பொதுவான தொடக்கநிலை மற்றும் கொள்கைச் சிக்கல்களைத் தீர்த்தல்

விளம்பர மேலாளரில் ஏற்படும் பொதுவான சிக்கல்களைத் தீர்க்க இந்த வழிகாட்டியைப் பயன்படுத்தவும். உங்கள் சிக்கலுக்கு மிகவும் பொருத்தமான பிரிவிலிருந்து தொடங்கி, பரிந்துரைக்கப்பட்ட சரிபார்ப்புகளைச் செய்யவும். சிக்கல் தொடர்ந்தால் ஆதரவுக் குழுவைத் தொடர்புகொள்ளவும். கணக்கு சரிபார்ப்பு, கணக்கு ஒப்புதல், விளம்பர மதிப்பாய்வு, விளம்பரக் காட்சிப்படுத்தல் ஆகியவை தனித்தனி சரிபார்ப்புகள் ஆகும். ஒன்று முடிந்துவிட்டால் மற்ற அனைத்தும் முடிந்துவிட்டதாக அர்த்தமல்ல.

1. வணிகச் சரிபார்ப்பு

எனது வணிகச் சரிபார்ப்பு தோல்வியடைந்தது

• இதன் பொருள்: உங்கள் கணக்கின் சரிபார்ப்பை முடித்துவிட்டோம். ஆனால் அதற்கு ஒப்புதல் அளிக்க முடியவில்லை. உங்கள் வணிகத்தின் அடையாளம், உரிமை அல்லது தொடர்புகள் குறித்த தகவல்களின் துல்லியத்தை எங்களால் உறுதிப்படுத்த முடியாவிட்டால் சரிபார்ப்பு தோல்வியடையலாம்.

• அடுத்த படி: உங்கள் கணக்கு, விளம்பரங்கள், சென்றடையும் பக்கங்கள் ஆகியவை உங்கள் வணிகத்தையும் பிற தனிநபர்கள், நிறுவனங்கள் அல்லது வணிகப் பெயர்களுடனான தொடர்புகளையும் துல்லியமாகப் பிரதிபலிப்பதை உறுதிசெய்யவும்.

எனது வணிகச் சரிபார்ப்பு நடைபெறுகிறது

• இதன் பொருள்: உங்கள் கணக்கு சரிபார்ப்பு நடைபெறுகிறது. தற்போது நீங்கள் எந்த நடவடிக்கையும் எடுக்கத் தேவையில்லை.

• அடுத்த படி: மதிப்பாய்வு முடிவதற்கு 7 வேலை நாட்கள் வரை ஆகலாம். அதற்கு மேல் தாமதமானால் விளம்பர ஆதரவுக் குழுவைத் தொடர்புகொள்ளவும்.

எனது வணிகச் சரிபார்ப்பு தொடங்கவில்லை

• முதலில் சரிபார்க்கவும்: சரியான விளம்பர மேலாளர் கணக்கில் உள்ள சரிபார்ப்பு அறிவுறுத்தலுக்குத் திரும்பவும். பக்கத்தைப் புதுப்பிக்கவும் அல்லது சமீபத்திய பதிப்பிலுள்ள உலாவியைப் பயன்படுத்தி மீண்டும் உள்நுழையவும்.

• அடுத்த படி: இன்னும் தொடர முடியவில்லை என்றால், எந்தப் படியில் தோல்வி ஏற்பட்டது என்பதைக் குறிப்பிட்டு விளம்பர ஆதரவுக் குழுவைத் தொடர்புகொள்ளவும்.

2. துறை சார்ந்த தகுதி

எனது வணிகம் அல்லது துறைக்கு விளம்பரம் செய்யத் தகுதி இல்லை

• இதன் பொருள்: தற்போதைய விளம்பரக் கொள்கைகளின்படி, உங்கள் துறை அல்லது சேவைகள் OpenAI-இல் விளம்பரம் செய்யத் தடை விதிக்கப்பட்டுள்ளது. அனுமதிக்கப்பட்ட துறைகள் மற்றும் சேவைப் பிரிவுகளை அறிய கீழே உள்ள தகுதி அட்டவணையைப் பார்க்கவும். ஒரு வணிகம் பதிவு செய்யப்பட்டிருந்தாலோ உரிமம் பெற்றிருந்தாலோ, எல்லா விளம்பரப் பிரிவுகளிலும் சந்தைகளிலும் விளம்பரம் செய்ய அதற்குத் தானாகவே தகுதி கிடைத்துவிடாது.

• அடுத்த படி: நிராகரிப்புக்கான காரணம் மற்றும் அடுத்த படிகள் குறித்த விவரங்கள் அடங்கிய மின்னஞ்சல் உங்களுக்கு வந்திருக்கலாம். இந்த முடிவு தவறானது என நீங்கள் கருதினால், அந்த மின்னஞ்சலில் உள்ள இணைப்பைப் பயன்படுத்தியோ விளம்பர மேலாளர் மூலமாகவோ மேல்முறையீடு செய்யவும். விரைவாகத் தீர்வு பெற மேல்முறையீடு செய்வதே சிறந்த வழி. மேல்முறையீடு செய்வதில் சிக்கல் இருந்தாலோ அதற்கான விருப்பம் தெரியவில்லை என்றாலோ ஆதரவுக் குழுவைத் தொடர்புகொள்ளவும்.

3. விளம்பர நிராகரிப்புகள் (கொள்கை சார்ந்த தகுதி அட்டவணை)

எனது விளம்பரம் நிராகரிக்கப்பட்டது

• முதலில் சரிபார்க்கவும்: விளம்பர மேலாளரில் உள்ள நிராகரிப்புச் செய்தியைப் படித்து, சிக்கலுக்குரிய உரை, படம் அல்லது சென்றடையும் பக்கம் எது என்பதைக் கண்டறியவும். விளம்பரம் முழுவதும், அது இட்டுச் செல்லும் பக்கமும் விளம்பரக் கொள்கைகளுக்கு இணங்குவதையும், ஒரே தயாரிப்பு அல்லது சேவையை விவரிப்பதையும் சரிபார்க்கவும்.

• அடுத்த படி: கொள்கை சார்ந்த நிராகரிப்புக் காரணம் உங்கள் விளம்பரத்திற்குப் பொருந்தாது என நீங்கள் கருதினால், விளம்பர மேலாளரில் உள்ள மேல்முறையீட்டு விருப்பத்தையோ மதிப்பாய்வு கோருவதற்கான பொத்தானையோ பயன்படுத்தலாம். விரைவாகத் தீர்வு பெற மேல்முறையீடு செய்வதே சிறந்த வழி. எனவே, மேல்முறையீட்டு விருப்பம் இல்லை என்றாலோ மேல்முறையீடு 7 நாட்களுக்கு மேல் முடிவின்றி நிலுவையில் இருந்தாலோ மட்டுமே விளம்பர ஆதரவுக் குழுவைத் தொடர்புகொள்ளவும்.

நான் தேர்ந்தெடுத்த நாடுகளில் எனது விளம்பரங்களைக் காட்ட முடியவில்லை

• இதன் பொருள்: விளம்பரப் பிரசாரம் இலக்காகக் கொண்டுள்ள நாடுகளில் எந்தெந்த கொள்கைப் பிரிவுகள் அனுமதிக்கப்படுகின்றன என்பதை ஒப்பிட்டுப் பார்க்கவும். குறிப்பிட்ட புவியியல் பகுதிகளில் அந்தக் கொள்கைப் பிரிவுகள் அனுமதிக்கப்படாதபோது இந்தப் பிழைச் செய்தி தோன்றும். சில பிரிவுகள் தேர்ந்தெடுக்கப்பட்ட அங்கீகரிக்கப்பட்ட விளம்பரதாரர்களுக்கு மட்டுமே அனுமதிக்கப்படுகின்றன. தற்போது குறைந்த எண்ணிக்கையிலான விளம்பரதாரர்களுடன் மட்டுமே பணியாற்றுகிறோம். சில கொள்கைப் பிரிவுகளில் ஒப்புதலுக்கான விண்ணப்பங்களை நாங்கள் ஏற்கவில்லை. கீழே உள்ள விளம்பரக் கொள்கை சார்ந்த தகுதி அட்டவணையைப் பார்க்கவும்.

• அடுத்த படி: விளம்பரத்தின் மீதான கொள்கைக் கட்டுப்பாடு தவறானது என நீங்கள் கருதினால், விளம்பர மேலாளரிலோ நிராகரிப்பு அறிவிப்பிலோ மேல்முறையீட்டு விருப்பம் இருந்தால் அதைப் பயன்படுத்தவும். விரைவாகத் தீர்வு பெற மேல்முறையீடு செய்வதே சிறந்த வழி. எனவே, மேல்முறையீட்டு விருப்பம் இல்லை என்றாலோ மேல்முறையீடு 7 நாட்களுக்கு மேல் முடிவின்றி நிலுவையில் இருந்தாலோ மட்டுமே விளம்பர ஆதரவுக் குழுவைத் தொடர்புகொள்ளவும்.

4. களப்பெயர் ஒப்புதல்கள்

இந்தக் கணக்கிற்கு எனது களப்பெயர் அங்கீகரிக்கப்படவில்லை

• இதன் பொருள்: நீங்கள் வழங்கிய களப்பெயருடன் உங்கள் விளம்பரதாரர் அடையாளம் பொருந்துவதை எங்களால் உறுதிப்படுத்த முடியவில்லை.

• அடுத்த படி: வழங்கப்பட்ட களப்பெயர் தகவலுடன் உங்கள் விளம்பரதாரர் அடையாளம் பொருந்துகிறதா என்பதைச் சரிபார்க்கவும். நிராகரிப்புக்கான காரணம் மற்றும் அடுத்த படிகள் குறித்த விவரங்கள் அடங்கிய மின்னஞ்சல் உங்களுக்கு வந்திருக்க வேண்டும். இந்த முடிவு தவறானது என நீங்கள் கருதினால், அந்த மின்னஞ்சலில் உள்ள இணைப்பைப் பயன்படுத்தி மேல்முறையீடு செய்யவும். விரைவாகத் தீர்வு பெற மேல்முறையீடு செய்வதே சிறந்த வழி. மேல்முறையீடு செய்வதில் சிக்கல் இருந்தாலோ அதற்கான விருப்பம் தெரியவில்லை என்றாலோ விளம்பர ஆதரவுக் குழுவைத் தொடர்புகொள்ளவும்.

விளம்பர ஆதரவுக் குழுவை ads-support@openai.com என்ற முகவரியில் தொடர்புகொள்ளலாம். தொடர்புகொள்ளும்போது உங்கள் விளம்பரக் கணக்கு அடையாள எண்ணையும், நீங்கள் எதிர்கொள்ளும் சிக்கலின் பிரிவையும் குறிப்பிடவும்.

கடுமையான ஒழுங்குமுறைகளுக்கு உட்பட்ட துறைகளுக்கான விளம்பரக் கொள்கை சார்ந்த தகுதி அட்டவணை

சுகாதாரம்

நிதிச் சேவைகள்

சட்டச் சேவைகள்