தற்போதைய GPT-4.x பயன்பாடுகளைப் புதிய மாடலுக்கு மாற்ற, GPT-6 Luna-வில் தொடங்குவது பரிந்துரைக்கப்படுகிறது. சரியான உள்ளமைவு உங்கள் செயலியைப் பொறுத்தது. எனவே, நேரடிப் பயன்பாட்டுக் கோரிக்கைகளைப் புதிய மாடலுக்கு மாற்றும் முன், உங்கள் வழக்கமான பணிச்சுமைகளைப் பிரதிபலிக்கும் பணிகளில் அதை மதிப்பீடு செய்யுங்கள்.
உங்கள் ரீஸனிங் அமைப்பைத் தேர்வுசெய்யுங்கள்
ரீஸனிங் முயற்சியை none என அமைத்துத் தொடங்குங்கள். பெரும்பாலான GPT-4.x பயன்பாடுகளை இந்த அமைப்புடன் மாற்ற முடியும் என எதிர்பார்க்கப்படுகிறது. உங்கள் செயலிக்கு ஏற்ற தரம், பதிலளிக்கும் நேரம், செலவு ஆகியவற்றின் சமநிலையைக் கண்டறிய மற்ற அமைப்புகளைச் சோதியுங்கள்.
பயன்பாட்டு நிரலாக்க இடைமுக மாற்றங்கள் மற்றும் தொழில்நுட்ப விவரங்களுக்கு, GPT-6 உருவாக்குநர் வழிகாட்டியைப் பார்க்கவும்.
செலவையும் செயல்திறனையும் ஒப்பிடுங்கள்
இந்த மாற்றத்தில் அடங்கும் GPT-4.x மாடல்களைவிட GPT-6 Luna-வில் ஒரு டோக்கனுக்கான விலை குறைவு. பெரும்பாலான பயன்பாடுகளுக்கு, ஒரு டோக்கனுக்கான குறைந்த விலையில் அதிகத் திறனுள்ள மாடலை இது வழங்குகிறது.
மாற்றுவதற்கு முன், உங்கள் சொந்தப் பணிச்சுமைகளுக்கான மொத்தச் செலவை ஒப்பிடுங்கள். டோக்கன் பயன்பாடும் ரீஸனிங் அமைப்புகளும் ஒவ்வொரு பணிக்கான செலவையும் பாதிக்கலாம்.
உங்கள் செயலியைப் புதிய மாடலுக்கு மாற்றுங்கள்
ஒப்பீட்டுக்கான அடிப்படையை உருவாக்குங்கள். முக்கியமான விதிவிலக்குச் சூழல்களையும் உள்ளடக்கி, உங்கள் பயன்பாட்டைப் பிரதிபலிக்கும் கோரிக்கைகளைத் தேர்ந்தெடுங்கள். உங்கள் தற்போதைய மாடலின் தரம், பதிலளிக்கும் நேரம், செலவு ஆகியவற்றைப் பதிவுசெய்யுங்கள்.
Luna-வை மதிப்பீடு செய்யுங்கள். ரீஸனிங் முயற்சியை
noneஎன அமைத்துத் தொடங்கி, முடிவுகளை உங்கள் அடிப்படை அளவீடுகளுடன் ஒப்பிடுங்கள். உங்கள் செயலி சார்ந்திருக்கும் செயல்பாடுகளைச் சரிபாருங்கள். பொருந்தும் இடங்களில், வெளியீட்டு வடிவமைப்பையும் கருவிப் பயன்பாட்டையும் இதில் சேர்த்துக்கொள்ளுங்கள்.சீரமைத்து மீண்டும் சோதியுங்கள். உங்கள் மதிப்பீட்டு முடிவுகளின் அடிப்படையில் உள்ளீட்டு வழிமுறைகள், ரீஸனிங் முயற்சி, பதிலின் விரிவளவு ஆகியவற்றைச் சரிசெய்து, மீண்டும் சோதியுங்கள்.
படிப்படியாகப் பயன்பாட்டுக்குக் கொண்டுவாருங்கள். நேரடிப் பயன்பாட்டுக் கோரிக்கைகளில் ஒரு சிறு பகுதியை மட்டும் மாற்றித் தொடங்குங்கள். மாற்றத்தை முழுமையாகச் செய்து முடிக்கும் முன், தரம், பதிலளிக்கும் நேரம், பிழைகள், செலவு ஆகியவற்றைக் கண்காணியுங்கள்.
உதவி பெறுங்கள்
சுயசேவை வாடிக்கையாளர்கள்: help.openai.com தளத்தில் உள்ள அரட்டைச் சின்னம் மூலம் OpenAI ஆதரவுக் குழுவைத் தொடர்புகொள்ளுங்கள்.
விற்பனைக் குழுவால் நிர்வகிக்கப்படும் வாடிக்கையாளர்கள்: எங்கள் பொறியியல் குழுவின் உதவியைப் பெற ஏற்பாடு செய்ய, உங்கள் OpenAI கணக்கை நிர்வகிக்கும் குழுவைத் தொடர்புகொள்ளுங்கள். உங்கள் தயாரிப்புக்கு ஏற்ற மாடல் மாற்றத் திட்டத்தை உருவாக்கவும், Luna-வின் திறன்களை முழுமையாகப் பயன்படுத்துவதற்கான வழிகளைக் கண்டறியவும் நாங்கள் உதவ முடியும்.