மொபைல் அளவீட்டு கூட்டாளர் ஒருங்கிணைப்புகளை அமைக்கவும்

தேர்ந்தெடுக்கப்பட்ட மொபைல் அளவீட்டுக் கூட்டாளர்களுடனான ஒருங்கிணைப்புகளை ChatGPT விளம்பரங்கள் ஆதரிக்கிறது. தகுதியுள்ள மாற்றங்களை அளவிடவும், அறிக்கையிடலுக்கும் மேம்படுத்தலுக்கும் நிகழ்வுத் தரவைப் பகிரவும் இந்த ஒருங்கிணைப்புகள் விளம்பரதாரர்களுக்கு உதவும். கிடைக்கும் அம்சங்களும் அமைவு விருப்பங்களும் கூட்டாளரைப் பொறுத்து மாறுபடும். தற்போதைய விவரங்களுக்குக் கூட்டாளரின் ஆவணங்களைப் பார்க்கவும்.

தொடங்குவதற்கு முன்

உங்களுக்குத் தேவையானவை:

• செயலில் உள்ள விளம்பர மேலாளர் கணக்கு.

• இணையத் தரவு மூலத்திலிருந்து பெறப்பட்ட பிக்சல் அடையாள எண்ணும் மாற்றங்கள் ஏபிஐ விசையும். இவை இரண்டும் விளம்பர மேலாளரின் மாற்றங்கள் பிரிவில் கிடைக்கும்.

• உங்கள் அளவீட்டுக் கூட்டாளரின் தளத்தில் உள்ளமைக்கப்பட்ட உங்கள் செயலி அல்லது இணையதளம்.

• உங்கள் அளவீட்டுக் கூட்டாளரின் தளத்தில் உரிய அனுமதிகள்.

• ChatGPT விளம்பரங்களுக்கு நீங்கள் அனுப்ப விரும்பும் நிலையான அல்லது தனிப்பயன் நிகழ்வுகளின் பட்டியல்.

ஆதரிக்கப்படும் நிகழ்வுகள், JavaScript பிக்சல் மற்றும் மாற்றங்கள் ஏபிஐ பற்றிய தகவல்களுக்கு OpenAI அளவீட்டு ஆவணங்களைப் பார்க்கவும்.

அட்ஜஸ்ட், ஏர்பிரிட்ஜ், ஆப்ஸ்ஃப்ளையர், பிராஞ்ச், கொச்சாவா, சிங்குலர் மற்றும் டென்ஜின் ஆகியவை ChatGPT விளம்பரங்களுக்குத் தற்போது ஆதரிக்கப்படும் மொபைல் அளவீட்டுக் கூட்டாளர்கள். கூடுதல் மொபைல் அளவீட்டுக் கூட்டாளர் ஒருங்கிணைப்புகள் கிடைக்கும்போது இந்தக் கட்டுரையைப் புதுப்பிப்போம்.

அட்ஜஸ்டை அமைத்தல்

• அட்ஜஸ்டில் பிரச்சார ஆய்வகம் → கூட்டாளர்கள் என்பதற்குச் சென்று, புதிய கூட்டாளர் என்பதைக் கிளிக் செய்து, ChatGPT விளம்பரங்கள் என்பதைத் தேர்ந்தெடுத்து, அடுத்து என்பதைக் கிளிக் செய்யவும்.

• உங்கள் செயலியைத் தேர்ந்தெடுத்து, தரவுப் பகிர்வை இயக்கவும். உங்கள் ChatGPT விளம்பரங்கள் பிக்சல் அடையாள எண், மாற்றங்கள் ஏபிஐ விசை மற்றும் நிறுவல் நிகழ்வின் பெயர் ஆகியவற்றை உள்ளிடவும். செயல் மூலம் என்பதை மொபைல் செயலி என அமைக்கவும்.

• நீங்கள் பகிர விரும்பும் நிகழ்வுகளையும் விருப்பத் தரவையும் பொருத்தவும்.

• உங்கள் பங்களிப்பு ஒதுக்கீட்டு அமைப்புகளையும் பிரச்சார இணைப்பையும் உள்ளமைத்து, இணைப்பை உருவாக்கு என்பதைக் கிளிக் செய்யவும். கிடைக்கும் கிளிக் இணைய முகவரியைப் பொருத்தமான ChatGPT விளம்பரங்கள் பிரச்சாரத்தில் பயன்படுத்தவும்.

முழுமையான வழிமுறைகளுக்கு அட்ஜஸ்ட் அமைவு வழிகாட்டியைப் பார்க்கவும்.

ஏர்பிரிட்ஜை அமைத்தல்

• ஏர்பிரிட்ஜில் ஒருங்கிணைப்புகள் → விளம்பரச் சேனல் ஒருங்கிணைப்பு என்பதற்குச் சென்று, ChatGPT விளம்பரங்கள் என்பதைத் தேர்ந்தெடுக்கவும்.

• பின்னனுப்பல் தாவலில் பின்னனுப்பல் விசைகள் என்பதைக் கிளிக் செய்து, உங்கள் ChatGPT விளம்பரங்கள் பிக்சல் அடையாள எண்ணையும் மாற்றங்கள் ஏபிஐ விசையையும் உள்ளிடவும்.

• ChatGPT விளம்பரங்களுக்குப் பின்னனுப்பல்களை அனுப்புவதற்கான நிகழ்வுகளையும் நிபந்தனைகளையும் உள்ளமைக்கவும்.

• கண்காணிப்பு இணைப்பு தாவலில் ஒரு கண்காணிப்பு இணைப்பை உருவாக்கவும்.

• விளம்பர மேலாளரில், கண்காணிப்பு இணைப்பை ? குறி இருக்கும் இடத்தில் பிரிக்கவும். அதற்கு முன் உள்ள பகுதியை இயல்புநிலை விளம்பரச் சேருமிட இணைய முகவரி புலத்திலும், அதற்குப் பின் உள்ள பகுதியை கண்காணிப்பு அளவுருக்கள் புலத்திலும் உள்ளிடவும்.

முழுமையான வழிமுறைகளுக்கு ஏர்பிரிட்ஜ் அமைவு வழிகாட்டியைப் பார்க்கவும்.

ஆப்ஸ்ஃப்ளையரை அமைத்தல்

• ஆப்ஸ்ஃப்ளையரில் ஒத்துழைப்பு → கூட்டாளர் ஒருங்கிணைப்புகள் → சந்தை என்பதற்குச் சென்று, உங்கள் செயலியைத் தேர்ந்தெடுத்து, ChatGPT விளம்பரங்கள் (OpenAI) என்பதைக் கண்டறிந்து, ஒருங்கிணை என்பதைக் கிளிக் செய்யவும்.

• கூட்டாளரைச் செயல்படுத்து என்பதை இயக்கி, உங்கள் ChatGPT விளம்பரங்கள் பிக்சல் அடையாள எண்ணையும் மாற்றங்கள் ஏபிஐ விசையையும் உள்ளிடவும்.

• செயலிக்குள் நிகழும் நிகழ்வுகளின் பின்னனுப்பல்கள் என்பதை இயக்கி, ChatGPT விளம்பரங்களுக்கு நீங்கள் அனுப்ப விரும்பும் நிகழ்வுகளைப் பொருத்தவும்.

• மொபைல் செயலிகளுக்கு, பங்களிப்பு ஒதுக்கீட்டு இணைப்பை உருவாக்கிப் பொருத்தமான ChatGPT விளம்பரங்கள் பிரச்சாரத்தில் பயன்படுத்தவும். மாறும் அளவுருக்களை கண்காணிப்பு அளவுருக்கள் புலத்தில் வைக்கவும். இணையதளங்களுக்கு, ஆப்ஸ்ஃப்ளையர் இணைய மென்பொருள் மேம்பாட்டுத் தொகுப்பிலிருந்து ChatGPT விளம்பரங்கள் மாற்றங்கள் ஏபிஐக்கு நிகழ்வுகளை அனுப்புவதை உள்ளமைக்கவும்.

முழுமையான வழிமுறைகளுக்கு ஆப்ஸ்ஃப்ளையர் அமைவு வழிகாட்டியைப் பார்க்கவும்.

பிராஞ்சை அமைத்தல்

இணைப்பதற்கு முன், உங்கள் கணக்கில் பிராஞ்சின் செயல்திறன் தயாரிப்பு இயக்கப்பட்டுள்ளதை உறுதிப்படுத்தவும்.

• பிராஞ்சில் உள்ளமைவு → விளம்பரக் கூட்டாளர்கள் → ஒருங்கிணைப்புகள் என்பதற்குச் சென்று, OpenAI விளம்பரங்கள் என்பதைத் தேர்ந்தெடுக்கவும்.

• ஒருங்கிணைப்பை இயக்கி, பின்னனுப்பல்கள் கட்டத்தில் உங்கள் ChatGPT விளம்பரங்கள் பிக்சல் அடையாள எண்ணையும் மாற்றங்கள் ஏபிஐ விசையையும் உள்ளிடவும். அடுத்து என்பதையும், பின்னர் சேமித்துப் பின்னனுப்பல் உள்ளமைவுக்குச் செல் என்பதையும் கிளிக் செய்யவும்.

• ChatGPT விளம்பரங்களுக்கு நீங்கள் அனுப்ப விரும்பும் நிகழ்வுகளைப் பொருத்தவும். பின்னர், அனைத்துப் பங்களிப்பு ஒதுக்கீட்டு மூலங்களிலிருந்தும் நிகழ்வுகளை அனுப்ப, அனைத்து நிகழ்வுகளையும் அனுப்பு என்பதை இயக்கவும்.

• பிராஞ்ச் விளம்பர இணைப்பை உருவாக்கி, பொருத்தமான ChatGPT விளம்பரங்கள் பிரச்சாரத்தில் சேருமிட இணைய முகவரியாகப் பயன்படுத்தவும். பிராஞ்சின் மேக்ரோக்களை இறங்குபக்க வினவல் அளவுருக்கள் புலத்தில் வைக்கவும்.

• விளம்பர மேலாளரில், நீங்கள் அனுப்பும் ஒவ்வொரு நிகழ்விற்கும் ஒரு மாற்ற நிகழ்வை உருவாக்கி, அதை உங்கள் பிரச்சாரத்துடன் இணைக்கவும்.

சரிபார்ப்புப் படிகளுக்கும் முழுமையான வழிமுறைகளுக்கும் பிராஞ்ச் அமைவு வழிகாட்டியைப் பார்க்கவும்.

கொச்சாவாவை அமைத்தல்

• கொச்சாவாவில் உங்கள் கணக்கையும் செயலியையும் தேர்ந்தெடுத்து, ஈடுபாடு → பிரச்சார மேலாளர் என்பதற்குச் செல்லவும். ஒரு பிரச்சாரத்தையும் பிரிவையும் உருவாக்கவும் அல்லது தேர்ந்தெடுக்கவும்.

• ஒரு கண்காணிப்பியைச் சேர்த்து, உங்கள் தளத்திற்கான ஊடகக் கூட்டாளரைத் தேர்ந்தெடுக்கவும்: ChatGPT விளம்பரங்கள் – iOS, ChatGPT விளம்பரங்கள் – Android அல்லது ChatGPT விளம்பரங்கள் – இணையம். சேருமிடத்தை உள்ளமைத்து, கண்காணிப்பியைச் சேமிக்கவும்.

• செயலி உள்ளமைவுகள் → கூட்டாளர் உள்ளமைவு என்பதற்குச் சென்று, கூட்டாளரைச் சேர் என்பதைக் கிளிக் செய்து, பொருத்தமான ChatGPT விளம்பரங்கள் கூட்டாளரைத் தேர்ந்தெடுக்கவும். அடுத்து என்பதைக் கிளிக் செய்து, கூட்டாளர் செயலில் இருப்பதை உறுதிப்படுத்தி, சேமி என்பதைக் கிளிக் செய்யவும்.

• கூட்டாளர் உள்ளமைவை விரித்து, நீங்கள் அனுப்ப விரும்பும் ஒவ்வொரு நிகழ்வையும் திருத்தவும். உங்கள் ChatGPT விளம்பரங்கள் பிக்சல் அடையாள எண்ணையும் மாற்றங்கள் ஏபிஐ விசையையும் உள்ளிட்டு, அனுப்பும் முறையைத் தேர்ந்தெடுத்து, சேமி என்பதைக் கிளிக் செய்யவும்.

• பிரச்சார மேலாளரில், கண்காணிப்பியின் கிளிக் இணைய முகவரியை நகலெடுத்து, பொருத்தமான ChatGPT விளம்பரங்கள் பிரச்சாரத்தில் விளம்பரம் வழியாகச் சென்றடையும் முகவரியாகப் பயன்படுத்தவும்.

முழுமையான வழிமுறைகளுக்கு கொச்சாவா அமைவு வழிகாட்டியைப் பார்க்கவும்.

சிங்குலரை அமைத்தல்

• சிங்குலரில் பங்களிப்பு ஒதுக்கீடு → கூட்டாளர் உள்ளமைவு என்பதற்குச் சென்று, கூட்டாளரைச் சேர் என்பதைக் கிளிக் செய்து, OpenAI விளம்பரங்கள் (ChatGPT) என்பதைத் தேர்ந்தெடுக்கவும்.

• உங்கள் செயலியையும் தளத்தையும் தேர்ந்தெடுத்து, உங்கள் ChatGPT விளம்பரங்கள் பிக்சல் அடையாள எண்ணையும் மாற்றங்கள் ஏபிஐ விசையையும் உள்ளிடவும்.

• ChatGPT விளம்பரங்களுக்கு நீங்கள் அனுப்ப விரும்பும் நிகழ்வுகளைப் பொருத்தி, சேமி என்பதைக் கிளிக் செய்யவும்.

• அமைவு வழிகாட்டியில் பட்டியலிடப்பட்டுள்ள தேவையான நிகழ்வுப் பண்புக்கூறுகளை உங்கள் செயலி அல்லது இணையதளம் அனுப்புவதை உறுதிப்படுத்தவும்.

• பங்களிப்பு ஒதுக்கீடு → இணைப்புகளை நிர்வகி என்பதற்குச் சென்று, உங்கள் செயலியைத் தேர்ந்தெடுத்து, இணைப்பை உருவாக்கு என்பதைக் கிளிக் செய்யவும். இணைப்பு வகையாக கூட்டாளர் என்பதையும், மூலமாக OpenAI விளம்பரங்கள் (ChatGPT) என்பதையும் தேர்ந்தெடுக்கவும். இணைப்பு அமைவை முடித்து, உருவாக்கு என்பதைக் கிளிக் செய்து, கிடைக்கும் கிளிக் வழிக் கண்காணிப்பு இணைப்பை பொருத்தமான ChatGPT விளம்பரங்கள் பிரச்சாரத்தில் பயன்படுத்தவும்.

முழுமையான வழிமுறைகளுக்கு சிங்குலர் அமைவு வழிகாட்டியைப் பார்க்கவும்.

டென்ஜினை அமைத்தல்

• டென்ஜினில் சேனல்கள் தாவலைத் திறந்து, சேனலைச் சேர் என்பதைக் கிளிக் செய்து, OpenAI விளம்பரங்கள் என்பதைத் தேடித் தேர்ந்தெடுக்கவும்.

• உங்கள் செயலியின் மீளழைப்புகள் தாவலைத் திறந்து, சேனல்கள் மற்றும் கூட்டாளர்கள் கீழ்தோன்றும் பட்டியலில் ChatGPT விளம்பரங்கள் என்பதைத் தேர்ந்தெடுக்கவும்.

• உங்கள் ChatGPT விளம்பரங்கள் பிக்சல் அடையாள எண்ணை உள்ளிடவும். உங்கள் மாற்றங்கள் ஏபிஐ விசையை Bearer YOUR_API_KEY என்ற வடிவில் உள்ளிடவும்: Bearer என்ற சொல்லைத் தொடர்ந்து ஓர் இடைவெளியும் உங்கள் விசையும் இருக்க வேண்டும். சேமி என்பதைக் கிளிக் செய்து, பின்னர் OpenAI விளம்பரங்கள் நிறுவல் மீளழைப்பை இயக்கவும்.

• பிரச்சாரங்கள் தாவலைத் திறந்து, பிரச்சாரத்தை உருவாக்கு என்பதைக் கிளிக் செய்யவும். உங்கள் OpenAI விளம்பரங்கள் கணக்கையும் செயலியையும் தேர்ந்தெடுத்து, பிரச்சாரப் பெயரை உள்ளிட்டு, பிரச்சாரத்தை உருவாக்கு என்பதைக் கிளிக் செய்யவும்.

• பிரச்சாரத்தில் கண்காணிப்பு இணைப்புகளைக் காண்க என்பதைக் கிளிக் செய்து, கிளிக் கண்காணிப்பு இணைய முகவரியை நகலெடுக்கவும்.

• விளம்பர மேலாளரில் உங்கள் விளம்பரத்தைத் திறந்து, முழு டென்ஜின் கிளிக் கண்காணிப்பு இணைய முகவரியை இணைப்பு புலத்தில் ஒட்டவும். மாறும் இடநிரப்பிகள் சரியான புலத்தில் இடம்பெற, சேமிப்பதற்கு முன் கண்காணிப்பு அளவுருக்களுக்கு நகர்த்து என்பதைக் கிளிக் செய்யவும்.

• விளம்பரத்தைச் சேமிக்கவும். நீங்கள் கண்காணிக்க விரும்பும் ஒவ்வொரு விளம்பரத்திற்கும் இதே முறையில் இணைப்பை அமைக்கவும்.

அமைப்பதற்குக் கூடுதல் உதவி தேவைப்பட்டால், டென்ஜினைத் தொடர்புகொள்ளவும்.

பங்களிப்பு ஒதுக்கீடு செயல்படும் விதம்

இந்த ஒருங்கிணைப்புகள் மூலம் மொபைல் செயலிகளுக்கான பங்களிப்பு ஒதுக்கீடு கிளிக்குகளின் அடிப்படையில் செய்யப்படுகிறது. உங்கள் அளவீட்டுக் கூட்டாளர் உருவாக்கிய பங்களிப்பு ஒதுக்கீட்டு இணைப்பை, தொடர்புடைய ChatGPT விளம்பரங்கள் பிரச்சாரத்தில் பயன்படுத்தவும்.

உங்கள் அளவீட்டுக் கூட்டாளரின் பங்களிப்பு ஒதுக்கீட்டுக் காலவரம்புகளும் நிகழ்வுப் பகிர்வு அமைப்புகளும் அந்தக் கூட்டாளரின் தளத்தில் உள்ளமைக்கப்படுகின்றன. விளம்பர மேலாளர் அறிக்கையிடலுக்குத் தனது சொந்தப் பங்களிப்பு ஒதுக்கீட்டு அமைப்புகளைப் பயன்படுத்துகிறது. கிடைக்கும் விருப்பங்களுக்கு உங்கள் கூட்டாளரின் ஆவணங்களையும் முடிவுகளை அளவிடுதல் பக்கத்தையும் பார்க்கவும்.

அறிக்கையிடல்

பங்களிப்பு ஒதுக்கப்பட்ட நிகழ்வுகள் விளம்பர மேலாளரில் உள்ள மாற்றங்கள் அளவீட்டில் தோன்றும். அறிக்கையில் தரவு தோன்ற 24–48 மணிநேரம் காத்திருக்கவும். மேலும் தகவலுக்கு முடிவுகளை அளவிடுதல் பக்கத்தைப் பார்க்கவும்.

சிக்கல்களைத் தீர்த்தல்

மாற்றங்கள் காட்டப்படவில்லை என்றால்:

• கூட்டாளர் ஒருங்கிணைப்பு செயலில் இருப்பதை உறுதிப்படுத்தவும்.

• பிக்சல் அடையாள எண்ணையும் மாற்றங்கள் ஏபிஐ விசையையும் சரிபார்க்கவும்.

• நிகழ்வுப் பெயர்கள் சரியாகப் பொருத்தப்பட்டுள்ளதை உறுதிப்படுத்தவும்.

• பிரச்சாரத்தில் சரியான கண்காணிப்பு இணைப்பு பயன்படுத்தப்படுவதை உறுதிப்படுத்தவும்.

• தொடர்புடைய மாற்றம் பிரச்சாரத்துடன் இணைக்கப்பட்டுள்ளதை உறுதிப்படுத்தவும்.

• தகுதியுள்ள புதிய விளம்பரக் கிளிக்கைப் பயன்படுத்திச் சோதிக்கவும்.

• அறிக்கையில் தரவு தோன்ற 24–48 மணிநேரம் காத்திருக்கவும்.

நேரடி சேவையக அளவீட்டிற்கு மாற்றங்கள் ஏபிஐ ஆவணங்களைப் பார்க்கவும்.