கண்ணோட்டம்

அனைவரும் பயன்பெறும் வகையில் மேம்பட்ட செயற்கை நுண்ணறிவு மாதிரிகளை உருவாக்கி வழங்குவதில் OpenAI நிறுவனத்தில் நாங்கள் அக்கறை கொண்டுள்ளோம். இந்த மாதிரிகள் உங்கள் வணிகத்தின் மையமாகவோ அன்றாட வாழ்க்கையின் ஒரு பகுதியாகவோ இருக்கலாம் என்பதையும், அதனால் அவற்றில் ஏற்படும் எந்தத் தடையும் உங்களுக்கு எரிச்சலை ஏற்படுத்தலாம் என்பதையும் நாங்கள் புரிந்துகொள்கிறோம்.

உங்களுக்கு உதவ நாங்கள் இருக்கிறோம். அதேவேளையில், பாதுகாப்பான பணிச்சூழலைப் பேணுவதும் எங்களுக்கு அவசியம். எங்கள் ஆதரவுச் சேவைகளில் தொடர்புகொள்ளும்போது தகாத முறையில் நடந்துகொள்வதை நாங்கள் பொறுத்துக்கொள்ள மாட்டோம். இழிவுபடுத்தும் அல்லது அவமதிக்கும் சொற்களைப் பயன்படுத்துதல், மனிதர்களைத் தாக்குவதாகவோ சொத்துகளைச் சேதப்படுத்துவதாகவோ மிரட்டுதல், மற்றவர் விரும்பாத செயல்களைத் தொடர்ந்து செய்தல் போன்றவை தகாத நடத்தையில் அடங்கும். இவை தவிர, இதே போன்ற பிற செயல்களும் இதில் அடங்கும்.

அனைவருக்கும் பாதுகாப்பான, ஆக்கபூர்வமான சூழலை உறுதிசெய்ய, தகாத முறையில் நடந்துகொள்ளும் அல்லது அச்சுறுத்தும் பயனர்கள் மீது பின்வருவன உள்ளிட்ட நடவடிக்கைகள் எடுக்கப்படலாம்:

• எழுத்து மூலமான அல்லது வாய்மொழி எச்சரிக்கைகள்

• ஆதரவுச் சேவைகளுக்கான அணுகலைக் கட்டுப்படுத்துதல் அல்லது நீக்குதல்

• OpenAI தயாரிப்புகள் மற்றும் சேவைகளுக்கான அணுகலைத் தற்காலிகமாக அல்லது நிரந்தரமாக நீக்குதல்

• தீங்கு விளைவிப்பதாக விடுக்கப்படும் மிரட்டல்கள் உண்மையானவை என நம்பக் காரணம் இருந்தால், அவற்றை அதிகாரிகளிடம் புகாரளித்தல்

சிறந்த ஆதரவை வழங்கவும், உங்களுக்கு இருக்கும் கேள்விகள் அல்லது கவலைகளுக்குத் தீர்வுகாணவும் நாங்கள் உறுதிபூண்டுள்ளோம். தொல்லை தரும் அல்லது மரியாதையற்ற சொற்களைத் தொடர்ந்து பயன்படுத்தினால், எங்கள் ஆதரவுச் சேவைகளுக்கான உங்கள் அணுகல் கட்டுப்படுத்தப்படலாம். உங்கள் கணக்கிற்கான அணுகலும் கட்டுப்படுத்தப்பட வாய்ப்புள்ளது.