਰੀਨ ਵਾਲੇ ਰਿਪੋਰਟ ਦ੍ਰਿਸ਼ ਵਿੱਚ ਖੁੱਲ੍ਹਦੀ ਹੈ, ਜਿਸ ਵਿੱਚ ਇਹ ਸ਼ਾਮਲ ਹੁੰਦੇ ਹਨ:

• ਲੰਬੀਆਂ ਰਿਪੋਰਟਾਂ ਵਿੱਚ ਆਸਾਨੀ ਨਾਲ ਜਾਣ ਲਈ ਵਿਸ਼ਾ-ਸੂਚੀ

• ਹਵਾਲਿਆਂ ਦੀ ਜਾਂਚ ਲਈ ਵਰਤੇ ਗਏ ਸਰੋਤਾਂ ਦਾ ਭਾਗ

• ਰਿਸਰਚ ਦੀ ਪ੍ਰਗਤੀ ਦਿਖਾਉਣ ਵਾਲਾ ਗਤੀਵਿਧੀ ਇਤਿਹਾਸ

ਤੁਸੀਂ ਪੂਰੀਆਂ ਹੋਈਆਂ ਰਿਪੋਰਟਾਂ ਨੂੰ ਦੁਬਾਰਾ ਵਰਤਣ ਜਾਂ ਸਾਂਝਾ ਕਰਨ ਲਈ Markdown, Word ਅਤੇ PDF ਸਮੇਤ ਕਈ ਫਾਰਮੈਟਾਂ ਵਿੱਚ ਡਾਊਨਲੋਡ ਕਰ ਸਕਦੇ ਹੋ.

ਐਂਟਰਪ੍ਰਾਈਜ਼ ਐਡਮਿਨ ਕੰਟਰੋਲ ਅਤੇ ਡਾਟਾ ਗੋਪਨੀਯਤਾ

ਰੋਲ-ਬੇਸਡ ਐਕਸੈਸ ਕੰਟਰੋਲ (RBAC)

Enterprise ਅਤੇ Edu ਵਰਕਸਪੇਸਾਂ ਲਈ, ਪ੍ਰਸ਼ਾਸਕ ਰੋਲ-ਬੇਸਡ ਐਕਸੈਸ ਕੰਟਰੋਲ (RBAC) ਰਾਹੀਂ ਡੀਪ ਰਿਸਰਚ ਤੱਕ ਪਹੁੰਚ ਨੂੰ ਕੰਟਰੋਲ ਕਰਦੇ ਹਨ.

ਡੀਪ ਰਿਸਰਚ ਵਰਕਸਪੇਸ ਵਿੱਚ ਐਪ ਚਾਲੂ ਹੋਣ ਦੀ ਸਥਿਤੀ, ਭੂਮਿਕਾ-ਅਧਾਰਿਤ ਪਹੁੰਚ ਅਤੇ ਕਨੈਕਟ ਕੀਤੇ ਖਾਤੇ ਦੀਆਂ ਇਜਾਜ਼ਤਾਂ ਦੀ ਪਾਲਣਾ ਕਰਦੀ ਹੈ. ਕੋਈ ਐਪ ਰਿਸਰਚ ਸਰੋਤ ਵਜੋਂ ਸਿਰਫ਼ ਉਦੋਂ ਦਿਖਾਈ ਦਿੰਦੀ ਹੈ, ਜਦੋਂ ਉਹ ਡੀਪ ਰਿਸਰਚ ਦਾ ਸਮਰਥਨ ਕਰਦੀ ਹੋਵੇ ਅਤੇ ਖਾਤੇ ਤੇ ਵਰਕਸਪੇਸ ਲਈ ਉਪਲਬਧ ਹੋਵੇ. ਵਰਕਸਪੇਸ ਲਈ ਕਿਸੇ ਐਪ ਨੂੰ ਚਾਲੂ ਕਰਨ ਨਾਲ ਇਹ ਯਕੀਨੀ ਨਹੀਂ ਹੁੰਦਾ ਕਿ ਉਹ ਡੀਪ ਰਿਸਰਚ ਦਾ ਸਮਰਥਨ ਕਰਦੀ ਹੈ ਜਾਂ ਹਰ ਮੈਂਬਰ ਪ੍ਰਦਾਤਾ ਦੀ ਇੱਕੋ ਸਮੱਗਰੀ ਤੱਕ ਪਹੁੰਚ ਕਰ ਸਕਦਾ ਹੈ.

ਵਰਕਸਪੇਸ ਦੇ ਪ੍ਰਬੰਧਨ ਲਈ, ਇਹ ਦੇਖੋ: ਪਲੱਗਇਨਾਂ ਅਤੇ ਐਪਾਂ ਲਈ ਪ੍ਰਸ਼ਾਸਕੀ ਕੰਟਰੋਲ, ਸੁਰੱਖਿਆ ਅਤੇ ਅਨੁਪਾਲਨਾ.

ਡਾਟਾ ਪਰਦੇਦਾਰੀ

ਡੀਪ ਰਿਸਰਚ ਦੀ ਵਰਤੋਂ ਕਰਨ ਵਾਲੀਆਂ ਗੱਲਬਾਤਾਂ ਲਈ ਡਾਟਾ ਸੰਭਾਲਣ ਅਤੇ ਪਰਦੇਦਾਰੀ ਦੀਆਂ ਉਹੀ ਸੈਟਿੰਗਾਂ ਲਾਗੂ ਹੁੰਦੀਆਂ ਹਨ ਜੋ ChatGPT ਦੀਆਂ ਆਮ ਗੱਲਬਾਤਾਂ ਲਈ ਹੁੰਦੀਆਂ ਹਨ. ਤੁਸੀਂ ਆਪਣੇ ਡਾਟਾ ਕੰਟਰੋਲਾਂ ਵਿੱਚ ਡਾਟਾ ਰੱਖਣ ਦੀ ਮਿਆਦ ਅਤੇ ਸਿਖਲਾਈ ਸੰਬੰਧੀ ਤਰਜੀਹਾਂ ਦਾ ਪ੍ਰਬੰਧਨ ਕਰ ਸਕਦੇ ਹੋ. ਹੋਰ ਜਾਣਕਾਰੀ ਲਈ, ਇਹ ਦੇਖੋ: ChatGPT ਵਿੱਚ ਚੈਟ ਅਤੇ ਫ਼ਾਈਲਾਂ ਲਈ ਰਿਟੈਂਸ਼ਨ ਪਾਲਿਸੀਆਂ.

ਕੰਪਲਾਇਅੰਸ API

ਡੀਪ ਰਿਸਰਚ ਦੀ ਗਤੀਵਿਧੀ ਦਾ ਵੇਰਵਾ ਕਨਵਰਸੇਸ਼ਨ API ਵਿੱਚ ਉਸ ਗੱਲਬਾਤ ਦੇ ਨਾਲ ਦਿੱਤਾ ਜਾਂਦਾ ਹੈ ਜਿਸ ਵਿੱਚ ਕਾਰਜ ਸ਼ੁਰੂ ਕੀਤਾ ਗਿਆ ਸੀ.

ਇਸ ਵਿੱਚ ਕੀ ਸ਼ਾਮਲ ਹੈ ਅਤੇ ਇਸਨੂੰ ਕਿਵੇਂ ਲੱਭਣਾ ਹੈ, ਇਸ ਬਾਰੇ ਵੇਰਵਿਆਂ ਲਈ ਇਹ ਦੇਖੋ: ਕਨਵਰਸੇਸ਼ਨ API ਹਵਾਲਾ ਦਸਤਾਵੇਜ਼.

ਅਕਸਰ ਪੁੱਛੇ ਜਾਂਦੇ ਸਵਾਲ

ਮੈਨੂੰ ਖੋਜ ਕਦੋਂ ਵਰਤਣੀ ਚਾਹੀਦੀ ਹੈ ਅਤੇ ਡੀਪ ਰਿਸਰਚ ਕਦੋਂ?

ਤੁਰੰਤ ਤੱਥਾਂ ਲਈ ਖੋਜ ਵਰਤੋ, ਅਤੇ ਗਹਿਰਾਈ ਤੇ ਪੂਰਨਤਾ ਲਈ ਡੀਪ ਰਿਸਰਚ ਵਰਤੋ.

ਖੋਜ ਤਾਜ਼ਾ ਵੈੱਬ ਜਾਣਕਾਰੀ ਨੂੰ ਜਲਦੀ ਲਿਆਉਂਦੀ ਹੈ ਅਤੇ ਲਿੰਕਾਂ ਸਮੇਤ ਛੋਟਾ ਸਾਰ ਦਿੰਦੀ ਹੈ. ਡੀਪ ਰਿਸਰਚ ਕਈ ਸਰੋਤਾਂ ਨੂੰ ਪੜ੍ਹਨ ਅਤੇ ਵਿਸ਼ਲੇਸ਼ਣ ਕਰਨ ਵਿੱਚ ਹੋਰ ਸਮਾਂ ਲੈਂਦੀ ਹੈ, ਫਿਰ ਇੱਕ ਵਿਸਤ੍ਰਿਤ, ਦਸਤਾਵੇਜ਼ੀ ਰਿਪੋਰਟ ਤਿਆਰ ਕਰਦੀ ਹੈ.

ਕੀ ਡੀਪ ਰਿਸਰਚ ਸਾਰੇ ਦੇਸ਼ਾਂ ਵਿੱਚ ਕੰਮ ਕਰਦੀ ਹੈ?

ਨਹੀਂ. ਉਪਲਬਧਤਾ ਤੁਹਾਡੇ ਪਲਾਨ ਅਤੇ ਤੁਹਾਡੇ ਦੇਸ਼ ਜਾਂ ਖੇਤਰ ਤੇ ਨਿਰਭਰ ਕਰਦੀ ਹੈ.

ਰਿਸਰਚ ਚੱਲਣ ਦੌਰਾਨ ਮੇਰੇ ਕੋਲ ਕਿਹੜੇ ਕੰਟਰੋਲ ਹੁੰਦੇ ਹਨ?

ਤੁਸੀਂ ਰਿਸਰਚ ਸ਼ੁਰੂ ਹੋਣ ਤੋਂ ਪਹਿਲਾਂ ਉਸਦੀ ਯੋਜਨਾ ਸੋਧ ਸਕਦੇ ਹੋ, ਰੀਅਲ ਟਾਈਮ ਵਿੱਚ ਪ੍ਰਗਤੀ ਦੇਖ ਸਕਦੇ ਹੋ, ਕੇਂਦਰ-ਬਿੰਦੂ ਬਦਲਣ ਲਈ ਰਿਸਰਚ ਨੂੰ ਰੋਕ ਸਕਦੇ ਹੋ ਅਤੇ ਇਹ ਅੱਪਡੇਟ ਕਰ ਸਕਦੇ ਹੋ ਕਿ ਰਿਸਰਚ ਕਿਹੜੇ ਸਰੋਤਾਂ ਤੱਕ ਪਹੁੰਚ ਕਰ ਸਕਦੀ ਹੈ.

ਕੀ ਮੈਂ ਡੀਪ ਰਿਸਰਚ ਲਈ ਕੋਈ ਹੋਰ ਮਾਡਲ ਚੁਣ ਸਕਦਾ ਹਾਂ?

ਹਾਂ. ਮੂਲ ਰੂਪ ਵਿੱਚ ਡੀਪ ਰਿਸਰਚ ਨਵੀਨਤਮ ਮਾਡਲ ਨਾਲ ਚੱਲਦੀ ਹੈ ਅਤੇ ਜੇ ਤੁਸੀਂ ਚਾਹੋ, ਤਾਂ ਡੀਪ ਰਿਸਰਚ ਲਈ ਪੁਰਾਣੇ ਮਾਡਲ ਵਰਤਣੇ ਜਾਰੀ ਰੱਖ ਸਕਦੇ ਹੋ.

ਮੇਰੇ ਡੀਪ ਰਿਸਰਚ ਨਤੀਜੇ ਕਿੰਨੇ ਸਮੇਂ ਤੱਕ ਉਪਲਬਧ ਰਹਿਣਗੇ?

ਡੀਪ ਰਿਸਰਚ ਦੇ ਨਤੀਜਿਆਂ 'ਤੇ ਗੱਲਬਾਤ ਦੀ ਰਿਟੈਂਸ਼ਨ ਪਾਲਿਸੀ ਲਾਗੂ ਹੁੰਦੀ ਹੈ, ਜਿਸ ਵਿੱਚ ਵਰਕਸਪੇਸ ਲਈ ਲਾਗੂ ਡਾਟਾ ਰੱਖਣ ਦੀਆਂ ਸੈਟਿੰਗਾਂ ਵੀ ਸ਼ਾਮਲ ਹਨ. ਇਸ ਪਾਲਿਸੀ ਦੇ ਤਹਿਤ, ਚੈਟ ਮਿਟਾਉਣ ਨਾਲ ਉਸ ਨਾਲ ਸੰਬੰਧਿਤ ਡੀਪ ਰਿਸਰਚ ਦੇ ਨਤੀਜੇ ਵੀ ਮਿਟ ਜਾਂਦੇ ਹਨ. ਵੇਰਵਿਆਂ ਲਈ, ਇਹ ਦੇਖੋ: ChatGPT ਵਿੱਚ ਚੈਟ ਅਤੇ ਫ਼ਾਈਲਾਂ ਲਈ ਰਿਟੈਂਸ਼ਨ ਪਾਲਿਸੀਆਂ.

ਜੇ ਮੇਰੇ ਕੰਮ ਲਈ ਤੁਰੰਤ ਜਵਾਬਾਂ ਦੀ ਲੋੜ ਹੋਵੇ ਤਾਂ ਕੀ ਕਰਾਂ?

ਜੇ ਸਮਾਂ ਬਹੁਤ ਮਹੱਤਵਪੂਰਨ ਹੈ, ਤਾਂ ਤੇਜ਼ ਜਵਾਬਾਂ ਲਈ ਖੋਜ ਜਾਂ ਮਿਆਰੀ ਚੈਟ ਵਰਤੋ ਅਤੇ ਗਹਿਰੇ ਵਿਸ਼ਲੇਸ਼ਣ ਲਈ ਡੀਪ ਰਿਸਰਚ ਸੰਭਾਲ ਕੇ ਰੱਖੋ.

ਡੀਪ ਰਿਸਰਚ ਲਈ ਕਿਹੜੀਆਂ ਐਪਾਂ ਉਪਲਬਧ ਹਨ?

ਸਿਰਫ਼ ਉਹੀ ਐਪਾਂ ਰਿਸਰਚ ਸਰੋਤਾਂ ਵਜੋਂ ਵਰਤੀਆਂ ਜਾ ਸਕਦੀਆਂ ਹਨ ਜੋ ਡੀਪ ਰਿਸਰਚ ਦਾ ਸਮਰਥਨ ਕਰਦੀਆਂ ਹਨ ਅਤੇ ਤੁਹਾਡੇ ਖਾਤੇ ਲਈ ਉਪਲਬਧ ਹਨ. ਉਪਲਬਧਤਾ ਤੁਹਾਡੇ ਪਲਾਨ, ਖੇਤਰ, ਵਰਕਸਪੇਸ ਦੀ ਸੰਰਚਨਾ, ਭੂਮਿਕਾ-ਅਧਾਰਿਤ ਪਹੁੰਚ ਅਤੇ ਕਨੈਕਟ ਕੀਤੇ ਪ੍ਰਦਾਤਾ ਖਾਤੇ ਦੀਆਂ ਇਜਾਜ਼ਤਾਂ 'ਤੇ ਨਿਰਭਰ ਕਰਦੀ ਹੈ. ਕਿਸੇ ਐਪ ਦਾ ChatGPT ਵਿੱਚ ਉਪਲਬਧ ਹੋਣਾ ਜਾਂ ਕਿਸੇ ਪਲੱਗਇਨ ਵਿੱਚ ਸ਼ਾਮਲ ਹੋਣਾ ਆਪਣੇ ਆਪ ਇਹ ਨਹੀਂ ਦਰਸਾਉਂਦਾ ਕਿ ਉਹ ਡੀਪ ਰਿਸਰਚ ਲਈ ਵੀ ਉਪਲਬਧ ਹੈ.

ਐਪਾਂ ਦੀ ਉਪਲਬਧਤਾ ਅਤੇ ਸਮਰੱਥਾਵਾਂ ਬਾਰੇ ਸੰਖੇਪ ਜਾਣਕਾਰੀ ਲਈ, ਇਹ ਦੇਖੋ: ChatGPT ਵਿੱਚ ਕਨੈਕਟ ਕੀਤੀਆਂ ਐਪਾਂ.

ਜੇ ਉਮੀਦ ਕੀਤਾ ਸਰੋਤ ਨਹੀਂ ਮਿਲ ਰਿਹਾ, ਤਾਂ ਇਹ ਦੇਖੋ: ChatGPT ਵਿੱਚ ਐਪਾਂ ਦੀਆਂ ਸਮੱਸਿਆਵਾਂ ਹੱਲ ਕਰਨਾ.