விளம்பர மேலாளரில் விளம்பரப் பிரச்சாரங்களை மாற்ற தற்போது இரண்டு முக்கிய வழிகள் உள்ளன.
நேரடித் திருத்தங்கள் (விரைவான மாற்றங்களுக்கு): விளம்பர மேலாளரிலேயே நேரடியாக விரைவான மாற்றங்களைச் செய்யலாம். செலவுத்திட்டங்களை மாற்றுவது, விளம்பர வாசகங்களைப் புதுப்பிப்பது அல்லது விளம்பரப் பிரச்சாரங்களை இடைநிறுத்துவது போன்ற விரைவான மாற்றங்களுக்கு இதைப் பயன்படுத்தவும்.
மொத்தத் திருத்தங்கள் (பெரிய அளவிலான மாற்றங்களுக்குப் பரிந்துரைக்கப்படுகின்றன): விளம்பர ஸ்கீமா வார்ப்புருவில் உங்கள் விளம்பரப் பிரச்சாரத் தரவைப் புதுப்பித்து மீண்டும் பதிவேற்றவும். சூழல் குறிப்புகள், விளம்பர வாசகங்கள் அல்லது இலக்குப் பக்கங்களைப் பெரிய அளவில் புதுப்பிப்பது போன்ற கட்டமைப்பு மாற்றங்களுக்கு இதைப் பயன்படுத்தவும்.
நேரடித் திருத்தங்கள்
விளம்பரப் பிரச்சார ஸ்கீமா வார்ப்புருவைத் திருத்தத் தேவையில்லாத, விரைவான தனிப்பட்ட மாற்றங்களுக்கு நேரடித் திருத்தங்கள் மிகவும் ஏற்றவை.
ஏற்கெனவே உள்ள விளம்பரப் பிரச்சாரங்கள், விளம்பரக் குழுக்கள் அல்லது விளம்பரங்களைத் திருத்துதல்
செலவுத்திட்டங்களை மாற்றுவது, விளம்பர வாசகங்களைப் புதுப்பிப்பது அல்லது விளம்பரத்தின் படத்தை மாற்றுவது போன்ற சிறிய மாற்றங்களுக்கு இந்தச் செயல்முறையைப் பயன்படுத்தவும்.
விளம்பரப் பிரச்சாரம், விளம்பரக் குழு அல்லது விளம்பரத்தின் மீது சுட்டியை வைக்கவும்.
மூன்று புள்ளிகள் கொண்ட பட்டியலைக் கிளிக் செய்யவும்.
திருத்து என்பதைத் தேர்ந்தெடுக்கவும்.
உங்கள் மாற்றங்களை நேரடியாகச் செய்யவும்.
சேமி என்பதைத் தேர்ந்தெடுக்கவும்.
புதிய விளம்பரக் குழுக்கள் அல்லது விளம்பரங்களை உருவாக்குதல்
ஏற்கெனவே உள்ள விளம்பரப் பிரச்சாரக் கட்டமைப்பில் புதிய உருப்படிகளை விரைவாகச் சேர்க்க விரும்பினால் இந்தச் செயல்முறையைப் பயன்படுத்தவும்.
புதிய விளம்பரக் குழுவை உருவாக்க: விளம்பரப் பிரச்சாரத்தைக் கிளிக் செய்து அதிலுள்ள விளம்பரக் குழுக்களை அணுகவும். பின்னர் உருவாக்கு என்பதையும், விளம்பரக் குழுவை உருவாக்கு என்பதையும் கிளிக் செய்யவும்.
புதிய விளம்பரத்தை உருவாக்க: விளம்பரக் குழுவைக் கிளிக் செய்து அதிலுள்ள விளம்பரங்களை அணுகவும். பின்னர் உருவாக்கு என்பதையும், விளம்பரத்தை உருவாக்கு என்பதையும் கிளிக் செய்யவும்.
மொத்தப் புதுப்பிப்புகள்
பல விளம்பரப் பிரச்சாரங்கள், விளம்பரக் குழுக்கள் அல்லது விளம்பரங்களில் ஒரே நேரத்தில் மாற்றங்களைச் செய்ய மொத்தத் திருத்தங்கள் மிகவும் ஏற்றவை.
ஏற்கெனவே உள்ள விளம்பரப் பிரச்சாரங்கள், விளம்பரக் குழுக்கள் அல்லது விளம்பரங்களைப் புதுப்பித்தல்
ஏற்கெனவே உள்ள விளம்பரப் பிரச்சாரங்கள், விளம்பரக் குழுக்கள் அல்லது விளம்பரங்களைப் பெரிய அளவில் மாற்ற விரும்பினால் இந்தச் செயல்முறையைப் பயன்படுத்தவும்.
நீங்கள் புதுப்பிக்க விரும்பும் விளம்பரப் பிரச்சாரங்கள், விளம்பரக் குழுக்கள் அல்லது விளம்பரங்களைத் தேர்ந்தெடுக்கவும்.
திருத்துவதற்காக ஏற்றுமதி செய் என்பதைக் கிளிக் செய்யவும். இது, தேர்ந்தெடுத்த விளம்பரப் பிரச்சாரங்கள், விளம்பரக் குழுக்கள் அல்லது விளம்பரங்களைத் திருத்துவதற்கான கோப்பைப் பதிவிறக்கும்.
ஏற்றுமதி செய்த ஸ்கீமா கோப்பில் நேரடியாக மாற்றங்களைச் செய்யவும்.
விளம்பர மேலாளரில் உருவாக்கு என்பதையும், பின்னர் மொத்தப் பதிவேற்றம் என்பதையும் கிளிக் செய்யவும்.
பொருத்தமான உருப்படி வகையைத் தேர்ந்தெடுக்கவும்: விளம்பரப் பிரச்சாரம், விளம்பரக் குழு அல்லது விளம்பரம். பின்னர் புதுப்பித்த கோப்பைப் பதிவேற்றவும்.
கோப்பு பதிவேற்றப்பட்டதும், நீங்கள் தேர்ந்தெடுத்த விளம்பரப் பிரச்சாரங்கள், விளம்பரக் குழுக்கள் அல்லது விளம்பரங்களில் உங்கள் மாற்றங்கள் செயல்படுத்தப்படும்.
ஏற்கெனவே உள்ள விளம்பரப் பிரச்சாரங்களில் புதிய விளம்பரக் குழுக்கள் அல்லது விளம்பரங்களை உருவாக்குதல்
புதிய விளம்பரக் குழுக்கள் அல்லது விளம்பரங்களைச் சேர்த்து, ஏற்கெனவே உள்ள விளம்பரப் பிரச்சாரங்களை விரிவாக்க விரும்பினால் இந்தச் செயல்முறையைப் பயன்படுத்தவும்.
புதிய விளம்பரக் குழுக்களைச் சேர்க்க விரும்பும் பிரச்சாரத்தில் ஏற்கெனவே உள்ள விளம்பரக் குழுக்களைத் தேர்ந்தெடுக்கவும். அல்லது, புதிய விளம்பரங்களைச் சேர்க்க விரும்பும் விளம்பரக் குழுவில் ஏற்கெனவே உள்ள விளம்பரங்களைத் தேர்ந்தெடுக்கவும்.
திருத்துவதற்காக ஏற்றுமதி செய் என்பதைக் கிளிக் செய்யவும். இது, மேலும் விளம்பரக் குழுக்கள் அல்லது விளம்பரங்களைச் சேர்க்கக்கூடிய கோப்பைப் பதிவிறக்கும்.
ஸ்கீமா கோப்பில், சரியான முதன்மை உருப்படி அடையாளங்காட்டிகளுடன் புதிய வரிசைகளைச் சேர்த்து, புதிய உருப்படியின் அடையாளங்காட்டியை வெறுமையாக விடவும்.
விளம்பர மேலாளரில் உருவாக்கு என்பதையும், பின்னர் மொத்தப் பதிவேற்றம் என்பதையும் கிளிக் செய்யவும்.
பொருத்தமான உருப்படி வகையைத் தேர்ந்தெடுக்கவும்: விளம்பரப் பிரச்சாரம், விளம்பரக் குழு அல்லது விளம்பரம். பின்னர் புதுப்பித்த கோப்பைப் பதிவேற்றவும்.
வழங்கப்பட்ட அடையாளங்காட்டிகளின் அடிப்படையில், புதிய விளம்பரக் குழுக்களும் விளம்பரங்களும் உருவாக்கப்பட்டு, ஏற்கெனவே உள்ள விளம்பரப் பிரச்சாரக் கட்டமைப்புடன் இணைக்கப்படும்.
திருத்துதல் மற்றும் மொத்தப் பதிவேற்றம் பற்றிய அடிக்கடி கேட்கப்படும் கேள்விகள்
திருத்துவதற்கு முன் நான் ஏன் ஏற்றுமதி செய்ய வேண்டும்?
திருத்துவதற்காக ஏற்றுமதி செய் என்ற வசதி, ஏற்கெனவே உள்ள விளம்பரப் பிரச்சாரங்கள், விளம்பரக் குழுக்கள் அல்லது விளம்பரங்களைப் புதுப்பிக்க விளம்பர மேலாளருக்குத் தேவையான தற்போதைய அடையாளங்காட்டிகளையும் புல மதிப்புகளையும் வழங்குகிறது. முடிந்தவரை புதிதாக ஏற்றுமதி செய்த கோப்பிலிருந்து தொடங்கவும். குறிப்பாக, நீங்கள் கடைசியாகக் கோப்பைப் பதிவிறக்கிய பிறகு பிற பயனர்கள் கணக்கில் மாற்றங்கள் செய்திருக்கக்கூடும் என்றால் இவ்வாறு செய்யவும்.
மொத்தத் திருத்தங்களுக்கு எந்த அடையாளங்காட்டிகள் தேவை?
ஏற்கெனவே உள்ள உருப்படியைப் புதுப்பிக்க, அந்த உருப்படியின் அடையாளங்காட்டியை வரிசையில் அப்படியே வைத்திருக்கவும். ஏற்கெனவே உள்ள விளம்பரப் பிரச்சாரத்தில் புதிய விளம்பரக் குழுவைச் சேர்க்க, அந்தப் பிரச்சாரத்தின் அடையாளங்காட்டியைப் புதிய விளம்பரக் குழுவின் வரிசையில் நகலெடுத்து, விளம்பரக் குழுவின் அடையாளங்காட்டியை வெறுமையாக விடவும். ஏற்கெனவே உள்ள விளம்பரக் குழுவில் புதிய விளம்பரத்தைச் சேர்க்க, அந்த விளம்பரக் குழுவின் அடையாளங்காட்டியைப் புதிய விளம்பரத்தின் வரிசையில் நகலெடுத்து, விளம்பரத்தின் அடையாளங்காட்டியை வெறுமையாக விடவும்.
ஒரே பதிவேற்றத்தில் புதிய விளம்பரக் குழுக்களையும் விளம்பரங்களையும் சேர்க்க முடியுமா?
மொத்தப் பதிவேற்றச் செயல்முறைக்குத் தேவையான உருப்படி வகையையும் வார்ப்புருவையும் பயன்படுத்தவும். பல வகையான உருப்படிகளைச் சேர்த்தால், விளம்பர மேலாளரின் பதிவேற்ற வரிசையைப் பின்பற்றவும். புதிய துணை வரிசைகள், ஏற்கெனவே உள்ள முதன்மை உருப்படியின் அடையாளங்காட்டியையோ ஏற்கெனவே உருவாக்கப்பட்ட முதன்மை உருப்படியையோ குறிப்பிடுவதை உறுதிசெய்யவும்.
சூழல் குறிப்புகள் ஒன்றிணைக்கப்படுமா அல்லது மாற்றீடு செய்யப்படுமா?
மொத்தப் புதுப்பிப்பில் ஒரு விளம்பரக் குழுவைப் புதுப்பிக்கும்போது, அந்தக் குழு பயன்படுத்த வேண்டிய சூழல் குறிப்புகளின் முழுப் பட்டியலையும் வழங்கவும். பதிவேற்றிய மதிப்பு, அந்தப் புலத்தின் முந்தைய மதிப்புடன் சேர்க்கப்படுவதில்லை; அதற்கு மாற்றாகப் பயன்படுத்தப்படும் என்பதை நினைவில் கொள்ளவும்.
திருத்துவதன் மூலம் நோக்கத்தையோ செலவுத்திட்ட வகையையோ மாற்ற முடியுமா?
விளம்பரப் பிரச்சாரத்தின் நோக்கத்தை மாற்ற, நீங்கள் விரும்பும் நோக்கத்துடன் புதிய விளம்பரப் பிரச்சாரத்தை உருவாக்கவும். விளம்பரப் பிரச்சாரத்தின் மொத்தச் செலவுத்திட்டத்தைத் தினசரிச் செலவுத்திட்டமாக மாற்றலாம். ஆனால் அந்தப் பிரச்சாரத்தை மீண்டும் மொத்தச் செலவுத்திட்டத்திற்கு மாற்ற முடியாது.
மொத்தப் பதிவேற்றக் கோப்பைச் சரிபார்ப்பது பற்றிய விவரங்களுக்கு, மொத்தப் பதிவேற்றத்திற்கான விளம்பரப் பிரச்சார ஸ்கீமா சரிபார்ப்புப் பட்டியலைப் பார்க்கவும்.