Të dhënat kontekstuale janë hollësi shtesë për biznesin, produktin ose shërbimin tuaj, që i ndihmojnë sistemet tona të kuptojnë se kur reklamat tuaja mund të jenë të përshtatshme në ChatGPT. Shtojini në nivel grupi reklamash për të dhënë informacion të dobishëm që mund të mos jetë i qartë nga reklama ose faqja juaj e destinacionit.

Shkruani shënime kontekstuale

Pyeteni veten: Çfarë tjetër duhet të dimë për produktin tuaj, kujt i shërben dhe kur është i dobishëm?

• Çfarë: Veçoritë përkatëse të produktit, shërbimet, çmimet, disponueshmëria ose zonat ku ofroni shërbime.

• Kujt: Nevojat, preferencat ose rrethanat e klientëve të cilave u përshtatet ajo që ofroni.

• Kur: Situatat ose vendimet ku ajo që ofroni mund të jetë e dobishme.

Përdorni njohuritë tuaja për klientët të cilëve u përshtatet më së miri ajo që ofroni dhe për situatat që sjellin rezultate më të mira për biznesin, për të përshkruar nevojat që mund të përmbushni.

Shkruani një frazë të qartë e të natyrshme, të përqendruar në një ide, në vend të një liste me fjalë kyçe pa lidhje mes tyre. Nuk është e nevojshme që çdo shënim t’i mbulojë të tria.

Çfarë e bën të mirë një shënim kontekstual

Shënimet kontekstuale të efektshme janë:

• Plotësuese: Shtoni kontekst të dobishëm përtej asaj që është tashmë e qartë nga reklama juaj ose faqja ku ajo i drejton vizitorët.

• Specifike: Përshkruani një veçori konkrete të produktit, një hollësi të shërbimit, një nevojë të klientit ose një situatë.

• Me rëndësi për kontekstin: Shpjegoni një lidhje reale mes asaj që ofroni dhe rastit të përdorimit.

• Të sakta: Pasqyroni atë që ofroni realisht. Përditësoni shënimet kur ndryshojnë veçoritë, çmimet, ofertat promocionale, disponueshmëria ose zonat ku ofroni shërbime.

Një hollësi mund të jetë tashmë në faqen ku drejton reklama dhe sërish të jetë e dobishme, nëse shënimi e lidh atë me një nevojë të klientit. Për shembull, “këpucë vrapimi që ajrosen mirë për stërvitje në mot të ngrohtë” shpjegon pse një veçori ka rëndësi.

Shembuj shënimesh kontekstuale

Këta shembuj shërbejnë si ilustrim. Përdorni hollësi që pasqyrojnë saktë biznesin tuaj.

Shënimet mund të përshkruajnë edhe një rast tjetër real përdorimi. Për shembull, këpucët sportive që i japin mbështetje të mirë këmbës mund t’u përshtaten njerëzve që qëndrojnë në këmbë gjatë turneve të gjata të punës, nëse produkti është i përshtatshëm për këtë përdorim. Vetëm dëshira për të arritur te një grup klientësh nuk do të thotë se ajo që ofroni u përshtatet atyre.

Konteksti i biznesit dhe kontrollet e shfaqjes së reklamave

Shënimet kontekstuale ndihmojnë në vlerësimin e përshtatshmërisë së reklamës. Njerëzit nuk kanë nevojë të përdorin pikërisht fjalët e shënimit tuaj që nevoja ose situata që shprehin të ketë lidhje me atë që ofroni.

Shënimet nuk janë rregulla për përcaktimin e audiencës ose udhëzime për shfaqjen e reklamave. Ato nuk garantojnë që reklama juaj do të shfaqet për biseda, audienca ose situata të caktuara dhe nuk mund të zbatojnë kufizime gjeografike, orare ose përjashtime.

Për shembull, “Shërbime hidraulike për banesa të disponueshme në Çikago” përshkruan biznesin tuaj. “Shfaqeni këtë reklamë vetëm për njerëzit në Çikago” është një udhëzim për shfaqjen e reklamës. Për kufizimet e shfaqjes së reklamave, përdorni kontrollet që ofron produkti, aty ku janë të disponueshme.

Mund të përshkruani gjithashtu se cilat produkte promovon një grup reklamash. Kjo sqaron se cilat produkte përfshihen; nuk përjashton njerëz ose biseda të caktuara.

Mbajini shënimet kontekstuale të përqendruara te grupi i reklamave

Grupojini shënimet sipas një produkti, shërbimi, teme ose nevoje të përbashkët të klientëve. Situatat që lidhen me njëra-tjetrën mund të përfshihen në të njëjtin grup reklamash. Merrni parasysh krijimin e grupeve të veçanta të reklamave kur rastet e përdorimit kërkojnë mesazhe të ndryshme ose faqe të ndryshme ku të drejtohen vizitorët.

Për më shumë udhëzime, shihni: Krijoni grupe reklamash për Reklamat në ChatGPT.