ஷாப்பிஃபைக்கான ChatGPT விளம்பரங்கள் செயலி, உங்கள் ஷாப்பிஃபை கடையின் தயாரிப்புப் பட்டியலையும் வணிக நிகழ்வுத் தரவையும் விளம்பர மேலாளருடன் இணைக்கிறது. இதன் மூலம் ChatGPT விளம்பரங்களை விரைவாக உருவாக்கலாம், கையிருப்புத் தகவலை உங்கள் ஷாப்பிஃபை கடையுடன் ஒத்திசைவாக வைத்திருக்கலாம், மேலும் குறைந்த கைமுறை அமைப்புகளுடன் விளம்பரப் பிரச்சாரத்தின் செயல்திறனை அளவிடலாம்.

இந்த ஒருங்கிணைப்பு தற்போது அமெரிக்காவில் உள்ள அனைத்து ஷாப்பிஃபை வாடிக்கையாளர்களுக்கும் கிடைக்கிறது. விரைவில் ChatGPT விளம்பரங்கள் கிடைக்கும் அனைத்து இடங்களிலும் கிடைக்கும்.

தொடங்குவதற்கு முன் உங்களுக்குத் தேவையானவை: 

• செயலில் உள்ள ஷாப்பிஃபை கடை

• செயலில் உள்ள விளம்பர மேலாளர் கணக்கு அல்லது ஒன்றை உருவாக்கத் தேவையான தகவல்கள்

• ஷாப்பிஃபையில் செயலிகளை நிறுவவும் நிர்வகிக்கவும் அனுமதி

• உங்கள் விளம்பர மேலாளர் கணக்கை நிர்வகிக்க அனுமதி

• உங்கள் விளம்பரக் கணக்கிற்கான இணையதளம், தொழில்துறை, நாடு, நாணயம் மற்றும் நேர மண்டலம்

உங்கள் ஷாப்பிஃபை கணக்கை ChatGPT விளம்பரங்களுடன் இணைத்தல்

• ஷாப்பிஃபையில், ஷாப்பிஃபைக்கான ChatGPT விளம்பரங்கள் செயலியை நிறுவவும் அல்லது திறக்கவும்.

• “கணக்கை இணை” என்பதைத் தேர்ந்தெடுக்கவும்.

• ஏற்கெனவே உள்ள விளம்பர மேலாளர் கணக்கைத் தேர்ந்தெடுக்கவும். புதிய கணக்கை உருவாக்க வேண்டுமெனில், உங்கள் நிறுவனம், கணக்குப் பெயர், இணையதளம், தொழில்துறை, நாடு, நாணயம் மற்றும் நேர மண்டலம் ஆகியவற்றை உறுதிப்படுத்தவும்.

• ஷாப்பிஃபைக்கான OpenAI பிக்சலைத் தேர்ந்தெடுக்கவும் அல்லது உருவாக்கவும்.

• தகுதியுள்ள ஷாப்பிஃபை வணிக நிகழ்வுகள் விளம்பர மேலாளருக்கு அனுப்பப்பட, பிக்சலை இணைக்கவும்.

• உங்கள் தயாரிப்புக் கையிருப்பு, ChatGPT விளம்பரங்களின் தயாரிப்புத் தரவூட்டத்தில் ஒத்திசைக்கப்படும் வரை காத்திருக்கவும். தயாரிப்புப் பட்டியலின் அளவு மற்றும் கணினி அமைப்பின் நிலையைப் பொறுத்து ஒத்திசைவுக்கான நேரம் மாறுபடும்.

• விளம்பர மேலாளரில், ஒத்திசைக்கப்பட்ட தயாரிப்புத் தரவூட்டத்தைப் பயன்படுத்தித் தயாரிப்பு விளம்பரங்களை உருவாக்கவும்.

ChatGPT விளம்பரங்களுடனான இணைப்பு எவற்றை ஒத்திசைக்கிறது

ஷாப்பிஃபையுடன் ChatGPT விளம்பரங்களை ஒருங்கிணைப்பதன் மூலம் பின்வருபவை ஒத்திசைக்கப்படும்:

• தயாரிப்பு விளம்பரங்களுக்கான கையிருப்பு மற்றும் தயாரிப்புப் பட்டியல் தகவல்கள்

• தயாரிப்புத் தகவல்களைப் புதுப்பித்த நிலையில் வைத்திருக்க உதவும் கடையின் புதுப்பிப்புகள்

• செயல்திறனைக் கண்காணிக்கவும் மேம்படுத்தவும், இணைக்கப்பட்ட ஷாப்பிஃபைக்கான OpenAI பிக்சல் வழியாகப் பெறப்படும் வணிக நிகழ்வுகள்

ஷாப்பிஃபையில் ChatGPT விளம்பரப் பிரச்சாரத்தை உருவாக்குதல்

• ஷாப்பிஃபையில் ChatGPT விளம்பரத்தைத் திறக்கவும் 

• “பிரச்சாரத்தை உருவாக்கு” என்பதைக் கிளிக் செய்யவும்

• பிரச்சாரப் பெயர், செலவுத்திட்டம், மேம்படுத்தலுக்கான நிகழ்வு மற்றும் இலக்கு அமைப்புகளை உள்ளிடவும்

• நீங்கள் இயக்க விரும்பும் விளம்பர வகையைத் தேர்ந்தெடுக்கவும் — அனைத்துத் தயாரிப்புகள், ஒரே தயாரிப்பு அல்லது இணையதளம்

• விளம்பரத்தில் சேர்க்க வேண்டிய தயாரிப்புகளைத் தேர்ந்தெடுக்கவும்

• விளம்பர முன்னோட்டத்தைச் சரிபார்க்கவும் 

• “பிரச்சாரத்தை உருவாக்கித் தொடங்கு” என்பதைத் தேர்ந்தெடுக்கவும்

குறிப்பு: முக்கிய அம்சங்கள் அனைத்தும் ஷாப்பிஃபையில் இருந்தாலும், விருப்பமுள்ள விளம்பரதாரர்கள் விளம்பர மேலாளரில் கூடுதல் அம்சங்களைப் பயன்படுத்தலாம். எடுத்துக்காட்டாக, செலவுத்திட்டத்தை $25 என்ற நிர்ணயிக்கப்பட்ட படிநிலைகளில் மட்டுமே அமைப்பதற்குப் பதிலாக $28 போன்ற தொகைகளிலும் அமைக்கலாம்.

விளைவுகளில் பிரச்சாரத்தின் பங்களிப்பையும் செயல்திறனையும் பார்த்தல்

• ஒட்டுமொத்த விளம்பரச் செயல்திறனைப் பார்க்க, ஷாப்பிஃபையில் உள்ள “பகுப்பாய்வு” தாவலுக்குச் சென்று முடிவுகளைப் பார்க்கவும்.

• விரிவான செயல்திறன் விவரங்களைப் பார்க்க, விளம்பர மேலாளருக்குச் சென்று அங்குள்ள பிரச்சாரங்களை ஆய்வு செய்யவும்.

ஷாப்பிஃபை இணைப்பைத் துண்டித்தல்

ஷாப்பிஃபை இணைப்பைத் துண்டித்தால், உங்கள் கடையிலிருந்து இனி தயாரிப்புப் புதுப்பிப்புகள் வராது. இணைப்பைத் துண்டிப்பதால் உங்கள் விளம்பர மேலாளர் கணக்கோ ஏற்கெனவே உள்ள பிரச்சாரங்களோ நீக்கப்படாது. ஏற்கெனவே உள்ள பிரச்சாரங்கள், இணைப்பு துண்டிக்கப்பட்ட ஷாப்பிஃபை தயாரிப்புத் தரவூட்டத்தைச் சார்ந்திருந்தால், அவை இடைநிறுத்தப்படலாம் அல்லது அவற்றின் புதுப்பிப்புகள் நின்றுவிடலாம்.

சிக்கல்களைத் தீர்த்தல்

உங்கள் தயாரிப்புகள் விளம்பர மேலாளரில் தோன்றவில்லை எனில்:

• ஷாப்பிஃபை செயலி சரியான விளம்பர மேலாளர் கணக்குடன் இணைக்கப்பட்டுள்ளதை உறுதிப்படுத்தவும்.

• தயாரிப்புத் தரவூட்டத்தின் ஒத்திசைவு முடிந்துவிட்டதை உறுதிப்படுத்தவும்.

• உங்கள் ஷாப்பிஃபை தயாரிப்புகள் செயலில் இருப்பதையும் விற்பனைக்குக் கிடைப்பதையும் சரிபார்க்கவும்.

• ஷாப்பிஃபைக்கான OpenAI பிக்சல் இணைக்கப்பட்டுள்ளதை உறுதிப்படுத்தவும்.

• ஒத்திசைவு முடிந்த பிறகு விளம்பர மேலாளரை மீளேற்றவும்.

• நீங்கள் குரோம் அல்லது சஃபாரி உலாவியைப் பயன்படுத்துகிறீர்கள் என்பதை உறுதிப்படுத்தவும்.

சிக்கல் தொடர்ந்தால், நீங்கள் இணைக்க முயலும் விளம்பர மேலாளர் கணக்கின் விவரங்களுடன் ads-support@openai.com முகவரியைத் தொடர்புகொள்ளவும்.