Zgjidhja e problemeve të zakonshme gjatë hapave fillestarë dhe me politikat

Përdorni këtë udhëzues për të zgjidhur problemet e zakonshme në Ads Manager. Filloni me kategorinë që përputhet më së miri me problemin tuaj, kryeni kontrollet e rekomanduara dhe kontaktoni mbështetjen nëse problemi vazhdon. Verifikimi i llogarisë, miratimi i llogarisë, shqyrtimi i reklamës dhe shfaqja e saj janë kontrolle të veçanta. Përfundimi i njërit nuk do të thotë se kanë përfunduar edhe të gjithë të tjerët.

1. Verifikimi i biznesit

Verifikimi i biznesit tim dështoi

• Çfarë do të thotë: Kemi përfunduar verifikimin e llogarisë suaj dhe nuk mundëm ta miratonim. Verifikimi mund të dështojë nëse nuk arrijmë të vërtetojmë saktësinë e të dhënave për identitetin, pronësinë ose lidhjet e biznesit tuaj.

• Hapi tjetër: Sigurohuni që llogaria, reklamat dhe faqet tuaja të destinacionit ta paraqesin saktë biznesin tuaj dhe çdo marrëdhënie me individë, organizata ose marka të tjera.

Verifikimi i biznesit tim është në proces

• Çfarë do të thotë: Verifikimi i llogarisë suaj është në proces dhe për momentin nuk kërkohet asnjë veprim nga ju.

• Hapi tjetër: Shqyrtimi mund të zgjasë deri në 7 ditë pune. Nëse zgjat më shumë, kontaktoni mbështetjen për reklamat.

Verifikimi i biznesit tim nuk ka filluar

• Kontrolloni fillimisht: Kthehuni te njoftimi për verifikim në llogarinë e duhur të Ads Manager. Rifreskoni faqen ose hyni përsëri duke përdorur një shfletues të përditësuar.

• Hapi tjetër: Nëse ende nuk mund të vazhdoni, kontaktoni mbështetjen për reklamat dhe tregoni hapin ku hasi pengesë procesi.

2. Sektorët që lejohen të reklamojnë

Biznesit ose sektorit tim nuk i lejohet të reklamojë

• Çfarë do të thotë: Politikat e reklamave aktualisht ndalojnë reklamimin e sektorit ose shërbimeve tuaja në OpenAI. Shihni tabelën e kategorive të lejuara më poshtë për të parë kategoritë e sektorëve dhe shërbimeve që lejohen. Regjistrimi ose licencimi i një biznesi nuk i jep automatikisht të drejtën të reklamojë në çdo kategori apo treg.

• Hapi tjetër: Mund të keni marrë një email me hollësi mbi arsyen e refuzimit dhe hapat e mëtejshëm. Nëse mendoni se vendimi është i pasaktë, apeloni përmes lidhjes në atë email ose përmes Ads Manager. Apelimi është rruga më e shpejtë për ta zgjidhur çështjen. Nëse hasni probleme gjatë paraqitjes së apelimit ose nuk e shihni opsionin për apelim, kontaktoni mbështetjen.

3. Refuzimet e reklamave (Tabela e kategorive të lejuara sipas politikave)

Reklama ime u refuzua

• Kontrolloni fillimisht: Lexoni mesazhin e refuzimit në Ads Manager dhe identifikoni tekstin, imazhin ose faqen e destinacionit që ka shkaktuar problemin. Kontrolloni që reklama në tërësi dhe faqja e destinacionit të jenë në përputhje me Politikat e reklamave dhe të përshkruajnë të njëjtën ofertë.

• Hapi tjetër: Nëse besoni se arsyeja e refuzimit sipas politikave nuk vlen për reklamën tuaj, mund të përdorni opsionin e apelimit në Ads Manager ose butonin Kërko shqyrtim. Apelimi është rruga më e shpejtë për ta zgjidhur çështjen, ndaj kontaktoni mbështetjen për reklamat vetëm nëse nuk ka opsion apelimi ose nëse apelimi ka mbetur në pritje për më shumë se 7 ditë pa një vendim.

Reklamat e mia nuk mund të shfaqen në vendet që kam zgjedhur

• Çfarë do të thotë: Krahasoni vendet e synuara të fushatës me kategoritë që lejohen sipas politikave. Ky mesazh gabimi shfaqet kur kategoritë e përcaktuara nga politikat nuk lejohen në zona të caktuara gjeografike. Disa kategori lejohen vetëm për reklamues të përzgjedhur e të miratuar. Aktualisht po punojmë vetëm me një grup të vogël reklamuesish dhe nuk po pranojmë aplikime për miratim në disa kategori të përcaktuara nga politikat. Shihni më poshtë tabelën e kategorive të lejuara sipas politikave të reklamave.

• Hapi tjetër: Nëse mendoni se kufizimi i vendosur mbi reklamën sipas politikave është i pasaktë, përdorni opsionin e apelimit në Ads Manager ose në njoftimin e refuzimit, kur është i disponueshëm. Apelimi është rruga më e shpejtë për ta zgjidhur çështjen, ndaj kontaktoni mbështetjen për reklamat vetëm nëse nuk ka opsion apelimi ose nëse apelimi ka mbetur në pritje për më shumë se 7 ditë pa një vendim.

4. Miratimi i domeneve

Domeni im nuk është miratuar për këtë llogari

• Çfarë do të thotë: Nuk mundëm të verifikonim që identiteti juaj si reklamues përputhet me domenin që keni dhënë.

• Hapi tjetër: Verifikoni që identiteti juaj si reklamues përputhet me informacionin e dhënë për domenin. Duhet të keni marrë një email me hollësi mbi arsyen e refuzimit dhe hapat e mëtejshëm. Nëse mendoni se vendimi është i pasaktë, apeloni përmes lidhjes në atë email. Apelimi është rruga më e shpejtë për ta zgjidhur çështjen. Nëse hasni probleme gjatë paraqitjes së apelimit ose nuk e shihni opsionin për apelim, kontaktoni mbështetjen për reklamat.

Mund të kontaktoni mbështetjen për reklamat në adresën ads-support@openai.com. Në mesazhin tuaj, përfshini ID-në e llogarisë suaj të reklamave dhe kategorinë e problemit që po hasni.

Tabela e kategorive të lejuara sipas politikave të reklamave për fusha me rregullim të rreptë

Shëndetësia

Shërbime financiare

Shërbime ligjore