ஆர்டிஃபிஷியல் ஜெனரல் இன்டெலிஜென்ஸை அனைவருக்கும் பயனுள்ளதாக மாற்றும் எங்கள் நோக்கத்தின் மையத்தில் பயனர்களின் நம்பிக்கை உள்ளது. உங்களிடம் வெளிப்படையாக இருப்பது, அந்த நம்பிக்கையை நாங்கள் வளர்க்கும் வழிகளில் ஒன்று. குறிப்பிட்ட சந்தைகளில், பிற நிறுவனங்களின் தளங்களிலும் செயலிகளிலும் எங்கள் தயாரிப்புகளையும் சேவைகளையும் உங்களுக்கு எப்படி விளம்பரப்படுத்துகிறோம் என்பதை அண்மையில் புதுப்பிக்கப்பட்ட எங்கள் பிரைவசி பாலிசியின் சில புதுப்பிப்புகள் விளக்குகின்றன. இந்தச் செயல்பாடுகளை எங்கள் பிரைவசி பாலிசியில் எப்படி விவரிக்க வேண்டும் என்பதைத் தனியுரிமைச் சட்டங்கள் வரையறுக்கின்றன. எனவே, அவற்றைப் பற்றி மேலும் தெளிவான மொழியில் கூடுதல் தகவலை இங்கே வழங்க விரும்புகிறோம். பிற நிறுவனங்களின் தளங்களிலும் செயலிகளிலும் OpenAI-ஐ உங்களுக்கு விளம்பரப்படுத்துவதற்காகத் தரவை நாங்கள் எப்படிப் பகிர்கிறோம் என்பதை இந்தக் கட்டுரை விளக்குகிறது. ChatGPT-ஐப் பயன்படுத்தும்போது நீங்கள் காணக்கூடிய விளம்பரங்களைப் பற்றி மேலும் அறிய, இங்கே பார்க்கவும்.
எங்கள் சந்தைப்படுத்தல் நடவடிக்கைகள். பெரும்பாலான நிறுவனங்களைப் போலவே, தற்போதைய பயனர்கள் எங்களின் புதிய தயாரிப்புகள் அல்லது சலுகைகளைப் பற்றி அறிந்துகொள்ள வேண்டும் என்றும், எங்கள் தயாரிப்புகள் குறித்த விளம்பரங்கள் மூலம் புதிய பயனர்களைச் சென்றடைய வேண்டும் என்றும் விரும்புகிறோம். இன்றைய சூழலில், மூன்றாம் தரப்புத் தளங்களில் OpenAI குறித்த விளம்பரங்களை உங்களுக்குக் காட்டுவதற்காகத் தேர்ந்தெடுக்கப்பட்ட கூட்டாளர்களுடன் சிறிதளவு தகவலைப் பகிர்வது இதற்கான சிறந்த வழிகளில் ஒன்றாகும். ChatGPT-இன் இலவசத் திட்டத்தை நீங்கள் பயன்படுத்தினால் Pro பதிப்புக்கான விளம்பரத்தைப் பார்ப்பது போன்ற, உங்களுக்குப் பொருத்தமான விளம்பரங்களைக் காண இது உதவுகிறது.
இந்தச் சந்தைப்படுத்தல் கூட்டாளர்களுடன் உங்கள் உரையாடல்களை நாங்கள் பகிர்வதில்லை. மூன்றாம் தரப்புத் தளங்களில் உங்களுக்கு விளம்பரங்களைக் காட்டுவதற்காக, எங்கள் சேவைகளில் நீங்கள் பதிவேற்றும் ஆவணங்கள், படங்கள், காணொளிகள் மற்றும் பிற உள்ளடக்கங்களையும் நாங்கள் பகிர்வதில்லை.
எங்கள் தயாரிப்புகளை உங்களிடம் சிறப்பாகச் சந்தைப்படுத்த, தேர்ந்தெடுக்கப்பட்ட கூட்டாளர்களுடன் குறைந்த அளவிலான தகவலைப் பகிரத் தொழில்நுட்பத்தைப் பயன்படுத்துகிறோம். எங்கள் தயாரிப்புகளை உங்களிடம் சந்தைப்படுத்துவதற்காக, சமூக வலைப்பின்னல்கள் மற்றும் பெரிய விளம்பரத் தளங்கள் போன்ற கூட்டாளர்களுடன் சில அடிப்படைத் தகவல்களைப் பகிர்கிறோம். முதலில், உங்கள் நிஜ வாழ்க்கை அடையாளத்தை வெளிப்படுத்தாத சில அடையாளக் குறிகளைப் பகிர்கிறோம். அவை உங்கள் உலாவி அல்லது சாதனம் போன்ற அடையாளக் குறிகளுடன் இணைக்கப்பட்ட எண்கள் மற்றும் எழுத்துகளின் தொடர் (குக்கீ அடையாளக் குறி), உங்கள் இணைய நெறிமுறை முகவரி அல்லது “ஹாஷ்” எனப்படும் பாதுகாப்புக் கருவி மூலம் எண்கள் மற்றும் எழுத்துகளின் தொடராக மாற்றப்பட்ட உங்கள் மின்னஞ்சல் முகவரி அல்லது தொலைபேசி எண்ணின் வடிவமாக இருக்கலாம். எங்கள் சந்தைப்படுத்தல் கூட்டாளர்கள் இந்த அடையாளக் குறிகளைப் பயன்படுத்தி, தங்கள் தளங்களில் உள்ள உங்கள் கணக்கு அல்லது செயல்பாட்டுடன் அவற்றைப் பொருத்தலாம். அடுத்து, ChatGPT-இன் இலவசத் திட்டத்தில் நீங்கள் சேர்ந்தீர்களா அல்லது குறிப்பிட்ட OpenAI தயாரிப்பை விவரிக்கும் இணையப்பக்கத்தைப் பார்வையிட்டீர்களா என்பது போன்ற ஓர் விளம்பர இலக்கை அடைய உதவும் சில அடிப்படை வணிக மற்றும் உலாவல் தகவல்களைப் பகிர்கிறோம்.
OpenAI-ஐ உங்களுக்கு மேலும் திறம்பட விளம்பரப்படுத்துவதற்காக இந்தத் தரவைப் பகிர்வது, அமெரிக்காவின் சில மாநிலத் தனியுரிமைச் சட்டங்களின்படி “இலக்கிடப்பட்ட விளம்பரம்” அல்லது “வெவ்வேறு சூழல்களிலான நடத்தைசார் விளம்பரத்திற்கான பகிர்வு” என வகைப்படுத்தப்படுகிறது. இதிலிருந்து நீங்கள் எப்போது வேண்டுமானாலும் விலகலாம்.
விலகுவது எப்படி:
உங்கள் கணக்கில்: உங்கள் கணக்கு அமைப்புகளில் உள்ள சந்தைப்படுத்தல் தனியுரிமைக் கட்டுப்பாட்டைப் பயன்படுத்தி இணையத்தில் விலகலாம் (அமைப்புகள் > தரவுக் கட்டுப்பாடுகள் > சந்தைப்படுத்தல் தனியுரிமை). இது உங்கள் கணக்கின் இலக்கிடப்பட்ட விளம்பர நோக்கங்களுக்கான தரவுப் பகிர்வைத் தடுக்கும்.
எங்கள் இணையதளங்களில்: நீங்கள் உள்நுழையவில்லை என்றால், சில இணையதளங்களின் அடிப்பகுதியில் உள்ள குக்கீகளை நிர்வகி அல்லது உங்கள் தனியுரிமைத் தேர்வுகள் என்ற இணைப்பைப் பயன்படுத்தி விலகலாம். அல்லது அமைப்புகள் > தரவுக் கட்டுப்பாடுகள் > சந்தைப்படுத்தல் தனியுரிமை என்பதற்குச் செல்லலாம். நீங்கள் உள்நுழையவில்லை என்றால், விலகல் அந்த உலாவிக்கு மட்டுமே பொருந்தும். எனவே, உங்கள் கணக்குக் கட்டுப்பாட்டைப் பயன்படுத்துங்கள் அல்லது வேறொரு உலாவி அல்லது சாதனத்தில் எங்கள் இணையதளங்களில் ஏதேனும் ஒன்றுக்கு மீண்டும் வரும்போது உங்கள் தேர்வைப் புதுப்பியுங்கள்.