ਸੰਖੇਪ ਜਾਣਕਾਰੀ

ChatGPT ਮਸਨੂਈ ਬੁੱਧੀ ’ਤੇ ਆਧਾਰਿਤ ਇੱਕ ਗੱਲਬਾਤ ਕਰਨ ਵਾਲਾ ਸਹਾਇਕ ਹੈ, ਜੋ ਕਈ ਤਰ੍ਹਾਂ ਦੇ ਕੰਮਾਂ ਵਿੱਚ ਮਦਦ ਕਰ ਸਕਦਾ ਹੈ, ਜਿਨ੍ਹਾਂ ਵਿੱਚ ਸ਼ਾਮਲ ਹਨ:

• ਸਵਾਲਾਂ ਦੇ ਜਵਾਬ ਦੇਣਾ ਅਤੇ ਧਾਰਨਾਵਾਂ ਸਮਝਾਉਣਾ

• ਸਮੱਗਰੀ ਦਾ ਖਰੜਾ ਤਿਆਰ ਕਰਨਾ, ਉਸ ਨੂੰ ਮੁੜ ਲਿਖਣਾ ਜਾਂ ਉਸ ਦਾ ਸਾਰ ਕੱਢਣਾ

• ਰਚਨਾਤਮਕ ਸੁਝਾਅ ਦੇਣਾ (ਜਿਵੇਂ ਕਹਾਣੀਆਂ ਲਿਖਣਾ ਜਾਂ ਵਿਚਾਰ ਸੁਝਾਉਣਾ)

• ਤਰਕਸੰਗਤ ਰੀਜ਼ਨਿੰਗ ਰਾਹੀਂ ਸਮੱਸਿਆਵਾਂ ਹੱਲ ਕਰਨਾ

• ਇੱਕ ਭਾਸ਼ਾ ਤੋਂ ਦੂਜੀ ਭਾਸ਼ਾ ਵਿੱਚ ਅਨੁਵਾਦ ਕਰਨਾ

ਇਹ ਆਮ ਬੋਲਚਾਲ ਦੀ ਭਾਸ਼ਾ ਸਮਝਦਾ ਹੈ ਅਤੇ ਗੁੰਝਲਦਾਰ ਨਿਰਦੇਸ਼ਾਂ ਦੀ ਪਾਲਣਾ ਕਰ ਸਕਦਾ ਹੈ, ਗੱਲਬਾਤ ਵਿੱਚ ਪਹਿਲਾਂ ਹੋਈਆਂ ਗੱਲਾਂ ਯਾਦ ਰੱਖ ਸਕਦਾ ਹੈ ਅਤੇ ਸੰਦਰਭ ਮੁਤਾਬਕ ਆਪਣੇ ਜਵਾਬ ਢਾਲ ਸਕਦਾ ਹੈ. ਭੁਗਤਾਨ ਵਾਲੀ ਯੋਜਨਾ ਦੇ ਗਾਹਕ ਕਈ ਬੁਨਿਆਦੀ ਮਾਡਲਾਂ ਵਿੱਚੋਂ ਚੋਣ ਕਰ ਸਕਦੇ ਹਨ. ਬੁਨਿਆਦੀ ਮਾਡਲਾਂ ਬਾਰੇ ਹੋਰ ਜਾਣੋ.

ਸਾਧਨ ਅਤੇ ਵਿਸ਼ੇਸ਼ ਮੋਡ

ਤੁਹਾਡੀ ਗਾਹਕੀ ਦੇ ਪੱਧਰ ਅਤੇ ਸੈਟਿੰਗਾਂ ਦੇ ਆਧਾਰ 'ਤੇ, ChatGPT ਆਪਣੀਆਂ ਸਮਰੱਥਾਵਾਂ ਵਧਾਉਣ ਲਈ ਆਪਣੇ ਅੰਦਰ ਮੌਜੂਦ ਸਾਧਨ ਵਰਤ ਸਕਦਾ ਹੈ.

ਖੋਜ (ਵੈੱਬ ਬ੍ਰਾਊਜ਼ਿੰਗ)

ChatGPT ਨੂੰ ਇੰਟਰਨੈੱਟ ਤੋਂ ਹਾਲੀਆ ਜਾਂ ਉਸੇ ਵੇਲੇ ਦੀ ਜਾਣਕਾਰੀ ਲੱਭਣ ਦੀ ਸਹੂਲਤ ਦਿੰਦੀ ਹੈ. ਮੌਜੂਦਾ ਘਟਨਾਵਾਂ ਜਾਂ ਅਣਜਾਣ ਵਿਸ਼ਿਆਂ ਬਾਰੇ ਸਵਾਲਾਂ ਲਈ, ਜਾਂ ਜਦੋਂ ਤੁਸੀਂ ਸਰੋਤਾਂ ਨਾਲ ਪੁਸ਼ਟ ਕੀਤੇ ਜਵਾਬ ਚਾਹੁੰਦੇ ਹੋ, ਤਾਂ ਇਹ ਮਦਦਗਾਰ ਹੈ. ChatGPT ਸਰਚ ਬਾਰੇ ਹੋਰ ਜਾਣੋ.

ਡੀਪ ਰਿਸਰਚ

ਕਈ ਪੜਾਵਾਂ ਵਾਲੇ ਖੋਜ ਕਾਰਜਾਂ ਲਈ ਤਿਆਰ ਕੀਤਾ ਗਿਆ ਹੈ. ChatGPT ਕਈ ਆਨਲਾਈਨ ਸਰੋਤਾਂ ਦੀ ਸਮੱਗਰੀ ਪੜ੍ਹ ਕੇ ਉਸ ਨੂੰ ਇਕੱਠਾ ਕਰਦਾ ਹੈ ਅਤੇ ਹਵਾਲਿਆਂ ਸਮੇਤ ਸਟਰੱਕਚਰਡ ਆਉਟਪੁੱਟਸ ਤਿਆਰ ਕਰਦਾ ਹੈ. ਰਣਨੀਤੀ ਬਣਾਉਣ, ਰਿਪੋਰਟਾਂ ਤਿਆਰ ਕਰਨ ਅਤੇ ਮੌਜੂਦਾ ਖੋਜ ਸਾਹਿਤ ਦੀ ਸਮੀਖਿਆ ਲਈ ਲਾਭਦਾਇਕ ਹੈ.ਡੀਪ ਰਿਸਰਚ ਬਾਰੇ ਹੋਰ ਜਾਣੋ.

ਤਸਵੀਰਾਂ ਦੇਣਾ ਅਤੇ ਬਣਾਉਣਾ

ChatGPT ਅੱਪਲੋਡ ਕੀਤੀਆਂ ਤਸਵੀਰਾਂ, ਚਿੱਤਰਾਂ, ਸਕ੍ਰੀਨਸ਼ਾਟਾਂ ਜਾਂ ਚਾਰਟਾਂ ਦਾ ਵਿਸ਼ਲੇਸ਼ਣ ਕਰ ਸਕਦਾ ਹੈ. ਤੁਸੀਂ ਇਨ੍ਹਾਂ ਵਿੱਚ ਦਿਖਾਈ ਗਈ ਚੀਜ਼ ਬਾਰੇ ਸਵਾਲ ਪੁੱਛ ਸਕਦੇ ਹੋ, ਸਮੱਗਰੀ ਕੱਢ ਸਕਦੇ ਹੋ ਜਾਂ ਦ੍ਰਿਸ਼ਾਂ ਨੂੰ ਸਮਝਣ ਵਿੱਚ ਮਦਦ ਲੈ ਸਕਦੇ ਹੋ.

ਤੁਸੀਂ ਸਰਲ ਲਿਖਤੀ ਨਿਰਦੇਸ਼ ਦੇ ਕੇ ChatGPT ਨੂੰ ਚਿੱਤਰ, ਨਮੂਨਾ ਡਿਜ਼ਾਈਨ ਜਾਂ ਰਚਨਾਤਮਕ ਦ੍ਰਿਸ਼ ਬਣਾਉਣ ਲਈ ਵੀ ਕਹਿ ਸਕਦੇ ਹੋ. ਤੁਸੀਂ ਆਮ ਬੋਲਚਾਲ ਦੀ ਭਾਸ਼ਾ ਨਾਲ ਤਸਵੀਰਾਂ ਵਿੱਚ ਬਦਲਾਅ ਵੀ ਕਰ ਸਕਦੇ ਹੋ, ਜਿਵੇਂ ਕਿ “ਪਿਛੋਕੜ ਵਿੱਚ ਡੁੱਬਦਾ ਸੂਰਜ ਜੋੜੋ.” ChatGPT ਵਿੱਚ ਇਮੇਜ ਜਨਰੇਸ਼ਨ ਬਾਰੇ ਹੋਰ ਜਾਣੋ.

ਤੁਸੀਂ ChatGPT ਨਾਲ ਬਣਾਈ ਤਸਵੀਰ ਵਿੱਚ ਸੋਧਾਂ ਕਰਨ ਲਈ ਵੀ ChatGPT ਨੂੰ ਕਹਿ ਸਕਦੇ ਹੋ. ChatGPT ਵਿੱਚ ਤਸਵੀਰਾਂ ਨੂੰ ਸੋਧਣ ਬਾਰੇ ਹੋਰ ਜਾਣੋ.

ਫ਼ਾਈਲਾਂ ਅਤੇ ਆਡੀਓ ਅੱਪਲੋਡ ਕਰਨਾ

ਤੁਸੀਂ ਦਸਤਾਵੇਜ਼, ਸਪ੍ਰੈੱਡਸ਼ੀਟਾਂ, ਪੇਸ਼ਕਾਰੀਆਂ ਅਤੇ ਸਮਰਥਿਤ ਆਡੀਓ ਫ਼ਾਈਲਾਂ ਅੱਪਲੋਡ ਕਰ ਸਕਦੇ ਹੋ. ChatGPT ਇਨ੍ਹਾਂ ਦੀ ਸਮੱਗਰੀ ਦਾ ਸਾਰ ਦੇ ਸਕਦਾ ਹੈ, ਇਸ ਵਿੱਚੋਂ ਜਾਣਕਾਰੀ ਕੱਢ ਸਕਦਾ ਹੈ ਜਾਂ ਇਸ ਬਾਰੇ ਸਵਾਲਾਂ ਦੇ ਜਵਾਬ ਦੇ ਸਕਦਾ ਹੈ. ਆਡੀਓ ਰਿਕਾਰਡਿੰਗਾਂ ਲਈ, ਤੁਸੀਂ ਉਨ੍ਹਾਂ ਵਿੱਚ ਕਹੀਆਂ ਗੱਲਾਂ ਦਾ ਲਿਖਤੀ ਰੂਪ ਵੀ ਮੰਗ ਸਕਦੇ ਹੋ. ਆਡੀਓ ਨੂੰ ਸਮਝਣ ਅਤੇ ਲਿਖਤੀ ਰੂਪ ਵਿੱਚ ਬਦਲਣ ਦੀ ਗੁਣਵੱਤਾ ਭਾਸ਼ਾ ਅਨੁਸਾਰ ਵੱਖਰੀ ਹੋ ਸਕਦੀ ਹੈ.

ਇਹ ਸਹੂਲਤ ਦੇਣ ਵਾਲੀਆਂ ਯੋਜਨਾਵਾਂ, ਸਮਰਥਿਤ ਫ਼ਾਈਲ ਕਿਸਮਾਂ ਅਤੇ ਅੱਪਲੋਡ ਕਰਨ ਦੀਆਂ ਹਦਾਇਤਾਂ ਲਈ, ਵੇਖੋ: ChatGPT ਵਿੱਚ ਫ਼ਾਈਲਾਂ ਅਤੇ ਆਡੀਓ ਅੱਪਲੋਡ ਕਰਨਾ.

ਵਧੀਆ ਅਨੁਭਵ ਲਈ, ChatGPT ਵਿੱਚ ਫ਼ਾਈਲਾਂ ਅੱਪਲੋਡ ਕਰਦੇ ਸਮੇਂ ਅਜਿਹਾ ਸਮਰਥਿਤ ਬ੍ਰਾਊਜ਼ਰ ਵਰਤੋ ਜਿਸ ਵਿੱਚ ਸਾਰੇ ਨਵੀਨਤਮ ਅੱਪਡੇਟ ਲੱਗੇ ਹੋਣ.

ਡੇਟਾ ਵਿਸ਼ਲੇਸ਼ਣ

ChatGPT ਸਪ੍ਰੈੱਡਸ਼ੀਟਾਂ, ਸੀਐੱਸਵੀ ਫ਼ਾਈਲਾਂ ਅਤੇ ਹੋਰ ਢਾਂਚਾਬੱਧ ਫਾਰਮੈਟਾਂ ਦੇ ਡੇਟਾ ਦਾ ਵਿਸ਼ਲੇਸ਼ਣ ਕਰਨ ਅਤੇ ਉਸ ਨੂੰ ਦ੍ਰਿਸ਼ਾਂ ਰਾਹੀਂ ਦਰਸਾਉਣ ਲਈ ਸੁਰੱਖਿਅਤ ਮਾਹੌਲ ਵਿੱਚ ਕੋਡ ਚਲਾ ਸਕਦਾ ਹੈ. ਰੁਝਾਨਾਂ ਦਾ ਸਾਰ ਕੱਢਣ, ਡੇਟਾ ਵਿੱਚੋਂ ਗ਼ਲਤੀਆਂ ਦੂਰ ਕਰਨ ਜਾਂ ਭਵਿੱਖ ਦੇ ਅਨੁਮਾਨ ਲਾਉਣ ਵਰਗੇ ਕੰਮਾਂ ਲਈ ਇਸ ਦੀ ਵਰਤੋਂ ਕਰੋ. ਡੇਟਾ ਵਿਸ਼ਲੇਸ਼ਣ ਬਾਰੇ ਹੋਰ ਜਾਣੋ.

ਵੌਇਸ ਮੋਡ

ਮੋਬਾਈਲ ਐਪ ਜਾਂ ਇਹ ਸਹੂਲਤ ਦੇਣ ਵਾਲੇ ਡੈਸਕਟਾਪ/ਵੈੱਬ ਪਲੇਟਫਾਰਮਾਂ ਰਾਹੀਂ ChatGPT ਨਾਲ ਸੁਭਾਵਿਕ ਢੰਗ ਨਾਲ ਬੋਲ ਕੇ ਗੱਲਬਾਤ ਕਰੋ. ਤੁਸੀਂ ਹੱਥਾਂ ਦੀ ਵਰਤੋਂ ਕੀਤੇ ਬਿਨਾਂ ਗੱਲਬਾਤ ਕਰ ਸਕਦੇ ਹੋ, ਆਪਣੀ ਪਸੰਦ ਦੀ ਆਵਾਜ਼ ਚੁਣ ਸਕਦੇ ਹੋ ਅਤੇ ਜਵਾਬ ਸੁਣ ਸਕਦੇ ਹੋ. ਵੌਇਸ ਮੋਡ ਬਾਰੇ ਹੋਰ ਜਾਣੋ.

ਮੇਮੋਰੀ

ਮੇਮੋਰੀ ਚਾਲੂ ਹੋਣ ’ਤੇ, ChatGPT ਤੁਹਾਡੇ ਵੱਲੋਂ ਸਾਂਝੀ ਕੀਤੀ ਲਾਭਦਾਇਕ ਜਾਣਕਾਰੀ (ਜਿਵੇਂ ਤੁਹਾਡਾ ਨਾਮ, ਪਸੰਦਾਂ ਜਾਂ ਟੀਚੇ) ਯਾਦ ਰੱਖ ਸਕਦਾ ਹੈ, ਤਾਂ ਜੋ ਅੱਗੇ ਦੇ ਜਵਾਬ ਤੁਹਾਡੇ ਮੁਤਾਬਕ ਦਿੱਤੇ ਜਾ ਸਕਣ. ਤੁਸੀਂ ਯਾਦ ਰੱਖੀ ਜਾਣਕਾਰੀ ਨੂੰ ਕਿਸੇ ਵੀ ਵੇਲੇ ਦੇਖ, ਸੋਧ ਜਾਂ ਮਿਟਾ ਸਕਦੇ ਹੋ. ਮੇਮੋਰੀ ਬਾਰੇ ਹੋਰ ਜਾਣੋ

ਪ੍ਰੋਜੈਕਟ

ਪ੍ਰੋਜੈਕਟਾਂ ਵਿੱਚ ਤੁਸੀਂ ਇੱਕ ਸਾਂਝੇ ਉਦੇਸ਼ ਨਾਲ ਜੁੜੀਆਂ ਗੱਲਬਾਤਾਂ, ਫ਼ਾਈਲਾਂ ਅਤੇ ਸੰਦਰਭ ਨੂੰ ਇਕੱਠੇ ਵਿਵਸਥਿਤ ਕਰ ਸਕਦੇ ਹੋ. ਇਹ ਕਈ ਸੈਸ਼ਨਾਂ ਵਿੱਚ ਚੱਲਣ ਵਾਲੀਆਂ ਕੰਮਕਾਜੀ ਪ੍ਰਕਿਰਿਆਵਾਂ, ਮਿਲ ਕੇ ਕੀਤੇ ਜਾਣ ਵਾਲੇ ਕੰਮਾਂ ਜਾਂ ਲੰਮੇ ਸਮੇਂ ਤੱਕ ਚੱਲਣ ਵਾਲੇ ਖੋਜ ਵਿਸ਼ਿਆਂ ਲਈ ਬਹੁਤ ਢੁਕਵਾਂ ਹੈ. ਪ੍ਰੋਜੈਕਟਾਂ ਬਾਰੇ ਹੋਰ ਜਾਣੋ.

ਤੈਅ ਸਮੇਂ ’ਤੇ ਹੋਣ ਵਾਲੇ ਕੰਮ

ਕੁਝ ਵਰਤੋਂਕਾਰ ChatGPT ਨੂੰ ਭਵਿੱਖ ਵਿੱਚ ਆਪਣੇ ਆਪ ਕੰਮ ਕਰਨ ਲਈ ਸੈੱਟ ਕਰ ਸਕਦੇ ਹਨ, ਜਿਵੇਂ ਯਾਦ-ਦਹਾਨੀਆਂ ਭੇਜਣਾ, ਵਿਸ਼ਲੇਸ਼ਣ ਕਰਨਾ ਜਾਂ ਨਵੀਂ ਜਾਣਕਾਰੀ ਲਈ ਵੈੱਬ ਦੇਖਣਾ. ਕੰਮ ਇੱਕ ਵਾਰ ਜਾਂ ਵਾਰ-ਵਾਰ ਹੋਣ ਵਾਲੇ ਹੋ ਸਕਦੇ ਹਨ.ਤੈਅ ਸਮੇਂ ’ਤੇ ਹੋਣ ਵਾਲੇ ਕੰਮਾਂ ਬਾਰੇ ਹੋਰ ਜਾਣੋ.

ਕਸਟਮ GPTs

ਤੁਸੀਂ ਤਿਆਰ ਕੀਤੀਆਂ ਹਦਾਇਤਾਂ, ਅੱਪਲੋਡ ਕੀਤੀਆਂ ਫ਼ਾਈਲਾਂ ਅਤੇ ਚੁਣੇ ਹੋਏ ਟੂਲਾਂ ਤੱਕ ਪਹੁੰਚ ਨਾਲ ਆਪਣਾ AI ਸਹਾਇਕ ਬਣਾ ਸਕਦੇ ਹੋ। ਇਹ ਸਹਾਇਕ ChatGPT ਦੇ ਖਾਸ ਵਰਜ਼ਨਾਂ ਵਾਂਗ ਵਰਤਾਅ ਕਰਦੇ ਹਨ ਅਤੇ ਇਨ੍ਹਾਂ ਨੂੰ ਸਾਂਝਾ ਕੀਤਾ ਜਾਂ ਕਿਸੇ ਜਨਤਕ ਡਾਇਰੈਕਟਰੀ ਵਿੱਚ ਪ੍ਰਕਾਸ਼ਿਤ ਕੀਤਾ ਜਾ ਸਕਦਾ ਹੈ।

• ਕਸਟਮ ਨਾਮ, ਪ੍ਰੋਫ਼ਾਈਲ ਅਤੇ ਵਰਤਾਅ ਸੈੱਟ ਕਰੋ

• ਗਿਆਨ ਸਰੋਤਾਂ ਵਜੋਂ ਫ਼ਾਈਲਾਂ ਜੋੜੋ

• ਚੁਣੋ ਕਿ ਤੁਹਾਡਾ GPT ਕਿਹੜੇ ਟੂਲ ਅਤੇ APIs ਵਰਤ ਸਕਦਾ ਹੈ

GPT Store

ਦੂਜਿਆਂ ਵੱਲੋਂ ਖ਼ਾਸ ਕੰਮਾਂ ਲਈ ਬਣਾਏ ਸਹਾਇਕਾਂ ਨੂੰ ਲੱਭੋ, ਵਰਤੋ ਜਾਂ ਪ੍ਰਕਾਸ਼ਿਤ ਕਰੋ. ਸ਼੍ਰੇਣੀਆਂ ਵਿੱਚ ਲਿਖਾਈ, ਕੋਡਿੰਗ, ਉਤਪਾਦਕਤਾ, ਸਿੱਖਿਆ ਅਤੇ ਹੋਰ ਵੀ ਬਹੁਤ ਕੁਝ ਸ਼ਾਮਲ ਹੈ. ਲੋੜ ਮੁਤਾਬਕ ਬਣਾਏ GPT ਬਾਰੇ ਹੋਰ ਜਾਣੋ.