கண்ணோட்டம்

ChatGPT படவில்லைகள் வசதியைக் கொண்டு ஒரு விளக்கக்காட்சியை உருவாக்கி, ChatGPT மற்றும் உங்கள் குழுவினருடன் சேர்ந்து அதில் தொடர்ந்து பணியாற்றலாம். படவில்லைகளை நேரடியாகத் திருத்துங்கள், மாற்றங்களைச் செய்ய ChatGPT-யிடம் கேளுங்கள், ஒரே படவில்லைத் தொகுப்பில் நிகழ்நேரத்தில் இணைந்து பணியாற்றுங்கள்.

கிடைக்கும் திட்டங்கள்

ChatGPT Space அணுகல் உள்ள ChatGPT Pro, Business மற்றும் Enterprise திட்டங்களில் படவில்லைகள் வசதி கிடைக்கிறது. தேவையான MXC கூறு இல்லாத Windows சாதனங்களில், கணினிச் செயலியில் உள்ளூர் செயற்கை நுண்ணறிவு மூலம் படவில்லைகளை உருவாக்கவும் திருத்தவும், இணைந்து பணியாற்றக்கூடிய படவில்லைகளுக்குப் பதிலாக PowerPoint (.pptx) கோப்புகள் பயன்படுத்தப்படுகின்றன. Windows 10 இந்தக் கூறை ஆதரிக்காது. Windows 11 பயனர்கள் இதை இயக்க, புதுப்பிப்பை நிறுவவோ தங்கள் நிறுவனத்தின் உதவியை நாடவோ வேண்டியிருக்கலாம். இணைந்து பணியாற்றக்கூடிய படவில்லைகளை உருவாக்கவும் திருத்தவும் மேகக்கணினிப் பயன்முறையை அல்லது இணையத்தில் ChatGPT-யைப் பயன்படுத்துங்கள்.

விளக்கக்காட்சியை உருவாக்குதல்

வேலை பயன்முறையில் ChatGPT-யிடம் கேளுங்கள்

வேலை பயன்முறையைத் திறந்து, ஒரு படவில்லை, விளக்கக்காட்சி அல்லது படவில்லைத் தொகுப்பை உருவாக்கச் சொல்லுங்கள். அதன் தலைப்பு, பார்வையாளர்கள் மற்றும் அதில் இடம்பெற வேண்டிய உள்ளடக்கத்தை விவரியுங்கள். ஏற்கெனவே உள்ள உரையாடலைப் பயன்படுத்தலாம் அல்லது ஆதாரக் கோப்புகளை இணைக்கலாம். நீங்கள் ChatGPT Space-இல் திறக்கக்கூடிய, திருத்தக்கூடிய விளக்கக்காட்சியை ChatGPT உருவாக்கும். நேரடியாகக் கேட்டால், ChatGPT ஒரு PowerPoint அல்லது Google Slides விளக்கக்காட்சியை வழங்கும்.

ChatGPT Space-இல் தொடங்குங்கள்

ChatGPT Space பகுதியில், உருவாக்கு > படவில்லை என்பதைத் தேர்ந்தெடுங்கள். வெற்றுப் படவில்லையுடன் தொடங்குங்கள் அல்லது ஒரு வார்ப்புருவைத் தேர்ந்தெடுங்கள்.

வார்ப்புருவைப் பயன்படுத்துங்கள்

வேலை பயன்முறையில் உள்ள உரையாடல் அல்லது ChatGPT Space ஆகியவற்றில் ஏதேனும் ஒன்றிலிருந்து வார்ப்புருவைப் பயன்படுத்தித் தொடங்கலாம். நடையையும் தளவமைப்பையும் தீர்மானிக்க உதவும் வகையில், ஒரு மாதிரிப் படவில்லைத் தொகுப்பை ChatGPT-யுடன் பகிருங்கள். 

எடுத்துக்காட்டாக: “இந்தக் குறிப்புகளிலிருந்து திட்டத்தின் தற்போதைய நிலை குறித்த ஆறு படவில்லைகளை உருவாக்கு. முன்னேற்றம், இடர்கள் மற்றும் அடுத்தகட்ட நடவடிக்கைகளை உள்ளடக்கு. நடைக்கும் தளவமைப்பிற்கும் வழிகாட்டியாக, திட்டத்தின் தற்போதைய நிலையைத் தெரிவிப்பதற்கான எனது வார்ப்புருவைப் பயன்படுத்து.”

template-creator மூலம் உங்கள் சொந்த வார்ப்புருக்களை உருவாக்கலாம். அவற்றைக் குழுவின் எந்தச் செருகுநிரலிலும் சேர்த்து, குழுவினருடன் பகிரலாம்.  

உங்கள் படவில்லைகளைத் திருத்துங்கள்

விளக்கக்காட்சியில் உள்ள உரை, படங்கள், வடிவங்கள், அட்டவணைகள் மற்றும் வரைபடங்களை நேரடியாகத் திருத்தலாம்.

இணையப் பதிப்பில், எழுத்துருத் தேர்வி உங்கள் உலாவியில் கிடைக்கும் எழுத்துருக்களைக் காட்டும். கணினிச் செயலியில் படவில்லைகளை உருவாக்கும்போது, உங்கள் கணினியில் நிறுவப்பட்டுள்ள எழுத்துருக்களை ChatGPT பயன்படுத்த முடியும்.

ChatGPT மூலம் குறிப்பிட்ட ஓர் உறுப்பை மாற்ற, அந்த உறுப்பைத் தேர்ந்தெடுங்கள். பிறகு திருத்தங்களைக் கோரு என்பதைத் தேர்ந்தெடுத்து, செய்ய வேண்டிய மாற்றத்தை விவரியுங்கள். படவில்லைத் தொகுப்பில் மாற்றங்களைக் கோர ப்ராம்ப்ட் பட்டியையும் பயன்படுத்தலாம்.

எடுத்துக்காட்டாக, ஒரு படவில்லையின் உள்ளடக்கத்தைச் சுருக்கவும், புதிய தரவுகளைக் கொண்டு வரைபடத்தைப் புதுப்பிக்கவும் அல்லது தளவமைப்பை மாற்றவும் ChatGPT-யிடம் கேளுங்கள்.

படவில்லைத் தொகுப்பைப் பகிரும் முன் அல்லது வழங்கும் முன், அதன் உரை, புள்ளிவிவரங்கள் மற்றும் தளவமைப்பைச் சரிபாருங்கள்.

பகிர்ந்து இணைந்து பணியாற்றுங்கள்

ஒரே படவில்லைத் தொகுப்பில் இணைந்து பணியாற்ற, விளக்கக்காட்சியை உங்கள் குழுவினருடன் பகிருங்கள். திருத்துவதற்கான அணுகல் உள்ளவர்கள் ஒரே நேரத்தில் படவில்லைகளைத் திருத்தலாம்.

மாற்றங்களைப் பற்றி விவாதிக்கப் பகிரப்பட்ட கருத்துகளைப் பயன்படுத்துங்கள். உடன் பணியாற்றுபவர்களை @ மூலம் குறிப்பிடுங்கள். திருத்தங்களைக் கோர, உங்கள் ஏஜென்ட் மாற்றங்களைச் செய்யும் வகையில் ChatGPT-யை @ மூலம் குறிப்பிடுங்கள் அல்லது உங்கள் dot-ஐ @ மூலம் குறிப்பிடுங்கள்.

அறிமுகத்தின்போது கருத்து தெரிவிப்பதற்கு மட்டுமான அணுகல் கிடைக்காது.

படவில்லைத் தொகுப்பை வழங்குங்கள் அல்லது ஏற்றுமதி செய்யுங்கள்

ChatGPT-யிலிருந்தே நேரடியாக விளக்கக்காட்சியை வழங்கலாம்.

இணையப் பதிப்பில், உங்கள் விளக்கக்காட்சியைப் பின்வரும் வடிவங்களில் ஏற்றுமதி செய்யலாம்:

• PowerPoint: .pptx கோப்பைத் தொடர்ந்து திருத்த.

• PDF: பார்ப்பதற்கான நகலைப் பகிர.

• Google Slides: Google Slides-இல் தொடர்ந்து பணியாற்ற.

ஏற்றுமதி செய்த விளக்கக்காட்சியைப் பயன்படுத்தும் முன், அதைத் திறந்து அதன் உள்ளடக்கத்தையும் வடிவமைப்பையும் சரிபாருங்கள்.

உங்கள் கணினியில் PowerPoint அல்லது Keynote செயலி நிறுவப்பட்டிருந்தால், அதிலும் உங்கள் விளக்கக்காட்சியைத் திறக்கலாம். macOS-இல், கோப்பை Finder-இல் காட்டலாம்.

ChatGPT Space-இல் உங்கள் பணிகளை ஒழுங்கமைப்பது பற்றி மேலும் அறிய, ChatGPT-யில் ChatGPT Space-ஐப் பயன்படுத்தத் தொடங்குதல் என்பதைப் பார்க்கவும்.