ChatGPT ni bure kutumia, na sasa inaweza kufikiwa kabla ya kufungua akaunti kwenye chatgpt.com. Weka tu dokeza lako kwenye kisanduku cha maandishi ili kuanza.
Kwa maswali ya jumla kuhusu ChatGPT, tafadhali rejelea maswali yanayoulizwa mara kwa mara ya ChatGPT.
Nitaanzaje gumzo jipya?
Unaweza kuanzisha gumzo jipya kwa kuchagua Gumzo Jipya.
Ikiwa una gumzo lililopo, gumzo lako la sasa halitapatikana tena ukianza gumzo jipya. Gumzo zinaweza kuhifadhiwa tu kwa kuingia au kufungua akaunti.
Kwa nini ninaombwa kuingia au kujisajili bila kuweza kutuma ujumbe?
Tunatoa kipengele hiki kwa watumiaji wote katika nchi tunazozihudumia. Kipengele hiki bado hakipatikani kwa watumiaji barani Ulaya, isipokuwa watumiaji nchini Uingereza, ingawa tunatarajia kukifanya kipatikane hivi karibuni.
Je, ninaweza kuwa na zaidi ya mazungumzo moja nikiwa sijalogini?
Ukiwa hujaingia, unaweza kuwa na mazungumzo moja tu kwa wakati mmoja.
Ninawezaje kuhifadhi mazungumzo niliyofanya? Je, ninaweza kuona mazungumzo niliyofanya?
Unaweza kuhifadhi mazungumzo kwa kuingia au kufungua akaunti. Baada ya kufungua akaunti, mazungumzo yako ya hivi karibuni yataonekana kwenye utepe wa upande wa kushoto wa ukurasa. Mazungumzo mengine ya awali hayawezi kuhifadhiwa.
Tafadhali kumbuka hutaweza kuendelea na mazungumzo haya utakapotoka.
Kwa nini mazungumzo yangu yalitoweka?
Ukiwa hujaingia, huwezi kuhifadhi historia yako ya gumzo. Gumzo zitabaki kupatikana tu kwa kipindi cha sasa kwenye kivinjari kilekile.
Faida za kufungua akaunti ni zipi?
Kufungua akaunti hufungua zana zinazokuruhusu kudhibiti mazungumzo yako na ChatGPT, ikijumuisha uwezo wa kuhifadhi historia yako ya gumzo na kuhamisha data yako ya ChatGPT, kushiriki gumzo zako, na kubinafsisha matumizi yako kwa maagizo maalum.
Ili kujifunza zaidi, tafadhali rejelea maswali yanayoulizwa mara kwa mara ya ChatGPT.
Je, mtatumia mazungumzo yangu kwa ajili ya mafunzo?
Ndiyo, kwa chaguo-msingi tutatumia gumzo kufunza miundo yetu. Tunapendekeza usishiriki taarifa nyeti. Pata maelezo zaidi kuhusu jinsi tunavyotumia data kuboresha miundo yetu.
Unaweza kuchagua gumzo zako zisitumiwe kufunza kwa kuzima “Boresha muundo kwa ajili ya kila mtu” katika mipangilio yako, inayopatikana sehemu ya chini kulia ya ukurasa kwa kubofya ? aikoni kwenye wavuti. Mpangilio huu umeunganishwa na kivinjari chako na utawekwa upya ukifuta vidakuzi vyako au kubadilisha kivinjari au kifaa chako.
Kwa maelezo zaidi kuhusu jinsi tunavyoshughulikia data, tafadhali angalia sera yetu ya faragha.
Ninawezaje kuwasiliana na usaidizi?
Tafadhali wasiliana na timu yetu ya usaidizi kwa kufungua akaunti au kuingia katika akaunti iliyopo na kuanzisha mazungumzo mapya ukitumia zana ya gumzo kwenye tovuti katika help.openai.com. Tutafurahi kusaidia!