ChatGPT-இல் கற்றல் அட்டைகள்

கண்ணோட்டம்

நீங்கள் கற்க விரும்பும் தலைப்பில் அல்லது பதிவேற்றும் குறிப்புகளிலிருந்து, தொட்டுப் புரட்டக்கூடிய நினைவூட்டல் அட்டைகளை உருவாக்குங்கள்.

அட்டைகளைத் தொட்டுப் புரட்டி உங்கள் பதில்களைச் சரிபாருங்கள். தெரிந்தவற்றைக் குறித்துவிட்டு, தவறாகப் பதிலளித்தவற்றை மீண்டும் பயிற்சி செய்யுங்கள். உங்கள் நினைவூட்டல் அட்டைகள் நூலகத்தில் சேமிக்கப்படுவதால், அவற்றை மீண்டும் பயன்படுத்தலாம்.

நினைவூட்டல் அட்டைகளை உருவாக்குவது எப்படி?

ChatGPT-இல் ஓர் உரையாடலைத் திறந்து, பின்வருவனவற்றைச் செய்யுங்கள்:

• நீங்கள் கற்க விரும்பும் தலைப்பில் நினைவூட்டல் அட்டைகளைக் கேளுங்கள். அல்லது உங்கள் குறிப்புகளைப் பதிவேற்றி, அவற்றை நினைவூட்டல் அட்டைகளாக மாற்றும்படி ChatGPT-யிடம் கேளுங்கள். எடுத்துக்காட்டாக, இந்தப் பாட வழிகாட்டியை நினைவூட்டல் அட்டைகளாக மாற்றுங்கள் என்றோ, உணவு கேட்பது, வழி கேட்பது போன்ற அடிப்படை பிரெஞ்சு சொற்றொடர்களுக்கான நினைவூட்டல் அட்டைகளை உருவாக்குங்கள் என்றோ கேட்கலாம். 

• ChatGPT தனது பதிலிலேயே நினைவூட்டல் அட்டைகளை உருவாக்கும்.

நினைவூட்டல் அட்டைகளைப் பயன்படுத்தி மீள்பயிற்சி செய்வது எப்படி?

• அட்டையின் முன்பக்கத்தைப் படித்து, பதிலை நினைவுகூர முயலுங்கள்.

• அட்டையைத் தொட்டுப் புரட்டிப் பதிலைப் பாருங்கள்.

• பதில் தெரிந்தால் ✔️ என்பதைத் தேர்ந்தெடுங்கள். பின்னர் மீண்டும் பயிற்சி செய்ய விரும்பினால் ❌ என்பதைத் தேர்ந்தெடுங்கள்.

• வேறு வரிசையில் பயிற்சி செய்ய அட்டைகளைக் கலைத்துப் போடுங்கள்.

• பதில் தெரிந்த மற்றும் தெரியாத அட்டைகளை ChatGPT நூலகத்திலும் பார்க்கலாம்.

எனது நினைவூட்டல் அட்டைகளை மாற்ற முடியுமா?

ஆம். அட்டைகளைச் சேர்க்கவோ திருத்தவோ உரையாடலில் ChatGPT-யிடம் கேளுங்கள். எடுத்துக்காட்டாக:

• “மைட்டோகாண்ட்ரியா பற்றிய அட்டைகளைச் சேருங்கள்.”

• “இந்த வரையறையை எளிய மொழியில் மாற்றி எழுதுங்கள்.”

புதுப்பிக்கப்பட்ட அட்டைகளைப் படித்து, நீங்கள் படிக்க விரும்பும் விஷயங்கள் அவற்றில் உள்ளனவா என்பதை உறுதிசெய்யுங்கள்.

எனது நினைவூட்டல் அட்டைகளைப் பிறகு எங்கே காணலாம்?

நினைவூட்டல் அட்டைகள் உங்கள் நூலகத்தில் தானாகவே சேமிக்கப்படும். மீண்டும் பயிற்சி செய்ய:

• உங்கள் நூலகத்தில் சேமித்த அட்டைத் தொகுப்பைத் திறக்கவும்.

• அல்லது உங்கள் நினைவூட்டல் அட்டைகளை மீண்டும் காட்டும்படி ChatGPT-யிடம் கேளுங்கள்.

நினைவூட்டல் அட்டையில் பிழை இருந்தால் என்ன செய்வது?

ChatGPT தவறுகள் செய்யக்கூடும்.

• உங்கள் மூலக் குறிப்புகள் அல்லது பாட வழிகாட்டியுடன் நினைவூட்டல் அட்டைகளை ஒப்பிட்டுச் சரிபாருங்கள். குறிப்பாக, தேர்வுக்கு முன் இதைச் செய்யுங்கள்.

• ஓர் அட்டையில் தவறான அல்லது தெளிவற்ற தகவல் இருந்தால், அதைத் திருத்தும்படி ChatGPT-யிடம் கேளுங்கள்.