ਧਿਆਨ ਦਿਓ ਕਿ ਇਨ੍ਹਾਂ ਬਦਲਾਵਾਂ ਦਾ ਲਾਭ ਲੈਣ ਲਈ ਤੁਹਾਨੂੰ Codex ਸੀਐੱਲਆਈ ਦੇ ਸੰਸਕਰਣ 0.163.0 ਜਾਂ ਇਸ ਤੋਂ ਨਵੇਂ ਸੰਸਕਰਣ ’ਤੇ ਅੱਪਗ੍ਰੇਡ ਕਰਨਾ ਪਵੇਗਾ. ਸੀਐੱਲਆਈ ਨੂੰ ਅੱਪਗ੍ਰੇਡ ਕਰਨਾ ਤੁਹਾਡੀ ਚੋਣ ਹੈ: ਮੌਜੂਦਾ ਸਥਾਪਨਾਵਾਂ ਉਦੋਂ ਤੱਕ ਪਹਿਲਾਂ ਵਾਂਗ ਕੰਮ ਕਰਦੀਆਂ ਰਹਿਣਗੀਆਂ, ਜਦੋਂ ਤੱਕ ਤੁਸੀਂ ਉਨ੍ਹਾਂ ਨੂੰ ਅੱਪਡੇਟ ਨਹੀਂ ਕਰਦੇ.

• ਜੇ ਤੁਹਾਡੀ ਸਵੈਚਾਲਿਤ ਪ੍ਰਕਿਰਿਆ @openai/codex@latest ਸਥਾਪਤ ਕਰਦੀ ਹੈ, ਤਾਂ ਅਗਲੀ ਸਥਾਪਨਾ ਜਾਂ ਅੱਪਡੇਟ ਵੇਲੇ ਇਹ ਬਦਲਾਅ ਉਸ ਵਿੱਚ ਸ਼ਾਮਲ ਹੋ ਸਕਦਾ ਹੈ. ਜੇ ਤੁਸੀਂ npm ਨਾਲ Codex ਸੀਐੱਲਆਈ ਨੂੰ ਪੂਰੇ ਸਿਸਟਮ ਲਈ ਸਥਾਪਤ ਕੀਤਾ ਸੀ, ਤਾਂ npm install -g @openai/codex@latest ਚਲਾਓ, ਫਿਰ ਅੱਪਗ੍ਰੇਡ ਦੀ ਪੁਸ਼ਟੀ ਕਰਨ ਲਈ codex --version ਚਲਾਓ.

• ਇਸ ਬਦਲਾਅ ਨੂੰ ਟਾਲਣ ਲਈ ਸੰਸਕਰਣ ਨੂੰ @openai/codex@0.162.0 ’ਤੇ ਨਿਸ਼ਚਿਤ ਕਰ ਦਿਓ. @latest ਵਰਤ ਕੇ ਇੱਕ ਵਾਰ ਕੀਤੀ ਸਥਾਪਨਾ ਆਪਣੇ ਆਪ ਅੱਪਡੇਟ ਨਹੀਂ ਹੁੰਦੀ. ਪੁਰਾਣੇ ਸੰਸਕਰਣਾਂ ’ਤੇ ਨਿਸ਼ਚਿਤ ਕੀਤੀਆਂ ਕਾਰਜ-ਪ੍ਰਕਿਰਿਆਵਾਂ ਪਹਿਲਾਂ ਵਾਂਗ ਕੰਮ ਕਰਦੀਆਂ ਰਹਿੰਦੀਆਂ ਹਨ.

• ਟਾਈਪਸਕ੍ਰਿਪਟ ਏਕੀਕਰਨਾਂ ਲਈ @openai/codex-sdk ਅਤੇ ਇਸ ਨਾਲ ਸ਼ਾਮਲ ਰਨਟਾਈਮ ਨੂੰ ਅੱਪਡੇਟ ਕਰੋ. ਪਾਈਥਨ ਏਕੀਕਰਨਾਂ ਲਈ openai-codex ਅਤੇ ਇਸ ਦੇ Codex ਰਨਟਾਈਮ ਨੂੰ ਅੱਪਡੇਟ ਕਰੋ. ਸਿਰਫ਼ ਪੂਰੇ ਸਿਸਟਮ ਲਈ ਸਥਾਪਤ ਸੀਐੱਲਆਈ ਨੂੰ ਅੱਪਡੇਟ ਕਰਨ ਨਾਲ ਐੱਸਡੀਕੇ ਦਾ ਰਨਟਾਈਮ ਅੱਪਡੇਟ ਹੋਣਾ ਲਾਜ਼ਮੀ ਨਹੀਂ ਹੈ. ਜੇ ਤੁਸੀਂ ਚੱਲਣਯੋਗ ਫ਼ਾਈਲ ਦਾ ਪਾਥ ਖ਼ੁਦ ਨਿਰਧਾਰਤ ਕੀਤਾ ਹੈ, ਤਾਂ ਉਸ ਫ਼ਾਈਲ ਨੂੰ ਵੀ ਅੱਪਡੇਟ ਕਰੋ.

ਜੇ ਕੈਟਾਲਾਗ ਉਪਲਬਧ ਹੈ ਪਰ ਹੱਥੀਂ ਸੰਰਚਿਤ ਕੀਤੇ ਮਾਡਲ ਆਈਡੀ ਉਸ ਵਿੱਚ ਸ਼ਾਮਲ ਨਹੀਂ ਹਨ, ਤਾਂ ਸੀਐੱਲਆਈ ਅਤੇ Codex ਡੈਸਕਟਾਪ ਵਿੱਚ ਉਨ੍ਹਾਂ ਲਈ ਪਹਿਲਾਂ ਵਾਲੀ ਸਵੈਚਾਲਿਤ ਕਾਰਵਾਈ ਜਾਰੀ ਰਹੇਗੀ, ਭਾਵੇਂ ਡੇਬ੍ਰੇਕ ਚਾਲੂ ਹੋਵੇ. ਸਿਰਫ਼ ਕੈਟਾਲਾਗ ਵਿੱਚ ਉਨ੍ਹਾਂ ਦਾ ਨਾ ਹੋਣਾ ਕਿਸੇ ਬੇਨਤੀ ਨੂੰ ਸਫਲ ਹੋਣ ਤੋਂ ਨਹੀਂ ਰੋਕਦਾ. 

ਮਾਡਲ ਚੋਣਕਾਰ ਵਿੱਚ ਸਾਈਬਰ ਮਾਡਲਾਂ ਦੀ ਉਪਲਬਧਤਾ ਵੱਖਰੇ ਤੌਰ ’ਤੇ ਜਾਰੀ ਕੀਤੀ ਜਾ ਸਕਦੀ ਹੈ. ਇਹ ਸਹੂਲਤ ਚਾਲੂ ਹੋਣ ਮਗਰੋਂ, ਸਮਰਥਿਤ ਸੰਸਕਰਣ ਵਰਤ ਰਹੇ ਵਰਤੋਂਕਾਰਾਂ ਨੂੰ ਨਵੇਂ ਉਪਲਬਧ ਮਾਡਲ ਦੇਖਣ ਲਈ ਮੁੜ ਡਾਊਨਲੋਡ ਕਰਨ ਦੀ ਲੋੜ ਨਹੀਂ ਹੈ. ਸੂਚੀ ਨੂੰ ਤਾਜ਼ਾ ਕਰਨ ਲਈ ਮਾਡਲ ਚੋਣਕਾਰ ਮੁੜ ਖੋਲ੍ਹੋ ਜਾਂ Codex ਨੂੰ ਮੁੜ ਚਾਲੂ ਕਰੋ.

ਸੰਵਾਦੀ ਸੀਐੱਲਆਈ ਵਿੱਚ ਡੇਬ੍ਰੇਕ ਚਾਲੂ ਕਰੋ

1. ਆਪਣੇ ਆਮ ਪ੍ਰਮਾਣੀਕਰਨ ਨਾਲ Codex ਚਾਲੂ ਕਰੋ.

2. ਡੇਬ੍ਰੇਕ ਚਾਲੂ ਕਰਨ ਲਈ /daybreak ਦਾਖ਼ਲ ਕਰੋ.

3. Codex ਇਹ ਸੁਨੇਹਾ ਦਿਖਾਏਗਾ: Daybreak on. Applies to new turns.

4. ਇਹ ਮੌਜੂਦਾ ਥ੍ਰੈੱਡ ’ਤੇ ਲਾਗੂ ਹੋਵੇਗਾ ਅਤੇ ਨਵੇਂ ਸੈਸ਼ਨਾਂ ਲਈ ਮੂਲ ਚੋਣ ਵਜੋਂ ਰੱਖਿਅਤ ਹੋ ਜਾਵੇਗਾ.

5. ਡੇਬ੍ਰੇਕ ਬੰਦ ਕਰਨ ਲਈ ਉਹੀ ਕਮਾਂਡ (/daybreak) ਮੁੜ ਚਲਾਓ.

ਬਿਨਾਂ ਇੰਟਰਐਕਟਿਵ ਇੰਟਰਫੇਸ ਵਾਲੇ ਸੀਐੱਲਆਈ ਵਿੱਚ ਡੇਬ੍ਰੇਕ ਚਾਲੂ ਕਰੋ

ਇਹ ਕਾਰਜ-ਪ੍ਰਵਾਹ ਇੰਟਰਐਕਟਿਵ ਵਰਤੋਂਕਾਰ ਇੰਟਰਫੇਸ ਤੋਂ ਬਿਨਾਂ ਚੱਲਦੇ ਹਨ, ਆਮ ਤੌਰ 'ਤੇ ਸਕ੍ਰਿਪਟਾਂ, ਨਿਯਤ ਕਾਰਜਾਂ ਜਾਂ ਨਿਰੰਤਰ ਏਕੀਕਰਨ ਵਿੱਚ codex exec ਰਾਹੀਂ. ਇੱਥੇ “ਡੇਬ੍ਰੇਕ ਚਾਲੂ ਕਰੋ” (/daybreak) ਦਾ ਕੋਈ ਇੰਟਰਐਕਟਿਵ ਸੁਨੇਹਾ ਨਹੀਂ ਦਿਸਦਾ. ਇਸ ਦੀ ਬਜਾਏ, ਤੁਸੀਂ ਇਹ ਕਰ ਸਕਦੇ ਹੋ:

1. ਹਰ ਉਸ ਕਮਾਂਡ ਵਿੱਚ -c daybreak=true ਜੋੜੋ ਜਿਸ ਵਿੱਚ ਬੇਨਤੀਆਂ ਨੂੰ ਇਨਕਾਰ ਕਰਨ ਦੀ ਦਰ ਘੱਟ ਰੱਖਣੀ ਹੈ, ਅਤੇ ਇਸ ਤਰ੍ਹਾਂ ਸੀਐੱਲਆਈ ਦੀ ਕਿਸੇ ਖ਼ਾਸ ਰਨ ਵਿੱਚ ਡੇਬ੍ਰੇਕ ਜੋੜੋ. ਉਦਾਹਰਨ ਲਈ, ਤੁਸੀਂ ਇਹ ਦਰਜ ਕਰ ਸਕਦੇ ਹੋ:

codex exec -c daybreak=true "Review the changes in this repository."

1. ਆਪਣਾ ਮੌਜੂਦਾ ਪ੍ਰੌੰਪਟ ਅਤੇ ਕਮਾਂਡ ਦੇ ਹੋਰ ਵਿਕਲਪ ਜਿਉਂ ਦੇ ਤਿਉਂ ਰੱਖੋ. ਹਰ ਉਸ ਕਮਾਂਡ ਕਾਲ ਵਿੱਚ ਇਹ ਸੈਟਿੰਗ ਜੋੜੋ ਜਿਸ ਵਿੱਚ ਡੇਬ੍ਰੇਕ ਵਰਤਣਾ ਹੈ. ਇਸ ਵਿੱਚ ਸਕ੍ਰਿਪਟਾਂ, ਨਿਯਤ ਕਾਰਜਾਂ ਅਤੇ ਨਿਰੰਤਰ ਏਕੀਕਰਨ ਦੀ ਸੰਰਚਨਾ ਵਿਚਲੀਆਂ ਕਮਾਂਡਾਂ ਵੀ ਸ਼ਾਮਲ ਹਨ.

2. Codex ਵੱਲੋਂ ਲੋਡ ਕੀਤੀ ਜਾਣ ਵਾਲੀ ਸੰਰਚਨਾ ਫ਼ਾਈਲ ਵਿੱਚ daybreak=true ਜੋੜ ਕੇ ਨਵੇਂ ਸੀਐੱਲਆਈ ਸੈਸ਼ਨਾਂ ਅਤੇ ਰਨਾਂ ਲਈ ਡੇਬ੍ਰੇਕ ਨੂੰ ਪੂਰਵ-ਨਿਰਧਾਰਤ ਬਣਾਓ.

3. ਵਰਤੋਂਕਾਰ ਦੀ ਪੂਰਵ-ਨਿਰਧਾਰਤ ਸੰਰਚਨਾ ਫ਼ਾਈਲ ~/.codex/config.toml ਹੈ. ਜੇ ਤੁਹਾਡੀ ਸਵੈਚਾਲਿਤ ਪ੍ਰਕਿਰਿਆ CODEX_HOME ਸੈੱਟ ਕਰਦੀ ਹੈ, ਤਾਂ ਇਸ ਦੀ ਬਜਾਏ $CODEX_HOME/config.toml ਵਰਤੋ. ਸੈਟਿੰਗ ਨੂੰ ਸਿਖਰਲੇ ਪੱਧਰ 'ਤੇ, [features] ਵਰਗੇ ਭਾਗਾਂ ਤੋਂ ਬਾਹਰ ਰੱਖੋ.

4. ਇਹ ਤਬਦੀਲੀ ਉਸੇ ਵਾਤਾਵਰਣ ਵਿੱਚ ਕਰੋ ਜਿੱਥੇ ਸਵੈਚਾਲਿਤ ਪ੍ਰਕਿਰਿਆ ਅਸਲ ਵਿੱਚ ਚੱਲਦੀ ਹੈ. ਆਪਣੇ ਲੈਪਟਾਪ ਦੀ ਸੰਰਚਨਾ ਬਦਲਣ ਨਾਲ ਨਿਰੰਤਰ ਏਕੀਕਰਨ ਦੇ ਕਾਰਜ ਚਲਾਉਣ ਵਾਲੇ ਸਿਸਟਮ ਜਾਂ ਦੂਰਵਰਤੀ ਮਸ਼ੀਨ ਦੀ ਸੰਰਚਨਾ ਨਹੀਂ ਬਦਲਦੀ.

5. ਇਹ ਸੈਟਿੰਗ ਉਸੇ ਸੰਰਚਨਾ ਨੂੰ ਵਰਤਣ ਵਾਲੇ ਨਵੇਂ ਇੰਟਰਐਕਟਿਵ ਸੈਸ਼ਨਾਂ 'ਤੇ ਵੀ ਲਾਗੂ ਹੁੰਦੀ ਹੈ. ਮੁੜ ਸ਼ੁਰੂ ਕੀਤੇ ਸੈਸ਼ਨ ਅਤੇ ਉਨ੍ਹਾਂ ਤੋਂ ਬਣੀਆਂ ਵੱਖਰੀਆਂ ਸ਼ਾਖਾਵਾਂ ਡੇਬ੍ਰੇਕ ਲਈ ਰੱਖਿਅਤ ਚੋਣ ਨੂੰ ਬਰਕਰਾਰ ਰੱਖਦੀਆਂ ਹਨ; ਸੰਰਚਨਾ ਵਿੱਚ ਨਵੀਂ ਪੂਰਵ-ਨਿਰਧਾਰਤ ਸੈਟਿੰਗ ਉਸ ਨੂੰ ਨਹੀਂ ਬਦਲਦੀ.

6. ਧਿਆਨ ਰੱਖੋ ਕਿ ਕਿਸੇ ਕਮਾਂਡ ਕਾਲ ਲਈ ਕਮਾਂਡ-ਲਾਈਨ ਸੈਟਿੰਗ ਨੂੰ ਰੱਖਿਅਤ ਸੰਰਚਨਾ ਨਾਲੋਂ ਤਰਜੀਹ ਮਿਲਦੀ ਹੈ. ਇਸ ਲਈ ਤੁਸੀਂ ਆਪਣੀ ਸੰਰਚਨਾ ਵਿੱਚ daybreak = true ਰੱਖ ਸਕਦੇ ਹੋ ਅਤੇ ਕਿਸੇ ਇੱਕ ਰਨ ਲਈ -c daybreak=false ਵਰਤ ਸਕਦੇ ਹੋ.

ਪ੍ਰੌਕਸੀ ਰਾਹੀਂ ਮਾਡਲ ਅਨੁਮਾਨ ਸੇਵਾ ਦੇਣ ਵਾਲੇ ਪ੍ਰਦਾਤਾ ਨਾਲ ਡੇਬ੍ਰੇਕ ਚਾਲੂ ਕਰਨਾ

ਤੁਸੀਂ ਮਾਡਲ ਅਨੁਮਾਨ ਲਈ ਬੇਨਤੀਆਂ ਆਪਣੀ ਮੌਜੂਦਾ ਪ੍ਰੌਕਸੀ ਰਾਹੀਂ ਭੇਜਦੇ ਹੋਏ Codex ਸੀਐੱਲਆਈ ਵਿੱਚ ਡੇਬ੍ਰੇਕ ਵਰਤ ਸਕਦੇ ਹੋ. ਤੁਹਾਡੇ ਪ੍ਰੋਜੈਕਟ ਲਈ ਕਿਹੜੇ ਮਾਡਲ ਡੇਬ੍ਰੇਕ ਦਾ ਸਮਰਥਨ ਕਰਦੇ ਹਨ, ਇਹ ਪਤਾ ਲਗਾਉਣ ਲਈ Codex ਮਾਡਲ ਸੂਚੀ ਵਿੱਚ ਵੱਖਰੇ ਤੌਰ 'ਤੇ ਖੋਜ ਕਰਦਾ ਹੈ.

ਸ਼ੁਰੂ ਕਰਨ ਤੋਂ ਪਹਿਲਾਂ, ਯਕੀਨੀ ਬਣਾਓ ਕਿ Codex ਸੀਐੱਲਆਈ ਵਿੱਚ ਤੁਹਾਡਾ ਪ੍ਰੌਕਸੀ ਪ੍ਰਦਾਤਾ ਕੰਮ ਕਰ ਰਿਹਾ ਹੈ ਅਤੇ ਤੁਹਾਡੇ ਕੋਲ ਅਜਿਹੇ ਪ੍ਰੋਜੈਕਟ ਦੀ OpenAI ਏਪੀਆਈ ਕੁੰਜੀ ਹੈ ਜਿਸ ਨੂੰ ਡੇਬ੍ਰੇਕ ਅਤੇ ਤੁਹਾਡੇ ਚੁਣੇ ਮਾਡਲ ਦੀ ਪਹੁੰਚ ਮਿਲੀ ਹੋਈ ਹੈ. ਤੁਹਾਡੇ ਕੋਲ Codex ਸੀਐੱਲਆਈ ਦਾ ਸੰਸਕਰਣ v0.167.0 ਵੀ ਹੋਣਾ ਚਾਹੀਦਾ ਹੈ.ਪ੍ਰੋਜੈਕਟ ਨੂੰ ਡੇਬ੍ਰੇਕ ਦੀ ਪਹੁੰਚ ਦੇਣ ਬਾਰੇ OpenAI ਦਸਤਾਵੇਜ਼

1. ~/.codex/config.toml ਖੋਲ੍ਹੋ ਅਤੇ ਆਪਣੀ ਪ੍ਰੌਕਸੀ ਲਈ [model_providers.<id>] ਭਾਗ ਲੱਭ ਕੇ ਆਪਣੇ ਪ੍ਰੌਕਸੀ ਪ੍ਰਦਾਤਾ ਦੀ ਸੰਰਚਨਾ ਅੱਪਡੇਟ ਕਰੋ. ਹੇਠਾਂ ਦਿੱਤੀ ਉਦਾਹਰਨ ਦੀਆਂ ਆਖ਼ਰੀ ਦੋ ਲਾਈਨਾਂ ਉਸ ਭਾਗ ਵਿੱਚ ਜੋੜੋ. ਆਪਣੇ ਪ੍ਰਦਾਤਾ ਦੀ ਮੌਜੂਦਾ ਪਛਾਣ, ਪ੍ਰੌਕਸੀ ਦਾ ਯੂਆਰਐੱਲ ਅਤੇ ਪ੍ਰਮਾਣੀਕਰਨ ਸੈਟਿੰਗਾਂ ਜਿਉਂ ਦੀਆਂ ਤਿਉਂ ਰੱਖੋ.
   
   
   [model_providers.proxy]

   name = "Proxied with Cyber"

   base_url = "https://<your-proxy>/v1"

   model_catalog_url = "<https://chatgpt.com/backend-api/codex/models>"

   capabilities.cyber_access_programs = true
   
   ਜੇ ਤੁਹਾਡੀ ਸੰਰਚਨਾ ਵਿੱਚ ਪਹਿਲਾਂ ਹੀ [model_providers.<id>.capabilities] ਭਾਗ ਹੈ, ਤਾਂ cyber_access_programs = true ਉੱਥੇ ਰੱਖੋ ਅਤੇ model_catalog_url ਨੂੰ ਉਸ ਦੇ ਮੁੱਖ ਪ੍ਰਦਾਤਾ ਭਾਗ ਵਿੱਚ ਹੀ ਰਹਿਣ ਦਿਓ.Codex ਸੰਰਚਨਾ ਹਵਾਲਾ ਦਸਤਾਵੇਜ਼

2. ਤੁਹਾਡੇ ਸੀਐੱਲਆਈ ਵੱਲੋਂ ਵਰਤੇ ਜਾਂਦੇ ਪ੍ਰਮਾਣੀਕਰਨ ਵੇਰਵਿਆਂ ਨਾਲ ਮੇਲ ਖਾਂਦਾ ਵਿਕਲਪ ਚੁਣ ਕੇ ਸੂਚੀ ਵਿੱਚ ਖੋਜ ਲਈ ਪ੍ਰਮਾਣੀਕਰਨ ਕਰੋ.

   1. ਜੇ Codex ਇੱਕ OpenAI ਏਪੀਆਈ ਕੁੰਜੀ ਵਰਤਦਾ ਹੈ, ਤਾਂ ਪਹਿਲੇ ਪੜਾਅ ਵਾਲਾ OpenAI ਸੂਚੀ ਦਾ ਯੂਆਰਐੱਲ ਜਿਉਂ ਦਾ ਤਿਉਂ ਰੱਖੋ. Codex ਨੂੰ ਆਪਣੇ ਡੇਬ੍ਰੇਕ ਸਮਰੱਥ ਪ੍ਰੋਜੈਕਟ ਦੀ ਕੁੰਜੀ ਨਾਲ ਚਲਾਓ ਤਾਂ ਜੋ ਇਹ ਸੂਚੀ ਨਾਲ ਸਿੱਧਾ ਪ੍ਰਮਾਣੀਕਰਨ ਕਰ ਸਕੇ.

   2. ਜੇ Codex ਤੁਹਾਡੀ ਪ੍ਰੌਕਸੀ ਦੇ ਪ੍ਰਮਾਣੀਕਰਨ ਵੇਰਵੇ ਵਰਤਦਾ ਹੈ, ਤਾਂ model_catalog_url ਨੂੰ ਆਪਣੀ ਪ੍ਰੌਕਸੀ 'ਤੇ ਮੌਜੂਦ ਸੂਚੀ ਰੂਟ ਦੇ ਪੂਰੇ ਯੂਆਰਐੱਲ 'ਤੇ ਸੈੱਟ ਕਰੋ. ਉਸ ਰੂਟ ਦੀ ਸੰਰਚਨਾ ਇਸ ਤਰ੍ਹਾਂ ਕਰੋ ਕਿ ਉਹ:

      1. ਤੁਹਾਡੇ ਆਮ ਪ੍ਰੌਕਸੀ ਪ੍ਰਮਾਣੀਕਰਨ ਵੇਰਵਿਆਂ ਨਾਲ ਸੀਐੱਲਆਈ ਬੇਨਤੀ ਨੂੰ ਪ੍ਰਮਾਣਿਤ ਕਰੇ.

      2. ਤੁਹਾਡੇ ਡੇਬ੍ਰੇਕ ਸਮਰੱਥ ਪ੍ਰੋਜੈਕਟ ਦੀ OpenAI ਏਪੀਆਈ ਕੁੰਜੀ ਵਰਤ ਕੇ ਬੇਨਤੀ ਨੂੰ https://chatgpt.com/backend-api/codex/models 'ਤੇ ਅੱਗੇ ਭੇਜੇ.

      3. ਸੂਚੀ ਤੋਂ ਮਿਲਿਆ ਜਵਾਬ Codex ਨੂੰ ਵਾਪਸ ਭੇਜੇ.

3. ਆਪਣੇ ਪ੍ਰੌਕਸੀ ਪ੍ਰਦਾਤਾ ਨਾਲ ਨਵਾਂ Codex ਸੀਐੱਲਆਈ ਸੈਸ਼ਨ ਸ਼ੁਰੂ ਕਰਕੇ ਡੇਬ੍ਰੇਕ ਚਾਲੂ ਕਰੋ. ਡੇਬ੍ਰੇਕ ਲਈ ਯੋਗ ਮਾਡਲ ਚੁਣੋ, ਫਿਰ ਇਸ ਨੂੰ ਚਾਲੂ ਕਰਨ ਲਈ /daybreak ਦਰਜ ਕਰੋ.

   1. ਜੇ ਡੇਬ੍ਰੇਕ ਉਪਲਬਧ ਨਹੀਂ ਹੈ, ਤਾਂ ਪਹਿਲਾਂ ਸੂਚੀ ਵਿੱਚ ਖੋਜ ਦੀ ਜਾਂਚ ਕਰੋ. ਸੂਚੀ ਲਈ ਬੇਨਤੀ ਅਸਫਲ ਹੋਣ 'ਤੇ ਵੀ ਮਾਡਲ ਅਨੁਮਾਨ ਦੀ ਪ੍ਰਕਿਰਿਆ ਸਫਲ ਹੋ ਸਕਦੀ ਹੈ. ਪੁਸ਼ਟੀ ਕਰੋ ਕਿ ਬੇਨਤੀ ਸਹੀ ਪ੍ਰੋਜੈਕਟ ਦੀ ਕੁੰਜੀ ਨਾਲ OpenAI ਤੱਕ ਪਹੁੰਚਦੀ ਹੈ ਅਤੇ ਉਸ ਪ੍ਰੋਜੈਕਟ ਨੂੰ ਡੇਬ੍ਰੇਕ ਅਤੇ ਚੁਣੇ ਗਏ ਮਾਡਲ ਦੋਵਾਂ ਦੀ ਪਹੁੰਚ ਮਿਲੀ ਹੋਈ ਹੈ.

ਟਾਈਪਸਕ੍ਰਿਪਟ ਐੱਸਡੀਕੇ ਰਾਹੀਂ ਡੇਬ੍ਰੇਕ ਚਾਲੂ ਕਰੋ

ਕਲਾਇੰਟ ਦੀ ਸੰਰਚਨਾ ਰਾਹੀਂ ਡੇਬ੍ਰੇਕ ਦੀ ਸੈਟਿੰਗ ਭੇਜੋ:

import { Codex } from "@openai/codex-sdk";

const codex = new Codex({

  config: { daybreak: true },

});

const thread = codex.startThread();

const result = await thread.run("Review the changes in this repository.");

console.log(result.finalResponse);

ਡੇਬ੍ਰੇਕ ਬੰਦ ਕਰਨ ਅਤੇ ਬੇਨਤੀਆਂ ਰੱਦ ਕਰਨ ਦਾ ਆਮ ਤਰੀਕਾ ਵਰਤਣ ਲਈ daybreak: false ਵਰਤੋ. ਆਪਣੀ ਮੌਜੂਦਾ ਪ੍ਰਮਾਣੀਕਰਨ ਸੰਰਚਨਾ ਬਰਕਰਾਰ ਰੱਖੋ.

ਐਪ ਸਰਵਰ ਜਾਂ ਪਾਈਥਨ ਐੱਸਡੀਕੇ ਰਾਹੀਂ ਡੇਬ੍ਰੇਕ ਚਾਲੂ ਕਰੋ

1. model/list ਤੋਂ ਚੁਣੇ ਮਾਡਲ ਦੇ availableAccessPrograms.cyber ਦੇ ਮੁੱਲ ਪੜ੍ਹੋ, ਫਿਰ turn/start ਦੇ ਪੈਰਾਮੀਟਰਾਂ ਵਿੱਚ cyberAccessProgram ਸੈੱਟ ਕਰੋ.

ੳ. ਮੁੱਖ ਲੜੀ ਦੇ ਮਾਡਲ ਅਤੇ ਡੇਬ੍ਰੇਕ ਬਲੂ ਦੀ ਪਹੁੰਚ ਵਾਲੇ ਖਾਤੇ ਲਈ:

{ "cyberAccessProgram": "daybreakBlue" }

ਅ. ਸਾਈਬਰ ਮਾਡਲ ਅਤੇ ਡੇਬ੍ਰੇਕ ਰੈੱਡ ਦੀ ਪਹੁੰਚ ਵਾਲੇ ਖਾਤੇ ਲਈ:

{ "cyberAccessProgram": "daybreakRed" }

ੲ. ਬੇਨਤੀਆਂ ਰੱਦ ਕਰਨ ਦੇ ਆਮ ਤਰੀਕੇ ਲਈ:

{ "cyberAccessProgram": "standard" }

2. ਹਰ ਉਸ ਵਾਰੀ ਵਿੱਚ ਇਹ ਚੋਣ ਸ਼ਾਮਲ ਕਰੋ ਜਿਸ ’ਤੇ ਇਹ ਲਾਗੂ ਹੋਣੀ ਚਾਹੀਦੀ ਹੈ; ਇਹ ਨਾ ਮੰਨੋ ਕਿ ਪੈਰਾਮੀਟਰ ਛੱਡ ਦੇਣ ਨਾਲ ਡੇਬ੍ਰੇਕ ਬੰਦ ਹੋ ਜਾਂਦਾ ਹੈ. ਐਪ ਸਰਵਰ ਨਾਲ ਸਿੱਧੇ ਜੁੜਨ ਵਾਲੇ ਕਲਾਇੰਟਾਂ ਨੂੰ ਇਹ ਪੈਰਾਮੀਟਰ ਵਰਤਣ ਲਈ ਸ਼ੁਰੂਆਤੀਕਰਨ ਦੌਰਾਨ experimentalApi ਸਮਰੱਥਾ ਚਾਲੂ ਕਰਨੀ ਪਵੇਗੀ.

3. ਪਾਈਥਨ ਐੱਸਡੀਕੇ ਦਾ ਹੇਠਲੇ ਪੱਧਰ ਦਾ CodexClient ਇਹੀ ਪੈਰਾਮੀਟਰ ਭੇਜ ਸਕਦਾ ਹੈ:

from openai_codex.client import CodexClient

with CodexClient() as client:

client.initialize()

thread = client.thread_start()

turn = client.turn_start(

thread.thread.id,

"Review the changes in this repository.",

params={"cyberAccessProgram": "daybreakBlue"},

)

client.wait_for_turn_completed(turn.turn.id)

4. ਇਸ ਉਦਾਹਰਨ ਵਿੱਚ ਇਹ ਮੰਨਿਆ ਗਿਆ ਹੈ ਕਿ ਚੁਣੇ ਮਾਡਲ ਲਈ ਡੇਬ੍ਰੇਕ ਬਲੂ ਉਪਲਬਧ ਹੈ. ਪਾਈਥਨ ਕਲਾਇੰਟ ਮੂਲ ਰੂਪ ਵਿੱਚ ਪ੍ਰਯੋਗਾਤਮਕ ਏਪੀਆਈ ਸਮਰੱਥਾ ਚਾਲੂ ਕਰਦਾ ਹੈ. ਸਿਰਫ਼ ਥ੍ਰੈੱਡ ਵਿੱਚ ਰੱਖਿਅਤ ਤਰਜੀਹ ਨਾਲ ਐਪ ਸਰਵਰ ਦੀ ਕਿਸੇ ਵਾਰੀ ਲਈ ਪ੍ਰੋਗਰਾਮ ਨਹੀਂ ਚੁਣਿਆ ਜਾਂਦਾ.

ਜੇ ਤੁਸੀਂ ਇਨ੍ਹਾਂ ਬਦਲਾਵਾਂ ਤੋਂ ਪਹਿਲਾਂ ਸਥਾਨਕ ਮਾਡਲ ਕੈਟਾਲਾਗ ਜੋੜਿਆ ਸੀ

ਜੇ ਪਹਿਲਾਂ ਏਪੀਆਈ ਕੁੰਜੀ ਨਾਲ ਸਾਈਨ ਇਨ ਕਰਨ ’ਤੇ ਤੁਹਾਡੀ ਉਮੀਦ ਮੁਤਾਬਕ ਮਾਡਲ ਨਹੀਂ ਦਿਸਦੇ ਸਨ, ਤਾਂ ਹੋ ਸਕਦਾ ਹੈ ਕਿ ਤੁਸੀਂ config.toml ਵਿੱਚ model_catalog_json ਵਰਤ ਕੇ ਸਥਾਨਕ ਕੈਟਾਲਾਗ ਜੋੜਿਆ ਹੋਵੇ. Codex ਸਵੈਚਾਲਿਤ ਕੈਟਾਲਾਗ ਦੀ ਥਾਂ ਉਸ ਸਥਾਨਕ ਫ਼ਾਈਲ ਨੂੰ ਵਰਤਦਾ ਹੈ, ਇਸ ਲਈ ਤੁਹਾਡੀ ਮਾਡਲ ਸੂਚੀ ਪੁਰਾਣੀ ਹੋ ਸਕਦੀ ਹੈ. ਤੁਹਾਡੇ ਵਾਤਾਵਰਨ ਲਈ ਸਵੈਚਾਲਿਤ ਕੈਟਾਲਾਗ ਦਾ ਸਮਰਥਨ ਉਪਲਬਧ ਹੋਣ ਮਗਰੋਂ, ਇਸ ਨੂੰ ਮੁੜ ਵਰਤਣ ਲਈ ਇਹ ਕਦਮ ਅਪਣਾਓ:

1. config.toml ਖੋਲ੍ਹੋ. Codex ਸੀਐੱਲਆਈ ਲਈ ~/.codex/config.toml ਖੋਲ੍ਹੋ (ਜਾਂ ਜੇ ਤੁਸੀਂ CODEX_HOME ਸੈੱਟ ਕੀਤਾ ਹੈ, ਤਾਂ $CODEX_HOME/config.toml ਖੋਲ੍ਹੋ). Codex ਡੈਸਕਟਾਪ ਵਿੱਚ ਸੈਟਿੰਗਾਂ > ਸੰਰਚਨਾ ’ਤੇ ਜਾਓ, ਫਿਰ config.toml ਖੋਲ੍ਹੋ ਚੁਣੋ.

2. ਸਥਾਨਕ ਕੈਟਾਲਾਗ ਨੂੰ ਅਸਥਾਈ ਤੌਰ ’ਤੇ ਬੰਦ ਕਰੋ. model_catalog_json ਵਾਲੀ ਲਾਈਨ ਦੇ ਸ਼ੁਰੂ ਵਿੱਚ # ਜੋੜੋ, ਫ਼ਾਈਲ ਰੱਖਿਅਤ ਕਰੋ ਅਤੇ ਉਸੇ ਖਾਤੇ ਜਾਂ ਏਪੀਆਈ ਕੁੰਜੀ ਨਾਲ Codex ਮੁੜ ਚਾਲੂ ਕਰੋ. ਤੁਹਾਡੀ ਸੰਸਥਾ ਲਈ ਲੋੜੀਂਦੇ ਕਿਸੇ ਵੀ ਕੈਟਾਲਾਗ ਯੂਆਰਐੱਲ ਨੂੰ ਜਿਉਂ ਦਾ ਤਿਉਂ ਰੱਖੋ.

3. ਆਪਣੀ ਪਹੁੰਚ ਦੀ ਪੁਸ਼ਟੀ ਕਰੋ. ਸੀਐੱਲਆਈ ਵਿੱਚ codex ਚਾਲੂ ਕਰੋ, ਫਿਰ ਸੈਸ਼ਨ ਦੇ ਅੰਦਰ /daybreak ਦਾਖ਼ਲ ਕਰੋ. ਡੈਸਕਟਾਪ ਵਿੱਚ ਉੱਨਤ ਮਾਡਲ ਚੋਣਕਾਰ ਖੋਲ੍ਹੋ ਅਤੇ ਡੇਬ੍ਰੇਕ ਚਾਲੂ ਕਰੋ. ਜੇ ਤੁਹਾਡੇ ਕੋਲ ਡੇਬ੍ਰੇਕ ਰੈੱਡ ਦੀ ਪਹੁੰਚ ਹੈ, ਤਾਂ ਪੁਸ਼ਟੀ ਕਰੋ ਕਿ ਉਮੀਦ ਕੀਤਾ ਸਾਈਬਰ ਮਾਡਲ ਦਿਸਦਾ ਹੈ ਅਤੇ ਤੁਸੀਂ ਇਸ ਨਾਲ ਬੇਨਤੀ ਭੇਜ ਸਕਦੇ ਹੋ.

4. ਕੰਮ ਕਰਨ ਵਾਲੀ ਸੰਰਚਨਾ ਬਰਕਰਾਰ ਰੱਖੋ. ਜੇ ਜਾਂਚ ਸਫਲ ਰਹਿੰਦੀ ਹੈ, ਤਾਂ ਅਯੋਗ ਕੀਤੀ ਲਾਈਨ ਮਿਟਾ ਦਿਓ ਅਤੇ ਫ਼ਾਈਲ ਰੱਖਿਅਤ ਕਰੋ. ਜੇ ਜਾਂਚ ਅਸਫਲ ਰਹਿੰਦੀ ਹੈ, ਤਾਂ ਪਿਛਲਾ ਸੈੱਟਅੱਪ ਬਹਾਲ ਕਰਨ ਲਈ # ਹਟਾਓ, ਫ਼ਾਈਲ ਰੱਖਿਅਤ ਕਰੋ ਅਤੇ Codex ਮੁੜ ਚਾਲੂ ਕਰੋ.

ਸੀਐੱਲਆਈ ਵਿੱਚ ਬੇਨਤੀ ਰੱਦ ਹੋਣ ਦੀ ਸਮੱਸਿਆ ਹੱਲ ਕਰੋ

• ਆਪਣੀ ਸਵੈਚਾਲਿਤ ਪ੍ਰਕਿਰਿਆ ਵਿੱਚ ਵਰਤੇ ਜਾਂਦੇ ਪ੍ਰਮਾਣ-ਪੱਤਰਾਂ, ਮਾਡਲ ਅਤੇ ਸੰਰਚਨਾ ਨਾਲ ਇੱਕ ਨਮੂਨਾ ਕੰਮ ਚਲਾਓ.

• ਜੇ ਡੇਬ੍ਰੇਕ ਉਪਲਬਧ ਨਹੀਂ ਹੈ, ਤਾਂ ਪੁਸ਼ਟੀ ਕਰੋ ਕਿ:

  • ਤੁਹਾਡੇ ਖਾਤੇ ਜਾਂ ਏਪੀਆਈ ਪ੍ਰੋਜੈਕਟ ਕੋਲ ਡੇਬ੍ਰੇਕ ਦੀ ਪਹੁੰਚ ਹੈ.

  • ਚੁਣਿਆ ਮਾਡਲ ਡੇਬ੍ਰੇਕ ਦਾ ਸਮਰਥਨ ਕਰਦਾ ਹੈ.

• ਸੰਵਾਦੀ ਸੀਐੱਲਆਈ ਵਿੱਚ ਜਾਂਚ ਕਰੋ ਕਿ ਡੇਬ੍ਰੇਕ ਚਾਲੂ ਹੈ. ਜਦੋਂ ਡੇਬ੍ਰੇਕ ਉਪਲਬਧ ਹੋਵੇ ਪਰ ਬੰਦ ਹੋਵੇ, ਤਾਂ ਸੰਵਾਦੀ ਸੀਐੱਲਆਈ ਬੇਨਤੀ ਰੱਦ ਹੋਣ ਦਾ ਸੁਨੇਹਾ ਦਿਖਾ ਸਕਦਾ ਹੈ: Daybreak is currently off. If you’re doing authorized security work, turn it on and try your request again.

  • ਸੁਨੇਹੇ ਵਿੱਚ ਪੁੱਛਿਆ ਜਾਂਦਾ ਹੈ: Turn on Daybreak for your next request? ਅਤੇ Enable Daybreak ਜਾਂ Not now ਦੇ ਵਿਕਲਪ ਦਿੱਤੇ ਜਾਂਦੇ ਹਨ.

  • ਆਪਣੀ ਅਗਲੀ ਬੇਨਤੀ ਲਈ ਇਸ ਨੂੰ ਚਾਲੂ ਕਰਨ ਵਾਸਤੇ ਡੇਬ੍ਰੇਕ ਚਾਲੂ ਕਰੋ ਚੁਣੋ, ਫਿਰ ਬੇਨਤੀ ਮੁੜ ਭੇਜੋ. ਧਿਆਨ ਦਿਓ ਕਿ ਰੱਦ ਹੋਈ ਬੇਨਤੀ ਆਪਣੇ ਆਪ ਮੁੜ ਨਹੀਂ ਭੇਜੀ ਜਾਂਦੀ; ਤੁਹਾਨੂੰ ਦੁਬਾਰਾ ਬੇਨਤੀ ਕਰਨੀ ਪਵੇਗੀ. ਡੇਬ੍ਰੇਕ ਚਾਲੂ ਹੋਣ ’ਤੇ ਵੀ ਕੁਝ ਬੇਨਤੀਆਂ ਰੱਦ ਹੋ ਸਕਦੀਆਂ ਹਨ.

  • ਡੇਬ੍ਰੇਕ ਨੂੰ ਬੰਦ ਰੱਖਣ ਲਈ ਹੁਣ ਨਹੀਂ ਚੁਣੋ.

• ਸਵੈਚਾਲਿਤ ਪ੍ਰਕਿਰਿਆਵਾਂ ਲਈ ਪੁਸ਼ਟੀ ਕਰੋ ਕਿ daybreak=true ਅਸਲ Codex ਪ੍ਰਕਿਰਿਆ ਤੱਕ ਪਹੁੰਚਦਾ ਹੈ ਅਤੇ ਕੋਈ ਹੋਰ ਕਮਾਂਡ-ਲਾਈਨ ਸੈਟਿੰਗ ਇਸ ਨੂੰ ਓਵਰਰਾਈਡ ਨਹੀਂ ਕਰਦੀ.

Codex ਸੁਰੱਖਿਆ ਸੀਐੱਲਆਈ ਨਾਲ ਡੇਬ੍ਰੇਕ ਵਰਤੋ

Codex ਸੁਰੱਖਿਆ ਸੀਐੱਲਆਈ ਸੁਰੱਖਿਆ ਜਾਂਚਾਂ ਲਈ @openai/codex-security ਵਰਤਦਾ ਹੈ. ਇਸ ਦੇ ਪਹੁੰਚ-ਪ੍ਰੋਗਰਾਮ ਵਿਕਲਪ ਉੱਪਰ ਦਿੱਤੀਆਂ ਆਮ Codex ਸੀਐੱਲਆਈ ਉਦਾਹਰਨਾਂ ਤੋਂ ਵੱਖਰੇ ਹਨ.

ਏਪੀਆਈ ਕੁੰਜੀ ਰਾਹੀਂ ਪ੍ਰਮਾਣੀਕਰਨ ਲਈ, ਡੇਬ੍ਰੇਕ ਸਮਰੱਥ ਏਪੀਆਈ ਪ੍ਰੋਜੈਕਟ ਦੀ ਕੁੰਜੀ ਵਰਤੋ ਅਤੇ ਉਸ ਪ੍ਰੋਜੈਕਟ ਲਈ ਮਨਜ਼ੂਰਸ਼ੁਦਾ ਪ੍ਰੋਗਰਾਮ ਸਪਸ਼ਟ ਤੌਰ 'ਤੇ ਚੁਣੋ. ਡੇਬ੍ਰੇਕ ਬਲੂ ਲਈ:


npx @openai/codex-security scan . --auth api-key --cyber-access-program daybreak_blue

daybreak_red ਸਿਰਫ਼ ਉਦੋਂ ਵਰਤੋ ਜਦੋਂ ਤੁਹਾਡੇ ਪ੍ਰੋਜੈਕਟ ਨੂੰ ਡੇਬ੍ਰੇਕ ਰੈੱਡ ਲਈ ਮਨਜ਼ੂਰੀ ਮਿਲੀ ਹੋਵੇ, ਜਾਂ ਮਿਆਰੀ ਸੁਰੱਖਿਆ ਉਪਾਵਾਂ ਲਈ standard ਵਰਤੋ. ਪ੍ਰੋਗਰਾਮ ਚੁਣਨ ਨਾਲ ਉਸ ਪ੍ਰੋਗਰਾਮ ਜਾਂ ਵਾਧੂ ਮਾਡਲਾਂ ਦੀ ਪਹੁੰਚ ਨਹੀਂ ਮਿਲਦੀ.

ਪ੍ਰਮਾਣੀਕਰਨ ਅਤੇ ਸੁਰੱਖਿਆ ਜਾਂਚ ਦੇ ਵਿਕਲਪਾਂ ਲਈ Codex ਸੁਰੱਖਿਆ ਸੀਐੱਲਆਈ ਹਵਾਲਾ ਦਸਤਾਵੇਜ਼ ਦੇਖੋ.

Codex ਸੁਰੱਖਿਆ ਐੱਸਡੀਕੇ ਨਾਲ ਡੇਬ੍ਰੇਕ ਵਰਤੋ

Codex ਸੁਰੱਖਿਆ ਟਾਈਪਸਕ੍ਰਿਪਟ ਐੱਸਡੀਕੇ (@openai/codex-security) ਕਿਸੇ ਐਪਲੀਕੇਸ਼ਨ ਜਾਂ ਵਿਕਾਸਕਾਰ ਟੂਲ ਤੋਂ ਸੁਰੱਖਿਆ ਜਾਂਚਾਂ ਚਲਾਉਂਦਾ ਹੈ. ਇਹ ਉੱਪਰ ਦੱਸੇ ਗਏ ਆਮ Codex ਐੱਸਡੀਕੇ ਤੋਂ ਵੱਖਰਾ ਹੈ.

ਆਪਣੇ ਮਨਜ਼ੂਰਸ਼ੁਦਾ ਖਾਤੇ ਜਾਂ ਏਪੀਆਈ ਪ੍ਰੋਜੈਕਟ ਦੇ ਪ੍ਰਮਾਣੀਕਰਨ ਵੇਰਵੇ ਵਰਤੋ. ਕੁਝ ਸਾਈਬਰ ਸੁਰੱਖਿਆ ਬੇਨਤੀਆਂ ਅਤੇ ਸੁਰੱਖਿਅਤ ਜਾਂਚ ਨਤੀਜਿਆਂ ਲਈ ਸਾਈਬਰ ਲਈ ਭਰੋਸੇਯੋਗ ਪਹੁੰਚ ਦੀ ਲੋੜ ਹੁੰਦੀ ਹੈ. ਐੱਸਡੀਕੇ ਸਥਾਪਤ ਕਰਨ ਜਾਂ ਮਾਡਲ ਚੁਣਨ ਨਾਲ ਡੇਬ੍ਰੇਕ ਦੀ ਪਹੁੰਚ ਨਹੀਂ ਮਿਲਦੀ.

ਸਮਰਥਿਤ ਪ੍ਰਮਾਣੀਕਰਨ, ਸੰਰਚਨਾ ਅਤੇ ਸੁਰੱਖਿਆ ਜਾਂਚ ਦੀਆਂ ਉਦਾਹਰਨਾਂ ਲਈ Codex ਸੁਰੱਖਿਆ ਐੱਸਡੀਕੇ ਮਾਰਗਦਰਸ਼ਿਕਾ ਦੀ ਪਾਲਣਾ ਕਰੋ.